1~8/2 繼續尋頂

2019/02/01 18:45:56 網誌分類: 經濟
01 Feb

港股創年度新高, 惟高開低收, 單日轉向呈陰燭, 貼價熊陣亡

1/2 周五恒指收報27930, 跌11點(最多上升250點~競價開市位, 一度下跌140點)

國指收報11064, 升28點(最多上升129點~競價開市位, 一度下跌13點), 國指跑贏恒指

恒指日線圖出現「烏雲蓋頂」+ 超買

今日港股開市位已是全日高位, 競價升幅明顯多過ADR, 夾硬來, 大鱷擺明係玩暗殺趙完鬆, 一開即插, 既可殺熊, 亦不會放生牛牛, 呢班絕子絕孫的大鱷真係毒到冇朋友,1月尾跌市日數不符合慣性走勢, 今日一如所料補跌, 按照慣性走勢, 如果升勢未完, 落山食1口, 頂多兩口貼價牛就會再沖頂屠熊

石石一月尾話短線上望27800, 大鱷通常係特登升多些少, 元帥又俾多500點, 即係28300(本周低位27328+800~1000點周波幅=28128~28328), 今日高見28193, 到站啦! 要回氣喇! 恒指今個月由24896升至28193, 如調整升幅的0.236倍可見27415, 如調整0.382倍則見26933, 而家才是2月剛開局, 結算都完咗, 如果唔回吐又或者磨下, 一路殺上去250天線的話, 點撐得住高位到月尾呀? 等多些熊熊入局, 大鱷就會再出手

恒指恐慌急升1.28%, 以近全日高位收市, 市場驚驚地, 加上農曆長假期前獲利沽壓增加, QQ牛牛愈來愈多, 都會拉住港股後腿

港股四大板塊當中三個收跌, 通常大市會跌一二百點,但恒指僅跌11點, 國指收升28點, 完全唔符合多隻指標股下跌的表現, 大鱷操控大市能力真係神級, 有臨危托沽味, 今日港股表現的另一個解釋係由於內地股市跌到殘追緊上黎, 仍有上升空間, 所以投資者沽出友邦.匯控.新地.QQ等累積升幅大的股份, 換入落後或仍有上升空間的中資股, 所以恒指收跌, 國指卻收升,

估計今日低位27802未必係今個月底部, 要試完底才能再沖頂, 往後仍有機會落去回補昨日的上升裂口, 如市強補少少,如全數回補裂口彈唔起不妙,如一插即彈利好, 要留意當QQ見頂等如港股見頂, QQ能否上企阻力大位$350是港股能否突破28000的溫度計

今日大市低位是在下午出現, 代表由早市沽到落下午(一月份多數係上午十點前見即市底, 一路買番上去), 港股沽壓未除, 有淡友基金經理話雖然不認同港股的升幅, 但不得不跟風買上, 因為逆勢操作是死罪, 這亦可解釋為何港股總係一插即彈, 貨少的投資者紛紛趁回吐追貨

貿易戰中國不斷作出讓步, 而特朗普就因為美股早前出現股災式下挫.美國經濟增長見壓力.停擺.去年中期選舉失利.民望下降以及美企業績轉弱, 亦想達成協議, 如此形勢下好友如魚得水, 所以港股低位見買盤承接, 只要養肥熊熊港股又會再升, 好友等緊利好消息做催化劑才出手

~~~~~~~~~~~~~~~~~~~~~~~~~~~~~~~~~~~~

留力養熊部署大屠殺

昨日曾說以大鱷的能力, 爆上28200屠熊不難, 當時認為係大鱷刻意留力, 因為1月已升到超標收大陽燭, 所以預留多些水位俾2月, 今日果然創新高見28193大舉屠熊, 但如今上到28193約5個月高位, 唔少股份純炒憧憬, 冇基本因素支持升過龍, 吸引力下降, 2月未必會否好似1月升得這麼一帆風順, 可能會震到失暈

從陰謀論的角度來看, 大鱷想令股民相信牛市重臨入市接貨的話, 2月就要挑戰正在下移的250天線(現處28444), 恒指雙底頸線27260, 中線量度升幅目標29624, 但28200~28500阻力大, 恒指今個月由24896升至28193, 如調整升幅的0.236倍可見27415, 但2月份恒指期貨大戶加權平均開倉水平在27450, 所以好友大鱷會力守27500水平, 要大市見頂回落才會插穿

1月港股強勢爆升, 到目前為止恒指已是連升5周, 如果下周續升, 就係連升6周, 到2月下旬(14~31/2)再爆上就要小心, 如果升埋11~15/2的一周就係連升7周, 而2018年恒指連升7周見大頂33484後就掉頭向下,

2月只得16.5個交易日, 大鱷要玩好淡通殺才能食夠數, 如市強只會係即市調整或小幅下跌, 如大跌或連日下跌就係見頂訊號, 按照慣性走勢, 只要收27800樓上, 就代表隨時會上28000.28300.28500....

以大鱷操控港股的神級能力, 1月爆升逾3000點, 其實繼續推上28500係易如反掌, 大鱷只係等淡友入局才殺上去, 但資金市熱錢來也匆匆去也匆匆, 就算要再升都可以震完倉再升過, 一月升勢過急, 遺留太多上升裂口是後患, 估計後市會回補31/1的上升裂口27642~27773, 恒指由低位彈約3300點, 已有足夠水位俾大鱷轉身, 獲利沽壓出籠, 28000好淡大鱷會有一番爭持

~~~~~~~~~~~~~~~~~~~~~~~~~~~~~~~~~~~~

人民幣急挫壓住大市

昨日內銀A股急升,內銀H股跟住飛天,但上証今日雖然收升, 不過內銀A股下跌, 所以港股彈散, 高開低收, 單日轉向收陰燭(不過以往出現呢種形態, 往後都可以大陽燭彈番上去, 有錢大晒), 權重內銀A股跌係港股失去上升動力的原因之一, 上証連升兩天, 不過係乾升, 一如我日前所說, 阿爺擺到明要托市, 夾硬推番上去2600樓上收, 1月收大陽燭迎豬年, 股民賺到笑, 開開心心去消費慶新春

一如早前所估計, 反正港股已連升5周, 本周恒指收升362點, 大鱷亦唔想本周收得太高, 咬住27800樓上就算數, 除了引熊入局外, 亦是為了預留往後向推進的水位, 級級穩步上揚, 好過見大頂掉頭急插, 反而會破壞上升勢頭, 嚇到股民唔敢入市, 大鱷點出貨呢?

今早公布的財新1月中國製造業採購經理指數跌至48.3, 為近3年新低, 拖累人民幣急挫, 人仔掉頭向下, 港股理應要跟, 不過神級大鱷推高幾隻權重股來托市, 港股升跌由大鱷話事,任得佢點玩, 淡友基金經理話大鱷將壞消息當好消息炒, 股民就算不認同都不應拗頸,待大市出現見頂訊號才反手

燈神今日再叫粉絲齊齊掃貨加倉, 大鱷梗係開心, 升到28000的5個月高位都有人入市接貨,劉鶴與賤美剛開完會,頻頻放出利好消息,跟住市場就傳出2月尾有習特會,不斷開會再開會, 繼續畀股民憧憬,全世界向上望, 大鱷又乘機於高位派貨獲利,低位冇人敢入市,大鱷就趁低收貨,高位人人心紅,大鱷就暗暗沽貨食胡

~~~~~~~~~~~~~~~~~~~~~~~~~~~~~~~~~~~~

牛在27569(669張) vs 熊在28200(485張)

連日大屠殺後, 肥熊大減, 牛大幅上移, 整體牛熊分布變成牛多熊少, 係近期升浪首度出現這麼大差距, 代表大市有暗湧, 港股好少全月單邊食牛或熊, 1月都殺5654張, 殺熊29209張, 雖然大鱷主力殺熊, 但其實牛熊都係大鱷目標,當大鱷食飽肥熊就會失驚無神轉勢向下

下星期農曆新年, 港股只得1.5日市, 內地全周休市, 美股日日開市, 港股假期前後例牌大龍鳳,好友淡友都要小心被挾屎

2月份股民要做好風險管理,大鱷賤格冇益人,2月開新局,大市超買, 升勢過急, 累積龐大升幅, 未必會好似1月升咁順灘, 未必喺跌1日例彈,會拋到失暈,好淡通殺,如大鱷唔俾跌,就會喺好似1月,以時間代替深度調整,又或者一插秒殺貼價牛即彈, 咬住高位磨幾日來消化沽壓及養熊引淡, 當時辰一到就破頂而上, 大舉屠熊

中國式QE出籠救股市救經濟, 刺激1月份港股作出報復式反彈

2018年熊市跌幅:

高位:33484.08, 低位24540.63 ==> 跌幅8943點

到目前為止升幅:

高位:28193.28, 低位24896.87 ==> 升幅3296點

2018年低位24540.63反彈至1/2/2019高位28193.28 ==> 反彈3653點

恒指反彈熊市跌幅的0.382倍見27956, 剛好在10月線27976附近

如反彈跌幅一半見29012

到目前為止恒指已反彈了超過跌幅的三分一, 沽壓會逐步增加

雙底頸線27260, 中線量度升幅目標29624(以往量度升或跌幅都未必次次到站)

恒指受制於長期下降軌, 28200~28500阻力大, 恒指由1月低位24896升至今日高位28193, 如調整升幅的0.236倍可見27415, 如調整0.382倍則見26933

向上關鍵阻力大位:

28000整數大關, 28031為9月高位, 28440為250天線(牛熊分界), 20月線28477

有分析指根據統計熊市好難連升2個月, 1月收升報27942, 而收升月多數係於該月下旬創即月新高, 2月能否再下一城連升2個月非常關鍵, 所以28000係好淡角力的大位

~~~~~~~~~~~~~~~~~~~~~~~~~~~~~~~~~~~~

中港美股市同步尋頂

上証狗年收爐, 今日高見2618, 未能突破1月頂2630, 港股偷步爆上28193/11165創新高後反艇收陰燭, 可能要等上証春節假期後破頂(去年復市上証都係收升), 到時港股再上沖, 28000獲利沽壓會愈來愈大, 要留意中港美股市通常係同步見底頂, 大鱷托市亦有可能係養牛熊及派貨, 聽散戶打電話問股似乎係陸續入局, 所以大鱷力撐大市, 想係高位出貨

1月尾回吐危機被聯儲局放鴿及中美雙方放風27~28/2或會舉行習特會化解了, 加上基金經理仍看好後市, 代表危機將會順延到2月下旬及3月, 因為1/3是中美貿易戰停戰死線, 好消息見光死要出貨, 壞消息就更要出貨, 3月英國脫歐期限亦到, 2月中至3月係港股企業業績期, 3月基金埋季結, 去年輸到嘔, 今年第一季業績不容有失, 俾我係基金經理梗係趁爆上去減磅獲利埋季結啦!

19~20/3 聯儲局議息,今次會否加息極難預測,金融市場勢必大幅波動,2019年第一次水星逆行就在5~28/3, 絕不會是巧合, 學陸蛇及高手網友話齋: 要自己執生

1月升勢過急, 遺留太多上升裂口是後患,通常不不會一去冇回頭, 會落去回補裂口, 市強補1個, 市弱補2個

31/1 上升裂口 27642~27773 (有待回補)
25/1 上升裂口 27120~27217
09/1 上升裂口 25960~26192

回顧1月中曾上貼【風水大師長毛蘇建議】趁年初的低位入貨,至秋天的高位沽貨,也許可賺得5至10%, 今年上旬見底, 今年下旬見頂, 估計高位約28000,升不穿29000,亦不會是一條氣衝上去

長毛蘇去年用玄學預測港股命中率好高, 但今年先輸一仗, 叫入貨算係測中, 但俾中美出招救市扭曲了港股下跌趨勢, 熱錢湧入推動中港股市爆上28000, 如果大家仍信長毛蘇的話, 就要慎防28000升穿都難以站穩,但最大阻力在28500(250天線附近), 以及29000關口淡友會攔路, 而2月初就要小心立春及月初有破日

4/2 周五恒指收報27990, 升59點

長假期前夕港股半日市, 恒指即市波幅只得158點, 為今年最細單日波幅, 波幅急降代表大鱷正在部署殺戮, 假期前後例牌大龍鳳

港股10天線及200天線失而復得

港股低開後急挫急彈, 秒殺肥牛, 收復大部份失地呈陽燭, 貼價牛陣亡

8/2 周五恒指收報27946, 跌43點(最多下跌456點, 一度上升18點)

國指收報10956, 跌79點(最多下跌242點), 國指大幅跑輸恒指

大鱷睇住黎食, 恒指一度大插456點低見27534, 目的係回補31/1的上升裂口+屠牛+養熊引淡+消化沽壓+擴大月波幅, 任務完成即彈, 即市完成調整, 按照慣性走勢, 試完底就會再衝頂, 如打回頭就再尋底, 不斷高低兩頭飆來擴大月波幅及殺好友淡友,

市強通常食一口牛就會重拾原有的屠熊路線, 殺上去擴大月波幅, 如果落山食兩口牛扒仍彈唔起就係見頂訊號

最新回應

(友仁) 程長浪子

2019.4.18 長假期前金曹期權攻防線©30100﹐牛指數高於70偏強。即係低於30100超過150至200點,好友應會力托回到攻防線。結果星期四期指收29940但夜期真係反彈上30093接近攻防線,其實好多次都係咁跌穿之後又反彈,係唔係好神奇呢?

2019年牛市的三個預設係中美貿易停戰,中國經濟數據在第二季見底回升,資金繼續流入中國。

金曹期權攻防線©是不經人手全電腦自動量化評期權倉位變化的人工智能程式。每天開市前計算好友大戶即市需要防守的重要期指價位。

試試下載免費股票社交 APP 秒投,裡面有七成用戶的成績跑贏大市,真心好用! 安裝秒投App之後請輸入金曹Sir的邀請碼 waXxT2 ﹐可賺銀幣換領咖啡贈券。

https://stockviva.com/invite/waXxT2

(友仁) 程長浪子

呢啲市真係令仁無鎖色蟲啊!😫

c6
c6 2019/04/19
@*KK*...

KK都是好好人💕

大家開💕放假啦

假期後要多做功課