Kelly Chu
Kelly Chu
Kelly Chu

迪士尼新春活動多籮籮 高飛狗變財神同你拜年

2019/01/18 04:12:18 網誌分類: 生活
18 Jan
         Kelly喺嚟緊嘅農曆新年,諗住約埋班朋友去香港迪士尼樂園「迎豬接福」,取個好意頭嘛。樂園由即日起到二月二十四號推出一連串嘅新春慶祝活動,有高飛狗變身財神同大家拜年,有豬仔點心食,仲有新春許願牆等掛飾任你選購,而三間酒店有新春合唱團演唱同醒獅表演,認真精彩。

         Kelly喺嚟緊嘅農曆新年,諗住約埋班朋友去香港迪士尼樂園「近豬接福」,取個好意頭嘛。樂園由即日起到二月二十四號推出一連串嘅新春慶祝活動,有高飛狗變身財神同大家拜年,有豬仔點心食,仲有新春許願牆等掛飾任你選購,而三間酒店有新春合唱團演唱同醒獅表演,認真精彩。

          迪士尼樂園新春節目多籮籮,高飛狗化身財神喺美國小鎮大街嘅城堡廣場舞台,載歌載舞,同大家送上新春祝福。豬年又點少得三隻小豬,佢哋會聯同穿上全新賀年禮服嘅米奇同一大班迪士尼朋友同大家拜年,等大家同佢哋合照。

          樂園及酒店會推出六十款賀年佳餚,涵蓋套餐同小食,小妹最鍾意嘅菜餚非「新春富貴全盒」莫屬,有精緻豬仔造型嘅點心。另外,樂園推出超過五十款以Duffy為主題嘅佳節商品,應有盡有,買滿二百元仲可以加六十八元換購《反斗奇兵》嘅「火腿」新春造型毛公仔一隻。

          喺大年初一至大年初三期間,樂園三間主題酒店會有新春合唱團及年初一限定嘅舞獅表演,「迪士尼新春傳統市集」亦會開門,等大家入貨,小朋友可以製作賀年裝飾,掛埋喺新春許願牆都仲得。

        Kelly Chu
■迪士尼副總裁蔡少綿帶領一班迪士尼朋友同大家拜年。
 ■迪士尼副總裁蔡少綿帶領一班迪士尼朋友同大家拜年。 
■換購《反斗奇兵》嘅「火腿」毛公仔,好趣致呀!
 ■換購《反斗奇兵》嘅「火腿」毛公仔,好趣致呀! 
■豬仔叉燒包咁靚,真係唔捨得食呀!
 ■豬仔叉燒包咁靚,真係唔捨得食呀! 
■新春許願牆給你帶來好運。
 ■新春許願牆給你帶來好運。 
回應 (0)
我要發表
user