25~29/1 秒殺肥熊

2019/01/25 21:29:38 網誌分類: 經濟
25 Jan

升勢停不了的資金市

25/1周五收市~港股連升3日, 恒指收27569, 升448點, 連續兩天以收市U盤最高位收

上企27300, 挑戰27800, 打回頭下試27300, 守得住再挑戰27800

500點一級: ...26800...27300...27800...28300...28800...

人民幣走強利好港股, 中港股市繼續向上推進, 今日恒指高見27569, 大舉屠殺4601張相對期指對沖張數熊證, 由於港股已累積龐大升幅, 貼價熊熊淡友飛撲入市博回吐, 以周波幅計, 下周貼價熊命危, 不過牛牛亦上移

如果跟去年1月3456點月波幅就會見28352, 但大鱷今個月冇必要夾硬殺上去, 因為要預留2月的波動空間, 如果結算前升得太急飛出外太空惹來沽壓亦會影響結算位, 31/1要畫月線, 亦不宜收得太高, 否則會增加2月收升的難度, 未來幾日再爆上要留意高位會否一瞬即逝, 如爆頂後仍能高企不下, 利好

未來兩周港股會有大龍鳳, 可參考早前挑戰關鍵位25800/26000及26800/27000的升跌模式, 好友淡友都要執生, 要留意恒指恐慌指數表現, 當大鱷利用內銀來推高港股爆頂, 就可能係大市回吐先兆

要留意升跌日數, 下周係超級星期, 港股好少全周日日升, 市強跌1~2天, 1月上旬恒指在年度低位24896拗腰急升, 25000附近大平賣罕有地連升6天, 但隨後一周升勢亦斷纜, 如今港股在高位更要提高警覺, 如再上攻大市就會進入超買區, 會有技術性調整, 目前肥熊在27600~28100, 但28200樓上只得瘦熊, 要養下先, 普遍分析都預期2月會續創新高, 但升勢過急要回氣, 消化沽壓後再爆頂

港股升跌關鍵在上証表現, 今個月港股爆升係俾A股拉上山, 踏入1月下旬老外狂掃A股, 推動上証急升刺激港股上破27500, 但農曆新年內地休市A股企定定, 亦會影響H股表現

向上阻力: 前頂

去年恒指10月高位在27716, 9月高位在28031, 8月高位在28772

去年國指12月高位在10951, 10月高位在10983, 9月高位在11121, 8月高位在11189

上証及港股通常係同步見底頂, 上証及港股過去一個月亦同步連升四周,

下周27500~28000要爆邊才夠周波幅, 周波幅係用周一至周五的高低位來計算, 近來恒指周波幅715~1019點

恒指升穿頸線27260(前頂)通常會有後抽, 谷多一浸上高位結算後就要小心回吐壓力增加, 通常調整完就會再破頂

QQ $345~$355為去年8月下跌裂口阻力區, 會見壓力, 大鱷就推內銀內險及落後股接力上, 不過普遍分析都認為QQ會上$360, 但要等QQ淡友入局後才殺上去

28/1英國國會表決脫歐替補方案

蘋果、微軟、Facebook、Tesla等科技重磅股陸續公布業績

29~30/1 聯儲局議息

29/1 (周二) 期指結算前夕, 30/1 (周三) 期指結算

30/1 (周三)美國提交申請引渡華為孟晚舟29/1期限屆滿

30~31/1 中國國務院副總理劉鶴訪美進行貿易談判

3~4/2都係破日

4/2{年三十 (星期一)} 轉節氣立春~港股半日市

4~8/2(星期一至五)中國全周放假, 5~7/2香港農曆新年長假期, 下周港股再創即月新高後, 就要慎防有長假期前避險獲利沽壓

28~30/1係創即月新高的時間窗口, 今日以收市U盤最高位收, 夜期收大高水, 下周一港股再創即月新高已毫無懸念, 如下周收升, 全周(28/1~1/2)多數係先低後高, 即係周四或五會創新高, 如下周收跌, 多數係先高後低

港股結算後(31/1~8/2)中國農曆新年長假期前北水暫停

二月初中港農曆新年假期, 全月只得17個交易日, 交易日數少通常股市波動性會加劇

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

轉倉高峰期港股連升4天, 高位沽壓加劇, 不進則退

上証先高後低.單日轉向倒跌收場, 拖累港股沖高回落呈陰燭, 秒殺肥熊

28/1 周一恒指收報27577, 升7點(最多上升221點, 一度下跌107點)

國指收報10882, 升8點(最多上升118點, 一度下跌33點), 國指小幅跑贏恒指

騰訊+上証見頂 = 港股見短頂, 騰訊+上証創新高 = 港股再爆上

一如上周五所說, 本周係超級星期, 禍福難料, 獲利避險沽壓會增加, 為免夜長夢多, 大鱷梗係拿拿臨殺肥熊來追數啦! 不過今個月港股係由好友主導, 結算在即, 大鱷力托指數

上証及港股同步創即月新高, 亦同步沖高急回, 大鱷操控大市如入無人之境, 沖高殺熊, 任務完成急回, 但只係嘔晒升幅出來, 冇跌入肉, 推升之心表露無遺, 好友繼續為結算位鋪路, 港股升跌幾多由大鱷話事, 連升跌幅度都係大鱷話點就點, 最鍾意係競價開市.尾市及收市U盤做手腳, 我從未見過全個月收市U盤都係踢高, 不斷掃上, 反映好友大鱷仍未放手

今日港股釋出多個利淡訊號, 多隻權重股及指數齊齊於阻力大位受阻而回, QQ沖頂回落.先高後低倒跌收場, 27800/10000攔路, 恒指多數係上午10時前創全日低位, 但今日係下午創低位, 而且不是一跌即彈, 反映沽壓大增, 上証失守2600大關, 恒指恐慌指數急升4.61%, 踏入一月下旬以來, 大媽密密掃貨, 但今日港股通(滬)首度出現資金凈流出, 大媽食胡收爐準備放年假喇! 不過老外繼續掃A股, 道期跌約百點, 轉倉高峰期期指未平倉合約大減

人仔強, 港股好, 升浪未完回吐也不會深, 即市完成調整, 港股連升4天, 今早人民幣中間價大幅上調469點子報6.7472兌一美元, 創去年7月19日以來最高, 在岸人民幣兌美元收報6.7389, 大升251點子, 市傳人民幣匯價將會是中美談判重要議題之一, 阿爺今日推高人仔絕不會是巧合, 可能係為30~31/1劉鶴展開中美貿易談判做勢

人仔爆升, 大鱷借勢挾淡, 恒指創即月新高見27790秒殺2847張肥熊, 沖高急回趙完鬆, 又再繼續養熊, 不過今次人仔升只係人為, 並非由市場力量推升, 無論收市U盤時段的升幅, 抑或恒指收市升幅, 都係3日以來最細, 本周太多變數了, 再推上去要花好多子彈咖! 所以大鱷用拖字訣, 磨多一陣養牛熊, 肥熊陣亡後, 牛熊分布均衡, 再沖上去屠熊就要輸俾牛, 得不償失, 落去養下牛熊先啦! 當牛熊入局大市就會有方向, 當然係擇肥而噬啦! 眾地莫企呀! 資金市唔好估頂

大鱷今日好乖,做齊晒元帥劇本所有指定動作:

創即月新高,秒殺個股及指數肥熊,咬住27500養牛熊,收市U盤踢高

大鱷做市做到出晒面, 連日創新高屠熊冇皇管, 逆勢做淡是死罪, 今日尾市夾硬收升可能係預留回調水位, 部署後日結算位, 本周波幅未達標, 明日要跌穿今日低位27462來擴大周波幅, 試完底再沖頂, 今日大鱷托市, 貼價牛入局, 牛牛已上移至27196, 熊熊亦大幅下移, 月尾牛熊通常係特別貼價, 明益大鱷

上周四牛熊分布: 牛9678 VS 熊12274, 牛熊分布嚴重失衡, 牛少熊多利上攻

上周五及本周一(今日): 連續兩日殺熊7448張

最新牛熊分布: 牛9373 VS 熊9317, 牛熊分布均衡, 上攻誘因消失, 回吐壓力增加

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

結算前夕轉倉高峰期, 明日期指結算

上証兩連跌拖累港股一度失守27500, 兩地股市急跌急彈, 收窄跌幅呈陽燭

29/1 周二恒指收報27531, 跌45點(最多下跌248點)

昨晚道指急挫後收復一半失地, 又死唔去, 美元失守96後續跌, 人民幣強勢連升3日, 港股今日乖乖地回吐反而有利後市, 窒窒步升打好基礎, 往後才破頂爆上27800.28000壓力會減輕, 今日冇再爆出外太空亦配合元帥日前寫的劇本, 要留多些水位俾2月, 好友當道, 今日即市完成調整, 尾市及收市U盤又踢高, 皆因要部署明日結算位,

昨日港股先高後低唔靚仔, 今日果然收跌, 但今日卻是先低後高好靚仔啵! 即係彈得啦! 低位有好友大鱷力撐, 今日一震, 好友淡友牛熊齊入局, 貼價瘦熊下移至27638, 具吸引力, 整體牛熊分布均衡, 但貼價就熊肥牛瘦, 不過肥熊在27800, 要破頂才有得吃, 想落山食牛扒就要插穿10天線, 不過就會放生肥熊, 大鱷想守住10天線就可先吃27638超貼價小熊

港股已升呢, 連續3日收市企27500/10800樓上, 有基金經理唱好做後盾, 熱錢流入新興市場果然非同凡響, 好友今個月贏到開巷仍未肯放手, 今次升浪跌一日例彈, 今日跌即係明日升, 大鱷或會再伸一腳上去, 月尾最後一天要畫月線, 通常不會創即月新高, 不過資金市可能會扭曲了慣性走勢, 如明日冇破頂, 即月頂仍有可能在後日(31/1)出現, 一般來說, 月尾6天多數係3升3跌, 偶爾係4:2, 但今個月資金市跌唔落, 如今係3升1跌

多隻指標股挑戰整數關口位都見阻力(QQ$350.平保$75.國壽$20.長和$80.恒生$180.中海油$13.中石油$5.友邦$70.建行$7.工行$6...), 係大市未上破27800/11000的主因, 大鱷似乎想留力, 俾時間股份消化沽壓後再儲力向上, 以時間及窄幅波動來代替深度調整

~~~~~~~~~~~~~~~~~~~~~~~~~~~~~~~~~~~~~

一月例升效應

港股變數在明日係結算日, 期指結算日港股通常開局先抽上去拉高結算價再向下走, 要留意尾市結算塵埃落定後大市表現, 會否又例牌尾市走番上去, 今次期指結算同以往唔同, 因為有一月效應, 升勢停不了, 北水港股通(滬深)炒埋明日就要收爐了, 港股雖然少了一條水喉, 但亦冇左大媽沽貨的制肘, 自由行, 屠熊大鱷玩晒

本周係超級星期, 金融市場充斥著利好利淡消息, 加上企業盈喜.盈警亦會影響港股表現, 今日國壽發盈警就插水, 拖低國指, 而今個月港股的升浪係由國指走強帶動, 如國指轉弱就會壓住大市, 大行唱淡吉利亦插, 但指數收市最終跌幅不大, 因為大鱷用輪動方式接力推升, 權重股有升有跌護盤托市, 上証力守2550亦有可能係阿爺唔想農曆新年前插水, 想大家開開心心迎肥豬年

今日大鱷忍忍手, 恒指冇創新高, 自從月初上企26000以來, 通常抖一日, 最多抖3日就會再創新高, 只要等QQ完成調整就可推動大市闖高峰, 今日港股即市跟足上証騰上騰落, 明日港股表現要看上証及權重A股表現, 人民幣強.阿爺好.港股好, 地產板塊強.港股不深潛, 內銀內險弱, 港股就會受壓, 美國加息機會下降, 本港銀行同業拆息續跌, 今日地產板塊倒升, 係港股收窄跌幅的功臣, 留意明日地產板塊表現就知大鱷想點

而家港股仍處於升浪之中, 未下破支持位(例如10天線.27000.26800), 大市仲係反覆上升尋頂格, 做淡係逆勢操作, 淡友只能做快閃黨, 基金經理看好, 老外繼續掃A股, 阿爺托住內地股市, 政策利好, 好友就有藉口推升, 一回就有買盤低吸, 今日上証雖然收市下跌, 但內銀內險A股逆市上升, 亦幫手撐住相關H股, 過去一周多左散戶打電話問股, 多數都係話想入貨, 你估大鱷會點做? 梗係推高派貨啦!

貿易戰中國不斷作出讓步, 而特朗普就因為美股早前出現股災式下挫.美國經濟增長見壓力.停擺.去年中期選舉失利.民望下降以及美企業績轉弱, 亦想達成協議, 所以港股低位見買盤承接, 而好友就等利好消息做催化劑做助力才出手

最新回應

史哥
史哥 2024/03/28

下月關鍵位為~ 16561 

向上 16561 17057 17569

向下 為 16064 15582

{#iconb_22}

門徒
門徒 2024/03/28

166對後市有一定指向性 {#iconb_22}

門徒
門徒 2024/03/28

嘩...乜挾到咁高既 {#iconb_61}

美味雞煲
美味雞煲 2024/03/28
@soho*...

元帥,咁我避開桂林先😄 冇諗過去貴州丫,但可以考慮嘅之前我就係三月去桂林,天氣一般亦都去睇過苗族表演,所以貴州可去可不去 ☺️ 可能有啲地方好靚我要深入了解吓先 🤭 想去嘅地方有四川、西安、西藏、新疆、雲南同北京,分兩次去😅🤣 

門師兄,快啲玩熟CFD等你帶隊🤭😚🙏