屢遭挫敗 悟未必是災難 全馬「一哥」周漢聶多才多藝
2019/02/20 04:12:15 網誌分類: 生活
讀緊中大心理學系三年班嘅周漢聶，係男子三千米障礙賽及4×1,500米接力香港青年紀錄保持者，原來佢仲係鋼琴高手，自小學開始學鋼琴，到o依家考演奏級，佢自謙有點遲，但同一時間佢又係一名運動健將，所以Kelly覺得佢好叻仔。
佢讀書嘅成績一樣標青，一直想做醫生，但到聯招放榜竟然只差一分先可以考入醫學院，初嘗敗績，佢自言當時嘅心情就好像世界末日一樣，後來佢選修心理學，雖然第二年嘅成績足以申請轉去醫學院，但佢體會到醫治人心同醫治人身同樣重要，所以最終選擇留在心理學系。
唔好似為佢運動場上好威風，佢亦曾屢遭挫敗，例如千里迢迢到加拿大受訓參賽，查看賽果卻發現因跨欄犯規而被取消資格，自此以後佢不斷練習跨欄，睇好多有關運動心理學嘅書，最終在三千米障礙賽成功打破香港青年紀錄。
佢話：「勝利的感覺很美好，也讓我領悟到雖然人人都討厭失敗，但失敗是必須的，也未必是「災難」，它可能會引導我走更適合自己的路，又或者鞭策我把一件事做得更完美。」真係講得好啱，值得青輕人學習。
Kelly為周同學打氣，希望佢繼續馬拉松比賽爭取佳績，達成佢進軍二〇二四年巴黎奧運嘅心願。
Kelly Chu
■周漢聶是一名陽光青年。
■周漢聶讀書成績標青又彈得一手好琴。
回應 (0)
我要發表