新地商場 登入高科技新世代
2019/02/25 04:13:01 網誌分類: 生活
呢個手機應用程式，係策略性地集結新地集團旗下二十四個商場嘅最新資訊，匯聚超過二千九百個商戶，功能上更加係涵蓋用餐、泊車、購物、推廣活動資訊等，可以提升逛商場客群嘅購物體驗。
使用量熱烈 不容小覷
小妹上星期去到「新地商場綜合會員計劃」嘅茶聚，佢哋講到推出咗未夠一年嘅App（查實舊年二月先正式推出），到舊年年底下載量已經突破三十二萬，都幾犀利！公關大員仲同小妹講，其中「搵食易」同埋「泊車易」呢兩個功能最受用家歡迎，單以「搵食易」嚟計，佢嘅用餐取票頁面使用量仲超高七十五萬，嘩！反應真係好理想！
點解咁受歡迎？小妹都用過個App，佢嘅泊車易Park E-asy除咗有泊車導航同埋車輛搜尋嘅功能，仲可以查詢商場停車埸同埋鄰近停車場嘅實時車位情況，係咪好方便呢？個搵食易Eat E-asy仲方便，小妹想去商場內邊間餐廳食肆，可以預約訂座之餘，又可用App攞輪候嘅飛，而且唔單止睇到餐廳嘅輪候情況，又可以預先點菜，真係慳咗小妹好多輪候排隊嘅時間，咁一站式嘅服務梗係受歡迎啦！
大型新計劃 即將出爐
茶聚時，仲同大家分享「新地商場」App會進入第二階段，喺嚟緊三月會推出「新地商場綜合會員計劃」，當中會將新地旗下十四個主要商場由而家獨立嘅商場會員制，合而為一整合成一個香港目前最大型嘅商場綜合會員計劃，到時會員更加可以唔受地域限制，喺更多購物點又方便又輕鬆咁登記積分，而積分又可以換領十四個商場嘅獎賞同優惠，簡直就係將十四個場拉成一個水平線！公關大員仲話而家個別商場嘅VIP會員仲可以將原有會籍同積分，一併轉移到「新地商場綜合會員計劃」，咁體貼大家，係咪好窩心呢！
不過個計劃令小妹眼前一亮嘅，係佢嘅全港首個免觸式時租泊車服務（Contactless Parking），點樣contactless？原來係如果你個車牌登記咗呢個服務，喺泊時租車位時，入閘同出閘都唔使拍卡，部車亦唔使喺閘前停留，全程自動化、省時省力，首階階參與嘅商場包括MOKO新世紀廣場及V city，小妹聽完都想即刻登記！
新地執行董事郭基泓仲透露，目前新地旗下商場會員數目超過三十萬人，預料「新地商場綜合會員計劃」推出後，會員人數喺今年年底將超越四十萬人。「計劃能提升新地旗下商場嘅協同效益，令到集團更有效地規劃商場嘅未來發展及推廣策略，優化商戶組合，而且有助吸引更多人流，為各商戶營造更佳嘅營商環境，鞏固新地喺業界嘅領導地位。」
其實自年前，新地就銳意提升消費者嘅智慧生活體驗，各個商場無論喺購物、娛樂等各方面都加添科技元素，而且仲善用時下流行嘅社交平台，令到顧客群更方便快捷。郭先生仲講：「集團未來數碼化嘅發展方向非常清晰，而且仲會加強數碼化管理，以迎接科創革新嘅時代，並籍此帶動旗下商場未來嘅規劃同埋發展。」
Cally
▲綜合會員計劃涵蓋十四個商場，包括apm、東港城、上水廣場、新都會廣場、Mikiki、MOKO新世紀廣場、新城市廣場、將軍澳中心、大埔超級城、荃灣廣場、V city、WTC世貿中心、YOHO MALL形點、元朗廣場。
▲新地執行董事郭基泓為全港最大型嘅商場綜合會員計劃劃下發展籃圖。
回應 (0)
我要發表