綜緩風波

2019/01/28 21:38:27 網誌分類: 生活
28 Jan

不知大家怎樣看最近的一場綜援風波。

首先我一向以為香港只有三十幾萬人領取綜援,不是太多,聲音應該不太大,但最近政府表示要推遲到65歲才可申領長者綜援,反對聲音竟然咁大!是否有一批人根本沒有打算去做工,只等待60歲生日就向政府攤大手板拿錢?

我明白特首打算拿5000億填海令好多人憤怒,寧願這些錢係派俾香港人,但一個城市的福利制度亦應該有規限。

記得一位世伯同我講過,佢年輕時冇綜援制度,一家七口擠在一間小木屋,得兩隻窗,非常陰暗;後來上樓住在一個好細的公屋單位,有些小孩晚上要打地鋪。他非常努力的賺錢,太太就在家照顧子女。

世伯的子女長大成人,大多做了專業人士。但世伯仍然可以保存他的公屋,到後來就換了居屋,有遊艇會風景,世伯非常滿意。

世伯覺得香港政府對佢好寬鬆,雖然子女早已賺到錢搬離公屋,政府係冇要求佢搬走。

世伯說以前的人會心存感恩,左鄰右里亦會守望相助。現在已經沒有這樣的事。

世伯說「你現在去公屋抬頭看看,每戶都有兩部冷氣。屋內有熱水爐,雪櫃,洗衣機,電視機。我們以前通通沒有,我們用洗衫板洗衣服,現在的小孩都未見過甚麼是洗衫板。」

跟世伯的年代相比,現在的貧窮人口已經比較幸福。我朋友的女兒去做義工派飯,流浪漢對她說:「又派?今日派左幾次喇喎!」我知很多人不想聽我寫這些,但這是事實。

看到世伯的case,我相信居住公屋係會致富的,因為租金只係一千幾百,而政府又不會跟進,任憑大家繼續住,大家有錢亦唔會搬走,到子女成長又各自搬走,一對老人家樂得繼續住公屋,間公屋係從無流轉。結果有一班人舒服繼續住公屋,一班人一世捱劏房。

最近有一位住公屋搬家的老人家任由廿二萬放在街頭被盜。為何他要持有這麼多現金?答案呼之欲出,因為居住公屋的人係不能這麼多財產的,為了掩飾,他不能把錢放在銀行,結果一時大意忘了現金(也真奇怪,這個數目對我來說非常大,我肯定不會忘記)。

報章就天天在講政府公屋現在都給了每天來港的新移民,卻又沒有甚麼實質數據支持這個說法。

住屋問題刻不容緩,但政府現在燒著多個火頭,也不知先撲那個才是!

最近看過最討厭的一個綜援個案就係一對領綜援的夫婦育有兩個女兒,長女患有兔唇被他們虐待,大冷天要她洗凍水浴,穿薄衣上學。兩夫婦被判感化,但他們就帶小女兒去主題公園玩,再盜竊別人財物然後放在女兒背囊,結果再度被捕。這對夫婦不做工又去主題公園玩,肯定係非常懶惰。他們一家四口加上傷殘女兒相信可以取得不錯的綜援金額,會不會有兩萬元一個月?如果福利係讓這些人濫用,我寧願沒有綜援制度,乾脆只發放資源給老人家算了。

回應 (105)
我要發表
Persie
Persie 2019/05/16 21:58:16 回覆
@李聯廣...

聯廣,我相信係,但巴塞應該想先送走古天奴。

中銀保險份年金純粹為慳稅。白擺三十萬5年(有些少回贈),大約慳$55000稅+回贈之後cut 單取回三十萬走人。我或者都會買,如果工作有轉機都有D用。

李聯廣
李聯廣 2019/05/16 08:29:53 回覆
@Persie...

Persie, 你都知我一向唔係特別鍾意年金,不過若優惠好都可以考慮吓,謝謝。

PS 基沙文來季加盟巴塞?

Persie
Persie 2019/05/16 08:03:46 回覆

聯廣,我朋友睇過晒D延期年金,投保了中國人壽的一隻,5年後慳完稅可以馬上cut 單取回本金,賺了中銀第一年優惠和省下的稅款(朋友慳$55000)。昨日蘋果日報都計算左出來,你或可以考慮。由於我在公司「時日無多」,就未必適合我,但我都會考慮。

Persie
Persie 2019/05/13 23:47:44 回覆
@李聯廣...

聯廣,我以前睇過匯豐和恆生的年金計劃,都係唔鍾意,保證部份很少。我現在買了兩份中國人壽年金,一份派20年,另一份派到138歲,兩份加埋都係每月保證得一萬元,不過派到138歲的一份本金係保證長存,所以我投保。我覺得中人壽係比較均真。我買的兩份保誠係最差,我今生不會再投保保誠的儲蓄保險或年金計劃(但朋友話佢的醫療保險不錯)。而且我年紀大,現在才買年金冇乜幫助。

Persie
Persie 2019/05/13 23:24:57 回覆
@李聯廣...

聯廣,命運對利物浦都幾harsh,佢地今季聯賽曾經好有優勢,但誰料最後都功虧一簣。強中自有強中手,遇到哥帥,也沒話說。但利物浦球迷難免心碎了。

Persie
Persie 2019/05/13 23:16:54 回覆
@幪面馬仔...

馬仔,我講得誇張左,妳另找工作一定無問題。

李聯廣
李聯廣 2019/05/13 19:57:36 回覆
@Persie...
名次   球隊 賽事 得球 失球 球差 積分
 1 曼城   38 32  2  4   95   23   72  98
 2 利物浦   38 30  7  1   89   22   67  97
 3 車路士   38 21  9  8   63   39   24  72
 4 熱刺   38 23  2 13   67   39   28  71
 5 阿仙奴   38 21  7 10   73   51   22  70
 6 曼聯   38 19  9 10   65   54   11  66

英超今季除曼城與利物浦外,其他Big 4輸成條街全都不配取得冠軍名銜。曼城與利物浦是最穩定的兩隊,奪冠亞軍是實至名歸。利記全季只1負,以97分亞軍歷史高分僅差曼城1分更是雖敗猶榮。

Persie, 年金保費和TVC一樣也可扣稅,我看你似乎更鍾情年金多一些。

幪面馬仔
幪面馬仔 2019/05/13 14:04:56 回覆

舅父仔

在香港只要肯做,一定有機會!呢層我不擔心。豐儉由人 {#iconb_56}

Persie
Persie 2019/05/13 00:01:19 回覆

曼城奪標,利物浦飲恨。

阿仙奴之前對弱旅連失9分,現在僅一分之微位列第五,可惜。

Persie
Persie 2019/05/12 23:06:14 回覆

馬仔,keep住好身體,常做運動,要買醫療保險。同屋企人一齊住,永遠有人支持。真係冇左正職,做住slasher先,找些兼職,一面再搵工作,天無絕人之路。祝福妳!

幪面馬仔
幪面馬仔 2019/05/12 20:51:52 回覆

放星期六日2日假,今日又去企左半日,師姐出更。

每一行都有小圈子,真係識人好過識字……

Persie
Persie 2019/05/12 01:15:38 回覆

馬仔,身體健康,生活過得平安,已經值得開心,深想一層也不一定要有天堂的感覺。

大家會不會開TVC戶口作自願供款來減稅?我係ORSO制度,但原來可以再開TVC,但這6萬元基金就要65歲才可取回。我睇過D基金,花多眼亂,也不知為了節省一萬元稅款是否值得。

Persie
Persie 2019/05/12 01:09:30 回覆

聯廣,蕃茄,全英超歐聯歐霸,前無古人,或許後無來者,真係有今生無來世。我覺得熱刺對利物浦可能好睇過阿積士,因為阿積士缺乏經驗,可能在final一蹶不振,但熱刺只當打英超心態,實在不知鹿死誰手。

阿仙奴車路士今年都係神經刀,如果奧巴美揚有上次finishing的水準,捧杯大有希望,但神經刀,說不準!

我網名的球星RvP退休了,Robbery組合亦正式榮休。Xavi正式退休。我真係想唔認老都唔得!

李聯廣
李聯廣 2019/05/10 08:04:48 回覆
@Persie...

今年歐洲足球真係英超年,歐聯歐霸都係全英超決賽(應係歷史紀錄)。早已預測歐霸決賽係阿仙奴對車路士。阿仙奴確係技高一籌,技術擊倒華倫西亞,但估唔到車仔贏得咁驚險,若不是兩次護倒空門,法蘭克福已經得米,仲使射12碼咩!槍手同車仔近況都有點跌watt,難估邊隊可奪冠。

Persie
Persie 2019/05/09 23:45:47 回覆

足球可以帶給球迷甚麼?
今季俾我地最佳答案。

連熱刺都打入歐聯final,再望下阿仙奴,對中下游部隊連敗三場,我覺得很痛苦。每場比賽都努力支持,不理係夜裡甚麼時間,但我們的全心全意支持結果係如何?

巴塞就連續兩年咁樣領先幾球嘔凸在次回合吃幾蛋輸歐洲賽,真係好傷害,難聽D講叻極都只係隻門口狗。我明白今年巴塞的中場嚴重退步,需要重組,但不至於差到這個程度。

我係多年荷蘭迷,見到這隊青春阿積士雙眼發光,然而佢地最後幾十秒拒絕玩角球旗戰術而落敗,能不傷透球迷心嗎?阿積士球迷等了二十幾年!!

我係真心忠誠的球迷,傷心兩個字不足以形容這兩天的感受。我係元氣大傷。如果阿仙奴睇住巴塞阿積士點死今晚都犯相同的錯誤的話,我驚我會睇波睇到瓜左。

睇波唔應該係咁痛苦的,唔應該。

聯廣,我相信阿奴唔係負碌,佢睇到交到,well done。

蕃茄
蕃茄 2019/05/09 16:45:04 回覆

Persie, 聯廣,

我呢兩晚無睇歐聯直播, 但之後睇精華片斷都睇左幾次, 今年四強, 兩次出現大逆轉真正 堅係 精彩+傳奇, 我覺得熱刺勁D, 作客, 半場追三球!

巴塞, 無嘢好講, 連續兩年被大逆轉, 係決心意志不夠對方強?? 照統計: 歐聯淘汰階段, 首場輸三球, 而可在第二場逆轉出線 -機遇率係 6% !

我信人生有奇蹟 , 但真係需要有超強意志 去堅持奮戰至最後一刻至得.

蕃茄
蕃茄 2019/05/09 16:23:41 回覆
@幪面馬仔...

馬仔, 希望你在凡間 的生活安穩, 我們一介凡人都慣於在平凡的凡間生活的 ^-^

李聯廣
李聯廣 2019/05/09 07:10:36 回覆

馬仔,係全英超決賽,利物浦對熱刺。

歐聯連續兩日有奇蹟,繼利記的大逆轉後,熱刺又創出一場「有今生無來世」的經典比賽。阿積士上半場就領先兩球以為勝利在望之際,換邊後卻遭熱刺大反擊。盧卡斯莫拉演帽子戲法狂轟3球,最後一球更是補時絕殺,帶領熱刺以總比數合計3:3,憑作客入球晉級決賽。阿積士真係輸經驗,有乜理由補時期間唔死守保持勝果仲要進攻,被絕殺真係時也命也!

Persie, 哩個世界真係有奇蹟,不用心灰。

馬仔,我都祝你早日重回天堂。

幪面馬仔
幪面馬仔 2019/05/09 00:02:09 回覆

新老闆接手了已2年,我想他不用蝕錢。但冇錢賺。

租約年底到期,應會收檔了事。

他主理的店舖擴充,到時我會否有得留底調舖?未知數!

一個月前突出信說跟據法例我不可能是自顧人士,所以會簽僱傭合約及所得福利。

但現在仍未簽??孰真孰假??

好似由底点回到平地,現在又回到底点!!

我常對朋友說,在工作上,我從舊老闆的天堂,去到現在的凡間(因為人人打工都是這樣)。

幸好未去地獄(仲有份工)……

幪面馬仔
幪面馬仔 2019/05/08 23:48:05 回覆

今日同個朋友午飯,他是利迷。

他高興得不停講利記怎樣創奇蹟!

他決定訂機票睇決賽!

咁对邊一隊呀?

李聯廣
李聯廣 2019/05/08 18:09:17 回覆
@Persie...

嚴格來說,巴塞打得並不算很差,只是利物浦上仗就冇運,今仗就非常好運,早入球造成開局順打起信心。奠定勝局的一球,利物浦右閘阿諾特趁巴塞球員不集中時開出角球,造就奧歷治門前建功。不知阿諾特是突如其來的神來之筆,還是真有這樣的足球智慧及洞察力,才年僅20歲,十分難得。

巴塞連續兩屆歐聯都先勝後輸,只是輕敵和欠運咁簡單?真是要檢討吓!

 

Persie, 人生總有高低起伏,有低點亦會有高潮,祝你否極泰來。

Persie
Persie 2019/05/08 05:14:12 回覆

今日覆診,X-光又係麻麻。除了取出鋼片的手術有可能需要另外一個手術,希望不需要,但現階段講唔埋。

皮膚敏感的問題反覆一年,搽開的藥已經失效,情況越來越差。

人生的低點,今晚感受得到。

Persie
Persie 2019/05/08 05:10:21 回覆

聯廣難以置信的一夜。

阿蘇賽前話今晚入球唔慶祝;華維迪著到似個王子來領軍,我好憎呢D舉動。當自己已經贏左,現在輸得好難睇。

都話上次丹比利射唔入4-0我就知衰。

10年前今日恩尼斯達補時幾分鐘絕殺車仔充滿爭論性今晚嘔返出來。

8號Arthur D 波慢到,又失拖,辜負了8號球衣。

李聯廣
李聯廣 2019/05/04 13:58:13 回覆

歐霸冠軍正路應係槍手與車仔之爭,華倫西亞與法蘭克福論實力均遜一籌。看阿仙奴或車路士誰可憑歐霸打歐聯了。

Persie
Persie 2019/05/03 18:50:33 回覆

後防衰過豆腐渣工程,幸好都算能反勝3-1。我睇到流汗。

Persie
Persie 2019/05/02 05:31:45 回覆

✌️

Persie
Persie 2019/05/01 22:38:52 回覆
@幪面馬仔...

馬仔,我收到AIA的信問我轉不轉我份大房plan。如果不用重新批核健康狀況,我會轉成靈活計劃。我會問下我個agent我的理解是否正確。

如果由今日的健康狀況開始計,我就當然唔轉。

Persie
Persie 2019/05/01 22:35:45 回覆
@李聯廣...

聯廣,全對,但巴塞今季中場退步左,全靠美斯。但只憑美斯可奪歐聯嗎?昨晚AJAX開局極佳,但華湯庚受傷後熱刺竟可以調整演出,將失球保持在一球,下場如何都未知。而確實熱刺讓了雙車。

我還記得1995年AJAX奪冠,憑一班年輕人;伯金早走了一屆,就拿不到這枚冠軍獎章,怎料之後無論如何也拿不到。

一晃眼竟已24年!

李聯廣
李聯廣 2019/05/01 14:28:08 回覆

天下武功,唯快不破。今屆歐聯會否由以快打慢的阿積士爆冷奪標?

Persie 應續捧美斯的巴塞吧。

幪面馬仔
幪面馬仔 2019/04/29 23:27:52 回覆

自願醫保轉吾轉好??

Persie
Persie 2019/04/28 23:27:43 回覆

我沒想到我這三句大字報可以用於三場比賽,實在太令人失望了。

反觀曼城利物浦鬥到難分難解,寸土必爭,半步不讓,真係精彩。

Persie
Persie 2019/04/22 01:30:39 回覆

冇 眼 睇

好 生 氣

好 失 望

Persie
Persie 2019/04/20 14:44:46 回覆
@李聯廣...

聯廣,如果計餘下賽程,利物浦奪冠機會較大。

睇左幾十年波,越位條例改晒;現在連手球條例都改埋。

我已經唔知咩係手球咩唔係。

路蘭特個球都唔係手球,我係無話可說。只能說今年不是曼城的年。

李聯廣
李聯廣 2019/04/19 16:57:33 回覆
@Persie...

英超今季除利記同藍月穩奪歐聯參賽資格外,熱刺、槍手、車仔、紅魔爭第3、4名都要打崩頭。不過車仔同槍手有機會憑歐霸冠軍取得歐聯資格,咁紅魔係咪隨時爭到第4都冇得打歐聯?

至於英超冠軍,應該只係利記同藍月之爭,Persie你買邊隊?

Persie
Persie 2019/04/16 11:45:35 回覆

雖然阿仙奴表現普通,艾馬利換人又好似進退失據,幸好都贏了比賽。

不過見到巴黎聖母院大火好痛心,這坐建築係獨一無二。

Persie
Persie 2019/04/06 10:16:23 回覆
@幪面馬仔...

馬仔,我冇去啦,現在好難買票,更加難入executive box,因為改左制度,好難「屈蛇」入box,以前好易,入去任食任飲。

咁你可以睇波嗎?

Persie
Persie 2019/03/27 10:15:16 回覆
@幪面馬仔...

馬仔,你不需要為不值得的人設想,但總有一些人你會為他們不計回報的付出,從而得到快樂,就係蕃茄所講的境界。

我們都係打份工,小職員,不會24小時想住公司嘢(大老闆除外,佢地bonus好大數所以係為公司賣命)。如果有自己時間,可以另外幹些活兒,好似你就可以研究炒股炒匯,也是另一條出路。

幪面馬仔
幪面馬仔 2019/03/26 16:18:55 回覆

我明白人比人,比死人。

今日我下午3点已走人放工。公司今日又有人搶了我的生意做,唯有早D走冇眼睇。

食幾多著幾多,整定!

我份人其實為人設想多過自己。但吾好祈望別人都會這樣對自己。

蕃茄
蕃茄 2019/03/26 15:43:52 回覆

Persie, 馬仔,

同意 persie 所講, 將焦點/關注 放在他人身上 多小小, 自己心情會相對放輕鬆左的.   

 可能 呢一,兩年 步署緊 退下全職生涯, 所以有時都會思考吓人生 ,  我覺得如果 我嘅 存在 和 行動,  可以令到 身邊人/他人  的生命/生活 中多 一 點 快樂,  我嘅人生 基本上 就都 算 有意義同成功了, 同時我都會覺得愉悅的, 可能因為得到關愛的人的認同.  

Persie
Persie 2019/03/25 15:31:41 回覆
@幪面馬仔...

馬仔,有時試下擺個focus在其他人身上,你會舒服好多。

世界其實好大,有時我們的問題其實好細微。

今天看蘋果日報的news,本來也不覺得會有這樣的好人,但原來係有:

【好人好事】長期病患男義賣食譜 身體疼痛堅持免費煮飯派基層

http://s.nextmedia.com/realtime/a.php?i=20190325&s=10829392&a=59399929

幪面馬仔
幪面馬仔 2019/03/25 01:07:05 回覆

我希望自己成為一條鹹魚或老油條……

Persie
Persie 2019/03/24 10:29:54 回覆

12歲小朋友上吊自殺亡。

幼稚園校長失蹤兩天。壓力大,匿藏自殺?俾人殺左,在某處藏屍?

每天都有起碼三個人自殺。大部份人都活得好辛苦。

香港已經病入膏肓。

Persie
Persie 2019/03/24 10:14:37 回覆

#836 華潤電力大減派息,股價大跌,幸好我呢期冇貨在手。

幪面馬仔
幪面馬仔 2019/03/22 22:19:38 回覆
@Persie...

我驚佢退左之後吾再送股……

Persie
Persie 2019/03/22 18:06:57 回覆
@幪面馬仔...

馬仔,四叔退休了。

幪面馬仔
幪面馬仔 2019/03/21 00:00:57 回覆

我有煤氣#3 {#iconb_229} 

Persie
Persie 2019/03/19 13:20:07 回覆

不禁想起潘源良用「相濡以沫」來形容佢同李麗珍的苦戀。兩條小魚兒互相幫助向對方身體吐泡泡濕潤住對方來互相吊住條命,是浪漫也可以係一種痛苦。

睇你點睇。

阿潘選擇放棄然後找了一位愛音樂,年輕很多而外貌又有些李麗珍影子的伴侶,可以理解。

Persie
Persie 2019/03/19 13:13:55 回覆
@李聯廣...

聯廣,有睇,叫貝迪斯球迷都起立鼓掌致敬的帽子戲法。美斯在我眼中是很特別,無可取替的。

月初對皇馬臨完場美斯失驚無神一個射門冇拉弓冇腳影快如閃電的一射差少少唔入,如果入左又係El Classico的一球靚波。

我朋友,我估佢知道情況不好,但佢以為大家都 no better place to go 會繼續一齊。佢大過我,同老婆一把年紀,以為會相依為命,冇想過會被飛。我沒聽說過佢太太有第三者,可能只係不想再互相容忍,想有自己的生活。當然真實情況我也不太清楚。

我相信我朋友唔後悔為女兒奉獻一切,因為女兒係佢心肝寶貝,講英文有英國口音好悅耳,佢以女兒為傲,但佢無法控制女兒喜歡媽咪定爹哋多些(其實我覺得也不需比較)。不過佢不會想有甚麼回報,佢亦知道係冇,佢只想女兒活得開心。

李聯廣
李聯廣 2019/03/19 08:45:30 回覆
@Persie...

Persie, 冰封三尺,非一日之寒。多年相處,怎會一點跡象也感覺不到,你朋友若不是太善良就是太愚鈍了。

PS 有沒有看到美斯嗰球世紀笠射,真是可一不可再。

Persie
Persie 2019/03/18 20:40:20 回覆
@李聯廣...

聯廣,我發現這方面夫婦同心好重要。兩個人一齊努力,係快D成事。

我有個兄弟,遭遇慘絕人寰。佢得一個女,栽培佢讀名校,終於個女真係以為自己係公主多多要求,但佢又好叻女又靚女,在英國讀完書做嘢,識左個男朋友,好似冇意思回流。我朋友負責學費,老婆一蚊都冇出,供樓家用都係我朋友俾。終於我朋友頂唔順,賣左層樓供女讀書。最後結局係老婆同佢分手,老婆竟然懂資產轉移所以表面上大家都冇錢。阿女仲好似講男友係猶太人,將來結婚係女家俾錢。阿女又同媽咪close D,有咩嘢同媽咪講先。我朋友簡直五雷轟頂,我每天看新聞都好驚佢變成燒炭新聞的主角。我一早講過,做人不要冇左自己,佢聽唔入耳。

瀏覽更多回應 正在載入...
user

最新回應

花姐
花姐 2019/12/14

大家好,這半年真係累死老人家,堵路,擲汽油彈,塞機場,把日常活動都打亂了,悶到嘔也要鬆口氣,去台北三天,浸温泉,探親戚,又去澳門住了一晚,輸了角子机錢卻很開心,因放鬆在港鬱悶心情。聖誕快到,今天逛尖沙咀,中港城,商瑒冷请请,少了遊客,影響很大,睡不着,在此留言,問好大家。

蕃茄
蕃茄 2019/12/11
@幪面馬仔...

香港天氣都唔會冷得太耐, 我鐘意大約18, 9度的氣溫, 小小涼,但唔駛著好厚重嘅衫.^^

幪面馬仔
幪面馬仔 2019/12/07

好凍,

今個冬天是乾凍,好爽,又時有太陽……正。

Persie
Persie 2019/11/23
@幪面馬仔...

馬仔,隨遇而安!