香港創新基金200小學員畢業喇！ 創意程式小先鋒拉票爭大獎
2019/01/14 04:12:16 網誌分類: 生活
黃廷方家族深信每個小朋友都可以發揮創意，上年三月創立咗香港創新基金，為小三至初中嘅基層家庭兒童提供STEAM學習課程，課程包括「Go Code程式小先鋒」、「Crazy Circuit瘋狂電路工作坊」同埋「Robot Maker」，為基層家庭兒童提供免費學習編寫手機應用程式、創作電路藝術作品同設計機械人嘅機會，二○一八年嘅課程仲總共提供近二千個名額O添！
前日就係「香港創新基金啟動禮暨2018課程畢業禮」，由政務司司長張建宗同信和集團副主席暨香港創新基金董事黃永光擔任主禮嘉賓。二百多個學員喺典禮上獲頒畢業證書，典禮亦為部份表現優秀嘅學員頒發獎項，包括「見習程式學員進階班卓越表現獎」、「見習程式學員高階班卓越表現獎」、「聯想智慧設計獎」同「最受歡迎程式大獎」。
與來賓進行機械人大戰
令Kelly最為深刻嘅，莫過於「最受歡迎程式大獎」！呢個係十二位「Go Code程式小先鋒」高階班學員需要「過五關、斬六將」爭奪嘅大獎，學員需要即場向嘉賓介紹自己所編寫嘅手機應用程式，爭取投票支持，得票數最高嘅學員先可以脫穎而出，成為最後得獎者！除此之外，「Robot Maker」課程嘅學員仲即場同來賓進行機械人對戰，現場氣氛非常熱烈！
信和集團副主席暨香港創新基金董事黃永光話畀Kelly知，信和集團過去五年透過唔同嘅平台，致力推動創新科技，結成推動創新科技嘅生態系統，例如以青少年為目標嘅Go Code程式小先鋒計劃、位於奧海城嘅OC STEM Lab、推動科技企業並協助科技產品應用同發展業務嘅信和創意研發室（Sino Inno Lab），仲有即將舉辦嘅X-Fair，展現唔同嘅創意作品。
Kelly Chu
■Robot Maker的學員即場示範及與來賓進行機械人對戰，令現場氣氛異常熱烈。
■香港創新基金畢業學員與嘉賓們合照。
■「Go Code程式小先鋒」學員向政務司司長張建宗介紹他們編寫的應用程式。
回應 (0)
我要發表