11~21/1 資金市

2019/01/11 21:41:34 網誌分類: 經濟

11 Jan

11/1周五收市~恒指收26667, 升145點, 連升6天

港股連日急升後高位見沽壓亦好正常, 但資金市買盤強, 大市不會深潛, 回一回又會再升過, 近日中資股配股潮起, 推高大市目的係要營造向好氣氛, 高位抽水, 亦係港股跌唔落, 愈升愈有的其中一個原因

港股升左一個多星期, 輪到利淡因素發酵, 港股升勢要斷纜喇! 要消化沽壓拖到一月下旬, 等再有新的利好消息(例如中美達成貿易協議.上証彈高.美國暫停加息.業績佳....)做催化劑, 就會再闖關, 以月波幅來看, 港股仍有上升空間, 去年一月都係連升後回氣再爆上, 升到你唔信, 資金市唔好估頂

第三個反彈目標: (03/01)24896底 - 前頂阻力26923/27260 = 反彈2000~2300點???

第四個反彈目標: 27500樓上

14/1周一收市~恒指大跌369點報26298, 回調整固.儲力向上

內地股市以及道期下跌, 大媽及老外齊齊沽貨, 拖累港股作出調整, 但今日一震, 25840~26200仍然冇牛牛, 再插誘因下降, 所以落到26195就拗腰彈, 全靠收市U盤走高(今個月日日都係收市U盤踢上去, 代表屠熊大鱷仍未放手), 港股收窄跌幅, 上周五夜期終於收低水, 港股今日果然回吐, 但今晚夜期又再收大高水, 預示大鱷又想再上攻屠熊

26600~27000有肥熊約3000隻, 今日大鱷冇開餐, 近來慣性走勢只會餓一日, 翌日就會大屠殺, 即係明日熊熊有難, 上証近來日升日跌, 今日跌, 即係明日會升, 要連升或連跌才代表走出方向

發改委指今年聚焦 AI 及加快 5G 商用步伐, 利好電訊股, 中移逆市上升, 力撐大市, 今日港股只係細成交乾跌, 沽壓唔算大, 投資者惜貨皆因憧憬後市仍會有新高, 按照慣性走勢, 連升沖頂打回頭, 跌完再彈多數會破頂，多位基金經理都看好加注買上，所以1月港股成交比12月明顯增加，低位見買盤承接

騰訊無啦啦大跌2.84%, 收$321.8, 如守$320(前阻力位.今支持位)代表大鱷唔想港股深潛, 如能重上$325/$330就可再推動港股向上,

今日低見26195即彈, 大鱷守住上升裂口25960~26192代表仍想上攻屠熊, 一如日前網誌所說, 如果今年一月係去年一月的翻版, 連升後跌一跌又會再連升爆上, 創即月新高, 全月計升市日數會大幅多過下跌日數,

月初美股觸底回升, 美股炒業績, 業績公布後企業又可以作出回購, 利好美股後市, 昨晚道指一插即彈, 近全日高位收, 道指如能重上24000亦利好全球股市, 港股亦有水到, 人行月初宣布降準，將於明天(1月15日)及25日各下調存款準備金率0.5個百分點，合計1個百分點, 今日公布的中國12月份的進出口數據遠遜預期, 但普遍分析預期阿爺將會繼續推出支持經濟增長的措施, 利好中港股市

今日港股小地震, 燈神梁蛇話港股形勢顯著向淡, 仲話確認淡友有誠意於高位反攻, 叫好友退守, 相反指標係港股未見頂, 而陸蛇及多位基金經理仍看好後市, 認為回吐後仍會再上, 反彈浪未完, 人民幣強勢利好中港股市

明日英國國會投票決定脫歐方案

${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$

阿爺救市, 港股爆升, 大舉屠熊

15/1周二收市~港股報復式反彈收幅100天線, 恒指收26830, 升532點,

近來上証日升日跌, 走勢極為波動, 今日收升(剛好去到前頂2574阻力位), 即係明天沽壓會增加, 今日中港股市急升係因為老外大媽齊齊經滬港通掃貨, 但佢地買賣素來飄忽, 今日掃貨明日亦可沽貨鬆人, 就好似昨日, 老外大媽齊走貨, 拖低港股, 今日又突然掃貨, 推動港股急升, 真係玩死兩地股市, 玩死股民

好明顯港股今個月由好友主導, 今日又創即月新高, 大市強勢上攻屠熊殺淡, 玩左半個月只係跌左3天, 如果跟去年一月, 仲未見頂, 後市會突破今日高位26838, 即係1月下旬就會再創即月新高,

今日爆升似係為了屠熊挾淡, 其實現時無論權重個股抑或指數, 都剛好去多個阻力大位前, 沽壓增加, 看來又要磨多一陣消化沽壓, 俾時間淡友熊熊淡友及貼價牛入局, 加上今日係收市U盤急升, 股民來不及沽貨, 明早沽壓必定會大增, 今日大鱷推港股上26800就食左2388隻肥熊, 飽到上心口,

近來大鱷每次吃一口肥熊就抖一抖, 未試過連續兩日屠熊, 如明日再殺熊, 就打破了近日的慣性走勢, 代表大鱷已完成上攻部署, 下一站就會挑戰前頂26923及整數大位27000, 由於呢個係阻力大位, 會吸引大量貼價熊進場, 愈遲殺上去27000熊熊就愈肥, 睇下大鱷拖幾耐才上攻

睇下昨日, QQ大插就搵中移托市, 守住26200推番上26800, 權重股輪流升跌, 咬住26500代表大鱷唔想港股深潛, 但亦有托沽派貨味, 今日報復式反彈, 不但收復昨日失地仲升突, 可能係預留回調水位, 想守住26500及近日低位26200水平, 因為今晚英國國會表決脫歐協議, 市場認為不會通過, 利淡市場氣氛, 避險沽壓再度增加, 美元急彈利淡人幣, 港元走弱, 今晚夜期再度收低水, 預示明日低開機會大,

~~~~~~~~~~~~~~~~~~~~~~~~~~~~

跌1天例彈

由於近日多數係即市調整, 又或者只跌1天即彈, 港股最終收升抑或收跌就要睇上証以及大媽會否繼續掃貨, 星期三有貼價BB牛出世, 都會拉住港股後腿, 配股抽水陸續有來, 今次輪到小米, 盈警股繼續出籠, 亦會令大市沽壓增加, 不過只要QQ未見頂, 港股升勢未完

今晚英國國會表決脫歐協議衰多, 通常有金融大事揭盅前港股多數係彈高, 除了預留回調水位來守住關鍵支持位外, 亦係大鱷擔心揭盅後大市會有沽壓, 就會放生淡友熊熊, 所以就趁揭盅前拿拿臨沖上去屠熊挾淡, 熊熊死鬼左見大市回吐都冇符

一月網誌寫第二個反彈目標: 24896+2000點=26896, 今日高位是26838, 剛好去到26800關鍵阻力位, 又係靠收市U盤夾硬踢高54點(今個月日日都係用呢招, 屠熊大鱷好友惡晒, 造淡係逆勢操作), 推上去26830收, 黑箱作業, 其實美元走高, 港元轉弱, 大市高位見沽壓, 所以大鱷係收市U盤做手腳, 就確保可高收

TC系統就話港股短線上升強, 同我估算港股未見頂不謀而合, 不過而家才是月中, 又去到阻力大位, 大鱷未必肯花子彈托住高位, 可能會用拖字訣, 秒殺肥熊即回, 跌下彈下磨下, 吸引多些熊熊進場才殺上去27000開大餐, 貼價就有26900附近有肥熊待屠, 27000熊就愈養愈肥, 通常關鍵位有超過4000張就有上攻誘因, 當大市一回即彈, 跌唔落, 市場氣氛升溫, 就能吸引買盤進場, 有助推動大市向上

淡友似乎忘記了資金市的威力, 大舉蜂湧入場, 真係要買定官才, 熊肥牛瘦, 10708熊 VS 7443牛, 個股淡友都入局, 連平保及QQ淡倉亦增加, 真係死得, 大鱷已經流晒口水喇! 只要收市U盤踢高或夜期收高水, 就代表大鱷屠熊之心不變, 只要QQ及上証未見頂, 港股仲有得上, 通常做夠周波幅大鱷就會縮手, 留力下周再上, 來營造頂部上移的向好形態

${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$

16/1 周三收市~恒指收26902, 升71點, 以近全日最高位收市

中港股市今日先低後高, 單日轉向, 其中一個原因係阿爺繼續出招救市, 年尾水緊不能不救市, 所以人行今開展5700億人民幣逆回購, 創史上最大規模, 上証再度挑戰前高位2574, 連升兩天, 打破了近來日升日跌的慣性走勢, 無形之手力守2550, 如能升穿2574, 港股有運行, 燈神梁蛇說港股上升動力開始減弱, 不應對後市的上升空間寄予厚望, 建議好友食胡, 相反指標係港股升勢未完

去年曾分析港股插穿25000係跌過籠, 只要有貿易戰好消息就應重上26000, 自從阿爺月初宣布降準, 港股就生猛晒, 9/1收26000之上, 其後一直咬住唔放, 近日回吐仍力守26500, 底頂上移尋頂格, 向上關鍵位26800.27000.27260.27500.27800, 只要上破前頂27260就打破了一浪低於一浪的弱勢, 淡友命危

17/1 周四收市~恒指收26755, 跌146點,

港股今日沖高回落, 同月初上26000一樣, 第一棍挑戰整數關口係試水溫, 只係略為上破26000就回, 留番多些水位俾往後再爆上, 燈神唱淡, 叫好友退守, 認為不會再即時向上突破，相反指標即喺好快會爆頂

老外大媽齊齊大手掃貨, 近來港股慣性走勢係只跌1天, 翌日就報復式反彈, 升突跌幅

今日港股雖然收跌, 但冇打破慣性走勢, 收市U盤又踢高, 恒指在上午10時前創全日低位, 一插即彈, 收窄跌幅, 反映屠熊大鱷仍未放手, 以周波幅計仍有上升空間, 後市會升穿今日高位27012

國指已是連續3日跑贏恒指, 為去年10月尾以來首度出現這種強勢, 反映阿爺救市效力浮現, 而恒指亦上企100天線已有4天, 代表大鱷屠熊之心未變, 只要明日收26667/10455樓上, 恒指就連升三周, 創去年1月見大頂33484以來最長周線連升, 資金市的威力唔講得笑

18/1 二十國集團會議

下周一(21/1)內地將公布GDP.零售銷售.城鎮固定資產投資.規模以上工業增加值等經濟數據, 當天美股因馬丁·路德·金紀念日假期休市

18/1周五收市~恒指收27090, 急升335點, 大舉屠熊

今日恒指即市波幅只得201點, 為本周最細波幅(代表大鱷正在部署殺著), 加上下周一美股假期休市, 港股自由行, 周一內地公布重要經濟數據, 預示下周一港股會有大龍鳳, 大鱷大媽或會繼續用拖字訣玩跌下彈下, 窒窒步推上, 牛少熊多利上攻, 熊在27138樓上, 阻力在前頂27260, 港股好少全周日日升, 本周恒指2跌3升, 小心大鱷好淡通殺, 港股能走多遠要看大鱷想部署在那個水平結算(如太早創即月高位惹來沽壓反而不利高位結算), 在阻力位窒窒步, 一路推升一路養熊引淡, 係大鱷的一貫手法

本周由低位26195攻上27116, 做了921點周波幅就點穴, 大鱷忍忍手未上27300可能係想留多些水位俾下周踢上去

今日的高位27116不會是今個月的高位, 因為如果今日的高位是頂的話, 例牌約900~1000點周波幅, 下周豈不是又要落番去26200? 你話機會率有幾多? 既然大鱷守住26500及100天線(約26350), 唔肯落去26200, 約千點波幅即係下周會有新高啦!

阿爺透過降準和逆回購向市場釋放巨額資金, 減稅降費以支持消費增長, 加快基建項目審批, 在在反映阿爺有誠意穩增長救經濟撐股市, 人民幣逐步走強, 利好中港股市

${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$