陸羽仁
陸羽仁
陸羽仁

儲局轉向

2019/01/31 07:56:58 網誌分類: 經濟
31 Jan

聯儲局結束議息放鴿,加上蘋果及波音飛機派出亮麗成績表,週三美股大幅抽升,杜指大升434點,升幅1.8%,收25014點,係去年124日以來首次收於25000點之上;標普500指數升1.6%;納指最勁,升2.2%

聯儲局昨日結束一連兩日的議息會議,一如預期,維持現在利率2.25厘至2.5厘不變,並在議聲明中放鴿,刪除了對上一次聲明中的「逐步加息」(gradual)的字眼,表示「未來決定如何調控聯邦基金利率,抱持耐性會比較合適。」要有「耐性」,慢慢來,自然要比「逐步」更鴿啦。

Cresset Wealth的創辦人Jack Abli表示,「聯儲局似乎已變得依據市場多過依據數據,由於市場已經習慣了超低利率的世界,聯儲局要提高利率,會比較有難度。寬鬆才是新的中性利率。」

由於市場已經預了聯儲局不會在今次會議上加息,比較關注的反而是當局對於「縮表」政策走向。聯儲局在聲明中表示,「將會依據經濟及金融的發展情況,對完成資產負債表正常化的細節作出調整。」言下之意,如果經濟不好,可能會停止「縮表」。

如果話議息聲明的緊縮政策鴿態畢露,聯儲局主席鮑威爾在記者會上就直情講出口啦,話加息這個個案已經「弱化」(weakened),他強調「需要見到有進一步加息的必要」(need to see a need for further rate hikes)。

正如Yeshiva University的經濟系主任James Kahn所講的,聯儲局今次的講法,與12月時是有戲劇性轉變。不過,仍然在意料之中。他補充,聯儲局基本上是從逐步加息至2019年,變為未有定案。加息的威脅大幅降低,就提振了股市。標普500指數11個板塊全線造好。

另外,包括蘋果、波音飛機等多家美企派出理想季度成績單,進一步推動美股炒上。波音飛機第四季度盈利及營收都好過預期,2018年營收達到1011億美元,係公司首次年營收超過1000億美元大關。另外,波音飛機預計今年全年每股盈利19.920.1美元,亦高過市場預期的18.31美元。波音昨日更升6.3%,收387.72美元。

而蘋果公司上日收市後公布業績,亦好過市場預期,股價昨日更升6.8%,收報165.25美元。蘋果大幅抽高,亦帶挈一眾科技股大幅造好,特別係幾隻科技巨頭FANGFacebook及亞馬遜升超過4%Netflix3.6%Google的母公司Alphabet亦升 2.7%,全球第二大芯片製造商昨日公布業績,盈利符合預期,股價更暴漲20%,收23.09美元,標普500指數科技板塊升超過3%,領漲大市。

另外,Facebook昨日收市後公佈第四季業績,盈利、營收、活踴用戶人數以及每用戶收入都好過預期或者符合預期,業績非常靚仔,股價在延長時段,股價大幅抽升近12%168.42美元。估計科技股今日又會再有炒作。

陸羽仁

回應 (18)
我要發表
2019/02/01 08:31:40 回覆

2019-01-31

Dow Jones Industrial Average (^DJI) 

24,999.67 -15.19 (-0.06%)

前收市價 25,014.86
開市 24,954.48
成交量 507,346,037
今日波幅 24,842.10 - 25,049.62
52 週波幅 21,712.53 - 26,951.81
平均成交量 368,184,590
animal666
animal666 2019/02/01 06:27:11 回覆

新世界星閃閃
2019年02月01日

  市場短期最關心的兩大議題陸續揭盅。美國聯儲局一如預期唔加息,還話要有「耐性」,而且仲提到縮表問題。

  雖然主席鮑威爾無即刻煞停縮表,但就話若然有需要,就會利用聯儲局資產負債表去刺激經濟,呢位主席睇嚟「鷹」風不再,仲有啲變咗「順得人」。

  內地PMI初現放水成效

  另一邊廂,國務院副總理劉鶴去咗美國開會,會前大家板起面孔,跟住就傳出喺知識產權上大家仲有分歧,有為預期降溫嘅味道。美國政府怕貿易戰觸發股市下跌,似乎仲多過中國。若然今次談判冇結果,美國都要諗計搞到場面好睇少少,以免爆煲,如果呢個推斷冇錯,咁會面將會冇大好消息,但亦冇大壞消息。

  除咗外圍之外,要留意嘅係內地公佈嘅一月官方製造業採購經理指數(PMI),結束連續四個月跌勢,由上月嘅49.4升至49.5,雖然係連續第二個月處於50以下嘅收縮水平,但市場原先估計指數會進一步跌至49.3,咁即係話製造業雖然仍然處於榮枯線之下,但開始反彈,冇外界想像咁差。

  新定單指數就微跌0.1個百分點至49.6,新出口定單指數就升0.3個百分點至46.9。

  新定單同積壓定單指數持續下降,可以理解為需求仍然有下行壓力,不過數據冇預期咁差,或者反映經濟運行有企穩跡象,特別係出口定單指數微升,可能預示自舊年11月以來嘅出口增速大幅下降開始趨向緩和。

  中美談判暫時未有突破,下行壓力紓緩,好可能係中央推出連串維穩措施包括放水嘅效果開始浮現。市場原本擔心中美貿易戰會令內地經濟喺農曆年後急速下滑,阿爺趕喺春節前出手,多少有啲托住經濟嘅味道,如果措施力度未夠,好大機會仲會再加碼。

  喺內地數據公佈後,內地股市個別發展。上證指數報2579點,升3點;深成指數報7453點,跌16點。港股走勢比內地仲強,恒指一度重上二萬八關,收報27942點,升299點;國企指數收報11035點,漲138點,成交增至1131億元。整個一月計,恒指累積升2096點或8.1%;國指累積上揚910點或9%。

  中美水頭轉增,對新經濟股都有好處,騰訊(700) 股價及相關新聞 曾高見351元,創五個月高位,收市升0.5%,報346元;領展(823) 股價及相關新聞 創新高,高見86.85元,收市升逾1%,收報86元。中資內險股領漲大市,新華保險(1336) 股價及相關新聞 發盈喜,股價飆9.4%,收報33.2元;平保(2318) 股價及相關新聞 繼續追落後,上揚2.6%,收報75.9元;國壽(2628) 股價及相關新聞 升2.3%,收報19.34元。

  2019年1月賭收即將出爐,農曆新年旺季下周開展,濠賭股上升。永利澳門(1128) 股價及相關新聞 上季多賺4%,股價漲5.9%,收報19.04元;銀娛(027) 股價及相關新聞 升5.7%,收報54元,為表現最佳藍籌股;新濠(200) 股價及相關新聞 升4%,收報18.22元;金沙(1928) 股價及相關新聞 升3.6%,收報37.3元;澳博(880) 股價及相關新聞 升3.3%,收報8.22元。

  銀根轉鬆有利資產股,本地地產股輪流炒,新世界(017) 股價及相關新聞 花錢興建嘅星光大道重開,公司股價應聲彈高2.3%,收報12.3元,距離舊年高位12.72元唔遠,從風險角度算係高位,同時說明有利好因素,公司股價跑贏大市。

  星光大道重開推動新世界股價上漲,其實呢個項目唔收入場費,公司出錢牌面無着數。但呢個安排一為神功,二為弟子,整完呢條星光大道後,對集團附近落成嘅旗艦物業VICTORIA DOCKSIDE人流都有幫助,而且令市場聚焦喺呢個大項目。

  重頭項目踏入收成期

  前身係新世界中心嘅VICTORIA DOCKSIDE重建經年,年前開始陸續建成,寫字樓部份開始提供收益,今年應該到酒店入伙,O依家酒店業務幾旺,呢間六星級酒店應該落成得非常合時。

  新世界一向係資產型公司,家底豐厚,但過去負債重,而且資產流轉慢,拖低咗內部回報率。近年公司加強發展業務,加上重建旗艦項目落成,陸續會有新收益提高盈利,踏入收成期。

  要留意嘅係,公司之前競投機場嘅商場大項目要做投資。不過,集團資產豐厚,以每股資產值21元,現價12.3元,派息3.9厘計,數字上幾抵買,若然利息轉向平穩,對呢類公司有利,所以股價就趁機向上。

  陸羽仁

2019/02/01 03:15:44 回覆

結果呢個月都係跌唔落,啲數浪派又要重新數過。 {#iconb_524}

animal666
animal666 2019/01/31 22:11:27 回覆

股平樓貴難永續(大結局)

2028年xx月xx日 (xx:xx AM)

 

陸羽仁

 

 

 

 

 

 

 

 

 

金融High Tea——
股平樓貴難永續(下集)
2012-07-16
      
上周五是「黑色星期五」,但股市並不黑色,內地公佈第二季經濟增長只有7.6%,市場相當冷靜,內地上證綜指微微升鰦一點都唔夠,等如無上落,收2185點。港股亦撐住19000點大關,收19092點,升67點。

        不過呢個黑色星期五去到美國仲精采,早前摩根大通深受「倫敦鯨」交易員投資失利影響,但上周五佢公佈上季業績較市場預期佳,股價勁升6%,帶動整片美國金融股抽上,再加上歐美投資者認為中國7.6%經濟增長,不是硬覑陸,杜指爆升203點,大升1.6%,終止連跌六日的頹勢,港股應有反彈,特別係跌得好殘的內銀股,應有像樣一點的反彈。

        大戶操控詮釋權

        股市就係咁,上上落落,壞消息面世時,又話「好過預期」、「其實唔係咁壞鎹」,股市升彈。股壇老雀極短炒時鍾意炒相反,認為如何詮釋市場資訊的權利在大戶手上,佢地鍾意同散戶做對手,所以要極短期炒作,只能在市場評價好差時買,在評價好好時賣。

        上星期寫了篇文「股平樓貴難永續」,講起網友「硬道理」在09年中因錯判市況,將05年入市的自住樓賣掉,然後將所有資金分段投放在A50(2823) 及工行(1398) 上,如今樓價升了,投資的股票跌了兩成多。文章見報後,迴響不少,有不少甚為專業的老友都有評價,可以寫寫他們的寶貴意見畀大家參考。

        第一,順大潮流炒作。有一個擅作價值投資的老手,睇完「硬道理」棄樓買股的手法,有此感歎,「買股票要年年有表現,其實近乎炒作,不是投資,炒作要順勢,唔講你個網友『硬道理』把自住樓賣掉,要冒上替代使用成本高升的風險(租金上升),單就炒作而言,佢鱓做法都是逆勢施為。」

        投資老手話,股神巴菲特咁成功,除鰦佢善睇公司價值,低價入市之外,佢都有「順勢投資」的味道,才不止長線有表現,而且中短期都有表現。例如佢在2002年、2003年以2元多的低價大手買入中石油(857)
,除了因為中石油股價低迷外,還睇到2002年911事件後,美國大幅降息,美元將持續走弱,石油等商品價格將長線走強的大趨勢,當時美國石油股唔便宜,就買纒中國石油股,結果食正油價連年大升的潮流,多年後就在10元以上沽出中石油獲利。

        股神都要順勢買

        又例如巴菲特在2011年1月以440億美元收購美國第二大鐵路營運商伯林頓鐵路公司(BNSF)。巴菲特雖然聲稱這次收購是對美國經濟前景的一次豪賭,但如果真係咁睇好美國經濟前景,點解係買鐵路公司而唔係買銀行?巴菲特係睇住美國正發生可能長達10年的非槓桿化過程,靠借貸賺錢的銀行唔係咁掂,投資進入低回報年代,加上油價高企,所以就買入鐵路這種回報較穩定的傳統公用事業,這種行為和李超人去英國買電廠、水廠有異曲同工之妙。當然,巴菲特偶有睇錯大潮流出事的投資,例如油價高睇好電動車,過份放大呢個行業的發展,入股比亞迪(1211)
,結果概念掂生意唔掂,股神勝在以8元入股比亞迪作價夠平,所以佢未死只是跟風者死晒。

        投資老手話「硬道理」在09年買入工行和A50基金長獱,事後睇係逆勢投資,因為阿爺在08年驚得滯大力投放4萬億救市,令股市和樓市當年升得太勁,再加上基建泡沫,觸發巨大通脹,2010年開始要收水救亡,這種收水潮,對投資內銀的氣氛不利,「硬道理」投資失利,係睇唔飱呢個收水大勢。反而好多人中短線炒纒內銀,跌得多買鱓,升一兩成走人,仲搵到食。

        第二,買樓有利長獱。我有另一個老友是極資深投資銀行前輩,佢20年前係巨型銀行的投資銀行部獱fit人,一直鍾情股票長線投資,唔喜歡買樓,當然佢亦有兩三間樓畀自己和屋企人自用,但他和香港人大多數發達方式不同,主要投資放在股票之上,而且係20、30年咁長獱。

        這位投行前輩舉鰦個例,佢話當年佢在包銷上市的公司中,揀鱓好鱓公司,用好少錢例如一、兩萬去買它們的股票(呢鱓錢在他而言只是零錢),買鰦十家八家公司股票,夾埋只是用鰦十幾萬,到而家無計歷年收的利息都值400幾萬,當中仲扣埋有一家公司執鰦笠股票變廢紙。佢話我可能唔覺得400幾萬係乜№錢,但佢只想試纒證明,長獱優質股票,獱得夠長有好回報。

        散戶買股難長獱

        當然,佢當年係投行大佬,睇住呢鱓公司上市,知道晒佢地盤數真假,佢長獱的股票有質素。佢承認呢個係事實,普通股民唔識揀,好多時會揀鰦鱓垃圾股,佢以內銀為例,雖然好多人怕內銀有壞帳黑洞,佢就唔係咁驚。呢個前投行大佬係中國好友,話中國第二季經濟仲有7.6%增長,仲話已經見鰦底,咁有乜№大問題,你睇纒歐美日的經濟有幾多增長?點解覺得美國好似安全過中國?美國最好的年代也只月3點幾巴仙增長,美國今年第1季增長只有1.9%,有幾好?所以拉長十年睇,佢唔覺得股票投資有乜問題,但你要日日問股價,日日去比較,咁就大問題囉,心理好易不平衡。

        前投行大佬話,一般人買樓好過買股,除了因為買樓有槓桿外,還因為買樓焗你長獱,但買股好易出出入入,但完全唔贊成投資者買股「游水」(將長線投資的股份高位沽出低位獱番),因為覺得大部份股民沒有合適的心理質素,所謂高沽,可能升少少沽鰦,結果只有輸錢股會長獱,賺錢股一早就沽走。內銀現價息率4厘、5厘,點解唔可以長獱?佢認為若有心理質素長獱,買樓買股都得,只要選擇低位入市獱佢十年廿年就得啦。

        第三,最怕係樓價追股價。聽完呢兩個朋友的意見,雖然好似一個話內銀唔得,一個話內銀得,其實只是中短線和長線的分別,內銀價殘,卻是大家都同意的事實。

        有一個靚女朋友上周問我,好買唔好買一個西半山樓盤投資,16000元一呎,佢想買一個500呎細單位租畀人,話利息咁平,隨時供平過租,有租金淨收入。我計一計,500呎單位盛惠800萬大元,呢鱓單幢樓實用率好低,500呎樓有300幾呎都偷笑,呎價真係貴得好緊要。但我見靚女貌美如花,好怕叫佢唔買一年後升到20000元一呎佢鈬找我晦氣,只能咁同佢講,樓價咁貴,但利息續低,升3成變20800元一呎當然有可能,但跌4成變9600元一呎也有機會,好似跌的機會大過升少少,就算升鰦上20000元一呎,兩年內賣要畀特別印花稅,利潤無鰦一大截,叫三思才好後行。

        靚女又問睇完我話「股平樓貴」,係唔係股價會大升?我見靚女一面「炒相」,好似唔炒樓想炒股咁,就提佢小心係「樓價追股價喎」,在這種百年不遇的金融海嘯中,投資唔好太冒進啦。

        陸羽仁

 

 

 

 

 

 

 

 

 

 

金融High Tea——股平樓貴難永續

      

2012-07-09

 

       中國減息沒有為上周五的市況帶來太多刺激,主要因為外圍唔好,內地股市上周五早段一度唔升仲要跌,搞到港股早段都要插,尚幸上證綜指當日午後都炒番上去,最後升1%收場,造2223點,港股都算收復失地,恒指只微跌8點。不過美股上周五又因為新增職位不理想,杜指跌124點,港股今日都要捱一捱。

      股市唔好景,炒股的人愈來愈少,傳統智慧話無人買才是投資股市最佳時機,不過在歐美大崩圍兼大放水時代,傳統智慧係唔係咁啱用,都令人存疑。股票買唔買都得,但買樓有實際使用需要,就必須處理,令人有好大煩惱。網友「硬道理」早前在頭條網留言提問,我覺得問題有普遍性,所以不妨引述一吓。

      網友「硬道理」咁講:「自問是紀律良好但不善投機的長線投資者,在09年中因錯判市況,將05年入市的自住樓賣掉,然後定下長遠投資目標,當時看好中國的長遠投資前景,將所有資金分段投放在A50(2823) 及工行(1398) 的股票之上,期間看着樓價不斷上升,雖然十分痛苦及無奈,但依然嚴守紀律,分段吸納,但3年過後,租金已將賣樓的利潤耗盡,自己的投資卻原地踏步,後期更是反覆向下調整,其中持貨較高的A50已比我入貨的平均價下跌28%,工行也下跌了22%,在後期將買貨目標轉至民行(1988) 及中銀香港(2388) 才止血,但倉位已滿,分配大概為A50 50%,工行30%,民行10%,中銀香港10%,由於A50及工行佔去總投資額的80%,令總投資虧損嚴重,本來看錯市受教訓是應該的,唯有處變不驚,靜待市況逆轉……工行、民行及中銀香港的投資,暫時偏向以不變應萬變,除非歐盟真的出現架構溶解的危機才考慮減持,這策略在這時勢還可取嗎?」

      沽樓買股受重創

      「硬道理」又問:「尤幸內子沒有給予太大壓力,亦從未有因為經濟緊逼而爭辯,但總會有片言隻語流露出對自置物業的渴求,但現在似乎在2014年利息回升之前,也看不到有再上車的時機,要說置業的好時機,可能還要再等2016年,因樓市縱然下調,開始時也會比較反覆,大量的剛性需求,會促使樓市在下跌初期不斷有小幅反彈,直至積壓已久的購買力完全釋放後,樓價便會正式受到考驗,陸老師同意這觀點嗎?」

      他又說:「由於對自己的長期投資策略開始抱有懷疑,我在銀行跟我推銷3個月超低息借貸時,借了一些額外資本,總利息成本為0.3%,我以這些額外資本嘗試以5%止蝕及高位回5%止賺的硬道理進行短炒操作,最低目標是保本,幸運地由於市況好轉,暫時的成果比預期更成功,由於要控制風險的關係,所以不打算加大短炒的資金,但的確對自己的投資紀律挽回不少信心。」

      「硬道理」的提問很長,佔了不少篇幅,希望《頭條日報》老總不要以為我在騙稿費,我覺得「硬道理」講了不少等買樓的市民的心聲,所以不妨長篇引述,我以點列回應。

      第一,賣自住樓要小心。我一直在講,如果是投資的樓,覺得樓價好高,賣咗出街,即使樓價再升,也只是賺少了,只要平常心對待即可,但賣自住樓要小心好多,這是一個百年不遇的金融海嘯,各國中央銀行也以百年不遇的手法去應對問題,結果難料。聯儲局主席伯南克的博士論文,就係議論美國1929年的大蕭條,主要觀點是若當時央行大力放鬆銀根,就不會蕭條10年咁長。伯南克如今正試驗他的理論,係唔係咁簡單放啲水就得,無人知,正因為咁,美國的利息政策係點,亦好難估。利息影響樓市,所以樓市的中短期後向無人摸得準,人人都知到加息時香港樓市好可能唔掂,但到底幾時加息呢?

      若伯南克成功救番美國經濟,可能在2014年,甚至更早就加息,樓市壓力就來。萬一相反救極都唔掂,而且再步向衰退,美國有通縮而唔係通脹問題時,只能令利息超乎想像長期低企,咁樓價又唔係咁易碌番落去。賣咗自住樓要長期租樓,好似「硬道理」老婆咁唔嘈已經好好,若一方賣樓,另一方老婆老公唔同意,鬧得一兩年,離婚都有可能,最悲哀係離咗婚樓市先至跌,證明當初賣樓的決定係啱,但一切都太遲,所以賣自住樓,除了睇市之外,還有一個感情因素要考慮。

      第二,做咗不要後悔。好似「硬道理」咁,睇落有清晰思路,有自己邏輯,就不要動搖。他的理論是樓貴股平,所以賣樓買股,而家睇落唔啱,因為樓升股唔升,佢有少少動搖,仲借錢炒股,我建議佢唔好借錢炒股,因為咁樣就開始偏離長線投資的基本策略,好易一錯再錯。堅持買股長線投資,可能5年後發現係啱。

      長揸平貨是正道

      第三,股樓背馳難永續。由於央行的行為「反常」,長期低息,大量放水,谷高通脹,推升實物資產,令房產和商品等供應好難短期增加的實物資產大幅炒起,但供應相對彈性的股市炒唔郁,結果出現內地十年股市原地踏步,樓價升咗10倍的畸型現象,雖然內地早幾年因為股改將原本不能買賣的公司大股東持股投入市場,令股票供應大增,但兩者背馳成咁,都有股票太便宜、樓價太貴之歎,恐怕差距會慢慢修正。貴嘢會跌,睇商品已睇到,反映商品價格的商品研究局指數(CRB CCI Index)去年4月上到691的高位,現已大幅回落至545,技術上跌20%已入熊市,佢已從高位跌21%,熊味不輕,再大幅下滑就確認大趨勢。CRB指數在2002年美元大跌之前,長期只是在200至250中間浮沉,未來若全球經濟再走弱,對商品需求再減,商品價格下行空間極大,其他貴價資產亦然,內地房產價格已回吐,香港樓價又能否長升不跌?當然,我講的是長線走勢,短期一年半載內樓價唔回甚至再升都唔出奇,對無樓者仍然係好大煎熬。

      第四,長揸收息唔失禮。我自己愛做長線投資者,本來好唔鍾意將長揸的股票出出入入,認為散戶點解買樓易搵大錢,買股無乜進帳,皆因持股坐唔定,升少少就走,所以一直建議「投資的我」買股要長揸。有人話而家啲股票係「呢世唔會再見到咁平」,所以你忍得住長揸,或許可以發達。不過好似「硬道理」咁,長揸A50基金和工行,而家仲要輸20、30%,心理上的確好惡頂,本來長揸A50基金有1.7厘息,好過放銀行,揸工行有5.8厘息,簡直吸引,唔睇股價就得,我的建議係揸落去,唔好低價出貨。若真係頂唔順,又估大市可能都係波動上落,可以等大市從低位升3000點時沽部份股票(只沽部份,不要清倉),博佢回吐跌番2000點時揸番,也是降低成本的方法,但要好有紀律去做,唔好太受市場影響,唔係沽咗唔去買番,就變成低位出貨,這種「游水」動作,要有定力才好做。

      最後總結,一般人覺得買樓容易炒股難,主要係揸股票無定力,買樓迫住你長揸而已。長線投資一定要買平貨,才是正道,如今樓貴股平,要長線投資,選擇清楚不過。

      陸羽仁

 

animal666
animal666 2019/01/31 21:06:50 回覆

IG market 升到洪洪聲...

SIGH...

2019/01/31 19:43:23 回覆
@子龍 (kaka就是大叔的契哥)...

將軍,請問升三舊算唔算多?市場算唔算有大量樂觀情緒呢?

SIGH..

子龍 (kaka就是大叔的契哥)
子龍 (kaka就是大叔的契哥) 2019/01/31 17:12:28 回覆

kaka: 咁多........ {#iconb_65}

2019/01/31 16:12:58 回覆

將軍,1100億成交 {#icons_dog1}

門徒
門徒 2019/01/31 15:52:30 回覆

留到佢企穩先買返,不立危牆之下,鎖定利潤 昭然離場 {#iconb_616}

大戶終結者 ( 等人齊 )
大戶終結者 ( 等人齊 ) 2019/01/31 15:39:19 回覆
@門徒...

門 C兄一蠱不留?  {#iconb_626}

門徒
門徒 2019/01/31 11:55:51 回覆

我清倉喇 {#iconb_62}你地慢慢賺

2019/01/31 11:48:09 回覆

各位早

子龍 (kaka就是大叔的契哥)
子龍 (kaka就是大叔的契哥) 2019/01/31 11:32:23 回覆

666兄: 市場會提供警訊. 大市當出現見頂形態. 很多都會出現以下情況

1. 量大不漲

2. 單日轉向

3. 陰陽足出現死亡十字星

4. 市場出現大量樂觀情緒

5. 貿易戰突變

6. 阿爺出現大量債務違約.......

{#iconb_62}

2019/01/31 11:21:19 回覆
@子龍 (kaka就是大叔的契哥)...

將軍,幾點先夠極端呀?

SIGH...

子龍 (kaka就是大叔的契哥)
子龍 (kaka就是大叔的契哥) 2019/01/31 11:14:21 回覆

大屠殺.....不過是紅人..... {#iconb_261}

大市必須走向極端......... {#iconb_62}

大戶終結者 ( 等人齊 )
大戶終結者 ( 等人齊 ) 2019/01/31 09:40:19 回覆

紅紅  {#iconb_211}

大戶終結者 ( 等人齊 )
大戶終結者 ( 等人齊 ) 2019/01/31 09:19:31 回覆

{#iconb_62}

2019/01/31 09:16:50 回覆

港股升到洪洪聲…

SIGH...

user

最新回應

soho*
soho* 2023/07/21

20/7/2023 外交部:反對日方排海計劃有理有據
<匯港通訊> 因福島核污染水排海問題,中國強化限制日本食品進口,日本政府表示食品的安全性有科學保障,計劃向中方呼籲要求盡快取消進口限制。

外交部發言人毛寧回應時表示,中國政府秉持以人民為中心的施政理念,必須對人民的健康和海洋環境負責,反對日方的排海計劃有理有據,採取有關措施有理有據。

對於日本政府利用北約峰會、東亞合作系列外長會、東加勒比漁業部長會議等場合,為福島核污染水排海計劃辯解,並釋放不會推遲今夏啟動排海的訊號。

毛寧強調,如果核污染水是安全,就沒有必要排海,如果不安全,就更不應該排海。中方敦促日方正視國際社會和國內民眾的合理關切,停止強推排海計劃,以真誠態度同鄰國充分協商,切實以負責任方式處置核污染水,並接受國際監督。(WL)

soho*
soho* 2023/06/10

有美國撐腰的日本官員卑鄙無恥下流賤格自私, 將核災難輸出全球, 害人精將會受到詛咒

https://youtu.be/zBNGawiSC1o

soho*
soho* 2023/06/10

日本執意傾倒核水

日本福島核廢水排放入海的方案進一步推進,最快7月傾倒入海,在國際間引起極大關注。

日本政府一再強調計劃安全,惟說法無可否認極具爭議性,多國都強烈質疑,在安全疑慮完全釋除前,日方堅持推動計劃無疑非常自私。

本港作為日本農產品最重要市場之一,在此敏感時期,港府作出了周詳果斷的應對,加強日本食品檢測同時,亦已預備好禁制高風險水產,保障食品安全。

若信核廢水安全 日本何不自用?

日本政府在國內外強烈反對聲下,繼續核污水傾倒設施的工程,排放隧道基本竣工,東京電力公司本周開始在隧道注水,按照日方說法,現在距離正式排放只差最後一步,只待國際原子能機構(IAEA)的報告,料廢水最快今年7月排放落海。

事態發展引起區內國家強烈反應,中國駐日本大使館發言人指,將核污水向海洋一排了之不負責任,按國際法和《聯合國海洋法公約》等規定,日方有義務與可能受影響的國家充分協商;馬來西亞、南韓、俄羅斯以及多個太平洋島國也表達憂慮。

日方一再強調倒核廢水入海安全,但按日媒報道,東電5月份在核電站附近海域作檢測,發現有海魚的放射性元素銫含量,超標180倍,日本民眾也強烈反對排放計劃。

環境局長謝展寰曾向日本當局和日本駐港領事表達極度關注,直指日方若對核廢水安全有信心,應在本國尋求作灌溉等用途。

如今日本選擇將廢水排入海,而非注入當地的湖泊、河川,顯然也明白箇中風險,核廢水一旦進入自然環境,後患無窮,而且覆水難收。日方忽視這些合理疑慮,在國際社會未有共識下一意孤行推進計劃,做法非常自私。

香港雖然只有700多萬人口,卻是日本漁農業第二大出口市場,去年出口香港的農林水產品總值2,086億日圓(約117億港元),僅次於中國的2,783億日圓(約156億港元)。

隨著日本排放核廢水計劃推進,料愈來愈多國家或地區作出類似入口限制警告,日本將要承受自私行動的後果。

(轉貼9/6/2023經濟日報)

{#iconb_227}

大戶終結者 ( 等人齊 )

現在係頭條網註冊會去咗下載星島頭條 app。