Kelly Chu
Kelly Chu
Kelly Chu

城隧車禍小巴車頂 驚現米色不明物飛天

2019/01/16 04:12:19 網誌分類: 生活
16 Jan
         前日城門隧道發生綠巴翻側車禍,六十七歲男司機死亡,車上十六名乘客好在有綁安全帶,全部僅受傷。但網上流傳一段事發後消防員到場救援嘅短片,片中最後幾秒忽然見到小巴車頂有一個米色不明物體直線向天空飛起,速度極快,引起好多網民議論。Kelly細看短片呢幾秒,真係𢱑頭都唔知係乜。

         呢段喺網上流傳嘅短片,長約四十三秒,由拍攝角度推測,相信係路經車禍現場嘅駕駛人士,用手機拍下嘅,片段見到十幾個消防員好努力咁喺翻側小巴尾部開了一個口,拯救入面嘅人,附近仲有警察維持秩序。到咗大概四十一秒,有一個米色物體,由小巴頂直線向天空飛起,速度好快,唔知係乜。

        網民:可能有昆蟲飛過

          呢個奇怪物體惹起唔少網民討論,有人話喺拍攝者前面玻璃倒映一啲飛過物體,有人話係鏡頭前面有昆蟲向上飛,又有人話唔知係咪有拯救人員向上拋物件,更有人懷疑係造假。小妹再三睇片,唔似有人做過手腳。有疑問最好問相關部門,消防處新聞主任回覆傳媒查詢時話,當時消防員忙於救人,現在無可能求證片中物體係乜嘢東西。

        Kelly Chu
■城門隧道公路翻側交通意外,網傳短片小巴車頂有米色不明物體飛出。
 ■城門隧道公路翻側交通意外,網傳短片小巴車頂有米色不明物體飛出。 
  
  
回應 (0)
我要發表
user