「反智峯」大聲公騷擾默劇表演 自稱為民抗議

【#圖事】「反智峯」大聲公騷擾默劇表演 自稱為民抗議  

日前，民主黨立法會議員許智峯（瘋峯）同埋佢黨友、中西區區議員吳兆康去咗大館示威抗議，話居民不滿大館嘅表演發出「噪音」。但就撞正小藝團近乎默劇咁嘅表演，而瘋峯佢哋照樣用大聲公大吵大鬧，簡直係以身示範點樣用噪音擾民。其實理論上呢件事應該同返大館溝通協商，不過據民主黨班人稱，大館已經調動過表演時間、調校擴音器角度、減低聲浪，但佢哋仍認為「情況始終不理想」，於是決定去示威。 

唔少網民鬧爆瘋峯班人嘅行為反智，數埋佢之前喺立法會強搶女EO手機一事，直接問：「仲未坐監咩佢？」網民「Pak Chai」批評道，「很明顯，許智峯等人一方面意圖破壞表演，找不到大館麻煩，便向小藝團下手。另一方面，由於場地清靜，正好讓樓上的居民清楚聽到自己的聲音，知道議員正在努力工作。」另一位網民「Maxine Ling」就話︰「至少五成係無聲表演，最嘈係不斷開咪大叫嘅許智峯。」

#許智峯 #擴音器示威 #噪音擾民 
#點新聞 #dotdotnews 每日點新聞 ● 點解香港事