企業熱話
企業熱話
企業熱話

黃建業主席:豬年樓市有機重拾正軌

2019/01/10 04:13:07 網誌分類: 生活
10 Jan
          今年美聯2019周年晚宴以「美聯黃金號 邁向半世紀」做主題,寓意美聯成立近五十年,面對未來會走上創新發展嘅軌跡。晚宴上美聯集團主席黃建業話2018年樓市高處不勝寒,結果新盤額跌量跌,二手樓就額升量跌;仲話香港樓市自1967年經歷咗五個循環期,2018年貿易戰引發嘅第六個循環係個政治市,一日貿易戰得唔到緩和,港樓仍面對巨大嘅困擾。黃主席仲預期,中美博奕,世界經濟失去動力,估計外圍動盪今年會持續,而且國際民意調查機構公布「19年希望指數」,香港成為全球第五最悲觀地區,睇今年港股首個交易日,就反映香港瀰漫負面情緒。咁係咪真係好灰?黃主席話香港仍然有好多利好因素,加上基建開通等都有利香港發展,倘若政治角力談妥、貿戰降溫,香港經濟就會重拾正軌!

          美聯工商舖主席簡松年仲即時鼓勵美聯工商精英,佢話香港其實係塊福地,有危就有機,而且多項大型基建已經開通,中港互動將更加密切,粵港澳大灣區規劃亦即將出台,大灣區市場潛力龐大,大家可以將眼光投至國內客戶,善用集團嘅黃金平台,食盡更大機遇咁話!

        天地人網 提升體驗

          美聯集團副主席黃靜怡都話,集團服務會與時並進,而且更要超越客戶預期,做到為客戶增值,所提供嘅資訊要快又要貼身,更要做到個人化,要達到咁就必須喺創新科技方面下功夫!事實上佢哋綜合客戶中心同埋美聯「物密Chat」分別獲香港客戶中心協會頒發「最佳全渠道應用客戶中心」銀獎及「最佳呼入客戶中心」銅獎,又真係下咗唔少功夫。黃副主席仲透露「物密Chat」只係個開始,集團未來會繼續強化綜合平台,無縫連接「天網地網人網」,提升客戶體驗呢!

        Jacky哥
  
回應 (0)
我要發表
user