2019 港股熊轉牛

2019/01/13 15:38:46 網誌分類: 經濟
13 Jan

2019 港股熊轉牛 vs 熊市大反彈 ???

港股已經俾大鱷大媽操控, 雙劍合璧掃高騰訊.友邦.中移等權重股, 港股就爆升, 一狂隊就插水, 2018年港股熊市就喺由美國加息+貿易戰+人民幣疲弱揭開序幕,而2019年就有轉向的機會, 因為美國加息屆尾聲+貿易戰有得傾+中美救市+人民幣轉強

今次港股上升動力比以往強, 係因為有匯市支持, 1月初宣布降準後疲弱的人民幣一路走高, 而去年港股反彈但人仔仍疲弱不堪, 時間上亦剛好係基金埋12月年結後, 基金經理無後顧之憂, 入市態度轉趨積極, 有基金大水喉支持, 港股成交增加推動港股愈升愈有, 每次升抵關鍵大位就窒窒步係大鱷養熊引淡震牛嚇退好友的一貫手法,

市場投資氣氛明顯好轉, 有分析說而家喺熊二大反彈,但淡友亦要慎防喺熊三尾醞釀牛一,不過要睇埋二月才能確認,假如而家真喺資金市,當然要擔心熱錢湧入, 何時會撤退, 印象中以往熱錢都不會短炒一個月, 不過一月尾/二月就要留神, 跟風炒上就要留意去到超級阻力位27260會否打回頭, 因為只要上到呢個水平就做夠月波幅, 要慎防見頂回落, 如作出調整就要看能否守住26800, 因為2X800係關鍵大位, 而家係25800.26800.27800一級級上

匯市變化是港股升跌關鍵, 短線來說, 有結算及月尾劉鶴訪美兩大因素支撐, 大市仍有望繼續上攻, 近來港股向上走, 升勢全面, 不但優質股受追捧, 連唔少弱股/貿易戰受累股都由低位爬緊上黎, 反映有資金暗暗於低位收貨

大升前必有一插, 目的係震遠牛+殺貼價牛+養熊引淡, 踏入2019年開年港股就大插, 低見24896/9761雙底回升, 兩天合共屠殺5654張相對期指對沖張數牛證, 逼死好友就彈高, 翌日就步上大升浪, 愈升愈有, 展開屠熊之旅, 不過以往當熊熊死得七七八八, 大市就會轉勢向下

以往降準中港股市多數係一爆升即插, 冇好下場, 但今次放水力度大, 人民幣跟隨轉強, 加上係新年開局, 正值基金經理放完聖誕新年假期回歸博殺, 想追回去年股災損失之際, 降準及美國加息周期屆尾聲就成為推高大市的最佳藉口, 而好友的優勢就係上証跌到殘(低見2456), 上升空間比下跌大,

受樂觀預期的推動下, 中港股市觸底回升, 由4/1起就一路向上走, 連陸蛇都唱好叫買上, 不過叫大家小心貿易戰談判結果揭盅,同我擔心一月下旬會急升急跌的看法不謀而合,由於現時市場上充斥著唱好唱淡的聲音, 仍未到全城唱好的階段, 所以港股未見頂, 當淡友投降, 全世界向上望就要小心

~~~~~~~~~~~~~~~~~~~~~~~~~~~~~~

中港股市同步尋頂

1月初中港美三地股市齊齊一插即彈, 止跌回升, 連環突破多個阻力位, 強勢畢現, 中美貿易談判雙方都釋出善意, 頻頻出口術唱好, 有助穩住市場信心, 推動資金入市, 市場風險胃納明顯上升, 美元回落, 人民幣愈走愈強, 近來港股成交突然增加, 熱錢湧入炒港股, 推動港股收復多條重要平均線, 連阻力位都攔唔住, 技術指標明顯好轉, 入市買盤增加

恒指向上最大阻力為前頂26923及27260,淡友或會攔路, 現時係熊多牛少利上攻, 當升抵27000~27260時就要留神, 能否繼續殺上去就要看肥熊死後的最新牛熊分布, 牛牛會否上移並大增拉住港股後腿, 抑或係熊熊繼續湧入拉大市上去

只要能上破12月高位27260, 就打破了一浪低於一浪的熊市尋底勢頭, 變成一浪高於一浪的向好尋頂形態, 我認為升穿機會大, 因為既然早前大鱷隊穿了25000附近的島形底, 亦同樣代表大鱷有能力上破27000附近的島形頂, 唔好低估大鱷操控港股的能力, 阿爺大開水喉救市, 水緊已成過去, 變成水浸市場, 就好似當年北水湧港一樣, 只要大媽肯繼續掃貨, 有望突破阻力位向上推進, 26800.27000.27260.27500.27800.....不過升得太急反而唔係好事, 急升就會急跌, 反而跌下彈下, 一路消化沽壓一路推升會走得更高更遠

~~~~~~~~~~~~~~~~~~~~~~~~~~~~~~

基金經理反擊戰

去年12月基金埋年結, 熊市輸到嘔白泡, 踏入1月,基金經理冇咗年結的制肘,入市態度由保守轉趨積極,頻頻掃貨加倉,今年基金入市重組倉位, 誓要復仇, 不大賺不罷休, 向上炒較易獲利,有基金條大水喉推動, 港股仲有得上

如果港股真係資金市, 1月的反彈浪就會多過一般約二千點的升幅, 回顧去年一月資金市, 全個月只跌了4天, 月波幅就高達3456點, 今年一月又的確係升市日數大幅多過下跌日, 所以淡友咪太早出手, 假如今年照跟去年1月, 企26800就會挑戰27000.27300.27500......最大阻力在27260, 升穿有運行

港股何時見頂多數跟上証, 上証向上2600.2650都係阻力位, 港股能走多遠亦要看大鱷想部署在那個水平結算(如太早創即月高位惹來沽壓反而不利高位結算, 窒窒步升反而利好), 要看大鱷大媽會否繼續用拖字訣玩跌下彈下, 好淡通殺, 港股好少全周日日升,

如跟慣性走勢月內反彈約2000~2300點, 恒指今個月就會突破27000, 挑戰前頂27260(12月高位)阻力位就做夠月波幅,  如破位後續升就係升過籠, 係受炒憧憬的樂觀買盤推動, 當大市超買或呈黃金交叉就要小心, 收升月多數會在該月下旬見頂, 換句話說, 1月高位會在16~30/1出現, 按照慣性走勢, 結算後(即每月最後一天)不會創即月新高

(03/01)24896底 - 12月高位阻力27260 = 反彈2364點

(03/01)24896底 - 假設1月見27800 = 反彈2904點

(03/01)24896底 - 假設1月見28352 = 反彈3456點(假設跟去年1月波幅, 就會係急升+暴跌收場)

如果大鱷想預留多些上升空間俾二月, 今個月就不應升得太過份, 否則升過籠就會係暴跌收場, 近日港匯持續走弱, 要留意人民幣匯價, 當人幣轉弱港股就危

~~~~~~~~~~~~~~~~~~~~~~~~~~~~~~

經濟不妙.中美齊救市

雖然華為公主保釋外出, 但不要以為華為黑天鵝已告一段落, 其實華為事件繼續發酵, 有華為員工涉嫌從事間諜活動, 違反波蘭法律而被逮捕, 賤美夥同多國孤立/抵制華為, 擺明要打壓中國, 估計華為事件仍會繼續拖累大市

我有親友在內地做借貸及飲食業, 都表示內地經濟明顯轉弱 , 連基金經理都說內地廠商叫苦連天, 中國經濟增長勢頭減弱, 市傳中國經濟增長預測將會下調至6~6.5%, 中美貿易戰令工廠訂單減少, 企業裁員或倒閉將會陸續有來,

中港樓價下行壓力大, 要等阿爺打救才有活路, 所以今年一開局, 阿爺就大開水喉宣布降準, 大鱷大媽見央行出招救市就借勢炒上, 港股去年跌到殘, 係低位收夠貨就梗係要推高派貨啦! 大鱷營造利好氣氛目的就係引人入市接火棒

在港上市企業 (包括香港企業.國企.民企.紅籌等) 業績公布期是在2月中至3月尾, 近日已開始見盈警/盈喜的消息, 而今次港股連日上升部份原因係受企業回購所推動, 但隨著業績期臨近, 進入公司董事禁止買賣期, 回購亦要暫停, 港股呢條水喉就要關掉, 要靠利好氣氛吸引投資者入市, 幫手推高大市, 而美國企業一月份已經係業績期, 公布業績後企業就可進行回購, 利好美股,

雖然美股連日大幅反彈, 但其實美國亦有隱憂, 特朗普獨斷獨行, 為了要興建邊界圍牆的57億美元撥款, 企硬不讓步, 導致美國聯邦政府局由去年22/12/2018凌晨開始, 局部停止運作踏入第22日, 為美國史上聯邦政府最長「停擺」, 評級機構標普估計, 截至11/1/2019美國因停擺的經濟損失已高達36億美元, 穆迪預計, 若美國政府關門持續到本月底,美國經濟產出可能減少87億美元, 惠譽指,如果停擺持續,或下調美國的主權債務「AAA」評級,特朗普唔想四面豎敵應接不暇,因為要忙著玩停擺,貿易戰方面反而有軟化跡象,耐不耐放出貿易戰的好消息, 刺激資金流入新興市場

美國約有80萬公務員被迫無薪工作或強制休假, 美國經濟怎可能不受拖累? 不少美企經營情況已明顯轉差, 零售百貨公司Macy's因2018年假日銷售表現疲弱, 下調全年收益預期, 股價大跌17%, 創近十年最大單日跌幅, 有個瘋癲總統,金融市場動盪,美國人的消費態度勢必受到影響

美股近日大彈高全靠特朗普出口又出手撐市, 地緣政治的不確定性和風險、保護主義抬頭、新興市場和金融不穩定性加劇, 歐洲央行下調今年歐元區經濟增長預測, 國基會(IMF) 亦再降全球經濟增長預測, 其實有不少利淡因素仍困擾港股, 只係大鱷借好消息推高大市, 當肥熊死得七七八八, 大鱷就會拎番利淡消息來向下炒

~~~~~~~~~~~~~~~~~~~~~~~~~~~~~~

政策市+樂觀預期的偷步升市

去年第四季中美股市災味甚濃, 今年開局再狂隊但隨即觸底急彈, 全靠中美合力出招救市, 政策市人為地扭曲了下跌步伐, 中港美股市全面止跌回升, 去年港股牛轉熊, 今年就有望熊轉牛, 因為有分析指熊市起碼行一年, 而港股就黎熊左一年喇! 時間以及下跌幅度都支持轉向, 只係等強烈利好消息來做催化劑,關鍵在上証的表現, 因為兩地股市通常係同步見底頂, 而首季貿易戰談判結果將會是港股會否再插的關鍵

回顧去年一月港股升到彭彭聲, 跟住就瀉(當時係牛市見大頂轉熊市), 巧合的是, 今年一月上旬同樣係急升, 會否是去年一二月的翻版呢? 如果是的話,當突破27000就要提高警覺, 慎防會掉頭下挫

一月效應下, 全月埋單收升已無懸念, 關鍵在二月好友能否再下一城, 抑或再度收跌,如能收升就不得了, 因為熊市好難連升兩個月, 如果連二月都收升, 就係展開熊市跌浪以來首度連升兩個月, 港股是否轉勢向上, 到時會有分曉

後市消息多多, 金融市場勢必大幅波動, 20/1轉節氣大寒, 22/1破日, 29~30/1聯儲局議息, 30~31/1中國國務院副總理劉鶴訪美進行貿易談判, 3~4/2都係破日, 4/2(年三十)轉節氣立春, 5~7/2農曆新年長假期, 二月初中港農曆新年假期, 全月只得17個交易日, 日數少波動性通常會加劇, 長假期前正路會有避險獲利心態, 會對大市構成壓力, 所以趁住每年的一月效應, 今個月大鱷大媽理會借利好消息繼續推升, 部署高位結算, 不過要小心大鱷大媽一路推升一路暗暗沽貨獲利

風水大師長毛蘇預測今年低位會在上半年出現, 正路會是23000, 但或會插穿20000/18000, 而有多位財經分析/基金經理就看淡美股後市, 認為彈上去都要落番黎,

不過基金經理普遍認為港股去年累積龐大跌幅, 今年應可展開大反彈, 挑戰前頂26923/27260, 甚至有分析指會再上30000, 我認為港股能走多遠關鍵在貿易戰及大媽條水喉會否再開動, 人民幣強弱是港股溫度計, 只要上證重上2600,有望推恆指上27000

【風水大師長毛蘇建議】趁年初的低位入貨,至秋天的高位沽貨,也許可賺得5至10%, 今年上旬見底, 今年下旬見頂, 估計高位約28000,升不穿29000,亦不會是一條氣衝上去

如果今次港股反彈浪止於27260, 就符合長毛蘇的預測, 不過如果係資金市又或者熊轉牛, 就會係阻力位都攔唔住, 市場風險胃納上升, 強股續強, 弱股也飛天, 急升一支箭扯住上, 會升過籠, 未見頂前對壞消息冇乜反應, 又或者一插即彈

2018年12月29日 沈大師(沈振盈):2019港股23000,只係睇會唔會見18000

大淡友沈大屍估市往績: 恒指在2019年首個交易日急瀉715點,以點數計創史上最毒開局,當時大屍呼籲淡友繼續坐淡倉,認為很大機會跌穿去年低位24540,並下試23000點水平,結果恆指高低腳雙底回升,大屍唱淡後港股日日升, 大屍真係燈神噢! )

{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}

近日港股慣性走勢

~ 恒指即市波幅多數有約400點

~ 港股多數係即市完成調整, 一插即彈, 就算係收跌, 都只會係跌一天即彈

~ 恒指每星期約有千點周波幅, 一月第一周1019點, 第二周939點, 按周波幅推算, 第三周就會挑戰27000/27260

~ 收市U盤例牌踢高

~ 恒指多數係上午10時前創全日低位, 一插即彈, 市況呈反覆向上尋頂格

如違反多個上述列出的慣性走勢, 就係見短頂訊號, 不過7/1見短頂26043回氣, 隔了一天, 9/1就破頂, 所以當出現連跌彈唔起, 一跌到到尾,翌日續挫,就可能已見頂

~~~~~~~~~~~~~~~~~~~~~~~~~~~~~~~~~~~~~~

出招谷經濟及救股市.股市有水即生

美企業績期揭開序幕, 美國政府部門繼續停擺, 特朗普為了撐美股, 頻頻出口術, 今次就說「美國能與中國達成貿易協議」, 劉鶴已獲邀於1月30~31日到華盛頓與美國進行貿易談判

全球政經局勢立立亂, 中國、南韓、日本、德國、歐盟等的經濟數據欠佳, 阿爺又豈會坐視不理呢! 人行、發改委及財政部等聯合發表利好言論, 三大中央部委擬推出更多措施保經濟(加大國企混改力度、降準、增加地方政府專項債規模、加快審批基建項目、定向寬鬆、減稅降費支持消費增長、加快5G商用步伐,推進AI、工業互聯網、物聯網等建設, 保增長措施將以財政政策為主力,貨幣政策給予輔助), 即係擺明要救市啦! 市場憧憬中央會陸續推出更多刺激經濟措施, 買盤進場, 嚇到淡友雞飛狗走,

~~~~~~~~~~~~~~~~~~~~~~~~~~~~~~~~~~~~~~

2019年1月17日 12:15 (筆者:鼎展金融集團研究部高級分析師劉宇亮)

發改委、人民銀行和財政部三個中央部委昨天舉行聯合發布會,重點包括國企改革、減稅降費、基建投資和定向寬鬆。人行昨日淨投放5,600億元人民幣,而逆回購操作規模及單日淨投放量,均創歷史新高,加上人行,分別於今年1月15日和1月25日調低0.5個百分點實施降準,合共降低準備金率1個百分點,釋放出8千億元人民幣流入市場。中央推出多項維穩措施,刺激市場氣氛。5600億加8000億,不禁令人想起是否新4萬億救市

中央穩經濟一向以財政政策為主力,貨幣政策給予輔助。今次人行降準是貨幣政策,再落實中央經濟工作會議中提出的更大規減稅降費的要求,這是財政政策與貨幣政策的結合。中央出招撐經濟,利好大市,恒指短期阻力以12月4日高位27260點,10天與100天線同在26400點水平為支持,亦可以留意14天RSI自2018年2月起未曾高過12月4日的64.72,現在則處於62.49,要衝破27260點需要一定力度。


2019年1月18日 16:25 三部委:因地制宜促進汽車、家電消費 支持優質工業品下鄉

著力提升消費質量。著力提高消费能力。著力健全消費政策。

<匯港通訊> 據國家發改委網站消息,發改委、商務部、國家市場監管總局今日(18日)在北京聯合召開優化市場供給促進居民消費電視電話會議,指當前中國經濟運行總體平穩,但穩中有變、變中有憂,外部環境複雜嚴峻、不確定性增大。優化市場供給、促進居民消費對於有效應對經濟下行壓力、保持經濟平穩增長的作用和意義更加凸顯。

會議強調,著力擴大消費規模。因地制宜促進汽車、家電消費,有條件的地方要加大政策支持力度,滿足人民群眾對綠色智能新型汽車和家電的消費需求;推動農村消費提質擴容,支持優質工業品下鄉。


7/1/2019 陸羽仁: 賭轉勢

現在要賭的是股市中短期的轉折點是否已到? 未來股市受1.利息與銀根,2.中美貿易談判,3.經濟增長及企業盈利三大因素左右,中國相當明顯經濟不好會鬆銀根,所以較利好股市,而美國聯儲局若暫停加息,亦利好股市。主要不確定的中美貿易談判,背後是「特朗普不確定因素」,無人會百分百知道,所以有賭博成份。當然如要落注,在目前的形勢下,特朗普玩和緩的機會較大。所以加起來都有六、七成機會,中短期股市走勢,正在轉勢之中。

8/1/2019 陸羽仁:

中美兩國代表在上月兩國元首會面以來,在北京首次面對面進行貿易談判,市場預期雙方會達成某程度的協議,全球股市轉趨穩定。蘋果上週宣佈由於中國經濟受到貿易戰的衝擊而轉弱,直接令到蘋果的營收將不及預期,股價跌到七個一皮,連累美股大跌,顯示美國企業及經濟受貿易戰的打擊正逐步浮現。特朗普不是傻仔,他當然見到近期美股以至經濟的表現已經今非昔比,顯得危危地,亦急需要與中國達成某些協議去救救市。他猛吹中國輸得很慘,在談判期間又派出軍艦到南海攪局,都是他一貫盡量「逼對手埋牆角」的談判技巧。這也是市場預期中美雙方會達成一定程度的協議的原因。


2019年01月10日 陸羽仁: 短期格局 反覆向好

港股喺2019年首個交易日大插,情景有點嚇人,跟住中美政府都出招。導致跌市兩大因素加息同貿易戰,大家都做咗功夫去穩定情況。按目前狀況,美國聯邦儲備局短期唔似會放鷹,中美談判暫時又保持平和氣氛。估計年頭內地會有不少維穩政策出台。

港股由低位反彈一段,升得多可能會回落一下,但因為大市仲處於短期低位,應該仲有支持,不排除消化完仲會再彈上,回試番高小小水平。喺呢個處境下,低位入貨者不必急於食胡,要食胡最好分段。若然低位無撈貨,高追怕遇個市回頭,可以等回頭時揀啲仍然落後的股份。中美結束在北京舉行的貿易談判,昨日市場估計會議情況樂觀,據接近白宮消息人士透露,特朗普希望發布樂觀資訊以支撐股市,不要讓股市崩下來。

2019/01/21 陸羽仁:

中美貿易談判可能達成協議的好消息近日頻傳,上週四《華爾街日報》引述消息人士報道,美國財長努欽建議部分或全部撤銷對中國輸美商品加征的關稅,以推進與中國談判的進程。雖然美國財政部後來否認了這個說法,而中國則確認了副總理劉鶴已定於本月底訪問華盛頓,與美國貿易代表萊特希澤和美國財政部長努欽舉行下一輪會談,推動美股上週四造好。

翌日到周五,《彭博社》又報道,據一名知情人士稱,中國提出將在未來6年內加大從美國的進口總額逾1萬億美元,目標是把美國對華的貿易差從去年的3230億美元減少到2024年的零。受到消息的刺激,美股上週五顯著造好,特別是與貿易比較敏感的股份特朗普周六現身見記者,雖然否認目前考慮取消對中國增加的關稅,話那些是「假消息」,但他說「如果達成協議,當然沒有附加關稅,如果無協議就會有關稅。我們已進行超多次的會議,很可能和中國達成協議,情況進展得好好,(有協議)的情況很可能發生。」繼續唱好中美貿易談判。

在期望中美貿易談判可能達成的協議的預期升溫下,全球股市向好。過去的兩個交易日,美股杜指就大升了500點。不過,有紐約交易員提醒投資者,現時市場預期中美貿易摩擦得到解決,推動股市走高,當然是好消息,但也要留意當中隱藏的風險。

首先是很多有關中貿易談判的利好消息,其實都只屬傳聞,仍未有官方的確認,但市場已見到實際的積極回應,這是因為沒有人喜歡貿易戰。美股在短短的幾個星期內由超賣變成超買,中美達成協議的利好消息已經提前反映在股價內,提防到談判真正好消息出現的時候會「見好消息沽貨」的情況;第二,是資金由債市回流到股市,會推動債價下跌、債息上升,聯儲局亦會開始對加息變得積極。美股近期上升,主要是預期中美貿易談判達成協議,以及聯儲局在加息態度方面顯得鴿派。當貿易風險沒有了,聯儲局有好大機會將變得更鷹。對股市又會造成壓力。

他認為即使中國真的在購買更多美國貨方面讓步,中美達成協議,但這「協議」也只能是暫時性的,因為對於美國,她需要的是中國真正讓步,不是買多些大豆,或者買多幾隻雞,美國真正想要的是要減少中國對知識產權上的所謂「偷竊」,減低中國在科技上的競爭力,以至減少中國的全球影響力。所以,中美兩國難以達成雙方都真正的全面協議。無論如何,去年末段股市大跌,如今是炒緊一段反彈行情,只能邊炒邊睇,自己執生。


2019年1月15日 08:21 耶倫指低息將維持相當長時間料全球經濟增長或放緩

<匯港通訊> 前美國聯儲局主席耶倫在出席一個研討會時表示,低利率將維持相當長時間,可能已經見證今次加息週期的最後一次加息。她表示,經歷過2018年的強勁經濟增長後,預計今年全球經濟增長可能放緩,主要由於中美貿易關係緊張;而歐洲經濟亦存在風險;但她認為,在基本因素驅動下,消費者支出數據仍然非常好,有穩定的增長。

最新回應

美味雞煲
美味雞煲 2019/04/21
@*KK*...

噚日黃雨變紅雨 我坐向廳望岀去看見變天 下午 2 點好似夜晚 跟住停雨 又好天 😂 明天繼續無市 好彩還有道指 😂

C6 復活節快樂 張兔仔復活蛋圖好可愛丫 😄

*KK*
*KK* 2019/04/21
@美味雞煲...

煲爺, 今年 '厄雨尼落", 春意特濃, 陰天雨天多, 加上轉節氣 "谷乳", 雷暴疾風, 走避不及, 水陸兩路都多人中招了, 慘也.

話時話, 雖則自己的事自己負責, 不能全賴天文台, 但真係冇佢修喎. 要到今朝才看見 "即日" "九天" 個圖示係烏雲大雨. 哎咕, 係都到水尾啦.

對預算全天或大半天戶外活動的朋友, 周時畀佢考起呢.

美味雞煲
美味雞煲 2019/04/20

祝大家復活節快樂 😄

{#iconb_351} 

沒市 好悶啊 😅 元帥岀左最新網誌啦⋯⋯快 d 去 like 😘

(友仁) 程長浪子

2019.4.18 長假期前金曹期權攻防線©30100﹐牛指數高於70偏強。即係低於30100超過150至200點,好友應會力托回到攻防線。結果星期四期指收29940但夜期真係反彈上30093接近攻防線,其實好多次都係咁跌穿之後又反彈,係唔係好神奇呢?

2019年牛市的三個預設係中美貿易停戰,中國經濟數據在第二季見底回升,資金繼續流入中國。

金曹期權攻防線©是不經人手全電腦自動量化評期權倉位變化的人工智能程式。每天開市前計算好友大戶即市需要防守的重要期指價位。

試試下載免費股票社交 APP 秒投,裡面有七成用戶的成績跑贏大市,真心好用! 安裝秒投App之後請輸入金曹Sir的邀請碼 waXxT2 ﹐可賺銀幣換領咖啡贈券。

https://stockviva.com/invite/waXxT2