局部制裁
美股受到Caterpillar及晶片商Nvidia股價大跌拖累,週一下跌,杜指跌209點,收報24528點,跌幅0.8%;標普500指數亦跌0.8%;納指跌1.1%
Caterpillar及Nvidia昨日公布季度業績,營收都差過預期,無獨有偶,兩家公司都把業績差歸因於中國經濟惡化,令到生意不好。Caterpillar股價昨日大跌9.1%,係拖低杜指的元兇,而Nvidia更大插13.8%,標普半導體股票基金(ETF)亦跌1.5%。。
Caterpillare表示,亞太地區的生意下跌,主要係來自中國的需求減少。而Nvidia則補充,宏觀經濟正在惡化,特別是中國,衝擊到該公司的遊戲顯示卡晶片的需求。在本月初,蘋果公司主席庫克亦抱怨說蘋果iPhones在中國市場的銷售放緩,並下調iPhones的銷售預期。
Caterpillar是全球最大的重工業設備製造商,由於面向世界,據高盛的資料,其總銷售的59%來自美國以外,而當中25%來自亞太區,所以,一向被視為全球貿易的寒暑表。Caterpillar的發言人Corrie Scott昨日表示,公司的總創售,有5%至10%來自中國市場。由於中美貿易戰,Caterpillar對2019年12月的盈利預測介乎每股11.75美元至12.75美元之間,下限低過市場預期的12.73美元。翻看Caterpillar與Nvidia過去6個月(去年8月至今年1月)的盈利圖表,兩家公司由去年10創了升10%盈利回報之後開始急速下滑,Caterpillar表現比較好,但至今年1月,已變成跌10%,Nvidia就更嚇人啦,跌超過40%!
其股價表現亦差不多,都從10月初高位急速下滑,Catepillar累跌了21%,而Nvidia非常恐怖,累積跌幅高達52.3%!美國總統特朗普向中國開打貿易戰,對美國企業以至經濟和股市的打擊正逐步浮現,單睇Caterpillar及Nvidia兩家美企所受到的傷害,就可見一斑,也怪不得商界領袖在瑞士達沃斯世界經濟論壇即將閉幕時,大歎「受夠了」特朗普的政策。
壓住大市的另一板塊是能源股,跌超過1%,主要係受到紐約期油昨日下滑3.2%,失守每桶52美元所累。美國在委內瑞拉搞政變,推出支持她的反對派瓜伊多自行宣誓當臨時總統,雖然白宮第一時間發表聲明,承認瓜伊多的總統權位,並說會盡一切手段全力施壓,讓委內瑞拉恢復民主。但總統馬杜洛堅決不讓位,美國昨日表示會對委內瑞拉實行石油出口制裁。白宮表示將會對只限於委內瑞拉國家控制的石油公司PDVSA實施出口禁運,其他公司不受限,但不能是與這是與馬杜洛政權有聯系的公司。由於委內瑞拉的石油儲存量係世界最大,可以講是「窮得只剩石油」,石油出口收益佔了外匯超過95%。只要中斷了馬杜洛政權的財源,他就反抗乏力。
市場此前一直擔心美國會對委內瑞拉石油出口進行全面制裁,會令到油價上升和影響到美國凍油公司生意,但美國發布的制裁禁令,算是比較局部性的,緩解了市場的憂慮,掃除一定程度的不確定性,油價就不升反跌。
陸羽仁
2019-01-29
Dow Jones Industrial Average (^DJI)
24,579.96 +51.74 (+0.21%)
A股地雷 小心踩中
2019年01月30日
借住個別公司業績欠佳,美股出現調整,杜指一度下跌超過300點,收市跌幅收窄為209點。美股下跌有少少係中國副總理劉鶴到達美國商談貿易問題,大家先減定磅等運到。
中證監急否認搞拋空
美股急插主要係公佈出嚟嘅公司業績唔理想,最受矚目嘅兩間公司-重型機械商Caterpillar以及晶片商Nvidia都係歸咎於大陸市場放緩。Caterpillar好多推土機都係賣畀內地,算得係美股中嘅內地概念股。劉鶴抵達美國談貿易協議前,美股爆出呢啲消息,對美國鷹派不無壓力。美國不少上市大公司做緊大陸生意,中美貿戰唔受佢哋歡迎係好正常反應。從呢個角度講,美股呢個時間下跌,可以話跌得合時。
華爾街出現回吐潮,是否大鱷興風作浪,向華府發出訊息呢?呢個無人敢講,皆因真金白銀做交易,同口講完全唔同。不過,從炒作角度,美股之前炒貿談氣氛和緩都炒咗一段時間,消息已經反映了八八九九。今次劉鶴到訪前,先傳出有幾個關鍵分歧未解決,美國又正式起訴華為孟晚舟,大有施加壓力嘅味道,趁住呢個消息先食胡,然後再睇談判反應部署絕對無壞。
美股跌得深,港股反應相對溫和,指數開市跌逾200點,但好快就縮細至幾十點,一度甚至倒升,最後恒指收報27531,跌45點;國企指數收報10867,跌15點,成交919億元。港股升勢斷纜,同內地A股走軟亦有關係,上證指數早段跌得急,午後開始回穩,結果收報2594,微跌2點;深成指數收報7551,跌38點。A股下跌部份係因為市傳內地研究拋空機制,一聽可以拋空,投資者就係出敏感反應。中證監對於市場反應都好緊張,火速澄清主席易會滿近日並未召開任何記者會。
對於有報道指,易會滿喺主持嘅記者會上表示,今年主要工作係推行沽空機制等,發言人強調,有關消息純屬謠言。發言人又指,證監會正按照中央經濟工作會議的部署,堅持市場化法治化方向,加快資本市場改革開放及推進資本市場健康發展。言下之意,似乎係證監會強調改革及推進發展,引起會否推行沽空機制等的揣測。好明顯中證監唔想見到市場有呢個反應,所以第一時間出嚟澄清。
中證監今次換人,內地官場同市場都幾矚目。原先做呢個位嘅劉仕余任期都係三年左右,跟住調咗去供銷總局做個閒職,於是惹嚟佢因為A股跌跌不休被問責。唔理呢個講法有無根據,從市場呢個解讀方法,可以見到內地對股市跌到低位嘅關注,以及維穩傾向有幾濃。喺呢個背景底下,中證監一有風吹草動,就立即出手解釋,以防新官上任,躺着也中槍。無論喺乜嘢地方做官,都要講講官運。A股跌到近年低位,劉仕余呢個時候被調走,易會滿呢個時候上場,眼前局面動輒得咎,但亦有機會係行運醫生醫病尾,畢竟內地股市已跌咗好長時間,加上中央開始放鬆銀根,點樣做就要睇易會滿嘅能耐。
國壽盈警 股價即跌
中國人壽(2628) 發盈警,預期2018年全年,淨利潤按年下跌50%至70%,即由2017年賺322.53億元人民幣,下跌161億元至225億元。國壽表示,盈利下跌主要是受權益市場整體震盪下行影響,公開市場權益類投資收益按年大幅減少所致。
受到消息影響,內險股跌幅相當較大,國壽(2628) 昨日跌了1.6%,收報19.26元、平保(2318) 跌了0.4,收報73.5元。撇除昨日受消息影響下跌,內險股近日受中央放水同限低投資限制影響,股價有扭轉去年落後跡象,特別係國壽呢隻國企大笨象不再席地而坐,這段日子竟然跑贏了大市,相信部份原因都係博內地水頭增加,投資環境有改善。不過,據國壽發佈業績會減少5至7成,有人喻為A股地雷。A股去年不振,國壽業績有多少係預期中,現在壞消息公佈,大笨象唔再坐係度,但係繼續跑前抑或碌低,要看市場點睇A股前景。
炒國策5G升車股跌
大市繼續跟政策炒,發改委出台促進多項消費措施,其中擴大升級資訊消費,加快推出5G商用牌照。其他5G股向上,摩比(947) 漲12%收報1.3元;長飛光纖(6869) 收升3%報22.6元。相反,發改委促汽車消費,就搞到汽車股普跌,長汽(2333) 挫4.41%收報5.2元;遭大摩唱淡嘅吉利(175) 收插4%報12.66元,為跌幅最大藍籌股;廣汽(2238) 收挫3.3%報8.5元。
另外,周二復牌的康大食品(834) ,其大股東天元錳業,與潛在買方訂立諒解備忘錄,涉及出售康大食品股份,康大股價曾爆升1.08倍,高見1.04元,收市仍升88%報0.84元,為升幅最大個股。
陸羽仁
以下係講股票,睇完晒再講,唔好作任何政治是非嘅爭拗
如果唔係啲『之前俾美國政府罰到驚』嘅_銀行_報料,照計美國司法機構都未必有足夠理據(就算你認為美國係用『莫需有』罪名,都唔影響下面嘅提問,因為前題重點係啲銀行响整件事都有份涉及),話華為太子女涉嫌同伊朗有交易時,對_銀行_作出虛假陳述及欺騙行為。
中國由官媒到外交部對加拿大一啲都唔客氣,同一情況,咁會唔會嗰兩間銀行有排都無運行,要小心佢哋嘅股票?
早
First...
SIGH...