11/2 向250天線進發

2019/02/11 21:47:31 網誌分類: 經濟
11 Feb

港股先低後高, 單日轉向呈陽燭, 貼價熊陣亡

11/2 周一恒指收報28143, 升197點~收市U盤, 一度下跌98點

國指收報11017, 升60點(最多上升72點, 一度下跌54點), 國指跑輸恒指

即市調整倒升屠熊 

牛熊分布, 熊近牛遠利上攻: 牛在 27642 VS 熊在 28175

港股玩左4天, 好明顯2月份仍然係由好友主導, 收復一眾平均線後一直咬住唔放, 大鱷繼續用拖字訣來操控大市上落, 壓低開市來畫陽燭, 頻頻玩即市調整, 一插即彈, 無論即市點拋, 都係在27900穿梭, 不但收市位拋離不遠, 而且收市升跌幅度亦不大, 就算係收陽燭, 都係先插後彈來畫圖, 因為呢種收復失地方式較易畫陽燭, 大鱷明知28000樓上阻力非輕, 如果大幅高開, 獲利盤出籠反而好難畫支靚陽燭殺上去屠熊, 28200~28500係關鍵大位, 沽壓增, 買盤縮, 所以大鱷部署磨多幾日消化沽壓才爆上, 只要扮受阻, 等多些淡友進場, 一挾淡港股就會飛天, 肥熊在28500

而家大鱷已經畫左幅靚圖準備破頂上攻250天線, 恒指連續3日收陽, 有利進一步上攻, 按照大鱷習性, 恒指最多抖3日就會再創新高, 今日已是第3日, 預示明日會突破前頂28193創新高, 按照慣性走勢, 今日以收市U盤最高位收市, 翌日必定會有新高, 中港美三地股市通常係同步見底頂, 只要中美股市繼續創高位, 大鱷就有理據殺上去

美國10年期債息下跌, 日圓走弱利好金融市場, 港股因而高企不下, 但人民幣下挫卻壓住中資股, 國指跑輸恒指, 恒指28200~28500係阻力大位, 港股250天線28360.28500/11200阻力非輕, 如能突破亦會有一番爭持, 估計大鱷會窒窒步磨住來推升, 跌下彈下, 拖多一日熊就肥一些, 反彈熊浪一半跌幅可上29000, 不過而家才是2月上旬, 不宜太快殺上去, 大鱷要預留多些水位來部署往後頂部上移, 如果一步到位爆升飛出外太空, 就要花好多子彈來托住高位, 但仲有3個星期才到月尾結算呀! 不如玩跌下彈下啦!

~~~~~~~~~~~~~~~~~~~~~~~~~~~~~~~~

底頂上移續尋頂

有淡友基金經理話雖然不認同港股的升幅, 但不得不跟風買上, 因為逆勢操作是死罪, 這亦可解釋為何港股總係一插即彈, 貨少的投資者紛紛趁回吐追貨

貿易戰中國不斷作出讓步, 而特朗普亦唔想美股股災再重演, 美國經濟增長見壓力.停擺.去年中期選舉失利.民望下降以及美企業績轉弱, 所以狂人都想達成協議, 美聯儲態度轉鴿, 表示或會提早結束縮表, 如此大好形勢下好友如魚得水, 所以港股低位見買盤承接, 只要養肥熊熊港股又會再升, 好友等緊利好消息做催化劑才出手, 大鱷佈局令淡友以為港股會受制於250天線, 就會引來大量肥熊, 當時辰一到大鱷就會展開大屠殺

港股早已收復200天線, 而者瞬即站穩, 強勢畢現, 其實以大鱷的能力, 升穿28200殺上250天線再上28500不難, 大鱷用拖字訣窒窒步推升目的係養熊引淡及震牛, 按照慣性走勢, 只要收27800樓上, 500點一級向上推進, 代表隨時會上28000.28300.28500.28800...

向上關鍵阻力大位: 28200~28500(當中有250天線及20月線)

有分析指根據統計熊市好難連升兩個月, 1月收升報27942, 而收升月多數係於該月下旬創即月新高, 2月能否再下一城連升2個月非常關鍵, 所以28000係好淡角力的大位

~~~~~~~~~~~~~~~~~~~~~~~~~~~~~~~~

用周波幅及月波幅來估市, 比技術指標更準

過去幾日港股見沽壓, 由於大市連續多日冇創新高, 多左人看淡, 但睇慣性走勢就知即將會破頂, 大市升勢未完, 會向28500.28800進發

試完底再沖頂, 上周五下插創即月新低來擴大月波幅, 秒殺肥牛即彈, 就梗係挑戰前頂28193, 順道擴大月波幅啦!

假設2月有1500~2000點月波幅, 2月向上目標

27534(8/2低位) + 1500~2000 = 29034~29534

如向上受阻, 但向下大鱷力守27000

27000(假設大鱷底線) + 1500~2000 = 28500~29000

短線上望28500, 無論點震, 都要上28500水平, 要有強烈利好消息才會上29000, 但大鱷通常會等熊熊養到約4000張才會出手, 否則食完28500熊就要掉頭

~~~~~~~~~~~~~~~~~~~~~~~~~~~~~~~~

肥熊有難

滬大媽沽出內銀食胡, 港股通(滬)出現資金凈流出, 但老外大手掃A股, 上証長假期後復市大升35點突破2650阻力位, 收2654, 連升3天(去年農曆新年復市上証係連升, 代表明日會續升), 有大成交配合升勢, 中國人講意頭, 農曆新年前後都護盤收升, 大鱷梗係借勢推高港股殺淡,

大鱷早市壓住大市推低大市詐死, 等淡友入局後才出手推升, 真係奸到冇朋友, 今日港股雖然收升, 但升跌股份比例差不多, 似係夾硬推高幾隻權重股來挾淡屠熊, 炒股不炒市, 個別股份炒到飛起, 強股回氣, 其他股份就接力上, 大鱷一路食胡一路換馬輪流炒, 代表大鱷仍想推高大市

港股升至現水平獲利減磅的沽壓明顯增加, 連基金經理及財演都話減磅, 不過大鱷力托指數來屠熊殺淡, 以月波幅計, 後市一係上28500, 一係插穿27500, 大鱷可能等250天線下移, 以今日收市位28143計, 向上每升約100點就可殺千張肥熊, 級級有熊, 大鱷流晒口水, 向下方面, 上周五創即月新低27534秒殺肥牛後即彈, 皆因2月份恒指期貨大戶加權平均開倉水平在27450, 所以好友大鱷會力守27500水平

今日港股走勢跟足上証, 由於兩地股市通常係同步見底頂, 所以港股何時掉頭就要睇住上証以及內銀內險A股, 只要上証續創高位就可推動港股向上, 上証能否守住2650非常關鍵, 總之升抵28200~28500水平就要小心, 因為唔少投資者會係呢個水平食胡減磅, 今日收市U盤彈高, 股民來不及出貨, 預示明早港股沽壓會增加, 本周消息多, 大市會好拋, 如能一插即彈, 代表好友仍未放手

美元重上97, 英鎊.歐元反艇, 港匯轉弱, 人民幣急挫413點子, 收報6.7804兌一美元, 創1月24日以來逾兩周新低, 匯市利淡但港股升跌由大鱷話事, 上日屠牛772張, 今日就殺熊, 大鱷於收市U盤又踢一腳上去以全日最高位收, 暗殺小熊384張, 大鱷出手皆因貼價有肥熊, 到口肥肉豈可放生, 貼價熊要買定官才喇! 但牛牛增加及上移亦會拉住港股後腿, 小心大市或會秒殺肥熊即回

資金市通常會係連升以及升到你唔信, 亦唔會只炒一個月, 閒閒地炒兩個多月, 即係2月收升機會大, 而反彈上28000是在市場預期之內, 唔少淡友仍未投降, 貼價有重倉熊,大鱷又點會放過, 代表大市升勢未完, 會繼續尋頂, 250天線正不斷下移, 要上破不難, 想令股民相信牛市重臨入市接貨的話, 2月就要上破250天線才能逼死淡友, 不過要收市上企3天才好信真突破

最新回應

史哥
史哥 2024/03/28

下月關鍵位為~ 16561 

向上 16561 17057 17569

向下 為 16064 15582

{#iconb_22}

門徒
門徒 2024/03/28

166對後市有一定指向性 {#iconb_22}

門徒
門徒 2024/03/28

嘩...乜挾到咁高既 {#iconb_61}

美味雞煲
美味雞煲 2024/03/28
@soho*...

元帥,咁我避開桂林先😄 冇諗過去貴州丫,但可以考慮嘅之前我就係三月去桂林,天氣一般亦都去睇過苗族表演,所以貴州可去可不去 ☺️ 可能有啲地方好靚我要深入了解吓先 🤭 想去嘅地方有四川、西安、西藏、新疆、雲南同北京,分兩次去😅🤣 

門師兄,快啲玩熟CFD等你帶隊🤭😚🙏