迪士尼新CEO 愛食楊枝甘露
2019/02/19 04:12:09 網誌分類: 生活
楊善妮曾喺香港樂園負責財務工作，駐港一段時間，話好鍾意本地美食，最鍾意嘅甜品係楊枝甘露。佢話，回港後專程找一家老食店，可惜關咗門啦。講番工作，佢話會致力爭取國際、內地和本地客源。令佢高興嘅係，見到台灣最大嘅超市集團全聯福利中心，獎勵一千名員工喺去年入園過萬聖節，樂園提供特別便利服務，分組辦入住酒店手續，等佢哋好快上去七百多間房，佢哋又包咗Lion King劇場睇表演，第二朝仲去明日世界餐廳食早餐。楊善妮話，MICE客人（即Meetings（會議）、Incentives（獎勵旅遊）、Conferencing/Conventions（大型企業會議）、Exhibitions/Exposition（活動展覽）和Event（盛事）），係重要客源之一，樂園會致力爭取。
佢亦好高興來自日本、南韓同菲律賓嘅客人多咗，佢有一次見到日本女仔逼滿樂園酒店嘅大堂，人人全身着晒迪士尼嘅服飾，真係好可愛。至於本地客人，不乏「死忠」，好似有一次佢戴住樂園嘅襟章，竟然有一位女士趨前，想同佢交換，當時女士身上冇襟章，即時走去買一個同佢交換，令佢覺得香港粉絲好支持佢哋。
Kelly Chu
■迪士尼樂園新任行政總裁楊善妮同傳媒見面。
■台灣超市集團一千員工一起入迪士尼樂園，只看篋已很壯觀。
回應 (0)
我要發表