跑手鬼馬裝扮添fun 72歲吳光正跑渣馬 龍精虎猛
2019/02/18 05:12:21 網誌分類: 生活
吳光正昨早完成一點八公里嘅領袖盃賽事,同場仲有由佢創辦「學校起動」計劃嘅學生,佢鼓勵學生跑到終點完成目標,比起「贏在起跑線」更重要咁話。小妹亦見到郭炳聯、霍啟剛、劉鳴煒等商界人物,人人笑容滿面,跑得開心。而財爺陳茂波就完成領袖盃賽事,佢話天氣好好,涼咗啲,盡力跑完全程。
渣馬亦似嘉年華,唔少參加者「扮鬼扮馬」搞氣氛。新年伊始,豬年點少得豬公仔同財神,一身豬公仔打扮嘅選手就話,跑咗咁耐,已經熱到變燒豬,十分搞笑!有人扮成熊本熊、熊貓同老虎等公仔同大家一齊跑,十分盞鬼!
飛達慈善復活跑下月初舉行
另外,鍾意跑步嘅朋友要留意,嚟緊三月十日將會喺上水河上鄉舉行「Panasonic飛達慈善復活跑」,開始接受報名啦,想參加者,可登入https︰//panasonic.sportsoho.com/。
Kelly Chu
■吳光正(中)昨早完成一點八公里領袖盃賽事,佢仲為學生哥打氣。
■有跑手一身豬公仔打扮。
■有人扮成熊本熊,真係十分盞鬼!
回應 (0)
我要發表