大摩唱好A股
中國股市很牛,摩根士丹利將2內地滬深300指數今年目標位上調至4300點,較上日收盤點位高17%;將2019年恆生指數目標點位上調至31900點,較現價高10.9%; 恆生國企指數目標點位上調至12900點,較現價有11.8%水位。
大摩跟大市走勢唱好,值得注意的是睇A股比港股牛。
另外美國昨日公佈的經濟數字好壞不一,美股走勢反覆,收市輕微下跌,杜指收市跌33點,報26057點,跌幅0.1%;標普500指數及納指齊跌不足0.1%。
杜指跌得比較多,主要係受到Caterpillar和全美最大家居裝修連銷店Home Depot股價拖累。瑞銀昨日發報告指,「Caterpillar有55%的市場將於今年到達頂峰,到2020年公司的盈生意和利潤會隨著建造業需求的減弱而受壓,估計每股盈利會按年下降8%。」所以把評級由「買入」下調至「沽售」,又把12個月的目標價由154美元大削至124美元,暗示Caterpillar股價在未來12月個會較現價的137.98美元,仍有約10%的下跌空間。
由去年美國發動對中國的貿易戰開始,在中國有很大生意的Caterpillar股價首當其衝,由2018年初的170美元,反覆下插至去年10月底的112美元,股價大插超過34%,直到中美談判近期好消息頻傳,Caterpillar股價亦跟著反彈不少,但較去年高位,仍然落後近19%,可以說是中美貿易戰下的犧牲品。
另外油價反彈,主要是路透社傳出消息,話雖然美國總統特朗普開口插油價,但石油出口國組織將在四月會議時,維持減產決定,消息令油價上升,油股都受惠。
另外,市場亦非常關注聯儲局主席鮑威爾今日上國會聽證會,究竟會講些什麼?據提前發放的鮑威爾講稿,他表示目前經濟「健康」,但又話也見到「橫流和衝突的信號」。鮑威爾的講稿與此前說對未來加息會有「耐心」,聯儲局又暗示今年內會停止「縮表」的鴿派態度吻合。股市又有番些承托。
目前市場對後市頗為樂觀,股票恐懼指標VIX指數昨日雖然上升2%,但仍處於15的近5個月低位。美國券商Raymond James的證券投資總裁Dan McMahon認為美股仍有很多增長空間,理由係市場普遍認為美股目前仍處於牛市階段,美股從12月低位反彈並非太多,時間也不是太急。從估值而言,仍看來OK,市場上還有很多現金未入市。現時有很多有利市場的因素,例如貿易戰降溫,讓大市繼續向前衝刺。
陸羽仁
2019-02-27
Dow Jones Industrial Average (^DJI)
25,985.16 -72.82 (-0.28%)
生左成棚🐩...
冇一個係人...
SIGH...
嚴控走資反利港交所
2019年02月28日
美國總統特朗普去咗越南同北韓金仔開會,外圍冇乜特別消息。香港噚日政府就發表咗《財政預算案》,喺大市場、小政府嘅思維下,對投資氣氛影響有限,指數浮浮沉沉,最後略為下跌收市。
今年《預算案》冇錢派,幾粒糖都減甜,財爺解釋係盈餘大幅減少。庫房入水冇舊年咁多,一嚟係因為有兩幅地流標,當中包括一幅山頂大地,另一個原因就係股票印花稅大減。
內地資產上市變相套現
港股喺舊年第二季開始下滑,交投跟住收縮,連政府稅收都受影響,喺咁嘅環境下,港交所(388) 公佈2018年全年業績,股東應佔溢利93.12億元,按年增長25.77%,每股基本盈利7.5元,第二次中期息每股3.07元,都算幾叻仔。
派成績表後,港交所股價向上,一度創一年高位,但收市就回吐跌2元,報268元,有啲趁好消息出貨嘅味道。
港交所盈利可以唔受交投下跌影響,主要受多新股上市所賜。
陸羽仁同中環財主傾起近日內資動向,佢直言中央繼續嚴控資金。內資冇辦法調錢落嚟香港,一個副作用係來港上市興趣增加,因為來港上市等如將資產套現,可以拎到境外資金。
財主話,只要內地繼續嚴控資金,內資上市興趣都會維持,對港交所吸引資金上市有利。不過,港交所市盈率都差唔多36倍,趁好消息食胡係正常反應。
受制A股破關後倒跌
港交所近期表現咁強勢,都因為大市回調下跌,跌開嘅手機股就一瀉如注,繼續反覆下插。瑞聲(2018) 日前發盈警,股價跌勢未止,收跌4.95%,報48元,為跌幅最大藍籌股;丘鈦(1478) 收跌3.6%,報6.4元;舜宇(2382) 收跌2.6%,報93.55元。瑞聲盈警俾大行唱淡後,股價連跌兩日,同一板塊嘅舜宇光學都受到壓力。
瑞聲科技喺一年前畀人熱捧,當時估值遠高過賣手機最好賺嘅蘋果公司。
陸羽仁一再提醒,將周期性嘅製造業公司當增長股炒,呢個現象唔合理。
喺最近嘅電訊產品發佈會議上,可摺疊屏幕手機大出風頭。陸羽仁舊年參觀過深圳一間做呢類柔性屏幕手機嘅獨角獸公司,由於業界睇好呢個概念,該公司未賺錢估值已達三、四百億元。可摺疊手機暫時訂價好貴,係咪能夠成功仍屬未知之數,但對手機市場肯定有影響。若然概念成功,對蘋果必然構成衝擊,若然失敗,換機熱潮好難出現。
由於O依家正處於換機尷尬時期,行業仲要喺低谷死捱,大行見到呢個情況,就唱淡手機設備股,所以雖然股價下跌,投資者都要緊記便宜莫貪。
由於缺乏重大消息,恒指期指結算日走勢反覆,一度升穿二萬九,高見29014點,創七個月新高,惟午後受制於A股,走勢轉弱,收市倒跌14點,報28757點,成交1210億元,連續六個交易日成交過千億元。
藍籌股方面,友邦(1299) 破頂,高見77.95元,收升1.65%,報77元;反而內險股受壓,國壽(2628) 跌2.5%,報21.75元;平保(2318) 收跌0.7%,報82.75元。
另外,多隻新能源汽車股向下。正道(1188) 收插17%,報0.055元;電池股天能動力(819) 收瀉10%,報7.61元;比亞迪(1211) 去年少賺31%,股價收跌4.5%,報50元。
陸羽仁
將軍如何,仍看294?
6兄利害知道紅紅聲
倒跌
港女阿爺升到熊熊聲…
SIGH...
大家準備好玩三月未? a u ready
各位早
將軍,
有冇食糖股?