古星輝
古星輝
古星輝

古星輝 - 5G得個「快」字咁簡單?!|乜都5G

2019/02/01 04:13:21 網誌分類: 經濟
01 Feb
        究竟「快」係咩定義?趕時間去機場,飛的時速110公里無塞車為之快!但唔趕時間,搭巴士或機鐵,輕輕鬆鬆一樣到達目的地,可以幾「快」唔係最重要,最緊要係旅途愉快。

流動上網一樣,5G嘅一大特色係超高速,但若非應用喺緊急任務或工作,一般客戶上網都係睇吓片、打吓機、喺社交平台打卡同開直播,只需去到某一個速度已經足夠,再快都唔會有分別,所以好嘅網絡體驗對用戶嚟講,比速度更實際。

為咗提升客戶使用應用程式嘅體驗,網絡團隊特別與多個熱門內容供應商合作,採用內容傳遞網絡,將存放喺海外嘅內容同步儲存喺香港嘅伺服器,等客戶存取內容更快更爽。我哋仲特別投放咗好多網絡資源,透過減低客戶喺繁忙時段同地區打機時嘅網絡時延,提升熱門遊戲如《王者榮耀》或通訊應用程式WhatsApp嘅客戶使用體驗。
改善網絡質素 提升用戶體驗

另外,為咗打造好嘅網絡體驗,我哋不斷提升5G網絡覆蓋。以前同大家提過「小蜜蜂搞邊科」,呢個網絡發展項目都已經進行咗超過一年。團隊每日喺港九新界及離島測試熱門流動應用程式喺唔同地區嘅表現,再由工程人員檢視同改善各區嘅網絡質素同覆蓋,逐一擊破網絡盲點!截至目前為止,小蜜蜂已經喺全港超過7000個熱點進行應用程式測試,最近佢哋仲推陳出新,邀請現有用戶齊齊實地測試,「蜜蜜」做好網絡!

近期雖然多咗人外遊,但我哋亦一樣好重視提升鄉郊及行山熱點嘅5G覆蓋,遠至西貢大浪凹,大嶼山大風凹、牙鷹山,以至世界地質公園嘅景點鴨洲及吉澳一帶,5G一樣無遠弗屆。我哋更以穿透力特強嘅信號,提供深度覆蓋,舉個例:由小西灣發出嘅信號就可以覆蓋至東龍島。

潮流講人工智能嘅應用,其實我哋嘅網絡團隊由去年底起,已開始以人工智能,按數據預測網絡變化,以及早為不同場景或應用調配網絡資源,確保客戶能盡享優質嘅通訊服務。
和記電訊香港行政總裁
古星輝
■電訊商不斷提升5G網絡覆蓋,為用戶提升更佳網絡體驗。p/  
 ■電訊商不斷提升5G網絡覆蓋,為用戶提升更佳網絡體驗。

   

回應 (0)
我要發表
user

網誌分類