位高腳軟
週一美股個別發展,杜指先高後低,杜指高開90點之後一路下滑,一度倒跌97點,但跌至25000點便見到支持,跌幅收窄,收市跌53點,收25053點,跌幅0.2%;標普500指數及納指靠穩,微升約0.1%。杜指跌得比較多,主要受到藥業股拖累,兩大製藥股默克和輝瑞以及醫療服務集團聯合醫療都下跌超過1%。
美股沒有方向,主要係第三輪的中美貿易談判在北京展開,投資者都在觀望,尋找中美能否達成協議,停止貿易戰的線索。Northwestern Mutual Wealth Management的首席投資策略師Brent Schutte認為,由於相關的貿易以至地緣政治問題,離揭盅時間已經不遠,甚至已經去到是否能夠達成協議的臨界點,所以市場暫時已沒了方向,向好向壞都不會走得太遠。
內地A股春節假後開紅盤,亦帶挈港股升近200點,相信與市場傳出中美兩國最高領導可能會在談判死線前會晤有關。美國總統特朗普在上週四說不會和習主席在3月1日前會面,翌日又話「可能會在下周正式宣佈」,到昨天,《南華早報》仍然引述消息人士的報導,美國總統特朗普和中國國家主席習近平正在考慮於2月27日至28日在峴港舉行峰會。市場對兩國可能達成協議自然仍存寄望。
但美股在「好消息」面前,仍是有頭威無尾陣,弱過中港股市。有紐約分析員解釋,這是因為美股在最近的短時間內已經飆升得太多,出現超買,雖然這一兩日回軟,風險仍高,仍未到投入新錢買股的時間。至於中美貿易談判,由於特朗普開口牌打得太多,投資者趨向見到真正的協議出現,升市才會繼續。
不過,全球最大的指數基金Vanguard的首席投資官Greg Davis提醒投資者,就算美股繼續上升,回報率也不會像過去10年的那麼高。Greg Davis表示,Vanguard預計在未來的10年,美股每年平均回報的中值只有5%。而5年前,Vanguard的預計是8%,而歷史平均每年回報,扣除通脹因素之後,中值大約7%。
他認為標普500指數在去年的聖誕節平安夜之後已反彈大約15%,但現水平已經到達「合理價值的高點」,意味著已沒有什麼空間可以繼續大升。Vanguard認為經過去年的較強增長率,美企今年盈利增長率會放慢至單位數字。至於美國經濟亦然,今年的增長率亦會慢過2018年的3%,估計只有大約2%。他認為股市回報隨著企業盈利放慢和經濟增長冷卻,美國人需要儲更多的錢。
陸羽仁
2019-02-12
Dow Jones Industrial Average (^DJI)
25,425.76 +372.65 (+1.49%)
港交所有水要識搵
2019年02月13日
港股好淡爭持,大股個別發展,港交所(388) 喺美資大行摩根士丹利調高目標價刺激下,股價爆升近4%。大摩吹奏摩笛,屬於較短期策略,背後其實都係炒緊內地放水概念。
港交所股價發威,一度升至253元,收市漲4.22%,報252元。根據大摩指出,港股近期成交續增,2017年第四季達1050億元,今年以來日均達1300億元,連同上市條例改革,都有助港交所股價表現向好。該行提高2018年港股日均成交,由1040億元升至1120億元,2019年日均成交亦由1120億元升至1210億元。同時預期南下資金續升,估計2017至2019年南下資金佔日均成交將會倍增。大摩估計交投增加,主要係預期中國未來兩年有多達5至6萬億元人民幣資金流入股市,認為香港將可分一杯羹。換言之,即係炒作內地放水。
大摩點出長線關鍵
大摩不諱言稱,港交所現價等同2018年市盈率40倍,距離三年平均估值相差不遠,開始接近牛市估值,認為該股只應該策略買賣。港交所喺藍籌之中,屬高估值一族,能夠享有呢個突出地位,都係因為擁有獨特概念,喺香港股市享有壟斷地位,一來大家抱著有買貴、冇買錯嘅心態;二來內地人特別鍾情呢間公司,有啲名牌效應。
大摩從估值上評估,係從理性投資角度去睇。如果一間公司有40倍市盈率,理應要交出高增長,股市係循環性行業,起落相對大,但點樣能夠令收入長遠保持較快增長,就要考驗領導層功力。早前港交所喺倫敦請嚟公關大將,可能都係希望開拓國際市場,增加流入水源。
喺農曆年團拜時,港交所主席史美倫俾人問到新發展,特別係「新股通」有咩進展,反應似乎有啲火花。有熟悉港交所情況人士坦言,香港O依家搞股市必須北望神州。過去幾年港交所向中央提出唔少建議,部份取得突破,最明顯係中港通。不過,上任中證監主席劉士余作風偏向保守,好多港交所建議只能夠呆等,所以史美倫俾人問起新股通有咩進展,史主席都有啲你問我,我問邊個嘅情緒。
對港交所嚟講,主席啱啱換人,中證監都係新人上場,理論上中央都想搞活股市,港交所領導層要研究吓,中港兩地點樣產生良好嘅化學作用。
除咗新股通,有意見認為,近年港交所注意力似乎太集中喺新股,但好多新股上市後就走樣,之後仲可能俾人除牌,搞到好多股民怕怕,所以近月新股上市似乎都減少咗。呢個「去散戶化」現象對交投都不利,咁港交所係咪應該研究一下,點樣激活二級市場,等大家多啲買賣呢?對於呢個觀點,猛人直言知易行難,皆因從外國經驗睇,散戶買賣股票都減少緊,同時出現買賣集中喺大公司大股份,其他股份無人問津嘅狀況。
就算話減收印花稅,恐怕效應都唔會太大。言下之意,要搞好二級市場甚為艱難,與其捨易取難,不如度度點樣搵多啲新股錢。猛人之言講出咗港交所O依家嘅處境,但中環茶友「包拗頸」,認為香港同外國最大不同,就係港人有北水,而且中國人鍾意理財,同外國人習慣買基金唔同。過去散戶投入港股比例甚高,近年退場只係因為大環境唔鼓勵,慢慢搞到大家無癮,若然能夠正本清源,有全套方案去推廣,以中港民間財富同股民人數,港股又點會每日得嗰千零億成交。
大市噚日喺兩萬八關樓上爭持整固,高見28219點,再創舊年8月30日以來新高,全日波幅236點,收報28171點,微升27點,算係創咗五個半月收市高位。國指則走高27點,收報11044點。大市成交金額960億元。
食品光伏股輪流炒
主要藍籌變幅唔大,資金輪流炒板塊。內地由3月1日起,對首批21個罕見病藥品同4個原料藥,給予增值稅優惠,參照抗癌藥對進口環節減按3%徵收增值稅,內地環節可選擇按3%簡易辦法計徵增值稅。醫藥股造好,石藥(1093) 收升5.5%,報13.92元,為表現最好藍籌股;中生製藥(1177) 收升5%,報7.05元,兩隻藥股包辦最佳藍籌頭兩位。
中資食品股都當炒,海底撈(6862) 創新高,收升1.5%,報20.5元。市場憧憬下半年內地豬價造好,雨潤(1068) 收飆17%,報1.36元;中糧肉食(1610) 收升6%,報1.78元;藍籌萬洲(288) 收升4%,報7.25元。
另外光伏股發力,保利協鑫(3800) 曾飆10%,高見0.68元,收升8.06%,報0.67元;陽光能源(757) 收升6%,報0.163元。
陸羽仁
門徒C兄,
老散坐貨等運到 .....
大戶兄好倉底ing? 好堅持噃真係一片丹心楂到尾
將軍幾時紅得? 還是牛是皇道呢?再升小門看是牛市了 呢度我十五十六 企邊邊好呢
有冇機見三萬?
將軍,今早也因心急,昨天收市前入既熊閃了…
SIGH...
將軍,好倉底,加下先月中,咁月底咪隨時破29000
噢...為何咁心急入熊, 大戶好可能是好倉底.......