陸羽仁
陸羽仁
陸羽仁

脫鈎失敗

2019/01/16 07:54:13 網誌分類: 經濟
16 Jan

英國脫鈎方案被國會否決,但沒有對全球股市造成重大衝擊,美股先跌後升,杜指收市再升155點,收報24065點,升幅0.7%;標普500指數升1.1%;納指升1.7%

昨日帶領大市造好的主要係科技股,科技板塊升了1.5%,美國幾大科技巨頭FAANG都有顯著的升幅,主要係市傳Netflix擬將用戶每月收費增加13%18%不等,加價消息刺激Netflix股價大漲6.5%354.65美元,亦帶挈Facebook及蘋果升超過2%;亞馬遜及Google母公司Alphabet齊升超過3%。科技股於去年的平安夜跌至2017年的10月初低位,之後逐步回升,至昨日已反彈超過10%,成為拉動大市上升的火車頭。

美企今週正式展開去年第四季的業績公佈潮,大銀行將於本週登場,由花旗集團打頭陣,期內營收171.2億美元,略差過市場預期的174.8億美元,但每股盈利1.61美元,則好過市場預期的1.55美元,主要係成功減低成本4%。花旗股價連升兩日,累升接近8%,昨日收61.38美元;摩根大通則於昨日公佈業績,期內每股盈利1.98美元,差過市場預期的2.2美元;但營收則268億美元,好過預期的266.7億美元。摩根大通第四季的固定收入營收較上季下跌16%19億美元,但證券市場營收增加15%13億美元。摩通昨日升0.7%,收101.68美元。摩通主席Jamie Dimon昨日警告,話政府繼續停擺,美國今年第一季的經濟增長將會降至零。他比較關心的是政府停擺對消費熱情造成衝擊,已對銀行股造成壓力。他表示「美國需要好的政府政策去幫助經濟,而政府停擺不會幫到經濟。」

美股午後升幅收窄,主要係受到英國脫歐進程出現大挫折影響。英國首相文翠珊與歐盟達成的脫歐協議,但卻在國內大敗。英國下議院(House of Common)昨日就她的脫歐協議進行投票表決,結果以432 票反對,202票支持,協議提案以史無前例壓倒性多數被否決了。工黨黨魁柯賓隨即對文翠珊政府提出不信任投票。

文翠珊與歐盟達成的脫歐協議,可以講係多面不討好,由於協議保留了很多歐盟的規管條款,削弱了英國在歐洲的影響力,所以被視為是出賣了脫歐理想的一份協議。反對歐洲的一派,不喜歡這份協議,因為協議增加了英國與世界其他國家貿易的難度、趕走了環球精英,亦增加了英國的生活成本。

脫歐協議被否決了,雖然文翠珊表示將會於21日再到下議院提出她的脫歐「B計劃」,但市場對此不太樂觀,意味著往後的發展將充滿不確定性。

分析目前估計,文翠珊的脫歐協議被議會否決,英國政局將面臨五種可能性。一是無協議脫歐;二是與歐盟重新談判,這意味著有必要推遲脫歐日期(原定在2019329日),不過,前提係所有歐盟國家都同意延期;三是文翠珊提前大選,希望從民意中為她的脫歐協議爭取政治支持。不過,她必須獲得三分之二的議員支持才能啟動提前大選;四是又來一次全民脫歐公投,但公投要經過冗長的法律程序,在329日之前舉行公投已經沒有可能。最後至於工黨提出不信任投票,不通過的話,政府繼續現有的脫歐程式,通過的話,文翠珊政府解散,又要從新進行大選。總之係變數多多,不確定性因素太多,也對股市亦會造成壓力。

英國脫鈎失敗,對在英國有主要業務的大銀行有影響,香港在美國的預托證券跌149點,匯豐控股跌0.7%,跌到64.66元。脫鈎前景不明,對這類英資銀行股有壓力。

陸羽仁

回應 (8)
我要發表
kathleen
kathleen 2019/01/17 07:53:16 回覆

2019-01-16

Dow Jones Industrial Average (^DJI) 

24,207.16 +141.57 (+0.59%)

前收市價 24,065.60
開市 24,139.90
成交量 302,833,511
今日波幅 24,119.70 - 24,288.61
52 週波幅 21,712.53 - 26,951.81
平均成交量 378,304,032
animal666
animal666 2019/01/17 06:23:58 回覆

鋼鐵係另類地板股
2019年01月17日

  一月份全球股市持續反彈,美股隔晚高收,升至一個月以來高位。英國國會否決首相文翠珊嘅脫歐協議草案,首相再面臨被逼宮威脅後,美股升幅稍為收窄,之後又再回升。杜指收報24065點,升155點。港股走勢相若,同樣先跌後回升。

  輪到藥股食胡

  英國脫歐喺下議院投票受挫,多少有點預期之內。往後無論文翠珊去向如何,再度公投機會都會增加。若然公投,有相當機會留歐,成為硬脫歐以外另一選擇,所以消息雖然偏淡,對金融市場暫時未見到好大衝擊。美股焦點仍然落喺業績公佈,如今已公佈業績嘅公司中,摩根大通同富國銀行業績令投資者失望,反映傳統生意競爭大。串流影視平台Netflix調高美國客戶月費,就成為利好消息。市場同時憧憬,中國會推出更多刺激經濟措施。

  港股同樣炒國策,噚日輪到醫藥股食胡。恒指早段微跌,收報26902點,升71點;國企指數收報10555點,漲52點,成交金額875億元。

  大行近日接連唱好唔同嘅政策股,花旗話,內地製藥股被市場嚴重低估,2019年或見資金流入醫藥股,將中生製藥(1177) 股價及相關新聞 、雲南白藥和麗珠集團列為首選股。醫藥股跑出,中生製藥收升7%,報5.85元;石藥(1093) 股價及相關新聞 收升5.4%,報12.56元,兩隻藥股成為表現最醒藍籌頭兩位。麗珠醫藥(1513) 股價及相關新聞 收升5.6%,報23.75元;綠葉製藥(2186) 股價及相關新聞 授出膽固醇藥物推廣權,股價收升6%,報5.54元。

  二線地產股普遍上升

  內地上月70個城市樓價按年升9.7%,連續39個月錄得上升,二線內房股普遍上漲,豐盛控股(607) 股價及相關新聞 急彈11%,收報1.46元;富力地產(2777) 股價及相關新聞 獲券商看好,股價收升6%,報14.28元;新城發展(1030) 股價及相關新聞 收漲5.8%,報6.05元。

  科技股繼續跑輸大市,小米(1810) 股價及相關新聞 畀機構投資者以每股9.45元,出售2.31億股,股價收挫2.6%,報9.7元。丘鈦(1478) 股價及相關新聞 發盈警,預計去年全年除稅前溢利將急降95%,股價收挫6.43%,報4.22元。

  O依家連美股都話關注內地點樣救市,中央又提出五個方向提振經濟。有中環茶友問,咁有冇咩股份可以炒落後?陸羽仁反問,鋼鐵股係咪可以考慮呢?有此一說,皆因一個字,就係「平」。

  以馬鞍山鋼鐵(323) 股價及相關新聞 為例,現價市盈率約為5.5倍,息率有5.6厘。今年公司業績偏穩,頭三季每股盈利0.75元,若用全年每股盈利1元計,市盈率低至3.5倍。

  鋼鐵股低迷有兩大原因,最直接係涉及中美貿易角力,國產鋼鐵出口美國要徵稅。另外,鋼鐵仲係舊經濟股中嘅最舊經濟股,但勝在估值好低,好似馬鋼係行業龍頭尚且如此,何況其他?

  有茶友話,怕唔怕內地鋼鐵供應過剩,加上有中美貿易戰陰霾?呢啲負面因素無疑係存在,同一時間中央要加大力度做基建,加上其他硬件投資,對鋼鐵需求始終係會增加,股市係炒預期,呢個板塊喺市況反彈下,仲喺地板碌碌下未彈得好高。若然想博中美貿易戰大降溫,又唔怕燒冷灶有排等,不妨考慮吓落啲注!

  陸羽仁

asda
asda 2019/01/16 17:38:24 回覆

大C你忘了有議會投票不脫歐的選項,這個是重大利好消息,而且也一早被法院承認合法和歐洲議會接受

大戶終結者 ( 等人齊 )
大戶終結者 ( 等人齊 ) 2019/01/16 16:53:37 回覆
@門徒...

門徒C兄,

{#icono_86} 真啲嗎?  {#iconb_221}

門徒
門徒 2019/01/16 16:11:56 回覆

大戶終結者 ( 等人齊 )
大戶終結者 ( 等人齊 ) 2019/01/16 13:52:46 回覆

{#iconb_62}

小貓愛情官
小貓愛情官 2019/01/16 11:50:18 回覆

小貓認為現在個市壞消息當好消息炒或無反應,明顯係牛市特徵,一於坐定定等收錢! {#iconb_283}

溫馨提示:賺錢靠自己,咪聽人亂點!

kaka422617
kaka422617 2019/01/16 10:34:09 回覆

各位早

user

最新回應

大笨袋鼠
大笨袋鼠 2019/06/20

想袋鼠講得學術啲,都可以無嘢揾啲嘢講。

雨傘運動係香港人嘅撕裂,但係今次反送中係相對團結香港人,因為要爭取嘅事物,十分唔同,呢個係『從未擁有』同『失去擁有』嘅分別。

2014年爭取特首普選,呢樣嘢根本係香港人未曾擁有(有拖無欠);但係送中法,係絕對將香港現有嘅司法制度防火牆拆除。

記唔記得呢度某年某月某日,陸羽仁網誌,袋鼠加腳注,提及到行為經濟學入面,有個 prospect theory / loss aversion,是否擁有物質會影響主觀價值?

未曾得到嘅,有人會想爭取,但多數人都無乜所講;但你搶走人哋已經擁有嘅嘢,(除非唔醒水、唔識貨)多數會唔肯過你。

大笨袋鼠
大笨袋鼠 2019/06/20
@WA...

袋鼠原全同意你,反對嗰啲不合作運動 - 因為咁樣唔係針對性去爭取訴求,只係影響『和理非』日常生活,唔會影響立法會同政府內閣作出決定(相對於612係阻止到開會),有啲無事搵事嚟做

策略上,咁樣係犯咗學生响佔中時,所犯嘅同一個錯誤,等於將嗰200萬(最高峰指定遊行範圍34萬)上街嘅人,當係敵人(alienated) - 而且咁樣做的確對唔住你所講嗰個車長。

大笨袋鼠
大笨袋鼠 2019/06/20

奇哥,好耐無見。 {#icons_boy9}

警訊都叫你,遇上自稱警員人士時候,必須要查清楚其身份。請睇昨日視頻。

但係啲警察膊頭無冧巴,而家出事,唔追究個上頭負責人,唔通問責係得個講字?

你講得啱,香港的確仲有好多事要做,但係唔好本末倒至,而家唔係叫市民見到大鑊嘢唔追究,而係問點解政府呢三個幾月,有咁多嘢唔做,有咁多其他妥協方案都完全拒絕,花盡時間、花盡政治本錢去硬銷《逃犯條例》?

之前立法會建制及泛民攪場大戲,袋鼠唔知佢點樣鬧雙胞胎,但係跳過法案委員會,直入大會二讀,肯定有違程序公義。

唔似2003有個負資產陰霾,影響當時社會氣氛,呢一次民眾最初(6/9)要求十分簡單,只係要撤回條例修訂。

外國新聞媒體都留意到,你香港人有咁方便嘅八達通唔用,而係未去維園排隊之前,先要响港鐵排隊用現鈔買單程車票… 咁都仲唔明好多香港人感覺到件事有幾嚴重及可怕?

袋鼠個人認為林鄭落台,俾第二個上去,同樣問題都會存在,因為呢個係制度問題,以現實政治環境,係無得救。但係最起碼回應,就係撤回。如果分唔清楚『撤回』同『暫緩』有乜分別,有大把排過隊買過單程非嘅香港人,可以同你解答。香港人呢次已經盡晒力,下次由暫緩轉番去二讀,未必可以有咁迅速反應。

袋鼠對香港有嘅只係情意結,但係置身事內直接受影響嘅人,應該比袋鼠更清楚箇中利害。

順便答埋你話西式民主,『表現出低民望,管治困難,政府施政困難,社會對立常見,經常對抗』,呢一點雖係同制度有關,但絕對唔係你所想嘅原因 - 你係咪咁肯定強人政府,會係施政易、社會無對立、無對抗*?西方民主國家透明度高,有乜問題都俾你睇晒、講晒囉!強人政府好少好似委內瑞拉咁樣,連資訊都無力控制!不過你當然可以舉例,响北韓又真係好似係施政易、無對抗喎!但係會有人有興趣移民去北韓嗎?

*袋鼠國大把前東歐共產國移民,大把故仔聽。

EDIT: 修飾字眼、句子