逾2米高蘭花瀑布 賀新年迎富貴
2019/01/11 04:13:07 網誌分類: 生活
每年呢個花展都有特別嘅蘭花、年花展示，今年都唔例外，有三大系列特色年花，包括楊小龍培植嘅新品種「花開蝶舞─蝴蝶蘭系列」、新一代蘭花才子楊尹俊本地培植嘅「皇室系列─優雅篇」，當中包括全港首個逾2米高嘅巨型蘭花瀑布，仲有多款全新本地培植蘭花搶先發售。另外仲有賴榮春精選嘅「豬籠入水─新春年花系列」，呢個系列象徵著五福豬臨門！小弟提一下大家喺開幕日仲會推出限量100株$8開運花「莎拉金」，等大家攞個「發」「金」嘅意頭！
傳統年宵 引入電子化
小弟最欣賞係東港城今年推出進階版QR Code圖鑑，除咗有年花資訊，透過網頁仲可以睇吓有關照料同欣賞蘭花嘅教學，咁樣買年花嘅體驗指數當堂上升！而且佢哋除現金外，仲支援7種付款方式，包括Tap & GO、轉數快、支付寶、微訊支付、信用卡、Apply Pay同埋Google Pay，真係一個E-flower market。
新鴻基地產代理租務部總經理鍾秀蓮仲同小弟透露，以東港城及上水廣場為首嘅新地十二大商場（包括東港城、上水廣場、北角匯、life@KCC、將軍澳中心、Mikiki、PopWalk天晉滙、卓爾廣場、錦薈坊、荃錦中心、荃灣新領域廣場及屯門寶怡商場）新春同情人節推廣費高達3,167萬港元，較去年上升28%；若單計東港城嘅新春推廣費，都達495萬港元，較去年上升5.1%。佢仲預告，十二年來東港城新春花展會已累積超過1,000萬入場人次，今年相信會吸引達321萬人次呢！鍾小姐仲話盼望新一年市道暢旺，與全港市民喜迎豬年。小弟都想同大家講，承鍾小姐所言，大家齊齊金豬過肥年！
Jacky哥
■鍾秀蓮與2米高蘭花瀑布合照。
回應 (0)
我要發表