PACO名人會
PACO名人會
PACO名人會

豬年駕到 馬志威拍警匪片長做長有 李丞責稱影視圈稅項風波可解決

2019/01/07 04:12:41 網誌分類: 生活
07 Jan
         即將踏入豬年,堪輿學家李丞責博士表示「豬」生肖適應力強,而且公平、公正帶犧牲精神,所以來年是適者生存。我最關心稅項風波對影視圈的影響,但李博士表示積存的問題得以解決,會天朗氣清,他更建議拍攝有關戰爭或警匪電影會較吃香。他還贈屬兔的我一句:「凡事會有救星。」至於演員馬志威(Edward)是秋收的「牛」,只要一直向自己的福田行便會成功,李博士提議他拍攝與警匪、君臣有關的電影可長做長有。

         李博士稱別以為豬代表懶惰,其實豬很特別,就算家豬去到野外,牠自然會生出撩牙變成野豬的模樣,他說:「從玄學角度睇,豬係適應能力高同多變嘅生肖,而且公平、公正,有犧牲精神,所以呢一年會好似豬咁適者生存,或者靈活高嘅人適應度會有更大嘅進步。我諗任何人士、任何行業都當係一個考驗。」

        有良性競爭

          由於娛樂圈屬金、火的行業,李博士提到狗年遇到一個很大的問題,「二黑星去到西位即兌位,『兌』字其實係稅啱啱冇咗禾字部。而二黑代表神秘、疾病同奇怪,同稅項風波好有關係。來年豬年西位嘅兌位係代表天朗氣清、解決問題,所以積存咗一啲誤會同阻礙得以解決。但因為南位屬火,代表火嘅行業,而三碧星去到南邊好特別,係主戰嘅,所以拍戰爭片、打鬥片或者爭執片、警匪片都會較有noise。由於三碧存在爭拗性,可能各行各業有比較同競爭,希望係良性嘅競爭。」

        有機會攞獎

          我是屬兔的,李博士續稱:「豬羊兔係三合,三合合成木局,一般嚟講,八字缺木嘅人更加好,尤其係五行用到木,我知Paco啱用綠色,三合而得到木,凡事會有救星。有三台星,有機會喺頒獎台上攞獎,應該代表票房成績。有將星,代表拍戰爭、武打、將才嘅戲特別好,但亦都辛苦,因為將領所負擔嘅責任都唔少。」因有飛符、年符,飛符代表小是非,年符是今年要解決的事。另有官符、五鬼,屬兔人士做法律行業當然好,否則建議我拍與法律、律師和告狀有關的電影,今年還有機會學識與法律有關的事。健康方面則要注意喉嚨、氣管和筋骨、腰椎等問題。

        辛苦會成功

          對於85年出生的Edward,近年專注拍動作電影,李博士說:「農曆七月出世係秋收嘅牛,牛賺錢能力強,實踐能力高,只要方向定位啱,無論幾辛苦都會成功。健康方面,要特別小心刀劍利器,保護氣管、聲線同喉嚨。」另有唐符入命,唐符代表創造力和思考性,一般人容易有煩惱和失眠,導致緊張,李博士笑言:「你可以將心機同用瞓唔着嘅時間創作啲新動作。」如果想拍拖或未拍拖都好,月煞代表好易遇到惡女,如有女朋友要盡量遷就多啲,李博士續稱:「農曆七、八、九月特別易吵鬧,所以呢幾個月最好出門旅行輕鬆下,或投身工作忙啲、分隔兩地自然拗撬都少啲。」

        君臣戲有利

          Edward演咩角色會較易上位?李博士跟他即場測字,Edward寫了個「賢」字,李博士說:「測字通常睇字嘅架構,分開嚟睇可以係『臣又見』,臣解君臣,問演咩戲好?現代嚟講係警匪片,古裝就指君臣戲,會演完又演無限復活嘅。如果當『貝』字睇,即水生動物,由於農曆十、十一同十二月屬水,呢段時間會有較多機會,而『貝』亦代表錢,表示拍呢個戲種會令你搵到錢。」

        主持:黃柏高 統籌:林永匡 協力:李佩儀 攝影:袁東亮、謝民光

        場地:隨變雞煲

        黃柏高

        
■李丞責博士(右)將最新推出的運程書《豬聯璧合》珍藏版贈予Paco(中)。
 ■李丞責博士(右)將最新推出的運程書《豬聯璧合》珍藏版贈予Paco(中)。 
■馬志威近年搵教練Chris Collins學武術,打得有板有眼。
 ■馬志威近年搵教練Chris Collins學武術,打得有板有眼。 
■李博士表示豬是適應力高的生肖,今年是適者生存。
 ■李博士表示豬是適應力高的生肖,今年是適者生存。 
■馬志威寫的「賢」字,李博士建議他拍警匪或君臣戲可添食。
 ■馬志威寫的「賢」字,李博士建議他拍警匪或君臣戲可添食。 
■李博士提議Paco今年拍武打電影會較吃香。
 ■李博士提議Paco今年拍武打電影會較吃香。 
■早前,馬志威與王敏奕合演電影《初戀日記:賤男蜜擾》扮學生。
 ■早前,馬志威與王敏奕合演電影《初戀日記:賤男蜜擾》扮學生。 
■馬志威(左)16年曾拍電影《危城》,有不少動作場面。
 ■馬志威(左)16年曾拍電影《危城》,有不少動作場面。 
回應 (0)
我要發表
user