中美小動作
市場現時最關心的是中美貿易談判的進展,有什麼相關的風吹草動,大市就跟著搖擺,嚇得投資者一額冷汗。
昨日,CNBC引述消息人士透露,美國貿易代表處原定於本週與中國兩名副部長開會,試圖為下週中國副總理劉鶴訪美打前站,爭取在3月1日這個談判「死線」之前,解決中美兩國的貿易糾紛。不過,有美國官員昨日表示,由於雙方在知識產權的問題上有嚴重的分歧,所以取消了本週與中國官員的會面。
報道又指美國總統特朗普表示,如果北京和華盛頓未能談出一個永久性的解決方案,他會重新對大約一半的中國輸美貨品徵收懲罰性關稅。另外,美國突然提出引渡華為財務總監孟晚舟到美國受審,即時令到中美關係非常緊張,嚇到投資者雞咁腳走,股票恐懼指標VIX指數昨日跳升17%至20樓上。美股杜指昨日低開100點之後逐步走軟,到下午3時左右,大跌超過460點。
對於CNBC的報道,美國財政部和美國貿易代表處都沒有回應。當白宮被問及此事時,只說「美國談判團隊與中國方面保持聯繫,在準備與中國副總理劉鶴在本月底舉行較高級別的貿易會談。」唔知係唔係美國政府見到CNBC的報告搞得人心惶惶,股市大插。白宮經濟顧問庫德洛出來否認,話沒有官方的會議被取消,又補充,美方除了與副總理劉鶴在下週會面之外,期間沒有與中國安排什麼會談。另一個消息來源指出,白宮所指的今週舉行的會議,其實係電話會議。
庫德洛講話之後,美股即時作出反應,杜指在臨收市的一小時內顯著收窄跌幅,全日跌301點,收24404點,跌幅1.2%,終結了連續四日的升勢;標普500指數跌1.4%,納指最弱,跌1.9%。
標普500指數11個板塊,除了公用股靠穩外,其餘全部下跌,其中工業板塊跌2.1%,跌幅排第二,也很正路,因為波音飛機、Caterpillar、3M等工業重磅股與中美貿易關係息息相關,中美貿易談判起波瀾,沽壓也比較沉重,Caterpillar昨日就大跌3.2%,波音和3M亦跌近2%。
港股在回吐中,昨日也是先跌後彈,跌幅數窄。但中美在鬥法中,對股市有少少壓力。
陸羽仁
2019-01-23
Dow Jones Industrial Average (^DJI)
24,575.62 +171.14 (+0.70%)
澳博易幟有機遇
2019年01月24日
美股杜指隔晚大插301點,港股喺外圍回落百幾二百點,但昨日低開後跌唔落去,之後反反覆覆,收市微升兩點。
華爾街吹起一陣拋風,有消息傳出中美貿易關係再現暗湧,美國甚至停咗預備會議。美股本來炒緊貿易談判有進展,忽然之間話有阻滯,於是就大力插咗一下。
霍何財團奪控制權
中美貿易談判出現爭拗,本來爭拗點傳係美國要設立一個監察機制,保證協議落實,中國反對。最新講法係大家喺知識產權方面分歧好大,甚至因此停止接觸,大吹利淡氣氛。不過,美國官員其後否認停止預備會議嘅說法。美國總統特朗普發文催促中國,話因為貿易戰搞到內地經濟咁差,叫中國咪再玩,應該盡快達成協議。美國喺日前啟動引渡孟晚舟嘅程序,有啲施壓嘅味道,反映談判可能遇到難處,白宮於是耍兩招。談判從來唔會順風順水,從特朗普叫中國快啲達成協議,都反映佢唔想撕破臉皮,期望喺副總理劉鶴訪美時能夠有功課交。
雖然美股大跌,但恒指因為之前一日已經調整,所以並無跟跌,成日喺二萬七關口反覆整固,最終靠穩微升2點,報27008點,力守二萬七;國指則收報10631點,升17點,成交金額縮減至778億元。喺藍籌股中,領展(823) 創新高,見82.2元,收漲1.12%,報81元,中資電訊股跑出,中電信(728) 創52周高,高見4.37元,收升5.3%,報4.36元;聯通(762) 收升4.3%,報9.04元,是表現最佳藍籌股。5G概念股繼續標青,京信通信(2342) 收升8.6%,報1.77元;摩比(947) 收彈6.4%,報1.17元;中國鐵塔(788) 續創上市新高,見1.72元,收漲5%,報1.68元。
經過一輪反彈後,大市氣氛開始重回觀望,如果中美談判唔破裂,首季有可能反覆再升,實行炒作一番。中環茶友話題係仲有咩股可買?有猛人就留意到,霍氏基金會同信德(242) 等組成財團,合共掌控53%澳娛股份。呢個主要由霍氏同何氏家族組成嘅財團成員間有協議,喺表決選出澳娛董事會成員時(下一屆表決將於2019年3月31日或之前進行),提交共同提名建議,並共同同意澳娛主席同董事總經理任命。咁即係話,以何超瓊為首嘅信德系同霍家結盟,澳娛旗下上市公司澳博(880) 過去管治權分散同凌亂局面會告一段落,新財團會成為真命天子,控制澳博。
初步嚟睇,呢次澳博易幟有兩個機會,一係信德,過去信德擁有嘅澳娛雖然係貴重資產,但由於公司只係被動投資者,甚至派息與否都唔能夠作主,O依家變成控股財團主要成員之一,這批股份將大大發揮作用。二係澳博雖然係博彩業老大哥,但業績畀後浪推低,表現係幾隻博彩股中明顯遜色一員。O依家霍何兩家聯手出擊,江山初定,必然有新作風,有機會炒重估。
今次易幟消息似乎收得幾密,所以信德股價之前只係隨市波動,昨日收報2.59元,無升跌。信德O依家資產值9元,市盈率5.4倍,息率4.6厘,真係左睇右睇都睇唔到落注有咩大風險。澳博情況就有啲不同,昨日收報7.2元,升逾1%,以去年盈利計,市盈率20.7倍,息率2.6厘。由於澳博經營表現喺六間博彩公司中不屬前列,現價已經反映公司目前價值。
信德澳博各有賣點
若要下注呢隻股份,就要買公司有新人事、新作風,未來一如控股財團所講,會改善公司管治,從而令經營業績表現大為提高。澳博本身有唔少資產同老本,過去未能發力有好多原因,若然能夠改變管治水平,其實仲有大把潛力可以發掘。新財團正係睇中呢點,先至會聯手出擊,估計未來基金界會對前景作出評估,以反映最新股權結構。
陸羽仁
27,008
大戶兄: 利是股未是時候. 要等.......
將軍,
有冇年貨股?
各位早
門兄: 早安. 噢...子龍辦完年貨, 已無睇股市了. 不過你問到點睇, 子龍又可以多言幾句呢.
照道理, 今月是好倉主導, 即是對壞消息沒有反應, 對好消息會反應過激, 直至結算完成呢.
但大市已升破27000, 即是足夠大戶轉身, 現時不宜做淡, 亦不宜高追, 等下月就最好呢....騎騎...
只是虛驚,跌不下…不用怕…
SIGH...
各位早,港股估計後抽完再插過, 看坊間大部份評論又轉軚睇好就聞到味道了。