22~27/2 超大成交沖頂冇好下場

2019/02/22 20:22:18 網誌分類: 經濟
22 Feb

港股低開高收.單日轉向呈大陽燭, 連續3日站在250天以上, 貼價熊陣亡

22/2 周五恒指收報28816, 升186點~收市U盤最高位, 一度下跌200點

國指收報11427, 升121點~收市U盤最高位, 一度下跌101點), 國指大幅跑贏恒指

上証強.港股好, 轉倉+部署高位結算+繼續屠熊尋頂之旅

恒指2月向上目標:

27534(8/2低位) + 1300~2000點月波幅 = 28800~29500 (阻力29000~29200)

關鍵位:27800 VS 28000.28300.28500.28800.29000(反彈熊市跌幅一半),

美國經濟數據較預期疲弱, 道指連續3日受制於26000大關, 結束3連升, 收跌103點, 根據慣性走勢港股今日理應下跌, 但卻再創逾半年新高, 應跌不跌需防升, 皆因今日係星期五要畫周線, 上周已收跌, 本周大鱷誓要收復失地以大陽燭收升, 要部署月尾27/2結算位, 亦要逼死淡友, 不過淡友繼續入局, 今日沽空急增至14.2%, 為農曆假期復市後的最大沽空, 結算前做淡係高危行動, 中伏了, 下周死得

過去幾日燈神經仔通梁蛇口吻偏淡, 大減中線倉, 只持有約四成倉, 相反指標係利好訊號, 大淡友肥青口吻亦淡, 反映淡友睇錯市仍心心不忿, 所以29000附近才會有超多熊, 不過超級大淡友沈大屍早已投降變了好友, 大鱷通常玩升到你唔信才會掉頭, 貿易戰點跌落黎就點上番去, 今次升浪點都要上29000屠肥熊順道擴大月波幅, 不過上到呢個水平就要小心獲利沽壓會加劇, 大位不易企穩

受貿易戰拖累, 美國經濟有放緩跡象, 怪不得狂人在談判上不斷唱好, 話加稅及談判期限可延期, 目的係撐股市及經濟, 受利好消息刺激, 大鱷於收市U盤踢上全日最高位收, 真係陰毒, 以每周有新高的慣性走勢來看, 下周會有新高

本周大鱷單邊屠熊, 頭也不回, 全周恒指大升915點, 大鱷放生貼價牛代表上攻屠熊的數量會遠遠多過殺牛, 牛牛亦可留番3月才殺, 今日殺熊679張, 全周合共殺熊4057張, 都話左當關鍵位有超過4000張大鱷就會出手, 下周又食過, 28800~29100有肥熊, 不過29100上面只得瘦熊, 大鱷或會忍忍手再養多一陣先, 留番3月才上企29000食肥熊都得

大鱷為了畫周線收陽收升今日玩倒升收大陽燭, 技術指標利好, 今日大鱷黑箱作業, 港股收市U盤夾硬踢上全日最高位收, 由於收市做高位, 股民來不及食胡, 通常下個交易日沽壓會增加, 由於港股底頂上移, 睇下下周一會否例牌只係作出即市調整又再創新高, 今日大媽沽出QQ及建行, 全世界都話上証牛市, 大媽會否沽H換A呢?

~~~~~~~~~~~~~~~~~~~~~~~~~~~~~~~~~~~~~~~~~~~

29000魔咒位

29000是心理亦是技術大位, 不過只要有好消息加肥熊以及上証配合就能突破, 下周要升穿29000才夠周波幅, 恒指已升破50周線(28100) 及100周線(27998) , 大市雖然超買, 但有結算因素, 加上貿易談判頻頻放出好消息, 港股又係一跌即彈, 唔少股份都突破近日高位或貼近高位收, 落後股亦追緊上黎, 幫手推高大市

一直認為月尾要追數28600~29000肥熊係必殺, 但如果本周初太早推上去風險極高, 萬一惹來沽壓就會拖低結算位, 所以過去3日大鱷一直壓住大市, 陰D陰D升, 每日只係升100~300點, 而不是單日升五七百點, 而且例牌早市震一震來養熊引淡震牛, 大鱷數口好準, 拖到本周最後一日的最後一刻(今日收市U盤)終於出手, 收28816, 不多不少, 剛好企28600~29000中間, 收關鍵大位28800樓上, 以周波幅閒閒地700點來看, 代表大鱷有信心下周初會上29000, 不過要小心又會好似上次突破28000, 第一次上破只係試水溫, 跟住沖高回落, 後抽落28800再試底, 確認底部才會再上沖

如恒指今個月做1300~2000點月波幅就會見28800~29500, 今日收28816剛好踏入目標範圍, 不過月尾恒指通常係3升3跌, 即係不會日日升, 如今已經升左2日, 未跌過, 月尾要數住手指來炒賣, 3升3跌代表好友淡友都要死, 升到現水平要步步為營

今次港股升浪似係資金牛市, 但熊市派及技術圖表派就認為只係熊二反彈, 無論如何, 去到29000就要小心, 去年初大頂33484跌至年尾低位24540, 如反彈跌浪的0.5倍目標見29012, 而熊市第一個浪底在29129, 今次反彈浪若觸及或會作出調整, 呢個就係我一直認為大鱷不會貿貿然太早衝上29000的原因之一, 驚本周就上29100會俾技術派打回頭, 就會拖低結算價, 由於下周三結算, 時辰已到, 磨到下周初係爆上29000的最佳時機,

~~~~~~~~~~~~~~~~~~~~~~~~~~~~~~~~~~~~~~~~~~~

中港股市通常係同步見底頂, 而家係齊齊尋頂, 月尾最後一周(20~27/2)係創新高的時間窗口, 拖到月尾臨近結算係創新高的時辰

今個月港股波幅窄, 通常最後一周就會爆邊來擴大月波幅, 大市波幅窄主要係因為港股現正處於去年第三季的波動區26219~29083之內, 蟹貨多到不得了, 亦要時間消化沽壓, 加上今年已反彈了約四千點, 已有足夠水位俾大鱷轉身, 獲利沽壓非輕

大媽趁反彈頻頻食胡減磅及換馬唔係好現象, 沽出內銀及QQ就削弱港股上升動力, QQ好友繼續作出重倉部署, 亦係QQ餐餐沖高回落的原因之一, QQ及內銀近日高為沽壓大增, 可能係受28/2 MSCI調低比重所拖累,

匯控昨日除凈, 收息後好息之徒通常會走貨, 匯控沽壓亦會增加, 亦會壓住大市

恒指量度升幅要上29600水平, 大鱷唔想一步到位, 因為要預留上升空間營造頂部持續上移的向上趨勢, 估計大鱷會忍忍手暫時唔上29100, 預留多些上升水位俾3月, 目前29100樓上只得瘦熊(大鱷通常會等大位有超過4000張牛熊才會出手), 仲要養下先, 愈遲吃愈肥

恒指10天線已升穿250天線出現黃金交叉利好訊號, 出金叉同樣代表大市已累積龐大升幅, 預示短期內會有調整, 今個月港股由好友主導, 往往係一回即彈, 通常跌1天, 最多跌2天就會收復失地再創新高, 結算前好友應不會放手, 大鱷似乎想在250天線樓上結算, 不過結算後就要小心好友會縮手唔托市

自從農曆長假期復市後, 滬深股市成交明顯增加, 一路推動上証爆上, 踏入2019年, 老外經滬深股通積極掃A股, 今年滬深股通淨買入A股金額高達千億, 是去年全年的三分之一, 股市有水則生, 已經有分析師說上証今年會進入牛市,

有分析指熊市好難連升兩個月, 1月收升, 2月收升已無懸念, 已打破了熊市的規律, 股民就要思考是否今年熊轉牛

狂人表示中美90日談判期限1/3可以延長, 即係1/3中美就算未能達到全面協議, 仍可繼續談判, 呢個亦2月尾港股高企不下的主因, 因為只要有憧憬就有得炒, 不過當大市上到29000~29500區間, 獲利沽壓就會出籠, 短炒減磅為上, 因為短線必定會受阻而回, 等3月再爆頂

居安思危, 港股升到現水平累積龐大升幅, 或會惹來配股潮, 3月份港股會繼續受貿易戰消息左右, 亦有英國脫歐, 2月中至3月係港股企業業績期, 3月基金埋季結, 去年輸到嘔, 今年賺到開巷或會收割來鎖定利潤, 19~20/3 聯儲局議息, 今次會否加息極難預測,金融市場勢必大幅波動,2019年第一次水星逆行就在5~28/3, 絕不會是巧合, 估計港股於2月尾及3月獲利沽壓會大增, 學陸蛇及高手網友話齋: 要自己執生

 {#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

港股秒殺肥熊即回, 恒指29000得而復失, 大成交沖頂冇好下場

25/2 周一恒指收報28959, 升143點(最多上升193點, 一度下跌53點)

國指收報11631, 升203點(最多上升233點), 國指大幅跑贏恒指

上証港股同步破頂擴大月波幅+轉倉+部署結算位+大舉屠熊+養牛熊

上破29000試水溫+即市回補上升裂口(低見28763)利淡+下試28800的支持力

好消息出貨+29000~29200阻力大位+超買消化沽壓+飛天遁地擴大周波幅

大鱷真係神級, 升跌由大鱷話事, 恒指終於升到上熊市跌幅的一半, 已進入月波幅達標範圍, 由於29100只得瘦熊, 大鱷推到上29010就縮手, 月尾例牌3升3跌, 如今已經係3升, 元帥話未跌過唔得, 根據慣性走勢, 通常突破整數關口創新高都會回一回, 抖夠就會破頂而上, 一般來說, 大頂是不會在整數關口邊, 第一次衝上去只係試水溫

中港股市升勢過急, 燈神呢兩日突然大手掃貨高追利淡, 代表大市隨時會調整, 港股破頂但恒指恐慌指數急升3.98%唔係好現象, 不過明日係結算前夕, 好友要護盤, 市強只會作出即市調整或小幅下跌, 如大跌超過300點就要小心, 有結算因素, 估計好友會力守28600~28800水平來養牛熊及結算, 當熊熊養肥(超過4000張), 又或者牛牛上移就可以開餐

過去5日恒指即市波幅240~400點, 即係明日一係上破29000, 一係跌穿28750, 港股今日升幅收窄, 但大鱷力撐, 當股份受壓回落, 其他權重股或落後股份就接力上, 以板塊輪動方式繼續推高大市, 大鱷見29100~29500只得瘦熊所以忍忍手未殺上去, 大鱷亦要預留水位俾3月創新高

老外經滬股通大手沽出A股, 而大媽就經港股通(滬)大手沽出港股(可能受MSCI減比重影響, 大媽主力走QQ及建行), 大鱷沽貨愈沽愈升, 中港兩地股市午後升勢持續, 皆因大鱷貨多, 一日走唔晒, 趁市場氣氛佳就食胡, 其實唔少股份都超買或升過籠, 獲利沽壓加劇, 但周三結算, 好友力撐, 港股只係收窄升幅, 不過本周係業積公布期, 要小心業績股見光死

大鱷溫水煮蛙式派貨, 上周大鱷玩窒窒步升來震牛養熊, 技術派燈神經仔通梁蛇中伏, 13/2見上到28533打回頭擔心展開調整就大手減倉, 但上周五見跌唔落攻上28800就高追, 今日見港股再爆上再大手追貨, 睇完你就會明白今日港股為何成交高達$1688億這麼大, 冇貨追貨.有貨加倉.挾淡補空倉.大鱷大媽食胡換馬, 大市升幅不算大, 但唔少股份都爆升, 係A股拉住H股上山, 大鱷就借勢殺個股熊及淡倉, 逼淡友回補空倉, 幫手推高大市殺熊

~~~~~~~~~~~~~~~~~~~~~~~~~~~~~~~~~~~~~~~~~~~

牛多熊少拉住港股後腿

肥熊死後, 牛熊分布嚴重失衡, 牛多熊少, 牛牛上移, 大量貼價熊湧入: 6965熊 VS 12187牛

今日港股雖然收升, 但成交突然急增反映獲利沽壓大, 29000正正係熊市跌浪反彈一半跌幅所在, 加上係整數大關, 結算完好友或會縮手, 一眾因素都引發沽壓, 已升抵做好買上的食胡水平, 大成交沖頂冇好下場, 明日多數會回吐, 通常升穿28800爆上整數關口都會有後抽, 所以29000企唔穩, 要守得住28800才會再上, 如失守就要向28500進發

美國延遲1/3向中方加徵關稅的死線, 阿爺不斷推出救市措施, 保監鼓勵險資入市, 官媒報導社部基金監督局應推動養老基金擴大投資規模和投資範圍, 中國證券報頭版報導股市將成為國家的重要核心競爭力組成部分, 阿爺患了瘋牛症, 提振了股民入市信心, 內地散戶爭相開股票戶口入市熱炒, 上証飛左出外太空, 上証高開高走, 一升到尾, 以全日高位收, 報 2961, 暴漲157點(+5.6%), 創8個月新高, 為2015年7月9日以來最大單日漲幅, 滬深股市成交額破萬億人幣創逾3年高

今日港股升幅跑輸上証, 明知29000~29200阻力大, 亦係普遍股民沽貨獲利水平, 假如你係大鱷, 你會否今日就夾硬推上29200來硬接沽盤, 花子彈托兩日到後日結算, 抑或落去28600~28800先行消化沽壓呢? 睇下本周三四的財經日誌, 影響港股的因素多到不得了, 大鱷也不想冒風險今日推得太高, 其實咬住28600~28900來結算賺千幾點已經好和味, 恒指由年度低位已彈逾4000點, 亦有誘因食胡

今日港股彈唔起除了因為29100樓上熊唔夠肥之外, 亦係因為跛左兩隻腳, 上周已說匯控除息後沽壓會增加, 結果真係日日跌, 另外MSCI調動減QQ及內銀比重, 持貨者(大媽有份)紛紛走貨, 明知未來幾日相關股份沽壓會大增, 梗係趁急升鬥快走, 博低位回補, 而我早前所說擔心大媽沽H買A亦似似地

1月恒指超大波幅, 早已說2月會係細波幅, 目前恒指高低位係27534~29010, 波幅1475點, 勉強達標, 按此推算, 3月波幅應該大過2月, 如果3月波幅有1500~2000點, 你認為會升穿29500抑或插穿28000? 抑或兩邊都爆呢? 估計3月港股會大幅波動, 好友淡友都要死

如本周埋但恒指收跌, 周四或五就會出現本周低位(破周底), 相反, 如本周恒指收升, 周四或五就會出現本周高位(破周頂)

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

26/2 周二恒指收報28772, 跌187點(最多下跌259點, 一度上升12點~競價開市位)

27/2期指結算, 28/2黑期結算+月結+MSCI調動

今日一如所料收跌, 惟跌幅不大, 皆因明天期指結算, 所以好友力守28700, 雖然港股呢兩日技術走勢唔靚, 調整勢在必行, 不過2月由好友主導, 點都會撐埋結算, 資金市不好盡信技術指標, 急跌亦會急彈,

昨日老外經滬股通大手沽出A股, 但今日就掃貨, 熱錢好明顯係衝著MSCI增加A股比重而來, 而大媽就經港股通(滬)繼續大手沽出港股(主力走QQ及工中建行),  上周大手減倉的技術派燈神經仔通梁蛇連日高追, 已是連續3日掃貨, 目前持倉超過8成, 相反指標係利淡訊號, 通常燈神掃貨後大市都會回吐

月尾6天例牌3升3跌, 如今係3升1跌, 即係未跌夠, 今日低見28700, 大鱷咬住28600~28900部署明日結算位, 昨日以即市波幅來推算今日高低位非常準確, 今日再估下, 以恒指近日240~400點即市波幅來推算, 明日如果守得住今日低位28700, 就要升穿28950才夠即市波幅,

28500樓下牛牛愈養愈肥, 3月如插穿屠牛, 低位可能係一瞬即逝, 以2月的慣性走勢來看, 大鱷就玩以時間來代替深度調整, 如大跌就係一插即彈(15/2插531點.翌日彈446點), 向下支持大位28500.28300.28000, 向上29300.29500.29800.30000

由於即市波幅閒閒地有300點, 只要咬住28800就代表仍有望再上29000, 今日一跌,貼價有肥熊在29000邊,遠牛在28400附近, 月尾最後一周(20~27/2)係創新高的時間窗口, 明日係27/2係今個月最後爆頂的機會

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

27/2周三收市恒指收28757 跌14點, 連跌兩天, 沖頂回落尋底格

二月期指結算28863

周一港股以超大成交爆上29000, 周二三就收跌, 明日都跌就符合超大成交沖頂冇好下場, 為了推高結算價, 今日夾硬伸多一腳上去創恒指新高, 但國指無法突破前頂, 所以港股沖高回落倒跌收場, 大鱷今日力撐只因要托埋結算, 尾市結算完就縮手, 大市近全日低位收

大鱷跟足元帥劇本今日在28600~28900之內結算, 結算價28863, 好友贏到開巷, 月尾最後一周(20~27/2)係創新高的時間窗口, 今日27/2係最後機會, 恒指果然創即月新高29014(前頂29010), 按照慣性走勢明日28/2(2月最後一天)是不會創新高, 以閒閒地300點即市波幅來推算, 明日唔上29000即係要插穿28700,

28/2係部署下月收升跌的關鍵日, 如果收得太高, 就會增加3月收升的難度, 大鱷亦有誘因縮手唔撐市, 月尾恒指通常係3升3跌, 如今係3升2跌, 即係明天(28/2)收跌才符合慣性走勢, MSCI調動當天多數係跌市, 燈神連日追貨持重倉, 測市指標釋出向淡訊號, 寫左一大堆理據, 就代表明日許跌不許升, 元帥下令, 誰敢不從!

~~~~~~~~~~~~~~~~~~~~~~~~~~~~~~~~~~~~~~~~~~~

財經日誌~立立亂

27/2(周三上五)港府公布2019~2020財政預算案, 東亞.港交所.新世界發展.新地公布業績, 當天期指結算, 市況會特別波動

28/2(周四) 破日, MSCI 調動, 內地公布官方PMI數據, 美國公布去年第四季國內生產總值, 銀娛信置公布業績, 加上港股結算完, 大市或會有震盪

MSCI季檢28/2收市後生效,包括MSCI中國指數在內的新興市場指數,納入小米、美團兩大同股不同權企業,納入多隻A股及赴美上市的中概股,令騰訊、建行內險等重磅股比重攤薄

MSCI 調整 A 股納入因子諮詢結果1/3(周五)早上公布(MSCI 明晟公司宣布, 將擴大中國 A 股在 MSCI 全球基準指數中的納入因子至20%,市場預料將有605億美元(約4750億港元)海外資金,在今年分批流入 A 股。MSCI 表示,將分3個階段落實上調 A 股權重,5月份將擴大至10%,8月份擴大至15%,11月份進一步擴大至20%。)

1/3(周五) 美國公布ISM製造業指數.密歇根大學消費信心指數

最新回應

史哥
史哥 2024/03/28

下月關鍵位為~ 16561 

向上 16561 17057 17569

向下 為 16064 15582

{#iconb_22}

門徒
門徒 2024/03/28

166對後市有一定指向性 {#iconb_22}

門徒
門徒 2024/03/28

嘩...乜挾到咁高既 {#iconb_61}

美味雞煲
美味雞煲 2024/03/28
@soho*...

元帥,咁我避開桂林先😄 冇諗過去貴州丫,但可以考慮嘅之前我就係三月去桂林,天氣一般亦都去睇過苗族表演,所以貴州可去可不去 ☺️ 可能有啲地方好靚我要深入了解吓先 🤭 想去嘅地方有四川、西安、西藏、新疆、雲南同北京,分兩次去😅🤣 

門師兄,快啲玩熟CFD等你帶隊🤭😚🙏