陸羽仁
陸羽仁
陸羽仁

美股未死

2019/02/19 08:24:49 網誌分類: 經濟
19 Feb

美國昨日係總統日,美股休市。

一連五天在北京舉行的中美貿易談判結束,新一輪會議將於本週在美國展開,由中國副總理劉鶴領軍。

美國總統特朗普在Twitter稱,他與美方官員就中國的貿易協議舉行更多重要會議和通話,並正在許多不同方面取得大進展,其帖文更獲內地官媒轉載。

中港股市在上週五因未見到中美談判有何協議,加上中國公布的經濟數字不理想,中港股市下跌,尤其係港股重挫531點,我當時估計只係升得多之後大戶震倉比較多,果不期然,上週五收市後,中美談判陸續傳出好消息,週一港股就反彈近450點,收復上週五的大部份失地,而A股更大升2.7%,升凸有餘。MSCI的亞太區(日本股市除外)股份指數亦漲近1%

美股昨天假期無市,歐股昨日大彈後靠穩。德國DAX接近平手離場,而法國CAC指數微升0.3%。歐洲電訊股Wirecard則受到中美貿易談判的利好刺激,勁漲14%。紐約期油昨日亦受惠於中美談判順利發展而升上去年11月下旬以來的高位56.06美元。

全球股市今年以來反彈不少,例如恆指,已大彈了13.9%;標普500指數重勁,由去年聖誕節平安夜大插後反彈超過18%,非常誇張。股市彈得這樣急,市場的信息顯現比較混亂,從摩根士丹利指2019年美企會出現「盈利衰退」,美國總統特朗普大力唱好與中國的貿易談判、油價反覆波動、銀行股表現不濟,已令到散戶無所適從,究竟應該沽貨,還是繼續持有?

有紐約分析員認為,投資者要安然渡過這淌「渾水」,先要對形勢有一個清晰的圖畫,他列舉了五個現時對美股有利的基本走勢,值得投資者,尤其係走長線的,繼續留在股市。

第一是聯儲局。他指出有很多偉大的投資者已經私下或者公開表示,只要你不和聯儲局作對,你應該買股票。現時聯儲局已經放棄早期的加息和縮表的鷹派計劃,可說已向投資者開了綠燈,為股市上升鋪了路;

第二是美國總統。無論你特朗普他喜歡好、憎恨他也罷,特朗普一心一意想股市上升,他甚至願意改變自己的態度去推高股市。他由2018年到現在都堅持反對聯儲局的加息計劃。特朗普目前在這方面好像沒有什麼聲氣,但當股市開始出現問題,相信他仍會出招推升股市。

第三是通脹,美國目前經濟正在增長,但整體通脹率仍然非常低,這是對股票一個很好的訊號。當經濟增長而通脹不升,你應該買股票,而不是沽股。

第四是資產負債表。美企的資產負債表正在轉強,顯示固定資金正在流入。而資產負債表強勁的股份反彈回升的機會會遠遠大過資產負債表比較弱的時候。

最後是股價。比較美股的歷史,美股目前的價格水平仍然不算太貴,尤其是當有利條件出現的時候,例如中美貿易達到協議。

分析員提醒投資者,在作出行動之前,要認清那些推動股市的長期因素,不要因為短暫的上落市影響到長線投資的計劃。除非見到中美貿易談判談崩,就要小心將出現一個比較大的跌市,否則美股未死,仍然繼續可以買。

陸羽仁

回應 (18)
我要發表
wingzero
wingzero 2019/02/21 13:49:14 回覆

個市升到自己懷疑人生

animal666
animal666 2019/02/20 06:47:14 回覆

揸滙控旨在食息
2019年02月20日

  內地宣佈粵港澳大灣區規劃,指數先升後回,市場趁好消息獲利,皆因規劃成本書咁厚,大家未見具體政策,無乜好炒也。市場焦點之一是滙控(005) 股價及相關新聞 、恒生(011) 股價及相關新聞 宣佈業績,大笨象股價先前已經炒上,連同大市有調整壓力,宣佈後滙控股價洩氣回落。

  大笨象去年全年列帳基準除稅前利潤198.9億美元,較2017年增加15.9%,主要反映各項環球業務收入全面增長。若不計及貨幣換算差額和重大項目變動的影響,全年經調整除稅前利潤為217.19億美元,同比增2.8%。至於去年純利126.08億美元,同比升30.2%。期內每股普通股基本盈利0.63美元。主席杜嘉祺話,集團去年6月公佈的財務目標仍屬適切,集團能否達致有關目標,取決於集團能否協助客戶應對當前不明朗因素。

  成熟行業難爆發增長

  好似滙控咁大間公司,帳目十分複雜,市場反應除了睇實際表現,可能更加睇市場預期係點。由於大行之前唱好今次業績,公佈後外界就指市場預期除稅前利潤預測平均數為209.26億美元(1632.23億港元),按年增21.9%,現在交出來15.9%的增幅,無預期咁好,所以股價係公佈後就掉了下來,收市報66.15元,跌2.3%。

  市場話滙控業績比預期遜色,有中環茶友問點睇?陸羽仁認為交出來的成績表,同估計相差幾個百分點不是咁重要,因為當中有好多細節都未睇清楚,所謂股價遜預期,也有少少大市借勢調整的因素。滙控規模巨大,好似航空母艦,前行動力不易增加,也不易減退,市場亦未必咁易感覺到。影響股價的因素,短期反而是同股東有關的政策好似派息同回購。

  據行政總裁范寧在業績報告透露,集團去年透過股份回購向股東返還合共20億美元,反映集團希望消弭以股代息多咗新股出街的中期影響。在取得監管機構批准的前提下,將繼續致力推行此項政策。另外,集團派第4次股息0.21美元,同比持平。去年派息總額達到0.51美元。集團有信心維持現時的派息水平。咁即是話同股東直接有關的兩大政策既無好大進展,但亦無好大驚嚇,不應構成股價下跌的負面效果。

  至於影響長遠股價表現的則是大環境,包括利率去向,商業景氣以及監管政策。去年美息向上有利銀行業,但亦不算大好,銀行業係成熟產業,暫時看不到有爆發性增長的契機,這個情況在短期維持,這也是滙控可見的前景。現時很多股民買滙控都是收息,由於集團派息維持,股價衰不會衰得太多,所以有股者可以繼續持有,好過擺錢係銀行,到覺得個市升到差不多,股東就考慮減磅食胡,套現再等回落時再買第二轉。

  大灣區概念股個別有景

  至於恒生銀行(011) 股價及相關新聞 公佈截至2018年12月31日止全年業績,股東應佔溢利242.11億元,按年增21%,派第四次中期息3.6元,全年合共派息7.5元,較17年多派12%。恒生業績數字上比滙控好,股價先軟後揚,收報186.2,升0.3%。恒生市盈率18倍,息率3.6厘,估值高過阿媽,以股價角度看,業績優勝都係反映了的份內之事。

  滙控腳仔軟,成為大市昨日由升轉跌的解釋,恒指初段高開,最多升141點至全日高位28488,午後走勢由升轉跌,最多跌138點至28208全日低位,收報28228,跌118點;國指亦回調,收報11116,降32點。A股造好,國壽(2628) 股價及相關新聞 上月累計原保險保費收入按年增長24%,收升3%報19.76元,為升幅最大藍籌股。A股市場成交顯著增加,內地券商股續受追捧,廣發證券(1776) 股價及相關新聞 升3%報12.16元;中金(3908) 股價及相關新聞 收升2.6%報16.92元。港交所(388) 股價及相關新聞 亦造好1.74%報257.4元。

  大灣區概念股個別發展,亞洲水泥(743) 股價及相關新聞 收彈5.7%報6.3元;香港中旅(308) 股價及相關新聞 收升5.7%報2.6元;中國建築(3311) 股價及相關新聞 收升4.05%報8.23元;佳兆業(1638) 股價及相關新聞 收升3%報2.71元。

  陸羽仁

 animal666
animal666 2019/02/19 22:25:59 回覆

IG Market 跌到媽媽聲…

SIGH...

animal666
animal666 2019/02/19 20:35:20 回覆

石油板塊跟炒記得食胡
2019年02月19日

  港股昨日跟隨外圍受貿談利好消息刺激攀升,指數最多升逾500點,收升446點,升幅1.6%,大市成交金額950億元。但係無論升幅同成交,都係畀A股比下去。

  中美喺北京開會後,朝住先達成諒解備忘錄方向努力,內地股市甚為興奮,上證指數收報2754點,升71點,升幅接近2.7%;深成指數收報8446,升321點,升幅更接近4%。中美角力始終內地受衝擊較大,A股回調幅度遠超香港,跌得勁自然彈得多,呢個都係合理反應。有投資專家認為,今年A股係最值得關注市場,背後應該都係對中美貿易談判抱住較樂觀睇法。

  央行變「鬆弛熊」推高油金

  喺升市中,油股同金股表現不俗。各國央行今年紛紛變成「鬆弛熊」,對利率前景鷹風不再。銀根趨鬆理論上對商品資產如黃金、石油都比較有利。金價喺1200美元打底一、兩年,舊年下半年拾級而上,最近仲升穿1300美元。招金礦業(1818) 股價及相關新聞 噚日升上8.44元收市,升3.6%,仲創出一年高位。

  油股升勢同資金流向有關係,但同時有不同理由。美國加強打擊委內瑞拉,又同伊朗展開罵戰,油價地緣風險始終難降。另一方面,內地有報道指,國家石油天然氣管道公司組建方案已獲批,新公司將通過收購「三桶油」存量相關資產,並將尋求上市,推動三桶油造好。

  三桶油中以中石油(857) 股價及相關新聞 升幅最多,收升4.6%,報5.21元,榮膺藍籌股升幅榜首位;中海油(883) 股價及相關新聞 升3%,報13.68元;中石化(386) 股價及相關新聞 升3.2%,報6.72元,若然早前趁公司炒燶油消息執平貨,O依家回報有30%,確係相當和味。油服股都造好,海隆(1623) 股價及相關新聞 大升14%,收0.88元;安東油田(3339) 股價及相關新聞 收升9%,報0.96元;宏華(196) 股價及相關新聞 收0.51元,升6%。

  自從特朗普上台後,油價畀佢搓圓撳扁,佢為咗降低油價不惜大出口術。另一方面,美國不斷觸動地緣風險,油價跌完又彈,加上央行開始減慢加息步伐,油股又升番上高位。油股有特朗普操控嘅政治因素,升得多佢就會出口術壓低,所以唔會直線上升。如今油價破位向上,油股、油服股都開始郁,唔排除跟住仲會有多浸升浪,穩陣計揸油者等佢升多一浸後,可以分段食胡,買賣呢類商品股要掌握節奏,記住上車要識得落車,油服股波動性大,成交亦冇咁多,所以記住要識食胡,但短期可能係急升局,短炒一下無妨。

  滙控績前先「升」奪人

  石油板塊亮麗之餘,喺大升浪下,今日公佈2018年全年業績嘅滙控(005) 股價及相關新聞 先升2%,報67.7元。彭博引述市場預期,去年收入548億美元,經調整純利為152.2億美元,每股盈利0.757美元。同日公佈業績嘅恒生(011) 股價及相關新聞 收升1.59%,報185.6元;中銀香港(2388) 股價及相關新聞 升4.4%,報32.05元。

  內地全力加快5G建設,深圳正加快發展。《深圳特區報》引述工信部估算指,中國商用5G喺頭五年直接帶動經濟總產出將超過10兆元人民幣,經濟增加值將超過3兆元,創造就業機會超過300萬個。5G概念股繼續強勢,中國鐵塔(788) 股價及相關新聞 見1.84元,再創上市新高,收升3.4%,報1.83元;中興通訊(763) 股價及相關新聞 下個禮拜公佈首款5G旗艦機,股價高見19.8元,收升9%,報19.72元;京信通信(2342) 股價及相關新聞 升4.5%,報2.33元。

  多隻半新股創新高,海底撈國際(6862) 股價及相關新聞 創新高,一度升6.3%,見21元,收升1%,報19.96元。海底撈舊年9月26日以招股價17.8元上市,低見15.5元。部份半新股喺淡市中招股,貨源歸邊後就見炒上,呢類股份炒上有時唔使睇理由,總之衝浪就要留意適當時候落車。

  陸羽仁

大戶終結者 ( 等人齊 )
大戶終結者 ( 等人齊 ) 2019/02/19 18:28:38 回覆
@子龍 (kaka就是大叔的契哥)...

依家唔係紅老二反彈?  {#iconb_61}

子龍 (kaka就是大叔的契哥)
子龍 (kaka就是大叔的契哥) 2019/02/19 17:50:19 回覆

門兄: 噢....280是很難破呢. 除非是紅市....... {#icons_dog5}

門徒
門徒 2019/02/19 17:38:16 回覆

子龍兄280必破 {#iconb_218}

子龍 (kaka就是大叔的契哥)
子龍 (kaka就是大叔的契哥) 2019/02/19 16:38:56 回覆

666兄: 噢....多情自古空餘恨..... {#iconb_271}

kaka: 噢....湯怡好嗎??? {#iconb_61}

門兄: 仍然只有一注. 子龍今次想追沽, 但必要先破28....... {#icons_dog5}

門徒
門徒 2019/02/19 16:14:19 回覆

紅了 {#iconb_59}

kaka422617
kaka422617 2019/02/19 16:10:24 回覆
@子龍 (kaka就是大叔的契哥)...

將軍,期指大將軍=愛情二等兵 {#iconb_272}

 animal666
animal666 2019/02/19 16:00:09 回覆
@子龍 (kaka就是大叔的契哥)...

將軍係…多情… {#iconb_61}

SIGH...

子龍 (kaka就是大叔的契哥)
子龍 (kaka就是大叔的契哥) 2019/02/19 15:41:33 回覆

大戶兄: 噢....人非草木  誰屬無情....... {#iconb_271}

大戶終結者 ( 等人齊 )
大戶終結者 ( 等人齊 ) 2019/02/19 15:30:32 回覆
@子龍 (kaka就是大叔的契哥)...

將軍有新目標?  {#icons_dog10}

子龍 (kaka就是大叔的契哥)
子龍 (kaka就是大叔的契哥) 2019/02/19 15:12:14 回覆

話時話湯怡好似美少女...... {#iconb_61}

門兄: 要留意今日大市成交....... {#iconb_62}

門徒
門徒 2019/02/19 14:22:55 回覆

咁点呀 {#iconb_65}講乜呀

大戶終結者 ( 等人齊 )
大戶終結者 ( 等人齊 ) 2019/02/19 14:06:46 回覆

{#iconb_62}

小5露底  {#iconb_625}

kaka422617
kaka422617 2019/02/19 13:10:19 回覆

各位早

user

最新回應

大笨袋鼠
大笨袋鼠 2019/06/20

想袋鼠講得學術啲,都可以無嘢揾啲嘢講。

雨傘運動係香港人嘅撕裂,但係今次反送中係相對團結香港人,因為要爭取嘅事物,十分唔同,呢個係『從未擁有』同『失去擁有』嘅分別。

2014年爭取特首普選,呢樣嘢根本係香港人未曾擁有(有拖無欠);但係送中法,係絕對將香港現有嘅司法制度防火牆拆除。

記唔記得呢度某年某月某日,陸羽仁網誌,袋鼠加腳注,提及到行為經濟學入面,有個 prospect theory / loss aversion,是否擁有物質會影響主觀價值?

未曾得到嘅,有人會想爭取,但多數人都無乜所講;但你搶走人哋已經擁有嘅嘢,(除非唔醒水、唔識貨)多數會唔肯過你。

大笨袋鼠
大笨袋鼠 2019/06/20
@WA...

袋鼠原全同意你,反對嗰啲不合作運動 - 因為咁樣唔係針對性去爭取訴求,只係影響『和理非』日常生活,唔會影響立法會同政府內閣作出決定(相對於612係阻止到開會),有啲無事搵事嚟做

策略上,咁樣係犯咗學生响佔中時,所犯嘅同一個錯誤,等於將嗰200萬(最高峰指定遊行範圍34萬)上街嘅人,當係敵人(alienated) - 而且咁樣做的確對唔住你所講嗰個車長。

大笨袋鼠
大笨袋鼠 2019/06/20

奇哥,好耐無見。 {#icons_boy9}

警訊都叫你,遇上自稱警員人士時候,必須要查清楚其身份。請睇昨日視頻。

但係啲警察膊頭無冧巴,而家出事,唔追究個上頭負責人,唔通問責係得個講字?

你講得啱,香港的確仲有好多事要做,但係唔好本末倒至,而家唔係叫市民見到大鑊嘢唔追究,而係問點解政府呢三個幾月,有咁多嘢唔做,有咁多其他妥協方案都完全拒絕,花盡時間、花盡政治本錢去硬銷《逃犯條例》?

之前立法會建制及泛民攪場大戲,袋鼠唔知佢點樣鬧雙胞胎,但係跳過法案委員會,直入大會二讀,肯定有違程序公義。

唔似2003有個負資產陰霾,影響當時社會氣氛,呢一次民眾最初(6/9)要求十分簡單,只係要撤回條例修訂。

外國新聞媒體都留意到,你香港人有咁方便嘅八達通唔用,而係未去維園排隊之前,先要响港鐵排隊用現鈔買單程車票… 咁都仲唔明好多香港人感覺到件事有幾嚴重及可怕?

袋鼠個人認為林鄭落台,俾第二個上去,同樣問題都會存在,因為呢個係制度問題,以現實政治環境,係無得救。但係最起碼回應,就係撤回。如果分唔清楚『撤回』同『暫緩』有乜分別,有大把排過隊買過單程非嘅香港人,可以同你解答。香港人呢次已經盡晒力,下次由暫緩轉番去二讀,未必可以有咁迅速反應。

袋鼠對香港有嘅只係情意結,但係置身事內直接受影響嘅人,應該比袋鼠更清楚箇中利害。

順便答埋你話西式民主,『表現出低民望,管治困難,政府施政困難,社會對立常見,經常對抗』,呢一點雖係同制度有關,但絕對唔係你所想嘅原因 - 你係咪咁肯定強人政府,會係施政易、社會無對立、無對抗*?西方民主國家透明度高,有乜問題都俾你睇晒、講晒囉!強人政府好少好似委內瑞拉咁樣,連資訊都無力控制!不過你當然可以舉例,响北韓又真係好似係施政易、無對抗喎!但係會有人有興趣移民去北韓嗎?

*袋鼠國大把前東歐共產國移民,大把故仔聽。

EDIT: 修飾字眼、句子