23~24/1 部署結算位

2019/01/23 22:40:09 網誌分類: 經濟
23 Jan

中港股市低開高收, 單日轉向呈陽燭, 27000失而復得, 力守10天線部署上攻

23/1 周三恒指收報27008, 升2點(最多上升126點, 一度下跌125點~競價開市位),

國指收報10631, 升17點((最多上升70點, 一度下跌42點), 國指跑贏恒指

雖然港股升幅不大, 但恒指已是連續4日收27000之上, 到今日為止一月份的16個交易日只得5天跌市, 好友已完全控制大局, 有基金經理支持的一月效應果然非同凡響, 有中國國務院副總理劉鶴30~31/1訪美憧憬以及結算因素, 阿爺降準後再放水, 內地開啟TMLF(定向中期借貸便利),投資者預期內地銀根有望繼續放鬆,港股低開後倒升收市

好友屠熊大鱷真喺神級, 港股又係跌1日例彈, 權重股輪流撐市, 部署下周高位結算, 老外大媽再度掃貨, 同昨日相反, 滬深股通今日出現資金凈流入, 大鱷咬住27000穿梭養牛熊, 大鱷奸計得逞, 27100~28000熊熊愈養愈肥, 但正在不斷上移的牛牛仍未脫險, 大鱷一係食左佢, 一係震走佢, 尚有一周才結算, 大鱷仍有可能玩拋上拋落, 目的係震走好友牛牛, 養熊引淡, 以及消化沽壓, 慳托市子彈, 拖得一日得一日, 當時辰一到就會大開殺戒

本周一(21/1)港股沖高回落見短頂似係試水溫, QQ見頂等如港股見頂, 所以港股呢兩日港股亦回氣冇再創新高, $330 是關鍵大位, 不容有失, QQ自從7/1重上10天線後一直力保不失, 係推港股上27000的功臣, 但近日卻不斷下試10天線的支持力, 可能係因為早前挑戰$345打回頭, 該區正是QQ去年8月留下的大型下跌裂口所在, 阻力非輕, 大鱷唔想由$345強攻上$360, 推QQ落山可能係為了營造QQ日後的上升空間, 如果碌落$330再彈上$340.$345.$350....就容易得多, 到時港股就會大彈高, 下跌是為了上升鋪路, 待QQ完成調整, 觸底回升, 就可推動港股再闖高峰

QQ回氣, 大鱷就梗係要推高其他權重股來營造市場氣氛啦! 資金市其中一個特徵係有好消息的股份愈升愈有(熊市見好消息往往係彈散), 5G概念股繼續成為市場焦點, 大行紛紛唱好, 中移大受追捧, 力撐大市, 權重股接力上升, 代表大鱷想穩住市場氣氛, 吸引買盤進場幫手推高大市,

~~~~~~~~~~~~~~~~~~~~~~~~~~~~~~~~~~

周五關鍵日見真章

一如早前所說, 大鱷不宜太早爆頂, 否則會惹來沽壓, 應跌下彈下, 打好基礎站穩腳步才上攻, 而家大鱷似乎跟元帥的劇本走, 呢幾日港股即市波幅明顯收窄, 但仍高企不下, 在27000附近游走來消化沽壓, 大鱷想以時間來代替深度調整, 早前曾說美企業績後有回購大水喉撐市, 踏入1月下旬道指重上24000後果然一直咬住唔放, 已是連續5日收24000之上, 美企業績勝預期, 有美股向好以及上証回穩做後盾, 基金經理的樂觀預期下, 港股強得有理

今日港股雖然收升, 但仍未企穩27000, 明日可能繼續在27000穿梭, 本周五係畫周線的關鍵日, 好友如想玩連升四周就要殺上去, 而愈接近結算周沖頂機會就愈大, 每逢月尾, 牛熊往往係非常貼價, 而月尾正正是大鱷殺牛熊追數的關鍵時刻, 所以月尾6天大鱷最鍾意玩好淡通殺, 即係牛熊都要死, 只要大市升跌二三百點就有得開餐, 按照慣性走勢, 無論周初大市點樣騰上騰落, 周五就會作出修正, 大鱷會露出真面目

連續兩日下跌的人民幣今日急彈215點子, 收報6.7888, 刺激國指跑贏恒指, 基金經理普遍仍看好後市, 博今次升浪上28000甚至更高, 上証和港股都係一插即彈, 低開高收, 單日轉向呈陽燭, 低位見承接, 昨日反艇的股份多數係跟A股跌, 今日佢地一彈, H股又跟住彈, 真係冇得估, AH相關性太高, 港股俾A股拉住上落, 當上証重上2600或升穿前頂2619, 淡友就命危

日前曾分析過恒指的周線連升記錄, 能否連升四周非常關鍵, 好淡大鱷打交誰勝誰負就要看周五能否收27090/27323樓上, 向下關鍵大位26800, 如果大鱷力守不破, 代表大鱷仍想再沖頂, 燈神口吻轉淡, 話市勢會進一步轉弱, 相反指標係向好訊號, 代表港股不會深潛, 會震住上, 待上証上破前頂2619就可推動港股再沖頂

~~~~~~~~~~~~~~~~~~~~~~~~~~~~~~~~~~

月尾創即月新高時間窗口

好友當道, 港股一插即彈, 恒指開市位26880已是全日低位, 10天線已去到26876, 今日大鱷寧願捱餓唔食牛牛都要守住10天線,將大市點穴養牛熊,用拖字訣,又磨多一日,下周三結算了, 唔拖得幾耐, 本周沖上27323雖然打回頭, 相信只係見短頂, 按照慣性走勢月尾結算前幾天係最大機會創即月新高, 一如日前網誌所分析, 本周初大鱷有可能忍忍手, 留多些上升空間俾下周或下個月, 所以本周不應上28000

上証及港股通常係同步見底頂, 如上証未能上破周一高位2619(當天港股創一月高位27323/10740), 港股亦好難獨自去偷歡, 所以大鱷冇再強攻, 只係咬住27000可能係想拖到上証再創新高或重上2600, 由於AH股相關性非常高, 當上証造好, 大鱷就有藉口殺上去, 如大市回吐, 大鱷唔想放走肥熊就不能潛得太深, 低位多數係一瞬即逝, 向下要守住26800, 如跌穿亦不能拋離太遠, 否則大市沽壓會加劇

港股今日跟足慣性走勢又係收市U盤踢一腳上去, 今個月日日都係用呢招, 我估冇乜分析師會利用慣性走勢來測市, 但我用呢個方式來估市發覺命中率好高, 要留意的是今日U盤升幅係今個月最細, 而不是大大力踢高, 上証仍未重上2600, 市況飄忽, 大鱷似乎不敢太進取, 想明日磨多一陣來消化沽壓, 等養肥熊熊才出手, 以往當關鍵位聚集約四千張牛或熊, 大鱷就會露出真面目, 如今熊熊愈養愈肥, 牛少熊多利上攻, 大鱷已經連續兩日冇食牛熊, 好快要出手了, 一係明天, 最遲後日一定會開餐, 因為大鱷習性是不會全周只吃一天, 而大鱷只係周一食了熊掌就餓到而家

相信冇乜人會留意收市U盤大鱷黑箱作業踢高左幾多點, 真係嚇屎人, 今個月到目前為止有524點升幅係收市U盤做出來, 嘜高收做市, 畫靚幅走勢圖, 技術派就會入市, 大鱷操控港股真係無法無天, 正一趴街,

港股大方向升勢未完, 反覆上升格, 趁回吐買上博爆頂, 多位基金經理上望28000樓上, 石石月初上望26200, 目標已升呢, 話會見27800, 市場氣氛好, 有壞消息股份一跌即彈, 反映低位有買盤承接, 在關鍵大位前窒窒步係大鱷養熊引淡的手法, 造淡係逆勢操作, 淡友最蝕底係收市U盤例輸, 大鱷陰D陰D推高大市, 當時辰一到就會爆上挾淡倉

 {#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

24/1周四恒指收27121, 升112點, 部署屠肥熊

騰訊見頂 = 港股見頂, 騰訊急升 = 港股爆上

燈神梁蛇話今日即市形勢雖然向好, 但認為短期調整勢頭愈來愈明顯, 後市未宜樂觀, 仲話明日難以向上突破, 燈神轉口風唱淡,相反指標係好友行運,淡友小心

大鱷壓住騰訊,可能喺引QQ淡友入局, 亦有可能係消化沽壓,儲力向上,當QQ完成調整,就喺港股起動之時

港股呢幾日在27000窄幅穿梭,呢招叫以時間代替深度調整, 以大鱷的習性, 好快會出手,不會悶超過5天,明日要開餐喇!

大鱷奸到冇朋友, 刻意推低大市, 目的就係誤導燈神等技術派, 而大鱷往往係尾市及U盤才出手推升, 淡友走避不及就中伏, 港股今日跟足慣性走勢又係收市U盤踢一腳上去, 今個月日日都係用呢招, 要留意的是今日U盤比昨日升多左, 而且恒指係收市U盤最高位收, 代表港股已完成調整, 大鱷尾市已暗暗出手了, 熊熊要買定官才, 因為恒指本周波幅未達標, 明日係周五畫圖日, 今日冇出手, 即係明日一定會出招, 如果大鱷玩連升四周, 就要爆邊來擴大周波幅了

過去幾日大鱷聽元帥的忠告本周唔玩一支箭升空殺上28000, 21/1高見27323後落番去26854再上, 玩窒窒步升打好根基, 消化沽壓, 俾時間淡友入局, 回氣震倉再上反而走得更高更遠, 如今已完成部署, 臨近結算不能再拖, 未來幾日向上關鍵大位: 前頂27323.27500.27800.28000.....

有多個利好催化劑推動港股向上

~ 15/1及25/1降準, 明日又有水到

~ 騰訊終獲批兩款遊戲, 大行紛紛唱好, 象徵意義重, QQ去年8月留下的大型下跌裂口在$345~$355

~ 平保再度增持工商銀行, 本周二(22/1)以每股平均價$5.8151掃工行, 涉資約$1.16億

{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}

25/1周五收市~港股連升3日, 恒指收27569, 升448點, 連續兩天以收市U盤最高位收

如下周一沖高後就要留神, 1月波幅已超標, 大鱷要預留2月的波動空間, 如果1月升得太急飛出外太空惹來沽壓亦會影響結算位, 又或者31/1月結收得太高, 亦會影響2月港股表現, 短炒做好要睇位收割, 元帥亦會食胡準備收爐放假

好友淡友都要執生, 要留意恒指恐慌指數表現, 當大鱷利用內銀來推高港股爆頂, 就可能係大市回吐先兆, 要留意升跌日數, 下周係超級星期, 港股好少全周日日升,

==============================================

2019年1月25日 18:51 人行降準考核 釋長期資金2500億元人民幣

<匯港通訊> 人民銀行公布,今日開展了2018年度普惠金融定向降準動態考核,淨釋放長期資金約2500億元人民幣(下同)。人行指出,在政策激勵下,與上年相比,更多金融機構達到普惠金融定向降準標準,可分別享受0.5個或1.5個百分點的存款準備金率優惠。

若連同1月4日宣布下調金融機構存款準備金率1個百分點置換中期借貸便利後淨釋放的長期資金3000多億元,以及1月23日開展的2575億元定向中期借貸便利操作,上述三項措施共釋放長期資金約8000億元。

最新回應

試下學下
試下學下 2019/10/15

夜期上了,但熊仔吾夠肥,牛仔拉後腿,是真定假上,大戶今日先開始散貨甘快玩完咪散吾切

*KK*
*KK* 2019/10/15
@soho*...

蠔大大, 盧蛇簡單咁分析左刀手單野啦.

月前都話中左"斯症候群"啦, 好自然會拒絕做正常人, 佢地 fact check 可謂得淡笑笑爆咀, 數月間思維演變真係夠誇的, 實在對住佢地冇乜道理好講. 此症心理變質長遠惡搞呢, 能否猛然醒覺, 佢地自己造化囉.

"早晚溫差"大呀! 親友搞康樂活動, 唯有組建自衛隊, 靠自家人互相關照囉.

如今, 爺爺食住花生, 多得香港咁大份禮送中. 世事既野... 呢鋪夠啜核吧!

門徒
門徒 2019/10/15

小門心目中273 {#iconb_289}會是最後一個升浪、再慢慢步進 {#iconb_616}

門徒
門徒 2019/10/15

265爭持中,我亦吉倉中 {#iconb_243}食飽要擦牙,上下四百各有過千張係咪?諗下大戶点食先,先升後跌定回完再上呢 {#iconb_214}