陸羽仁
陸羽仁
陸羽仁

放慢加息利地產股

2019/01/28 09:01:31 網誌分類: 經濟
28 Jan

上週五美國總統特朗普宣佈與國會達成協議,讓政府9個部門重開3星期,暫時結束美國歷史上持續時間最長的關門事件,刺激美股造好,杜指升183點,收24737點,升幅0.8%;標普500指數升0.9%;納指升1.3%

政府關門和中美貿易緊張局勢係近期拖著美股的主要力量,政府暫時重開,市場的風險胃納提高,幾隻科技巨股即時有番炒作,蘋界及Netflix齊升超過3.3%Facebook2.2%;亞馬遜和Google母公司Alphabet亦升逾1%。標普500指數科技板塊領漲大市,升1.5%

唯一比較差的是在週四晚公佈業結的晶片巨頭Intel,因為季度盈利及盈利預期都差過預期,股價大跌5.5%。不過,整體晶片股的表現,未有受到影響,標普半導體股票基金仍有2.2%的進賬。

特朗普近日真係灰頭土臉,在國內,因為向國會要57億美元興建美墨圍牆不遂,不惜讓政府停擺,並且創下了連續35天的最長紀錄,搞得全國9個部門、80萬名政府工人無人工出而要關門,怨聲載道。由NBC及《華爾街日報》合作搞的最新民調顯示,有50%的美國人把政府關門的責任歸咎於特朗普,而只有37%的人認為是民主黨人的錯。這也是民主黨人對於特朗普的要求一於企硬的原因,反正繼續玩落去,死先的肯定是特普朗和共和黨人。

至於對中國以至全球開打貿易戰,他的名就更臭啦,在國外,就在瑞士達沃斯世界經濟論壇即將閉幕之際,商界領袖對貿易戰表示擔憂,並稱他們「受夠了」特朗普的政策。事實上,在美國,有越來越多美國人認清貿易戰是一套傷人傷己的「七傷拳」,在上述提到的民調中,有63%的受訪者相信美國已走上了不正確的軌道,而非朝向正確的方向。認為美國目前的策略是正確的,只有28%

而美國Hill TV及民意研究公司HarrisX所做的另一份民調即顯示,特朗普的支持率由12月時的47%,下降至44%,有56%的受訪者不贊同總統的行為。特朗普又不是傻仔,見到這樣的狀況,還不急急轉軚?上週五就突然表示與民主黨人達成協議,而所謂的暫時讓政府重開3星期至215日,讓工人有糧出的講法,只係「跌落地攞番渣沙」而已。

除了政府結束停擺之外,另外還有兩個因素幫忙推了股市一把,首先係美國財長努欽為商務部長羅斯在上週四為即將展開的新一輪中美貿易談判撥冷水補鑊。羅斯說中美離達成協議,仍有「幾哩咁長」,努欽則表示對中美貿易談判有信心,又話談判有很好的進展。雖然努欽講法有點行貨,但對股市有些支撐作用。

其次係《路透社》上週五報道,對分析師的調查顯示,美國政府關門將損及第一季經濟增長,分析師預計美國經濟這一季的環比成長年率為2.1%,低於上月預估值2.3%;預計第二季為成長2.3%,到年底時會放緩至1.9%

分析師並預期經濟增長下滑已使得聯儲局至少在430日至51日會議之前都按兵不動。

市場現時預計美國2019年會升息兩次,與12月的調查和聯儲局的點陣圖一致。不過,預計聯儲局會把加息時間押後至第二季度,而非上次調查中預計的第一季度。

其次,《華爾街日報》上週五報道,有跡象顯示聯儲局結束縮表的時間會比市場預期的早一些。聯儲局的目標係每月縮表500億美元,但去年12月一共只減少了國債及抵押票據340億美元。到目前為止,聯儲局累計減少了的債券約為4000億美元。

聯儲局的主要考慮是銀行體系中最適合的儲備水平是多少,較高的儲備水平相應需要一個較大規模的資產負債表,意味著聯儲局可以較早結束「縮表」行動。聯儲局官員原來認為「縮表」可以在市場沒有受到干擾的情況下推行,但事實不是這樣,銀行可能需要較高水平的儲備應付緊急情況。

聯儲局減少加息幅度,將影響香港的加息前景,對地產股比較有利。

陸羽仁

回應 (6)
我要發表
kathleen
kathleen 2019/01/29 07:52:26 回覆

2019-01-28

Dow Jones Industrial Average (^DJI) 

24,528.22 -208.98 (-0.84%)

前收市價 24,737.20
開市 24,596.98
成交量 347,165,349
今日波幅 24,323.94 - 24,596.98
52 週波幅 21,712.53 - 26,951.81
平均成交量 371,629,833
animal666
animal666 2019/01/29 06:20:48 回覆

兜底的藝術
2019年01月29日

  港股連升四日,創四個月新高,恒指早段揚221點,報27790點見全日高位,惟午後跟隨A股回落一度倒跌,收市升7點,報27576點;國指續升,收報10882點,揚8點。大市成交金額940億元。

  中石化俄鋁博中和味

  藍籌股領展(823) 股價及相關新聞 再創上市新高,高見84.9元,收升1.6%,報84.4元;恒安(1044) 股價及相關新聞 收升1.9%,報58.95元,為升幅最大藍籌股。由於美匯下滑,金價企穩於1300美元關,刺激金礦股向上,招金(1818) 股價及相關新聞 收揚4.4%,報7.85元;紫金(2899) 股價及相關新聞 收升2.2%,報2.81元;山東黃金(1787) 股價及相關新聞 收漲2.4%,報19.78元。

  美匯上周創逾兩個月最大跌幅,加上貿易談判話包括匯價,令人民幣走勢轉強,內地航空股一如預期喺農曆新年前造好,東方航空(670) 股價及相關新聞 收漲1.7%,報4.81元;南方航空(1055) 股價及相關新聞 升幅相若,收報5.52元;國航(753) 股價及相關新聞 收升1.2%,報7.65元;本地航空股國泰(293) 股價及相關新聞 就比較弱勢,跌1%,報12.1元。

  大市喺28000點前反覆,回吐同觀望氣氛增加,但唔代表無股份有表現。昨日有兩隻陸羽仁推介過可以兜底嘅特別情況股份都跑出,佢哋分別係龍頭國企中石化(386) 股價及相關新聞 同俄鋁(486) 股價及相關新聞 。中石化昨日收報6.41元,再升1.8%;俄鋁更大升9.4%,收報3.26元。

  中石化因為爆出炒燶期油,股價喺月中大插,跌到去5元邊緣。陸羽仁拆過局話,呢個係一次性虧損,而且對整體盈利唔構成好大衝擊,夠膽可以低吸,由低位計回報率有兩、三成。

  俄鋁就喺美國政府宣佈打擊後股價不斷插,喺跌穿2元時,陸羽仁認為可以一博,插到1.5元再建議買入,若然兜底持有至今仲和味,回報率近倍,真係買得大賠得大。

  買急插股雖然回報高,但絕對係高風險玩意,唔可以亂玩,有中環茶友食胡之餘,問有冇一啲原則可以跟?陸羽仁話呢個係藝術,好難死跟規矩,但藝術創作都有啲準則可以參考。首先當然係睇公司實力。中石化同俄鋁共通點係乜?答案就係同屬巨企,唔單止咁,而且有啲大到唔可以冧嘅味道。有咗呢個底牌,落注泡湯嘅機會就細好多。

  兩間公司大到唔可能冧,中石化係三桶油成員之一,係龍頭國企,實力唔使多講。俄鋁大家陌生啲,但集團不但係俄羅斯喺能源以外最大實力工業,更係賺取外匯嘅印鈔機。

  公司能夠有今時今日嘅地位,全靠俄國嘅天然條件,兼具礦藏同平價能源成本,其他公司唔易替代。當日美國話制裁俄國,全球鋁供應鏈即刻出問題,連英國嘅金屬交易所都受影響,所以俄國必定力撐。另一方面,美國都要考慮制裁俄鋁對美國企業引起嘅連鎖效應,更何況總統特朗普同俄國關係,予人感覺千絲萬縷,所以最後大股東歐柏嘉承諾退出董事局後,美國制裁就開始鬆綁。

  睇住業績分段食胡

  除咗睇背景同政經分析,對公司基本面認識都好重要。以中石化為例,公司傳出炒期油損手,初步話數以十億元計。陸羽仁當時計過數,首先係中石化盈利以百億計,輸幾十億應該頂得順,股價由高位大插兩成幾,顯然反應過大。再者,中石化係做下游生意多,油價跌其實對公司有利。公司對沖期油,係買油價萬一向上嘅保險,雖然油價不升反跌令期油輸錢,但油價向下對公司盈利甚有幫助。結果中石化2018年度業績快報,按中國企業會計準則,淨利潤為623.86億元人民幣,就算扣除炒油虧損,都按年升22%,每股基本收益0.515元。

  俄鋁喺被制裁風波前股價徘徊喺4.5元水平,當時大市喺三萬點左右,礦業股跌得多啲,O依家股價反彈後,回落幅度開始貼近大市。至於中石化基本上已經消化炒油消息,若論基本因素中石化比俄鋁穩。中石化由於業績靚仔,加上此股一向派息不俗,以及未來有重組概念,唔使急於一次過食胡,未來仲可以低買高沽炒上落。

  陸羽仁

大戶終結者 ( 等人齊 )
大戶終結者 ( 等人齊 ) 2019/01/28 15:08:43 回覆

倒跌!  {#iconb_65}

子龍 (kaka就是大叔的契哥)
子龍 (kaka就是大叔的契哥) 2019/01/28 14:29:29 回覆

噢...未破278........ {#iconb_62}

大戶終結者 ( 等人齊 )
大戶終結者 ( 等人齊 ) 2019/01/28 09:44:25 回覆

{#iconb_62}

kaka422617
kaka422617 2019/01/28 09:33:07 回覆

user

最新回應

大笨袋鼠
大笨袋鼠 2019/10/15
@小貓愛情觀...

公道講返句,袋鼠記得,你係愛港,亦唔算盲目愛國,但係亦信教,唔係同無神論黨同行。有次被「圍」時你提過。

呢個時勢,保持中立係有好大問題,但袋鼠唔撩嘞

未來要保持中立,置身事外,會越嚟越難,唔會再返去6月9日之前嘅香港,要有心理準備

大笨袋鼠
大笨袋鼠 2019/10/15

之前已經有報導,指出環球關注氣候變化政策嘅示威#ExtinctionRebellion,開始出現港式『索帶三角鐵馬』(有別於AV國『三角木馬』!) {#icons_dog10},而家加塞隆尼亞又玩『和你塞』機場,真係秉承咗蘇維埃思想,香港輸出革命?! {#iconb_270}

照睇#ExtinctionRebellion無條件使用,但係加塞隆尼亞,係有足夠可以抄足香港抗爭模式,跟住可能又係北愛化?

Sparky
Sparky 2019/10/14

小貓愛情觀
小貓愛情觀 2019/10/14

林鄭月娥我DLLMGCFH