Canada遊學記 EP0
有冇諗過其實去外國讀書呢？
又有幾多人可以同你講關於加拿大嘅留學小知識趣事？
去加拿大留學嘅人比去英國嘅留學少，又漸少數； 加拿大讀書
但係去加拿大讀書系最容易可以入大學嘅途徑。
睇完我每期更新包你有興趣→→→加拿大讀書
Hello! 撳入嚟嘅你ʕ•ٹ•ʔ
你一定係位帥帥噠小哥哥
或者位美美噠小姐姐
加拿大係世界上最大嘅國家，亦係一個多元文化、自由、和平嘅地方。
係呢個地方讀書既有好處又有壞處。
而今次序幕我會同大家講下加拿大日常生活同天氣
nevertheless, it is good
惠梨香 (@yume_erika)
Canada遊學記 ep0
我可以話加拿大嘅生活比起香港生活既沉悶又無聊
呢個地方無論任何時候你想出去行下買嘢
(除非你住係每個小區嘅市中心或者係一個廣場plaza隔離)
你基本想都係要靠搭車或者揸車去代步
「冇錯呢個係會增肥嘅地方 」
我比較幸運，我所住嘅地方係多倫多，
雖然唔系市中心但係都係住係佢附近嘅市鎮亦稱之為『GTA』Great Toronto Area。
其實唔係話一定要揸車 多倫多嘅交通係非常方便
只要留係GTA②個鐘頭之內都絕對可以去到你要去嘅地方
通常去downtown都係45分鐘 所以唔須要去擔心話好似D人咁講
加拿大好差架! 冇車咩地方都去唔倒係假架!!!
係加拿大只要有勇氣嘗試咩都可以做到！
啱啱提到嘅揸車係多倫多16歲就可以考車牌
(其實我已經16歲咗2個月但係一直都懶去考車牌)
每個省份都唔同所以如果你唔喺安省記得上網查清楚呀!!!
～
-惠梨香的小知識·小學堂-
多倫多係加拿大除左溫哥華之外最出名嘅城市，
多倫多位於加拿大安大略省亦位於加拿大東面所以係我哋稱之為嘅東岸east coast。
多倫多面積非常之大，最出名既市鎮就莫過於列治文山、萬錦市、士嘉堡哩三個地方，
佢哋都係最多華人嘅聚居地。
呢三個市鎮就位於多倫多嘅北面。
而南面有Etobicoke, Mississagua 等等嘅地方。
因為實在有太多地方不過唔緊要記住呢幾個就可以喇
因為主要大學都係呢到附近同埋係最方便嘅地方。
～
日常食飯嚟講係多倫多係絕對唔會餓死你，
至於你話好無味又係另外一個價錢(是萬能的( ´∀｀))
當然我有好多覺得特別好味嘅料理例如義大利、韓國料理我都覺得唔錯
而華人超市係絕對唔會少，但係我個人都係鍾意韓國超市
因為我好鍾意韓國嘅零食
超市食物嘅價錢由幾毫子到超過$50都有♡
大家最好奇嘅臘腸呀米呀各種各樣都有，所以唔須要擔心
(^^♪。外國嘅超級市場呢係非常²大，
佢哋通常係喺COSTCO或者WALMART呢D地方買日常生活用品。
我個人比較推薦係COSTCO買D大量嘅零食尤其係果仁或者薯片類，
最重要係廁紙係COSTCO買係最平(直到依家數據可能有誤)
而WALMART則要睇一D會減價或者佢做特價既時侯買佢既商品。
但係我唔太推薦係呢D地方買外國人食品。
食物黎講我推薦LONGOS佢每日都會有一種牛排減價
減價貨品亦唔係非常差而係同平常根本就無分別所以真係好推薦
遲D我再諗到我就再更新下呢部份
有任何既提議都可以留言又或者IG DIRECT我
===========我是呆呆的分隔線===========
上面其實我都話係加拿大係非常唔方便買餸又要一次過買一個星期嘅餸各種各樣
但係我覺得呢個地方佢依然吸引我繼續想住OR
佢令我冇討厭嘅就係佢最³出名嘅天氣空氣同接近大自然嘅環境
我可以承認天氣可能未必係你地想像中咁美好但係加拿大四季分
每個季節唔會超出個月 冬天係絕對會落雪仲唔係小雪係20cm嘅雪
可能你第一次會感覺到 ❛嘩! 好浪漫呀！♡❜ 之後你就會 ❛夠喇！落完未呀！❜
尤其係我最討厭嘅濕雪
落到地下之後比車行過轆過就會變黑 非常核突
但係又有另外一面 落乾雪係非常非常靚
佢唔會污糟 佢只會默默咁樣融 好不浪漫
夏天亦係非常舒服想像一下如果夏天唔會出汗會點？
答案就係幾熱都唔會lup痴痴。
冇錯！加拿大就係幾熱都好都唔會流汗因為佢本身好好好乾所以係非常讚
空氣好呢部份一定聽過好多人講過，但係佢有幾好你又知唔知呢？
其實我本身係一位嚴重哮喘病患者
一年唔多唔少一定見醫生4次以上全部都係因為哮喘病發
但係自從我2016年去左加拿大之後 我哮喘從來從來未發生過
我仲係學校參加咗CROSS COUNTRY (即：越野長跑) 我跑足全程5km
一次休息都冇同常人無異 呢樣係令我非常開心
因為由細到大我無咩運動係可以令我一直唔休息繼續做都令我完全感覺到冇壓力
亦因為係加拿大佢哋係唔care你有冇拎到獎項
最主要係你有冇盡力同埋有冇享受過程中嘅樂趣
所以令我得到一個新嘅愛好就係跑步
當然如果唔系因為呢到空氣同天氣好，
我絕對係唔會去參加呢啲我係香港稱之為『玩命運動』空氣GOOD
自然環境真心係無得壇
因為無論去到邊到你係絕對見到樹之外，
每個市鎮裡面嘅小區一定會有自己嘅一個公園。
俾個例子你(ㆁωㆁ*) 我住呢個小區佢唔需要行超過5分鐘就已經係一個非常大嘅公園
有可以踩嘅草地水池網球場足球場同籃球場
當然唔係每個小區都會有水池同籃球場 因為我平時去嘅公園係比三間中小學包圍
所以配套非常充足 如果無咁多學校包圍既都一定會有足球場、籃球場大草地同公園。
其實仲有D小區會有自然經，類似行山徑嘅路徑亦係我跑 X COUNTRY嘅路徑
===========慢慢路過的小帥哥===========
講左咁多我再講就真係口臭
下期預告～
我會講關於我非常無聊但又係香港學生最仰慕同羨慕嘅校園生活
我係惠梨香 下次再見
{上次旅行照的相渥太華的二月的景象}
(原文: 加拿大讀書)
此文章純屬 Tutor Circle Blogger 個人分享，並不代表本網誌立場。
Tutor Circle係全港人氣No.1 補習中介平台，無論你係導師定係學生，都可以係到搵到最適合你既補習個案。