好媽媽

當你大個就明白好媽媽有幾重要

野食既味道唔及佢對健康既堅持

成個廚房係廚具都係為左煮多d唔同既野同煲多d湯俾你飲

以前既媽媽 做到咁已好好

應該話

依家冇咩媽媽可以令小朋友真正健康咁過一個童年

舉例: 為左唔輸在起跑線 我有時對仔仔學術表現好有要求

但 我煮野唔好味 又限仔仔唔俾食糖唔俾食熱氣野唔俾飲汽水

電視都唔俾睇左2個月 因為佢之前唔肯訓

好在燒餅好有心機整野俾仔仔 只係 仔仔玩佢 話要食咩食咩 燒餅煮完佢又唔食

都唔知點解物質越豐富 小朋友越唔滿足越唔開心

又其實我知 個社會 教育制度 例如n班都要面試既制度

令好多新手父母未及享受天倫之樂 就谷黎谷去

親子時光全部係有目的 例如我同仔仔玩 就要仔仔肯認字。。。

我都唔想既。。。

仲有 我比仔仔幸福 係細個已有哥哥

然後 我媽照顧小朋友好叻 幫人照顧過2個小朋友 令我童年唔會太寂寞

之後 佢又照顧2個表妹 到我大左佢又照顧姪女

但仔仔只有返粉嶺先有佢表姐同表弟玩

仔仔好寂寞 但佢嚮學校又揀人同佢玩 (醒目 防人之心不可無 但影響社交) 

就算平時去d小學開放日 見到陌生小朋友 佢都唔鐘意同人玩

好在嚮公園都算肯同人玩 可能慢熱啦 同我一樣

仔仔講過俾我聽 老師成日話要安靜 但小朋友成日講野 佢都堅持安靜- 咁似我既。。。

可能真係要改變自己 先會改變到仔仔。

雖然我有比較勁既履歷 可以話要揾工好易 但都捱左十年以上 付出好多錢同時間先有咁多履歷同工作經歷 嚮仔仔心中好成功

但我開始明白 “成功"唔係一個媽媽要做既事

一個媽媽要既係基本功 最低限度 係有個媽媽群組

希望3月既故事媽媽開始既時候 我可以同仔仔d同學既媽媽多d交流 鍛鍊自己既人際能力啦

細個時我成日話: 媽咪 點解個個人都識你既？ (以前跟我媽去買餸 當時粉嶺既小社區裏面個個相處融洽 見面就會打招呼)

講實話 嚮旺角就唔好識咁多人 始終覺得有危險 可能因為咁 仔仔會繼續孤僻啦。不過都係個人選擇黎 我媽同鄰里既關係咁好 都唔見得我會咁 所以話係個人選擇。

相信仔仔大個會識做人架啦 XD  醒目仔 又唔係女 冇咁多危險野既。。。