中美元首峰會
3月開局靚仔,不但中港日股市,歐股同美股都造好。德國股市升0.8%,法國股市亦升0.5%。美股結束3日跌勢,杜指上週五升110點,重上26000點水平,收報26026點,升幅0.4%;標普500指數亦上穿2800點,收2803點,升幅0.7%;納指升0.8%,收7595點。納指連續第9週上升,係1999年以來最長的連續週度上升。
上週五全球股市上升(除了南韓股市受到美朝峰會食白果影響而下跌),全都與中國有關。亞洲股市主要與MSCI宣佈逐步提高A股在MSCI指數比重和納入中國創業板股份有關。另外,財新上週五公佈的1月中國製造業採購經理指數(PMI)49.9%,雖然係連續第三個月低過50榮枯線,但萎縮速度較去年12月的48.3%顯著放緩,表明中國政府近期推出的一連串刺激經濟措施,正在逐步生效。
至於歐美股市則主要是投資者對中美貿易達成協議的期望升溫。美國上週五公佈的濟經數字令人失望,美國2月ISM製造業指數由上月的56.6下滑至54.2,而市場預期為55.5,係2016年11月以來最低。而密西根大學2月美國消費者信心指數93.8,按年下跌5.9%,亦差過市場預期。另外,亞特蘭聯邦的GDPNow模型顯示美國今年首季GDP增長只有0.3%,而去年同期為2.3%,經濟學家普遍不看好今年首季經濟的增長,但仍預計會有2%,對該模型的數字大跌眼鏡。
不過,由於市場對中美貿易談判達成協議的預期大幅升溫,杜指朝早一度大升227點至26143點,美國經濟表現令人失望的消息,一度把美股打回原形,但午後又回復生氣,反敗為勝。
繼美國總統特朗普於對上的週末宣佈上此前推遲上調中國輸美商品關稅之後,上週四在美國白宮經濟顧問庫德洛對美媒表示中美談判取得了「神奇的進展」(fantastic progress)和財長姆欽亦表示雙方談判已取得了「很大的進展」(a lot of progress),而《彭博新聞》其後報道,特朗普和中國國家主席習近平可能最早於3月中舉行峰會,而美國官員正在預備一份最終的中美貿易協議,讓兩人在峰會時簽署。
其實,彭博早前已經報道,「中方非常希望在下月中國『兩會』結束後,國家主席習近平就能訪問美國。」又引述中國駐美大使館知情人士說「因為4月在北京舉行的『一帶一路』論壇,是習近平主席高度重視的『主場』外交。」所以習主席不希望等到4月訪美。只目前的走勢睇,兩國元首很可能在本月會面,報道又指「兩國元首會面地點大概會在海湖莊園。」
中國開兩會將會出招支持經濟和股市,中美兩國接近達成貿易協議,將會是本周股市炒作的主題。雖然唔知中美元首峰會會不會如美朝峰會那樣突然爆煲,但大家都傾向炒住先了。
陸羽仁
2019-03-04
Dow Jones Industrial Average (^DJI)
25,819.65 -206.67 (-0.79%)
沽本地股換中資股
2019年03月05日
港股喺29000點關口前打底,噚日雖然再度闖關失敗,但內地股市勢如破竹,上證指數收報3027點,升1.1%,企穩3000關樓上,創超過八個月以嚟新高;深成指數就收報9384點,升2.4%。內地市場交投繼續熾熱,兩市成交增至近1.05萬億元人民幣。買入A股指數基金嘅投資者,輕輕鬆鬆再下一城,南方A50(2822) 同華夏滬深300(3188) 等幾隻指數基金,分別升1.1至1.7%不等。
港股開市稍為造好,午前升幅擴大,動力係嚟自彭博引述兩個消息人士,話中美好快達成協議,如果雙方能夠握手,美國會撤回大部份或全部對中國加徵嘅關稅。中美談判有突破,原因據講同陸羽仁預測嘅差唔多,就係美朝峰會食白果,特朗普急於要有好消息,於是快馬加鞭推進貿易協議。
從O依家透露出嚟嘅說法,美國又將重點放喺購買大宗商品,同之前強調要中國做結構改革有咗轉變。北京O依家態度係增購商品,減少貿赤冇問題,要有好大結構改革,同要保持人民幣匯價唔跌,兼有懲罰機制,就難傾一啲。若然美國願意鬆少少,達成協議機會就明顯增加。
友邦領展破頂回吐
美朝峰會冇成果,對特朗普壓力都幾大,返國後佢隨即開火,針對聯儲局嘅縮表計劃,唔點名批評主席鮑威爾沽債計劃。特朗普嘅態度,顯示佢期望股市向好,同埋不斷炮製好消息嘅企圖。
港股受消息帶動連升兩日,恒指一度上破二萬九關,最多飆429點,見29241點,再創逾八個月新高,早前高位入貨嘅投資者開始食胡,二萬九得而復失,收報28959點,升147點;國指收報11575點,揚68點。大市交投連續九個交易日過千億元,成交1489億元。
藍籌股石藥(1093) 收彈4.4%,報13.84元,係升幅最大藍籌股;港交所(388) 收升1.4%,報279.2元。多隻大股創一年高位,交行(3328) 高見7.06元,收升4%,報6.9元;招行(3968) 高見38.9元,收升2.3%,報38.1元。
不過,友邦(1299) 雖然再創新高,高見79.85元,但收跌0.6%,報78.5元;領展(823) 都創上市新高,高見91.8元,收市無升跌,報90.1元。由本地創新高股份隨即回吐,可見投資者食胡換馬,所以拖低咗大市升幅,亦可見醒目資金沽出穩陣嘅本地藍籌,追入中資股嘅炒落後策略。
市場炒落後招數,其一係跟住政策行。兩會召開前夕,內地科創板上市細則出爐,科網股借勢炒高。美圖(1357) 收飆11%,報3.69元;金山軟件(3888) 收飆9.4%,報17.2元;閱文(772) 收彈4.3%,報40元;平安好醫生(1833) 收漲3.9%,報47元。應咗內地搞科創板,香港同類股份減少競爭有得炒嘅理論。
體育股板塊隨大市向好,安踏(2020) 股價創上市新高,高見49.5元,收報49元,仍升4.6%;該集團去年盈利41億元人民幣,按年增長32.9%;收益241億元人民幣,按年大增44.4%;毛利率增加3.2個百分點,至52.6%;每股盈利為152.8分,按年升30.6%。
另一隻體育股李寧(2331) 亦造好,收升0.7%,報11.42元。李寧係內地最早打響名堂嘅體育股,一度因為過度擴展面對困境,但喺創辦人李寧親自出手調整策略後,近年表現回勇,股價去年下半年持續向好。
李寧將力谷非凡中國
有熟悉公司人士話,李寧為咗支持公司,曾經進行股權重組,把手頭股份全數注入非凡中國(8032) ,O依家李寧復甦,相信佢下一步會大力催谷非凡中國。非凡中國早前喺內地收購一隊電競戰隊,年內會優先喺大灣區物色新主場。
非凡中國上月收購內地知名電競戰隊Snake,該隊係遊戲《英雄聯盟》職業聯賽嘅一支勁旅,比賽模式同籃球、足球等聯賽差唔多,O依家主場喺重慶。李寧話,收購後將重新經營該戰隊,並正喺長三角同大灣區多個城市物色新場館,其中優先考慮今年落戶大灣區,因為該區具強勁影響力,人才集中,而且接近香港,方便公司處理業務,消息公佈後非凡中國收報0.58元,升1.8%。
睇返非凡中國股價,過去半年同李寧啱啱相反,不升反跌,主要係公司轉主板計劃未成功,令非凡中國資產折讓加大,睇到呢個情況,就明白點解李寧要落足心機,谷好公司表現嘞。
陸羽仁
老尾同 IG 都紅紅聲!
很快到將軍嘅show time
子龍淡軍易狗死
大戶兄: 勿慌. 還未到294呢....
食完肥紅就 .....
大戶兄: 資金市只是資金市而矣.......
將軍唔比港女爆衫!
血洗樓市
熊霸股市
林之兄: 噢...因為子龍大軍會進場了.......
將軍點解睇294會係轉角位?
咁 3萬 係咪夢?
294不是夢
292
阿爺又食弱!
將軍,左右互搏 正如你做好友好叻,做淡水鱷就
林之兄: 傳說當年周百通善於左右搏擊術. 但今日市場上能好此道者, 稀矣. 子龍還是等上294再看呢.
咁將軍今早有否順勢跟上,然後再等294再反手?
kaka: 投機離不開4個字--->順勢 逆向
門兄: 傳說熊女貎美如花, 市場人士競折腰呢.......
將軍,我终於對了 咁紅得未?dh响邊294?咁快?
將軍,受教了。順其自然
門兄: 噢...你辦對了....
沖呀
kaka: 勿慌. 命裡有時終須有 命裡無時莫強求.......
294
29樓破, 期待294的來臨...........
29樓 破
早