趣味鬧市 得意名字逐個捉 浪漫小店只 「在乎」 你！
2019/01/15 04:12:22 網誌分類: 生活
去探老友，佢帶我四周閒逛下，耐不耐就遇見一啲有趣嘅小店，有一間名叫「在乎茶餐廳」，令人聯想起「只在乎曾經擁有，不在乎天長地久」，好浪漫噃！另一間叫「第一躉」，諧音「第一等」，睇真啲，原來係龍躉專門店，小妹祝佢快啲獲米芝蓮星星，咁就可以變成「星級第一躉」，威上加威。
不過，有一啲店名都幾考起人㗎，好似有一間叫「神經餵飼」，下面有一行英文Feed Your Nerves ，Kelly喺店門徘徊𢱑頭都唔知佢係賣乜，睇真啲，原來係一間餐廳，店門仲貼上一張小告示：「今晚我是手，神經餵飼」，小妹唔係好明當中意思，但係又幾有詩意喎，查店方官網係咁自我介紹：「白紙的飯堂 —— 善待神經的用餐空間。」哈！有趣噃，以後要多啲去太子探老友兼搵食。
Kelly Chu
■呢間名叫「在乎茶餐廳」，令人聯想起「只在乎曾經擁有，不在乎天長地久」。
■至於呢間叫「第一躉」，原來係龍躉專門店。
■呢一間叫「神經餵飼」真係考起人。
回應 (0)
我要發表