巧茹與小泡泡
巧茹與小泡泡
巧茹與小泡泡

解局

2008/03/27 02:38:15 網誌分類: 經濟
27 Mar

美國次按既問題,我一早以為唔應該係禁大問題。

投行究竟蝕錢在哪裡?原來係賭輸錢!

首先將自己個袋既錢,係唔係都借出去比窮人,再溝落政府既債券,然後賣俾人。嫌唔夠,就叫其他人加碼,自己做中間人,借多啲出去。最後仲响人手上,買翻人地既產品,變相自己加碼。跟住攞命果下嚟喇,把這些債券作抵押,借多十倍既錢,再投資、投機在股票、衍生工具… 總之攞去賭同玩高風險既野。保證金唔係現金,而係隨時會貶值既所謂三A產品。

點知業主無錢還,債券跌價,用孖展炒賣就自然被人迫倉,唯有沽貨,越沽越跌,跌幅大過抵押,你話大唔大鑊。當然沽空可能會贏翻少少,但timing唔好,輸得仲慘。贏佢地錢既就乜人都有,偏偏就無啲大銀行份除了一間。

股市同樓價齊齊下滑,唔怪得輸億億聲,無形之手點解開死局?先托住股市,俾佢地出下貨先,我估下一步要托的就是 - 樓市。當然最快就係借平錢俾投行(中!),同用政府債券換垃圾債券,槓桿不增加就不會被迫倉。

投資大行不投資,應叫投機大行,平時佢地贏錢,散戶輸,今次贏佢地既應是大大散戶,亦算係個別大戶。不過好多數已經無得計,追唔翻,這些投行既股東同債券持有人就成大輸家。

End of story 啦。但有人唔抵得喎…   仲有就係官司一籮籮。

補充一句,大家唔好忘記上年是資金市,今年就 reverse 來玩只因 credit crunch,好多有錢到唔洗做既人,做左亞嬌蚊呢壇,瀨晒大鑊,臨老過唔到世,富貴人家可能要出嚟做吖 ma san 喇。

 

最新回應

巧茹與小泡泡
巧茹與小泡泡 2013/03/24

以房地產來說,好多租約都帶有陷阱,最好還是著眼於周遭同類型物業的最近及歷史成交價,以作參考。

至於股票,我本人都係睇市盈率、市值規模、大股東等等。雖然歷史數據只能作參考而無保證,但總好過相信那些預測數字,預測數字更加是參考性質,更加無保證。

大家小心喇。

 

巧茹與小泡泡
巧茹與小泡泡 2013/03/22

十分抱歉,只是回來發文,未有餘空回覆。

{#icono_25}

 

巧茹與小泡泡
巧茹與小泡泡 2009/06/17

{#R𨯪.jpg}

今天又是新的一天,我既研究工作都到了尾聲…

 

貼了出大廳,自己都留個 copy:

1、炒股是資源再分配,並不創造財富。

2、開辦股市就是為了賺錢,不給你一點甜頭你不會進來,更不用說掏錢。

3、中國股市沒有做空機制,往下做只不過是為了將來往上拉。

4、主力有遠大目標,顯得大智若愚。散戶有小聰明,卻是大愚若智。

5、人性有恐懼和貪婪,主力專找這兩死穴攻擊。散戶卻不承認自身有此毛病。

6、趨勢理論其實非常重要,其時我們大部分時間都在等待,下跌途中空倉等待,上漲途中滿倉等待,只有轉勢那一刻才動手買賣。均線可以幫我們判斷趨勢,但如果你不懂或不信它,誰也救不了你。

7、主力可以用日K線騙你,但它無法用月K線騙你,因為拆借資金玩不起時間,利息成本太高。

8、主力當然知道軟件的威力,所以它會在底部或頂部區間上下震蕩,使忠實反映情況的軟件發出前後矛盾的信號,你拋開軟件正中主力下懷。沒了K線圖就等於被廢去雙眼,你還想幹啥?等你悟出月K線的奧秘,你就會愛上軟件。

9、物極必反的原理非常適合炒股。如果你悟出它的真締,你就不會再幹出追高殺低的蠢事。至少你不會再衝動。KDJ/BOLLING都是很好的防衝動指標。

10、週密計劃是主力成功的關鍵所在。介入價位,密集成交區,籌碼分佈,指標高低,時間跨度,題裁配合,意外狀況,止損/止盈點……現在明白主力為什麼會賺你的錢了吧?

 

巧茹與小泡泡
巧茹與小泡泡 2009/06/17

自古以來,人類就好迷信。

唔係淨係中國人迷信,全世界都係,我都係。

邊鬼個咁「有心」啊,特登刪左幾十年前既留言,人地個風水局都攪,呵呵呵。

呢度個制度真係,唉。o的人都好咩姐。

日出日落何時有改變,向天仰望,大笑三聲至得了,哈哈哈。

{#icon66}