PACO名人會
PACO名人會
PACO名人會

轉食素成功收身 馬德鐘豬年目標演大俠

2019/02/11 04:12:27 網誌分類: 生活
11 Feb
          入行25年的馬德鐘,在「萬千星輝頒獎典禮」中提名過16次「最佳男主角」,去年回巢終憑劇集《跳躍生命線》中的有型救護總隊目麥在田一角奪得視帝寶座,他直言「等咗好多年」,事前根本唔敢諗,怕被抬得愈高跌得更慘,最後大熱勝出當然開心。50歲的他笑言,現在才是影視發展的衝刺期。看他愈來愈年輕,皆因近月轉食素而成功收身,豬年目標是能演金庸小說中的大俠角色,留個美好回憶。

        馬德鐘表示拍攝《跳躍生命線》時,只希望拍套好看的劇集,其實出來的效果好、觀眾又鍾意睇已經好開心。當憑此劇麥在田一角獲提名「萬千星輝頒獎典禮」的「最佳男主角」時,他坦言唔敢諗:「民間有好多聲音,但愈有呢啲聲音就愈危險,將你抬到好高,之後跌得好慘,所以唔諗就係最開心!」回想頒獎禮前夕每晚都睡得好,加上等了多年終獲獎,實在是可喜可賀!

        事業衝刺期

          他稱現時家庭重擔減輕了,因為20歲的兒子馬在驤已長大,他可以慢慢放手,並笑說:「O依家先開始衝刺,嚟緊希望可以接多啲好嘅劇集,另外可以拍多啲電影,因為我覺得表演藝術可以喺唔同媒體發揮,O依家有機會就做多啲。」問他還想演甚麼角色時?他坦言:「好多演員都唔鍾意做古裝,我成日好遺憾冇做金庸小說入面嘅大俠,嚟緊好想試吓,等我喺演藝生涯入面有番個記錄。(你想演邊位大俠?)以前梗係想做啲倜儻啲例如《神鵰俠侶》嘅楊過,O依家呢個年紀希望可以做到《天龍八部》入面嘅喬峰。」

        食素更健康

          雖然「馬神」已年屆50歲,但近月fit了更愈見年輕,他解釋:「因為我喺食嘢方面有啲改變,如果我講食素,大家會覺得有好多規矩,會問雞蛋食唔食得?奶飲唔飲得?其實我係食緊一個『最佳營養植物化學膳食』,佢係咩嚟呢?好簡單,人體需要咩營養,我哋盡量喺植物方面吸收,唔好喺肉類度吸收,因為肉類有好多毒素,如果植物係organic當然最好,因為冇咁多農藥。」他舉例從豆類和不同種子類代替肉類,例如大麻籽、亞麻籽菇類。問他是否真的全戒肉?他表示:「我會盡量少食,可以避免就唔食,但有時慶功宴大家坐埋一齊食,可能都會食一嚿半嚿。」他表示過年最鍾意食蘿蔔糕,如果搵到沒有肉又好味的的蘿蔔糕就好了。

        主持:黃柏高 統籌:林永匡 協力:李佩儀 攝影:袁東亮、謝民光

        服裝:Giorgio Armani 場地:明珠海景

        黃柏高
■馬德鐘與Paco獲餐廳送贈特製的包點。
 ■馬德鐘與Paco獲餐廳送贈特製的包點。 
■Paco恭賀馬德鐘成為出爐視帝。
 ■Paco恭賀馬德鐘成為出爐視帝。 
■馬德鐘除了想演大俠,若能拍部有關槍的電影更好。
 ■馬德鐘除了想演大俠,若能拍部有關槍的電影更好。 
■喜獲視帝的馬德鐘,表示今年是事業衝刺期。
 ■喜獲視帝的馬德鐘,表示今年是事業衝刺期。 
■馬德鐘在《跳躍生命線》中與張曦雯有感情戲。
 ■馬德鐘在《跳躍生命線》中與張曦雯有感情戲。 
■馬德鐘與何廣沛及劉佩玥在《跳躍生命線》中有多場對手戲。
 ■馬德鐘與何廣沛及劉佩玥在《跳躍生命線》中有多場對手戲。 
■馬德鐘去年在《萬千星輝頒獎典禮》中首奪視帝。
 ■馬德鐘去年在《萬千星輝頒獎典禮》中首奪視帝。 
■《跳躍生命線》囊括台慶頒獎禮7個獎項,早前台前幕後舉行祝捷晚宴。
 ■《跳躍生命線》囊括台慶頒獎禮7個獎項,早前台前幕後舉行祝捷晚宴。 
回應 (0)
我要發表
user

最新回應

Brian Chui
Brian Chui 2020/11/09

做得呢行,其實要食得好,先可以以更好嘅面貌示人,真係好admire你地成日有得係九龍城美食及餐廳指南入面揾到食啊

srinivas
srinivas 2020/10/19

Thanks for the best and i love it.

ghd sports

2020/10/11
islamicnuskhe
islamicnuskhe 2020/09/29

We Are Best Islamic Astrologer in The World with  35 Years of Experience. Solve Your All Life Problem With Us. Contact Our Molana Asif Ali Khan.