13~14/2 大成交沖頂冇好下場

港股高開高收呈大陽燭, 收復250天線, 大舉屠熊, 高位回吐壓力大增

13/2 周三恒指收報28497, 升326點(最多上升362點, 一度下跌11點),

國指收報11199, 升154點(最多上升179點), 國指跑贏恒指

重倉熊陣亡, 牛熊分布, 牛多熊少利下殺

今日成交急增至$1210億, 雖然港股大升但亦不應過份樂觀, 股市有買亦有賣, 大成交亦同樣代表獲利沽壓增加, 大成交沖頂冇好下場, 港股好少全周日日升, 通常每周跌1~2日, 明日中港股市收跌才符合慣性走勢, 如市強只會小幅下跌或即市調整, 又或者急跌後翌日收復失地, 如大跌彈唔起就係見短頂訊號

今日港股爆升, 肥熊陣亡後令牛熊分布失衡, 牛多熊少利下殺, 如果牛牛持續上移, 大鱷或會落山食埋貼價牛才再推升, QQ失守$350走勢疲弱, 逆市下跌, QQ見頂等如港股見頂, 如QQ續跌亦會拉住港股落山, 近日QQ好倉增加, 亦有誘因下殺

今日港股收復250天線, 恒指高見28533, 收28497, 28500得而復失, 由於250天線係超級關鍵大位, 第一次衝上去通常只係試水溫, 好難站穩, 升穿不會一去冇回頭, 會有後抽落番去測試250天線的支持力, 今日大鱷殺熊3211張, 連續3日合共吃了4141張, 食滯左, 明日亦要抖一抖養牛熊,

由於今次港股升浪係跟住上証飛天, 而去年農曆新年復市, 上証升3日就回吐, 升埋今日上証就剛好升左3天, 即係明日上証收跌居多, AH差價效應下, 權重A股跌港股亦要跟, 加上港股亦超買, 唔少股份都遺留多個上升裂口, 亦會有股拉力拖低股價, 不利市況, 如作出調整, 市強守28000, 市弱見27800, 如果連27800都失守不妙, 如連續3日收於其下代表升浪已告一段落, 如果大鱷用拖字訣想磨到月尾再爆頂, 就不應深潛, 會力守27800及27500兩個大位,

上周五恒指收27946, 如本周收於其下恒指今年初的升勢就斷纜, 其實國指上周已率先結束連升5周的升浪, 本周六係破日, 代表市況大幅波動, 會影響前後一日的市況, 預示港股會大幅波動, 周五亦會有周末獲利避險沽壓效應, 下周係好淡角力的關鍵日子, 港股累積龐大升幅, 28000樓上沽壓會愈來愈大

估計大鱷都唔想太快殺上29000(如一兩棍飛出外太空做了大頂掉頭向下, 往後就好難做到頂部上移, 亦會拖累月尾結算價), 要預留水位俾日後的向上空間, 升完今日呢浸, 可能會用拖字訣磨到下周再殺上去, 急升後先行消化沽壓再儲力向上, 待2月下旬才再創新高

~~~~~~~~~~~~~~~~~~~~~~~~~~~~~~~~

部署好淡通殺

呢兩日收市U盤都冇大大力踢一腳上去推高收市位, 代表大鱷想用拖字訣, 暫時唔想港股飛出外太空, 28000附近牛牛快高長大, 具吸引力, 以大鱷的習性, 當大鱷食飽熊熊就會變臉屠牛, 大市唔會單邊向上, 創新高後通常會落去試底, 試完底就會再沖頂, 不斷跌下彈下來擴大月波幅

今日港股飛天係靠挾淡補空倉的買盤來推高大市, 係虛火上升, 唔少股份都升過龍, 港股已進入業績期, 相關股份亦會大幅波動, 港股升抵250天線亦要小心會有配股潮, 會影響市場氣氛, QQ沽壓未除亦會拖低大市, 港股慣性走勢係該月上旬創即月高位, 回吐, 月尾再上, 能否再創新高就要睇阿爺, 收升月多數會在該月下旬創高位, 而收跌月就會係該月下旬創低位

要留意中港美股市通常係同步見底頂, 升至現水平港股累積龐大升幅, 已夠水位俾大鱷轉身, 大市超買, 2月下旬回吐壓力會加劇,  因為1/3是中美貿易戰停戰死線, 好消息見光死要出貨, 壞消息就更要出貨, 3月英國脫歐期限亦到, 2月中至3月係港股企業業績期, 3月基金埋季結, 去年輸到嘔, 今年第一季業績不容有失, 俾我係基金經理梗係趁爆上去減磅獲利啦! 19~20/3 聯儲局議息，今次會否加息極難預測，金融市場勢必大幅波動，2019年第一次水星逆行就在5~28/3, 絕不會是巧合, 學陸蛇及高手網友話齋: 要自己執生

假設恒指2月份波動範圍:

27300(假設大鱷底線) + 1300~2000點月波幅 = 28600~29300

27500(假設大鱷底線) + 1300~2000點月波幅 = 28800~29500

以閒閒地1500點月波幅計, 後市一係上破28533, 一係插穿27500, 一係兩邊都爆來擴大月波幅

恒指自去年29/1見牛市大頂33484後展開熊市大跌浪, 跌至去年30/10低位24540, 反彈0.382倍的黃金比率為27956, 100周線(27953), 50周線(28144), 28200~28500(當中有250天線及20月線)都係關鍵大位, 今日已全部升破, 但要企3~5天才可確認

如往後作出調整, 第一關要守27800, 如跌破(以收市計), 只要守得住27500及雙底頸線(27260), 升浪仍未破壞

2月份恒指期貨大戶加權平均開倉水平在27450, 係好淡分界線, 如跌穿, 代表好友已撤退, 只要守得住, 就代表好友仍未放手, 2月下旬仍有望創即月新高

14/2 周四恒指收報28432, 跌65點, 結束3連升, 沽壓未除, 不進則退

牛多熊少利下殺

今日港股雖然收窄跌幅呈陽燭, 但大市似係扮跌唔落引好友入局, 全場最肥牛在28000附近, 睇股份表現有臨危托沽味, 唔少股份都見頂回落, QQ見頂等如港股見頂, QQ已率先掉頭回落, 今次升浪QQ不但未能突破250天線, 更跌穿$345, 連跌3天, 仍未有見底跡象, 最弊就係我早前所說的QQ好友持續湧入, 令大鱷動了殺機, QQ如失守$340, 恒指28000就危, 要QQ止跌回升港股才能重拾動力

今日港股在250天線穿梭, 而國指已率先收250天線之下, QQ上唔到250天線, 預示恒指亦好難守得住250天線, 上証雖然僅跌1點, 但權重A股走弱, 亦利淡港股, 如上証失守2700就會拖低港股, 因為中港股市通常係同步見底頂

由於今日港股冇創新高, 頂部下移, 加上昨日大成交沖頂冇好下場, 代表明日下跌機會大, 不過由於月波幅及年波幅都未達標, 估計今年大頂未見, 抖完又會破頂, 回顧去年恒指連升7周見大頂33484後就掉頭向下, 展開跌浪, 如今恒指已連升6周, 即係2月下旬係好淡大鱷分勝負的時刻, 如果明日收27946樓下就係6連升斷纜, 不過如下周續創新高, 就代表好友仍未放手, 大市只係回氣

美國十年期債息止跌回升, 重上2.7%, 美元走強重上97亦係今日升勢斷纜的原因之一, 人民幣再度下跌, 連日大屠殺後肥熊已經死得七七八八, 牛熊分布嚴重失衡, 牛牛大幅上移, 牛多熊少利下殺

睇盤路大鱷似係刻意拖慢港股上升步伐, 俾時間牛熊入局, 可能因為28800附近的熊唔夠肥(大鱷通常會等熊熊養到約4000張才會出手), 欠缺吸引力, 要再養下先

QQ於$350樓上沽壓加劇, 上升動力已轉弱, 大鱷可能想落去殺QQ好友, 加上牛牛大幅上移至28000附近, 亦會拉住港股後腿

~~~~~~~~~~~~~~~~~~~~~~~~~~~~~~~~~~

向28000.27800(關鍵位)進發

早前講過今次升浪一定要升穿250天線才能逼死淡友, 當人人向上望唔敢做淡, 肥熊死得七七八八就要小心, 如今牛多熊少 (11850牛 VS 7032熊), 連超級大淡友沈大屍都投降認睇錯市, 轉為看好, 真係人人向上望, 重倉熊陣亡, 大市亦已上破250天線, 做齊晒指定動作, 短線上望28500昨日已到站, 本周新高已出現, 要回調整固, 根據過去幾周的慣性走勢, 下周就會再創新高,

大成交沖頂冇好下場, 28200~28500阻力區好多人走貨, 所以第一次上企250天線好難站穩, 過去一周大鱷力托大市, 目的就係殺28500肥熊, 如今已食4141張, 屠熊任務已完成, 食飽肥熊就可以轉口味落山食牛扒, 唔使再托市, 要等肥牛清左場, 熊熊再養肥, 大市才能再展升浪

按照慣性走勢, 2月上旬先做一個高位就要回吐, 由於未到結算, 月中係調整的時間窗口, 大鱷嫌28800熊唔夠肥(大位要有4000張熊大鱷才會出手), 而牛牛上移至27990, 具吸引力, 不進則退, 要落去試底, 市強見28000, 市弱見27800, 估計好友會力守27500, 要有強烈利淡消息才會隊穿, 試完底就會再沖頂

QQ見頂等如港股見頂, QQ失$340的話, 恒指28000就危, 大鱷大媽昨日扮跌唔落, 目的係托住指數來派貨, 其實唔少股份已見頂回落, 大鱷亦成功引左肥牛入局(熊食胡.牛進場, 利淡), 大媽亦一路推升一路沽貨食胡, 由於大市嚴重超買, 重倉熊已死, 技術指標向淡, 會惹來技術派的沽盤, 買盤亦會縮手, 令下行壓力加劇, 但普遍基金經理仍看好後市, 所以大市只係正常調整

早前對後市極度樂觀, 上到28000仍繼續入貨的燈神經仔通梁蛇減緊中長線倉, 但持貨量仍高, 大鱷唔會益街坊, 唔會俾時間股民慢慢食胡走貨, 早前講過當燈神滿倉就係港股升到水尾, 過去兩周多左股民追貨, 大鱷就乘機托沽, 俾少少甜頭股民, 跟住就要股民嘔突盈利

特朗普又變態, 表示90日談判期限可以延期, 即係1/3中美就算未能達到全面協議, 仍可繼續談判, 國家主席習近平將會與正在北京的美國談判代表會晤, 但港股對這利好消息冇反應, 不但冇升穿昨日高位, 而且收跌, 唔係好現象, 代表大鱷想壓低大市屠牛