20190210「唔識賭馬的河馬仔賽馬專欄」
上年累積賺蝕 : - $110000
(以下分析只是河馬仔個人觀點,注數只是河馬仔自己會買的,僅屬參考而已,賽馬沒有必勝,絕不可以孤注一擲或投注過度。)
今次講第九場三班1200米泥地,今場賽事範圍好似唔係太窄。
【魅力知寶】一定係公眾熱門,上場贏成條街,但其實有好多點值得懷疑。首先,上場頓哥入直路後都穩贏之下,相當明顯係咁俾,最後贏到呢個分上來。當然起初懷疑是否故意贏多幾分去MEET到佢個負磅,但又奇怪地今場連呢隻都唔要,今場負磅並非問題。再者,上場一來中途出現有實力賽駒拉停的問題,二來上場內欄同佢有可能鬥搶近乎只係一隻冇甚前速之【旋風腿】及跟前馬【星日名駒】。而今場有內側三班實力的跟前馬相當多,仲有都幾肯定有隻只有狂放才能叫糊之馬匹。而呢隻馬之前傷患唔少,連博三場後6歲馬突加十幾分,今場有對手在三班係贏得之馬,我相當懷疑會唔會係第二隻【數糊勇士】架。
【嶺寶峰】確實好左DD,但講真此駒上場實際冇乜對手之下,跑谷草一千連最後點點追勁都交唔出,今場可能跟到八百至一千米軟都唔奇,但至少前速係可能迫到隻【魅力知寶】。
【香江穩勝】講真級數係呢個分可能仲有一場PLACE,但老馬從苗轉倉出來真係唔知要減幾多,再加上睇樣今次唔到佢放,一檔一遇多跟前馬又係煩。
【錶之銳】日本泥地馬確實少見,但見此駒唔似快放得手之馬匹,而且個頭轉彎時好似唔多定,試閘看來幾均速,可能遲些少田泥1650較好,就算韋達FAREWELL但騎新馬出場都係麻麻啦。
【威威心得】其實跑千二特佳,而且跑泥地也不算失禮,但現在真係落腳超慢,但千四又唔到,如果係蘇哥騎番較好,但現時怕如此駒迫唔到前其實又係相當高難度。
最後如果揀Q/QP,今場真係要估好多野,希望博D唔太駛估戰意的。
20190210「河馬仔賽馬專欄」真金白銀投注
20190210「唔識賭馬的河馬仔賽馬專欄」結果,真係敵不過大熱了,玩完。
是日 : - $16000 + $1200 = - $14800
上年累績 : - $110000 - $14800 = - $124800