15~19/2 追殺牛熊

2019/02/15 22:28:25 網誌分類: 經濟
15 Feb

A股急挫拖累港股低開低收呈大陰燭, 肥牛陣亡, 反彈在望

15/2 周五恒指收報27900, 急跌531點(最多下跌586點), 失守10及250天線

國指收報10937, 急跌233點(最多下跌253點), 失守10天線, 國指跑輸恒指

肥牛陣亡.熊熊下移.部署屠熊

2月玩左半個月, 港股4升4跌(1月係升市日數大幅多過下跌日數代表買意強), 2月升跌日數一樣代表好淡爭持, 沽盤增.買盤縮, 如果熱錢炒閒閒地炒兩個月的話, 結算後沽壓就會逐步增加, 資金市對消息非常敏感, 導致大市急升急跌, 資金市初期會當壞消息係好消息炒, 但當大市累積龐大升幅, 一有壞消息就會惹來獲利沽壓, 令大市急跌, 同樣道理, 當市場出現利好消息, 大市就會急升收復失地,  

恒指在約千點內窄幅波動, 急升急跌令股民無所適從企錯邊, 牛熊都要死(2月上旬: 殺熊6072張+牛3257張), 反映大鱷見港股28500/11200阻力大, 唔想冒風險太早推港股出外太空, 所以遲遲未上28800, 想拖到月尾才出手, 但大鱷亦唔想玩深潛破壞升勢嚇親股民, 不炒單邊上或單邊落, 炒窄幅主力追殺貼價牛熊(月尾牛熊通常特別貼價, 大鱷就可以上下其手牛熊通殺),

目前港股市況有點似去年8月, 當時恒指主力在28000上下500點穿梭(27500~28500), 磨左好耐才爆邊, 股民以為會走單邊, 見爆上跟風買上又死, 見插水追沽亦要死, 好友淡友都陣亡, 當股民以為港股會窄幅橫行, 貼價牛熊出現重倉, 大市就突然走出方向展開大屠殺

恒指周線升勢斷纜雖然利淡, 但大鱷想高位派貨未必玩直插, 大鱷利用消息借勢抽升殺跌, 目的係營造波幅來搵食, 港股以前都試過急升後大插, 亦試過收大陰燭後好快就以大陽燭收復失地, 

港股本周急升急跌, 結果全周埋單係原地踏步, 僅小幅收跌, 牛熊陣亡, 大鱷用拖字訣操控大市, 想磨到下周(18~22/2)再殺上去, 因為收升月會係該月下旬創即月新高,下周係好淡大鱷角力的關鍵周, 如能上破前頂28533, 代表2月收升居多, 即係連升兩個月, 港股2月低頂上移, 反映大市由好友主導, 今日大插守得住27800仍未破壞升浪

~~~~~~~~~~~~~~~~~~~~~~~~~~~~~~~~

試完底.再沖頂

過去幾日恒指收市U盤大鱷都冇大大力踢高, 當時估計大鱷唔敢太快挑戰28800關鍵大位, 因為28000附近肥牛快高長大, 拉住港股後腿, 大鱷唔想益左呢批牛, 結果港股今日真係大插, 大舉殺牛2485張清左場, 今日守得住27800皆因27800樓下牛唔夠肥(大位附近要有4000張熊大鱷才會出手), 現時只得瘦牛並不吸引, 大鱷今日食飽肥牛, 試完底, 收市就拗腰上企27900, 因為熊熊大幅下移至28378, 具吸引力

今日大市只係作出技術性調整以及借勢屠牛, 大鱷見有利淡消息刻意唔托市, 由得港股插水順勢殺重倉牛, 亦可逼好友止蝕, 肥牛陣亡後, 今日收市U盤大鱷又再出手, 踢高38點, 為31/1以來收市U盤最大升幅, 代表好友健在, 按照大鱷的習性, 下周會重上28000, 挑戰250天線阻力區, 即係會升穿今日高位28256, 營造頂部上移的走勢來吸引股民入市幫手推升, 不過28500阻力大, 要有好消息才能突破, 如能站穩, 就會向28800.29000進發

~~~~~~~~~~~~~~~~~~~~~~~~~~~~~~~~

急升急跌.牛熊通殺

按照大鱷的一貫做市手法, 在升勢當中失驚無神掉頭大插, 通常食一口, 最多食兩口牛就會彈番去繼續屠熊, 今日一插, 熊熊大幅下移至250天線附近, 升勿喜.跌莫悲, 其實今日大跌反而係好事, RSI大幅回落, 超買情況已消除, 有利後市再上, 今日臨收市創全日低位, 只要下周一高開彈番上去, 仍符合市強低位一瞬即逝的慣性走勢, 如果大鱷唔想低價出貨, 大市就不會在低位徘徊, 彈高才派貨

港股插水係俾大媽拖累, 港股通(滬)出現資金凈流出, 為周二以來首度出現凈走資, 連大媽都食胡鬆人, 都話左港股升跌由大媽大鱷話事, 大媽大舉走貨港股就反艇, 一掃貨就爆升, 內銀內險資源商品A股急瀉, 拖低港股, 由於今日係AH股同步下跌, 換句話說, 下周一港股表現就要睇權重A股, 只要A股作出反彈, 港股多數會跟升,

上証如能重上2700, 大鱷就有藉口推高港股, 今日港股係俾A股推落山, 感覺上北水係中港兩地股市一齊作出抽升殺跌的行動, 大媽係地頭虫, 就以A股影響港股來兩邊搵食, 正一趴街, 要詛咒大媽大鱷賺到都冇命享

阿爺密密推出救股市救經濟政策, 自從農曆長假期復市後, 滬深股市成交明顯增加, 一路推動上証爆上2700水平, 踏入2019年, 老外經滬深股通積極掃A股, 頻頻見大量資金凈流入內地股市, 今年滬深股通淨買入A股金額高達千億  是去年全年的三分之一, 已經有分析師說上証今年會進入牛市, 股市有水則生, 怪不得上証愈升愈牛, 上破2700

內地放水救市, 游資充裕, 資金流入炒港股, 北水又用番當年大媽牛市的手法來操控港股上落, 即係會急跌急彈跌唔落, 反覆急升, 接連破頂, 當升到你忍唔住高追, 大媽就可以高位派貨, 港股雖然失守10及250天線, 不過無論升穿抑或跌破大位, 要企超過3天才能確認, 因為夾硬抽升殺跌好難撐3天, 企得穩就會向下一個關鍵位進發

~~~~~~~~~~~~~~~~~~~~~~~~~~~~~~~~

27534~28533等2月下旬爆邊

國指1月連升五周後2月已連跌兩周, 而國指走弱終於拖累恒指結束六周升勢, 反映港股升抵250天線後投資者對再買上感到猶豫, 因而先行沽貨鎖定利潤, 拖低大市, 但由於大鱷大媽貨多未走晒, 多數玩跌下彈下, 跌完就會收復失地, 兩位大大都唔想港股深潛嚇到股民唔敢入市接貨, 所以仍咬住關鍵大位27800, 今日低見27845, 只要企27800樓上, 就代表大鱷仍想推大市上番28000,

關鍵位: 27500.27800 VS 28000.28300.28500.28800.29000(反彈熊市跌幅一半)

由於今個月恒指高低位 27534~28533, 波幅只得千點仍未達標, 代表未來兩周仍有破頂或穿底的可能, 2月由好友主導, 上証強勢撐起港股, 淡友處於下風, 破頂機會較大

去年初恒指連升7周見大頂後就反艇, 今次連升6周提早斷纜反而有未升到盡的感覺, 在推高結算位的誘因下, 後市有望破頂, 落到27800關鍵位如果守得住就代表升浪未完, 估計大鱷只係用拖字訣想磨到月尾才出手, 20~27/2係創新高的時間窗口

大鱷非常陰濕, 早市低見27935扮見底引BB牛好友入局, 午後急挫, 低見27845(大瀉586點), 炒即市的好友見一跌到尾彈唔起, 尾市慌忙逃命, 逼死好友後, 港股臨收市才收窄跌幅, 本周港股2跌3升, 符合慣性走勢

我一直唔希望恒指於2月上旬升得太高, 最好預留多些水位俾2月下旬, 因為如果本周已經上到29000, 收升月多數係下旬創新高位的話, 未來兩周豈不是會飛出外太空? 好了, 如今上到28533就回番落27800水平, 向下空間收窄, 亦擴大了向上空間, 通常抖夠就會再沖頂, 能否破頂就要睇QQ, 因為MSCI減比重QQ沽壓大增,

周三爆上28533, 普遍股民都畏高唔敢入貨, 而家大市作出回吐守住27800, 反而會加強股民入市信心, 吸引股民買貨博爆頂, 股民入市亦有助推動大市向上,

~~~~~~~~~~~~~~~~~~~~~~~~~~~~~~~~

港股見短頂+落山試底+部署再沖頂

周三港股創新高後牛熊分布變成牛多熊少, 既然肥牛大幅上移, 大鱷就梗係唔會益佢地, 落山食埋貼價牛才會再推升, 港股超買亦順勢作出技術性調整, 由於今次升浪唔少股份都遺留多個上升裂口, 回補部份裂口亦好合理, 如果今次急瀉只係大鱷用拖字訣想磨到月尾再沖頂, 就不會深潛, 按照慣性走勢, 下周會突破前頂28533創即月新高

待QQ消化沽壓止跌回升, 港股就會重拾升軌, 港股慣性走勢係該月上旬創即月高位, 回吐, 下旬會再上去創新高, 能否如好友所願就要睇阿爺表現, 上証好.港股好

今日港股收大陰燭都唔使擔心, 資金市的特徵就係縱使出大陰燭,都可以借利好消息出大陽燭收復失地, 過去幾個星期港股的慣性走勢係貼價的上升及下跌裂口都會回補

假設恒指2月份波動範圍:

27500(假設大鱷底線) + 1300~2000點月波幅 = 28800~29500

以閒閒地1500點月波幅計, 只要下周一冇隊穿27800, 後市就有望上破28533來擴大周及月波幅, 向28800.29000進發

恒指自去年29/1見牛市大頂33484後展開熊市大跌浪, 跌至去年30/10低位24540, 反彈0.382倍的黃金比率為27956, 100周線(27953), 50周線(28144), 28200~28500(當中有250天線及20月線)都係關鍵大位, 如能突破並企穩3天利好

如往後作出調整, 第一關要守27800, 如跌破(以收市計), 只要守得住27500及雙底頸線(27260), 升浪仍未破壞

2月份恒指期貨大戶加權平均開倉水平在27450, 係好淡分界線, 如跌穿, 代表好友已撤退, 只要守得住, 就代表好友仍未放手

睇盤路大鱷似係刻意壓住大市來拖慢港股上升步伐, 在28000穿梭炒窄幅, 俾時間貼價牛熊入局, 可能因為28800附近的熊唔夠肥(大鱷通常會等熊熊養到約4000張才會出手), 所以大鱷遲遲未爆上, 去到28533就掉頭, 但又守住27800

近日頻頻傳出中美90日談判期限可以延長60天, 即係1/3中美就算未能達到全面協議, 仍可繼續談判, 只要有憧憬就有得炒, 資金市閒閒地炒兩個月

石石昨日沽清持有的港交所.中移.吉利, 睇位食胡好準, 石石認為後市仍會有新高, 大市只係見短頂, 後市會反覆向上, 和我的看法不謀而合, 沽貨只係短炒波幅, 趁回吐再買上, 因為量度升幅短線會上29000

順帶一提, 本周恒指衝上250天線, 但QQ及內銀沽壓特別大, 可能係受28/2 MSCI調低比重所拖累, 投資者趁股份彈上去偷步出貨, 亦係本周未能殺上28800的其中一個原因, 權重股沽盤壓住大市

{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}

港股高開高收呈陽燭, 貼價熊陣亡

18/2 周一恒指收報28347, 升446點(最多上升511點), 收復10.250天線

國指收報11149, 升211點(最多上升230點), 收復10天線, 國指跑輸贏恒指

試底==>沖頂

老外繼續經滬深股通大手掃A股, 上証爆升72點收2754, 以光頭光腳大陽燭收市, 走勢靚絕, 刺激港股作出報復式反彈, 重上10及250天線, 不過後市仍不明朗, 仲有一個多星期才結算, 大鱷亦不敢太進取, 拖得一日得一日, 既可養熊亦可慳托市子彈, 所以只係吃了一口小熊就縮番落黎,

今日港股急升, 但本周係好淡角力的關鍵周, 慣性走勢不會全周日日升或跌(上周2跌3升),今個月港股波幅窄得不尋常, 除了因為2月交易日數少以及貿易談判消息紊亂之外, 亦係因為港股現正處於去年第三季的波動區26219~29083之內, 蟹貨多到不得了, 當時大鱷大媽托沽, 恒指月波幅只得1300~1900點, 不斷跌下彈下溫水煮蛙式派貨, 當散戶以為升就跌, 以為跌就彈

本地藍籌股陸續公佈業績, 明日匯控業績禍福難料, 加上中美貿易談判消息反覆, 時好時壞, 大鱷都唔想冒風險太快爆上28800, 可能繼續係28500附近游走養牛熊, 月尾牛熊通常特別貼價,

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

港股高開低收單日轉向呈陰燭, 貼價熊陣亡

19/2 周二恒指收報28228, 跌118點(最多下跌138點, 一度上升142點), 失守250天線

國指收報11117, 跌32點(最多下跌33點, 一度上升103點), 國指跑贏恒指

試底(27845)==>沖頂(28489)==>試底(28208)==>沖頂

上周五港股急瀉, 昨日港股急彈收復大部份失地利上攻, 按照慣性走勢本周會突破前頂28533創新高, 但匯控.QQ受壓拖累港股今日沖頂回落, 失守250天線, 仍未破頂, 睇即市倒跌人人看淡, 我本來都估明日會下試28000食牛扒, 不過收市後睇牛熊分布就知未必, 因為貼價熊多牛少, 大鱷就不會放棄屠熊, 可能會先食肥熊

技術指標向淡利下殺.但熊肥牛瘦利上攻

28800   3680張熊
28700   2780張熊
28600   1835張熊

28000~28200  769張牛

今日恒指沖上28489打回頭, 沖完頂再試底, 低見28208就剎停, 守住昨日低位28186, 連續兩日底頂上移, 因此明日走勢非常關鍵, 如繼續底頂上移就會守住今日低位28208及上破今日高位28489, 如破底28208未能速彈不妙,

QQ好友繼續作出重倉部署, 亦係QQ餐餐沖高回落的原因之一, 但地產板塊.內險及港交所逆市上升, 多隻指標股都能上破昨日高位, 走勢亮麗, 大鱷以輪動接力方式托住大市, 唔俾大市深潛, 只係嘔晒升幅倒跌少少, 冇跌入肉, 代表推升心不變

港股技術指標雖然轉弱, 但仍企28000樓上, 大鱷咬住高位相信同部署下周三高位結算有關, 熊熊下移及愈養愈肥亦係港股高企不下的原因之一, 因為大鱷今個月未食夠牛熊交數, 只要時辰一到大鱷就會大開殺戒

今日滬深兩市成交急增, 大得不尋常, 超大成交沖頂究竟係資金湧入追貨買上抑或獲利盤導致內地股市成交急增呢? 如明日上証收跌, 能否守住2750非常關鍵, 底線係今日低位2737, 上証如能收升, 企穩2750再下一城利好港股, 升跌關鍵在人民幣表現, 美元失守97在96.6附近游走, 匯市利好港股

股市有水則生, 成交熾熱代表內地散戶信心增強, 蜂湧入市, 內地股市急升有大成交配合, 上証昨日爆升破頂而上站2750樓上收, 連升兩天, 今日收2755, 港股亦跟足慣性走勢再沖頂, 高見28489(前頂28533), 今日收市U盤跌幅擴大, 已違反了收市U盤例牌踢高的慣性走勢, 國指更是以全日最低位收, 希望好似上周五大插本周一就大升收復失地的模式, 因為今個月係由好友主導, 往往係急跌急彈, 結算前好友應不會放手, 大鱷似乎想在250天線樓上結算

睇港股今日表現雖然利淡, 不過唔使擔心, 月尾好友通常會出手, 部署高位結算, 加上恒指月波幅未達標(上29000才達標), 中港股市多數係同步見底頂, 上証創新高港股理應跟隨, 往後港股如再沖上去秒殺肥熊即回, 亦要睇下會否咬住28300磨到結算

老外繼續掃A股, 但港股通(滬)再度出現資金凈流出, 金額為一個多月以來最多, 反映大媽趁反彈食胡減磅及換馬, 從近來中港股市表現來看, 投資者追捧A股, 上証牛味愈來愈濃, 亦有可能分薄了買港股的資金, 因而削弱了H股的上升動力, 昨日港股爆升, 恒指上企10及250天線, 但國指只係收復10天線, 亦在在反映H股見沽壓, 而恒指則較強勢, 可能因為本地地產股因美國加息已屆尾聲, 大受追捧撐起恒指

18/2美國總統日假期, 美股休市

匯豐及恒生將於19/2正午公佈業績, 當天轉節氣雨水

聯儲局將於周三(20/2)公布上月議息會議記錄

劉鶴應邀周四(21/2)赴美舉行第七輪中美經貿高級別磋商

金沙將於周五(22/2)公布業績

{#icono0_3}{#icono0_18}{#icono0_3}{#icono0_18}{#icono0_3}{#icono0_18}{#icono0_3}{#icono0_18}{#icono0_3}{#icono0_18}{#icono0_3}{#icono0_18}{#icono0_3}{#icono0_18}{#icono0_3}{#icono0_18}{#icono0_3}{#icono0_18}

德國英國唔抵制華為

英國認為使用華為5G設備風險可控, 任正非稱華為將會擴大在英國的投資, 美國圍堵華為的策略難以奏效,英國拒絕封殺華為,美國或失談判籌碼

週一(18/2)英國國家網絡安全中心表示,華為參與英國電訊工程帶來的安全風險都是可控的。此一結論或會嚴重打擊美國圍堵華為的努力,歐盟其他國家很可能會跟隨英國,讓華為參與5G計劃。最近美國軟硬兼施,務求令其盟友放棄華為的5G系統;然而英國的取態或會令歐洲盟友動搖,使美國無法以封殺華為來做中美貿易談判的籌碼。

美國原先以華為將利用5G系統進行間諜活動為由來要求盟友封殺華為,但英國的報告則認為當中風險可以控制。軍情六處處長楊格較早前也表示,各國有解決問題的自主權,不能單純禁止使用華為。由於美國失去談判籌碼,預料或會更易與中國達成協議。市場憧憬中美談判成功,所以美元走勢偏軟,金價則突破1月31日的高位,刷新高位至1327.71美元/盎司(引用彭博數據)。

(鼎展金融集團研究部經理陳鴻璣19/2/2019 )

最新回應

史哥
史哥 2024/03/28

下月關鍵位為~ 16561 

向上 16561 17057 17569

向下 為 16064 15582

{#iconb_22}

門徒
門徒 2024/03/28

166對後市有一定指向性 {#iconb_22}

門徒
門徒 2024/03/28

嘩...乜挾到咁高既 {#iconb_61}

美味雞煲
美味雞煲 2024/03/28
@soho*...

元帥,咁我避開桂林先😄 冇諗過去貴州丫,但可以考慮嘅之前我就係三月去桂林,天氣一般亦都去睇過苗族表演,所以貴州可去可不去 ☺️ 可能有啲地方好靚我要深入了解吓先 🤭 想去嘅地方有四川、西安、西藏、新疆、雲南同北京,分兩次去😅🤣 

門師兄,快啲玩熟CFD等你帶隊🤭😚🙏