內地狂美股不狂
美國總統特朗普上週日發表了一連串的帖文,說中美貿易有「實質進展」(substantial progress),並宣布延後在3月1日對2000億美元中國貨加關稅的計劃。他在Twitter上說,「美國與中國的貿易談判,在包括知識產權保護、技術轉移、服務、貨幣和很多問題上的重要結構性問題,都有大量實質的進展。」
美國延後加徵中國貨品關稅的消息,令全球股市造好,中國A股加上習主席重視金融市場的講話,更係大炒特炒,週一抽高5.6%,但其他市場就無咁癲,港股升0.5%;歐股升0.3%;美股杜指只升60點,升0.2%;標普500指數升0.1%;而納指升0.4%。
Stifel的機構證券部門主管Barry Bannister話,市場似乎已預計了中美貿易談判協議很快就會出台。不過他認為協議的達成可能帶來難以預計的轉變,另外,也要提防美國與歐盟在汽車貿易方面的糾紛正在惡化。
杜指昨日早段表現不錯,一度大升210點,高見26241點,但之後升幅逐步收窄,到收市只剩低60點。除了紐約期油因為特朗普出口術施壓而大幅回落超過3%至55.48美元一桶,打擊市場氣氛之外,也與不少分析為中美達成協議對股市影響大潑冷水有關。
美銀分析師昨日就提醒投資者,中美達成貿易協議可能會出現「趁好消息出貨」的市場反應。分析師表示,特朗普最終可能與中國達成一些並未全盤符合美國要求的協議,其中包括中國津貼產業、以及如何處理知識產權等問題,(我也覺得中國不可能滿足到美方的所有要求),而中美起碼會達成「部份的協議」的利好因素,在特朗普一片吹噓聲中,很大部分已反映在股價上。
自中美領導人在去年12月會面並表示會重新展開談判以來,標普500指數已累計反彈了19%!美銀分析師預計,如果中美能夠達成真正的(美方所希望的)的協議,美股會有5%至10%的升幅,因為美企的每股盈利會因貿易戰停戰直接或間接得到好處,對環球的投資氣氛亦有幫助。但如果只是達成一個「部份的」協議,市場很可能會「趁好消息沽貨」。因為中美達成「部份的」協議,意味著中美全面爆發貿易戰的可能已大部份清除,但並非百份百清除。
至於油價之所以下挫,還是特朗普惹的禍。自從11月中期選舉以後,他已很少對油價指手劃腳,油價亦隨油組(OPEC)及俄羅斯等產油國共同減產下回升,紐約期油上週五最高見過每桶57.81美元的3個月高位。不過,特朗朗昨日忽然在Twitter發帖話「油價已經升得太高,OPEC應該抖抖,世界頂唔住油價上升。」正值沙地王儲穆罕默德結束訪華之際,特朗普就發聲叫停油價,是否在提醒訴全世界,誰才是油價的大佬呢?
至於港股,估計短期內會受大陸股市影響多過受美國股市影響,面對內地牛市來襲,我們只能順勢炒炒。
陸羽仁
半冷股遇暖風
2019年02月27日
A股日前狂飆逾半成後唞唞氣,港股回吐仲加明顯,但市場個別股份炒上,而且首掛新股表現改善,反映市場風險胃納增加。喺調整市中,有個股表現突出,有隻投資者可能從未留意嘅半新股兗煤澳洲(3668) 股價逆市急升32%,收報23.2元,推動股價急升的原因是公佈業績靚仔。集團2018年全年業績,盈利8.52億澳元,按年大幅增長2.72倍,每股盈利67.6澳仙;派末期息88.85港仙及特別息70.09港仙,合共158.94港仙。股價未爆升前,息率差不多有9厘,即時吸引資金湧入。
兗煤澳大利亞是甚麼公司呢?顧名思義是國企兗煤喺澳洲嘅企業,集團去年底以23.48元招股,上市即破底,現在雖然業績靚爆兼有好派送,但股價基本上未上番水面。兗煤澳大利亞的背景係2004年由兗煤收購多家澳洲煤礦組成。現時原煤產能每年8000萬噸以上,正式成為澳洲最大嘅獨立煤炭生產商,喺澳洲全部礦業公司中位列第三。而且先後擁有排名第2、第5同第9嘅三個澳洲前十大低成本、大規模的動力煤礦井。從今次業績可以睇到集團資產質素唔弱。該公司招股時市場反應欠佳,股價破底,估計不少股份仍喺好友手上,既然如此,就不如嚟個慷慨派送酬謝知己。
兗煤澳大利亞爆上
煤業係最唔性感嘅傳統產業,影響公司估值,但內地雖然話關注環保,但係可見將來依然要依賴燃煤作為主要能源,從呢個角度講,兗煤澳大利亞有一定的基本實力,只係呢類舊經濟股一向唔吸引,現在能夠借派送消息爆上,固然因為貨源集中,同時也反映市場氣氛好轉,風險胃納增加。現時該股股價升幅遠超派息,如果想炒派送,可以等股價回復平靜時先動手。現時大市累積升幅不少,資金開始換馬,沽出穩陣嘅獲利股份,買賣波幅較強嘅股份,估計類似尋寶潮會維持,半新股係當中一個類別。半新股質素參差,但個別大股實力不俗,有反覆上升潛力,好似陸羽仁介紹過嘅中銀飛機租賃(2588) ,收報69.2元,又升0.6元,有向70元邁進之勢。中銀飛機租賃2016年中上市,當時招股價42元,股價一度破底,但去年開始發力,現在累計上升超過五成,連同派息回報相當吸引。呢類資本密集嘅公司發展潛力大,就有慢火煎魚慢慢上升嘅空間。
A股交投達1.1萬億
市場開始注意好似兗媒澳大利亞或者中銀租賃等有啲冷門嘅公司突然春風得意,說明投資情緒升溫。周初內地A股成交之大,做成嘅心理刺激更大,昨日A股稍為走低,滬指收跌0.67%,報2941;深成指收跌0.5%,報9089,但兩市成交額仍高達1.1萬億元人民幣,再創2015年11月來最高水平,市場認為上證指有條件上望至3000大關。同樣港股成交略減至1335億元,但仍是連續5個交易日主板成交過千億元。恒指終收降187點,報28772,四連升斷纜,國指收造11543,跌87點。A股加槓桿大舉回歸,中國證監會回應關注場外配資增多,加強對交易全過程監管,要求融資融券客戶適當管理等,內地券商股回吐。華泰(6886) 收跌6%報17.02元;中信建投(6066) 收插5%報7.5元;海通證券(6837) 回吐4%報10.8元。
美國總統特朗普批評油價過高,隔晚國際油價挫逾3%,「三桶油」下挫,中海油(883) 收跌1.4%報13.7元;中石化(386) 收降0.7%報6.77元;中石油(857) 收跌0.6%報5.28元。三桶油股價跟國際油價走,如果相信後市會跟A股炒上,油股就未必會跟得足,另一個進取短線策略係睇位套現,轉炒一下其他落後股。
陸羽仁
門兄要捉實呢隻牛贏大錢 …
SIGH...
血壓有冇一齊一飛沖天?
收燭利淡,但 趨勢 未改 淡友如果出d力,284我又加注,如不是紅二反彈,即係牛市有可能破頂望四五萬,今日高位明日低位,以牛紅分界線作止蝕 上面是大時代 遺留落嚟 嘅蟹貨,咁何為蟹貨呢? 你哋有冇試過 買隻股份 跌穿買入價嘅時間死揸爛渣,等 一年半載到一平手就急不及待咁放呢?我就有試過喇 結果 一放就沖天
405 乜事?
將軍,受教了。港女呢兩日開始量大不漲,但A股就量價齊升,觀察多幾日先
kaka: 如大戶要老散追貨, 必須推升大市近裂口位置呢. 但如量大不漲, 就可能是--->審判日了........
將軍,受教了。裂口
kaka: 看圖識字, 重點可看294呢......
將軍,受教了,靜觀其變。關鍵還看29樓?
將軍,好…等將軍發施號令,要大戶嘔突
SIGH...
666兄: 勿慌, 等多幾日......
kaka: 噢....未知, 但好快知.......
將軍,過左期結買bear?
大戶咁L絕 食L左我隻Bear,要佢嘔L穾…
SIGH...
大戶咁絕 吃我隻bear 要佢嘔突.......
各位早
阿爺股市自我安慰,貿易談判早己輸晒…
SIGH...
阿爺升到熊熊聲…
SIGH...
唔係想玩大時代2.0呀 .....