期望管理
上週五美股走勢與港股差不多,先跌後彈,杜指低開之後下滑,中午一度大跌286點,失守25000點,之後逐步收窄跌幅,收市只跌63點,報25106點,以全日最高位收市;標普500指數及納指收市更分別輕微倒升約0.1%。全星期計,美股三大指數都略有進賬,杜指升0.2%,标普500指数升0.1%,而纳指涨0.5%。
上週四,美國總統特朗普說不會和中國國家主席習近平在貿易談判的「死線」前會面,嚇了市場一跳,美股連續兩日早段都低開低走,但尾市都能夠收復失地,化險為夷。估計好友在驚嚇過後,好快就冷靜下來,畢竟中美雙方的摩擦基本源自制度與政策,並非單純中國肯買多一些美國貨,減少一些對美的貿易順差,美國就願意握手言和,達成協議。
新三輪的中美貿易談判的前期會談將於今日在北京展開。首階段由較低級別的副部長級會談開始,美方為美國貿易副代表格里什(Jeffrey Gerrish),到週四和週五,才到美國貿易代表萊特希澤和財政部長努欽上場,與中方舉行更高級別的會談。
一位白宮官員週五表示,相關準備工作正在進行,會談的重點將繼續是敦促北京方面進行結構性改革,而這正正是中方很難會讓步的癥結所在,估計會談很難會有突破性的發展。不過,由於市場對這樣的結果已經有了心理準備,相信大市會因為此輪談判仍未有達成什麼協議而回調,但看股票恐懼指標VIX指數對於中美貿易談膠著未有作出負面反應,反而回落4%至15.72,是2018年10月8日以來的低位,反映投資者對後市無有怕,估計也不致於會跌得太深。不過,正如Oppenheimer Asset Management首席投資策略師John Stoltzfus所講的,「從市場表現來看,市場已經預期會出現新一輪的關稅上調。」
按美國的說法,如果中美沒有在3月1日前達成協議,美國將對價值2000億美元的中國進口商品的關稅從10%上調至25%。談判到目前止,仍未有達成什麼協議,特朗普上周話,最後期限沒有延長的必要,不過他說,屆時可能還沒有書面協議。相信係特朗普對中美能夠按時達成具體協議不是很樂觀。
再看美企公布的第四季業績,在已公佈季報的標普500指數成份股企業中,雖然有71.5%的企業期內盈利好過預期,但分析師預計,當前季度的盈利較上年同期下滑了0.1%,而不是年初預計的增長5.3%,再上加美企普遍不看好今年第一季的生意,盈利預期都非常保守,顯示貿易戰已對美國企業造成打擊,惟有大做期望管理,希望美股不會因為中美無協議而大插也。
陸羽仁
2019-02-11
Dow Jones Industrial Average (^DJI)
25,053.11 -53.22 (-0.21%)
一出官門游大海
2019年02月12日
「習特會」推遲,即時打窒豬年紅盤,不過中美同意繼續接觸,美國貿易代表萊特希澤同財長努欽率團抵達北京,將會同中方喺周四(14日)舉行新一輪貿易磋商。有傳特朗普計劃月內同國家主席習近平傾電話,並最快喺三月中旬會面。消息令投資氣氛轉好,恒指企穩二萬八樓上收市,收報28143點,漲197點。大市成交金額增至881億元。
恒指跟住A股高收
市場借住中美貿易消息炒上,陸羽仁就認為兩國談判仲有問題要解決,消息可好可淡。港股噚日愈升愈有,反而同憧憬內地放水減息關係大啲,跡象之一係人民幣匯價喺豬年走軟。中美貿易關係向妥協發展,理論上人仔應該硬淨,O依家匯價偏軟,合理解讀係市場預期內地利率有機會調低。睇番內地,A股豬年首個交易日迎來「開門紅」,並以接近全日高位收市,上證指數收報2653點,升1.4%;深成指數收報7919點,勁升3.1%,反映帶升港股動力係內地因素。
恒指走勢同內地接近,大市低開高走,U盤嘜高至全日高位收市;國指亦向上,重上11000關,收報11016點,升60點。當中騰訊(700) 收升1.9%,報352元;平保(2318) 收升1.2%,報77.35元,兩股領漲大市。
5G股繼續當炒,深圳今年率先開展5G商用試點,預計新增100M及以上光纖接入用戶數85.1萬戶,5G基站數1955座,部份5G股向好。京信通信(2342) 收飆10%,報2.11元;中興(763) 收升3.7%,報16.4元;昂納科技(877) 收升3%,報3.97元;鐵塔(788) 收升3%,報1.67元。
大市持續反彈,新經濟股開始追落後,美團(3690) 連彈七日,收飆8%,報62.4元;上周五急彈嘅美圖(1357) 再漲6%,收報3.26元。小米(1810) 一項外觀設計專利喺世界知識產權局(WIPO)嘅全球設計數據庫中發佈,該專利展示一款四曲面智能手機,屏幕完美對稱,成部機冇按鍵。市場預期小米或會將呢項專利用喺今年發佈嘅MIX 4手機上,小米股價曾升至10.9元,收漲4.3%,報10.7元。新經濟股缺乏護城河,最忌無水要防守嘅市況,趁住銀根轉鬆,呢個板塊好多股價跌咗超過一半,單炒反彈水位都已經唔少。
中環茶友喺春節前入咗貨,O依家玩玩換馬,基本上唔急於食胡。大家口痕話題,係立法會議員葉劉淑儀同麥美娟用私人草案,建議立法規管領展(823) 商場舖位租金加幅,搞到領展逆市收跌0.3%,報86.6元。茶友笑言,葉太咁樣出招,除咗覺得打領展有分攞,多少都有啲玩師妹特首林鄭月娥嘅味道。
林鄭未做特首前,曾經形容領展係影響民生嘅「三座大山」之一。但佢上任之後,似乎到O依家都未做到啲咩,莫講係愚公移山,直情石頭都無移一嚿。既然今年係區議會選舉年,葉太又同呢位AO師妹感情唔係特別好,實行老實不客氣整色整水玩吓佢。
眾所周知,議員提出私人草案成功立法機會極低,特別係規管商業活動,領展雖然有前身係官股嘅原罪,但近年不斷賣產擺脫昔日陰影,賣走嘅商場更加唔關自己事。O依家議員出招都係擺姿態居多,相信對領展影響有限,公司股價逆市下跌,主要都係累積升幅太多。
港鐵可做今年豬膽股
租管難郁政府一股不持嘅領展,咁另一座大山港鐵(066) 又如何呢?港鐵喺過年前,再爆出有其他工程記錄唔見咗,似乎未行完衰運。不過,陸羽仁同熟悉港鐵嘅猛人傾起,佢嘅看法好簡單,O依家港鐵危機係政治風險,多過財務風險。港鐵出事,主席馬時亨同行政總裁梁國權都會離任,O依家壓力最大係政府。港鐵收咗80幾億管理興建沙中線工程,但點樣賠償合約條文有封頂,唔會賠太多,基金股東定過抬炸彈,所以港鐵股價喺風波中幾乎不動如山。如果連同先前派嘅特別息,港鐵差唔多企喺歷史高位,根本未驚過。
坦白講,官方機構上咗市,等如放虎歸山,一出咗去就好難約束,領展固然如此,就算政府仍然係港鐵大股東,但因為有公眾股東做持份者,政府大力鍊死港鐵固然好難交代,同時亦令庫房嚴重受損,所以政府只能按商業原則辦事,喺政治上就盡量同港鐵切割。
未來港鐵有上蓋物業陸續入帳,陸羽仁聽完猛人拆局,覺得此股雖然跑得慢炒味唔濃,是非多,股價唔算平,但有逢壞消息等佢跌時吸納,都可以做今年豬膽股。
陸羽仁
IG market 升到洪洪聲...
SIGH...
大鑊了…太心 急,收市前入了熊
SIGH...
好深!
大戶兄: 市場上每人都想搬乳酪, 可惜大部份人變成大戶乳酪. 一字記之曰--->心.
kaka: 噢...大市每年都有波幅呢. 問題是升幅是否指創歷史新高呢? 如是.....就很難. 子龍估算有可能破10676, 但機率只有3成.......
點做搬乳酪果個?
將軍,即係今年會大波動?有波幅無升幅,定有波幅又有升幅?
門兄: 己亥是為大水, 即是市場將充滿水源, 問題是水多身弱, 全球經濟增長放緩. 水能載舟, 亦能覆舟. 即是今年必定會進行財富大轉移呢. 我們要留意---->誰搬走了我們的乳酪........
將軍 當真? 哪裏有位
門兄: 逢九必變, 今年是投機者的樂園呢......
我都怕中裂口 都係諗住玩下即市先
叮噹....大市半日收28010, 成交477億.
門兄: 子龍預期大市會再接近前高, 可以等下呢. 熊未是時候.......
將軍能助陣嗎?
我又開爐喇 熊ing 我搏佢企唔玔280
將軍,受教了
kaka: 大市1月份急升3千點, 頂部需要試, 即是所謂試頂. 裂口合理回補呢. 但如三天未能再創新高. 市場會開始懷疑呢