籤文喻示「常得香腸」 車公估到廚師腸回歸!
2019/02/19 04:12:14 網誌分類: 生活
一個名為DCH Valley Chef嘅fb專頁近日公佈,話非常感謝一眾粉絲對廚師腸嘅熱愛同支持。佢哋嘅團隊經過多個星期嘅努力,終於可以同大家預告,廚師腸好快就會返嚟啦!佢哋仲話繼續以原來嘅獨家配方,喺美國製造,保留大家喜愛嘅味道!叫各位粉絲記得密切留意佢哋最新消息。
網民嘅反應都幾有趣,有人要求「唔該減鹽」,但有網民反駁減鹹味就唔係廚師腸啦,味道變咗,不如唔好食。
最醒嘅一位網民,竟然引用鄉議局喺新春為香港求得嘅中籤,其中四句籤文最尾一個字加起來,竟然係「常得香腸」,指車公真係好靈驗。計Kelly話,預製醃肉食品,淺嚐即止,咁就食得健康啦。
Kelly Chu
■車公早就喻示香港「常得香腸」。
■廚師腸快將回歸香港啦!
回應 (0)
我要發表