城隧車禍小巴車頂 驚現米色不明物飛天
2019/01/16 04:12:19 網誌分類: 生活
呢段喺網上流傳嘅短片,長約四十三秒,由拍攝角度推測,相信係路經車禍現場嘅駕駛人士,用手機拍下嘅,片段見到十幾個消防員好努力咁喺翻側小巴尾部開了一個口,拯救入面嘅人,附近仲有警察維持秩序。到咗大概四十一秒,有一個米色物體,由小巴頂直線向天空飛起,速度好快,唔知係乜。
網民:可能有昆蟲飛過
呢個奇怪物體惹起唔少網民討論,有人話喺拍攝者前面玻璃倒映一啲飛過物體,有人話係鏡頭前面有昆蟲向上飛,又有人話唔知係咪有拯救人員向上拋物件,更有人懷疑係造假。小妹再三睇片,唔似有人做過手腳。有疑問最好問相關部門,消防處新聞主任回覆傳媒查詢時話,當時消防員忙於救人,現在無可能求證片中物體係乜嘢東西。
Kelly Chu
■城門隧道公路翻側交通意外,網傳短片小巴車頂有米色不明物體飛出。
回應 (0)
我要發表