客家人力量 推動粵港合作
2019/02/21 04:13:01
網誌分類:
生活
香港客屬總會係2011年4月成立，到而家已經八年，呢批由廣東梅州、惠州、河源、深圳、韶關、東莞、香港新界等地區組成嘅社團，當日係由六十四個團體會員組成，唔單止努力服務社會、全力支援香港特區政府依法施政、延續及傳承客家傳統文化，每年都通過多種形式聯誼、交往、考察等活動，推動粵港合作同埋廣東客家地區社會經濟發展嘅各類公益同埋社會活動。而且喺創會主席梁亮勝等各位前輩猛人號召同支持下，仲購置咗永久會所，為總會長遠發展打下根基。
吳主席仲話而家佢哋團體會員已經有七十六個，舊年仲開展咗一系列嘅工作同埋聯誼活動，譬如三月與十一月嘅立法會補選裏面，號召會員同埋全港客家鄉親支持愛國、愛港建設力量。而且為咗將客家文化薪火傳承，九月舉辦咗自總會成立以嚟最隆重嘅獎學金頒獎典禮，喺嚴格嘅評審下，符合要求嘅人數由原定嘅三十名增至五十八名。
新一年伊始，當然有新願景，吳主席話會繼續鞏固和發展青年隊伍與義工隊伍，培養同凝聚更多青年隊伍，漸漸成為總會嘅主力軍；另外，還會通過唔同主題嘅培訓課程，讓義工隊伍繼續喺各方面、各項地區工作，發揮佢哋嘅力量同才能。
Jacky哥
回應
(0)
我要發表