4~8/3 大成交沖頂冇好下場

2019/03/04 20:44:51 網誌分類: 經濟
04 Mar

港股高開高收呈陽燭, 惟沖高秒殺肥熊即回, 收窄升幅

4/3 周一恒指收報28959, 升147點(最多上升429點, 一度下跌52點)

國指收報11575, 升68點(最多上升256點, 一度下跌8點), 國指跑贏恒指

本周(4~8/3)關鍵位 28500/28571 vs 29000/29241, 不進則退等爆邊

大成交沖頂冇好下場, 大鱷追殺貼價牛熊, 熊死牛命危, 大媽狂掃QQ托沽

中港股市同步沖高回落, 走勢欠佳, 今日伸埋呢腳上去破頂創新高29241就跟隨上証掉頭急回, 好友食胡喇! 今日突破前頂29014創新高29241, 如明日無法再創新高就代表已見頂,因為高位已進入本周的目標範圍(29200~29500), 上周曾說頂部是不會在整數關口邊幾十點,所以見29014只係試水溫, 不會是頂,而今日高見29241, 大幅拋離29000超過200點, 呢個就有可能喺頂, 要調整下, 找到支持才能破頂而上

今日大鱷屠肥熊3600張, 食飽了就縮手, 牛熊分布嚴重失衡, 牛多熊少利下殺, 熊死牛命危,

大鱷明修棧道、暗渡陳倉, 今日大舉屠熊, 大市日日都跌唔落, 引導股民向上望, 其實樓下肥牛都係大鱷的目標, 元帥一直認為3月係大鱷玩好淡通殺的高危月, 明日是水星逆行大波日的第一天, 港股會托到幾時才反艇就要睇上証及大媽幫好友抑或淡友, 總之在水逆期間好友就要小心

由於今個月波幅未達標, 或會上沖下殺來擴大波幅, 恒指一般升跌模式係, 如月初見頂, 就會回吐, 要在下旬再挑戰前頂或創新高, 如大市由淡友主導, 就會係月初見頂, 然後一路碌落山, 月尾創即月新低

近來恒指在29000窄幅穿梭來養牛熊, 睇下今日殺熊3600張, 早前29000樓上只得瘦熊, 大市磨左一段時間之後, 當29000上面的熊熊養到肥肥白白, 今日就爆上去開大餐, 當大鱷唔想爆邊, 就會玩點穴, 窄幅波動, 當牛熊養肥, 大鱷就會出手, 今次升浪尋頂期間如大市回吐通常係落去食1口牛牛就彈番上去繼續屠熊, 未試過食2口牛, 所以如果落山連續兩日屠牛就唔對路, 不能於低位超過3日, 否則可能係轉勢向下, 如失守10天線3天不妙, 250天線(約在28200)係好友最後防線, 如失, 就代表升浪已完結,

~~~~~~~~~~~~~~~~~~~~~~~~~~~~~~~~

QQ掩護大鱷大媽散水

今日港股沖高回落理應倒跌收場, 因為大市沽壓沉重, 但大鱷大媽未部署完唔俾跌住, 利用騰訊借電競消息爆升$10.6(+3.153%)收$346.8來掩護出貨, 其實唔少股份都反艇超樣衰, 陰氣好重, 有散水味, 港股力保不失全靠大媽大手花十幾億狂掃QQ, 係臨危托沽, 港股明日表現就要睇大媽會否繼續掃QQ, 要留意的是美元連日上升重上96.5作勢挑戰97高位亦不利股市

大鱷真係陰毒, 過去兩周QQ走弱隊到落$333.4殺好友, 當時QQ表現落後大市, 其他股份就飛天, 好了, 上周殺完QQ好友今日就爆升殺QQ淡友, 亦可掩護其他股份走鬼, 由於QQ於2月份表現遠遠跑輸大市, 今日彈上去$345沽壓亦不大, 亦未上250天線及$360的阻力位, 仍有上升空間, 因而成為最佳托市護盤棋子, 大鱷就係利用QQ來玩好淡通殺, QQ沽空重倉, 一挾淡逼淡友回補空倉就爆升, 推動大市向上, 今日分明係挾淡及散水, 導致成交急增至$1489億(昨日$1088億),

中美兩國正就貿易協議作最後階段的討論, 市傳中美雙方將會在27/3簽定貿易協議, 加上中央兩會會議揭幕, 市場亦憧憬利好政策出台, 中證監宣布科創板正式開閘, 刺激A股以破萬億成交急升,帶動恒指亦創逾8個月高位, 不過睇股份表現似係趁好消息出貨, 畢竟呢d好消息已經炒左兩個月, 已經俾市場消化晒, 港股現水平大鱷大媽基金都沽貨獲利, 蟹貨亦出籠, 睇下港股近日大成交就知獲利沽壓非輕

今日高低位28760~29241, 周波幅未達標, 周內的高低位是不會一天內見晒, 即係會爆邊, 如做700~1000點周波幅就會係29241-700~1000=28241~28541, 所以明日要隊穿28760, 不過只要收市位拋離28800不遠, 代表好友屠熊大鱷仍未放手, 由於牛熊都非常貼價, 又未到結算周, 大鱷玩好淡通殺都得, 3月上旬唔使玩單邊向上, 拖到3月下旬才爆邊都未遲

過去一個月老外密密掃A股, 但今日滬股通卻出現資金凈流出, 老外食胡了, 而 大媽似乎係沽H買A及換馬, 港股升左兩個月, 睇近日老外及大媽的手影, 亦符合早前預測3月係獲利沽貨月

~~~~~~~~~~~~~~~~~~~~~~~~~~~~~~~~

明日水星逆行變盤

大成交沖頂冇好下場, 上次見頂29014試水溫嘔了443點, 如果今日真係見頂就不會嘔這麼少, 市強通常由高位跌四五百點就會反彈, 如市弱就會跌500~800點, 如轉勢向下就會跌超過千點, 剛好落到250天線(約28200), 3月係獲利月份, 會急升急跌, 不宜單邊向上望, 要有兩手準備, 3月水星逆行代表股市會大幅波動(以往試過大升亦見過大插, 但總的來說水逆利淡居多, 曾試過多次出現股災),

港股每月(月初.月中.月尾)的升跌模式多數係高低高, 或者係高低低, 換句話說, 無論3月收升抑或收跌, 3月初都會創新高, 要好好掌握, 重倉就要減磅, 做好亦要收割, 因為港股已累積龐大升幅, 回吐三分一或二分一, 嘔一二千點亦不足為奇, 而家才是月初, 大鱷不會花子彈一直托住高位到月尾, 而且一二月好友威威, 但今個月好友淡友勝負仍未分

今次升浪慣性走勢係最多抖4日就會創新高, 如超過4日仍未破頂就代表大市買盤縮, 要回吐完成後才能再展升浪, 以閒閒地700點周波幅計, 如果未來幾日無法上破今日高位29241, 就要隊穿28500才夠周波, 因為沖頂打回頭就要再尋底, 如失10天線沽壓就會加劇,因為以目前10天線的上移速度來看, 想守住10天線殊不容易,目前技術指標反映向上動力不繼

睇港股升跌日數會有啟示, 1月恒指16升6跌,升市日數大幅多過跌市, 代表買盤強勁,好友大獲全勝,而2月恒指9升8跌,則代獲利沽壓增加,好淡爭持激烈, 好友只係險勝, 按此趨勢, 3月會係好淡通殺, 不會好似一二月單邊向上, 淡友會作出反擊, 只要一破位向下, 沽盤出籠就會形成骨排效應

去年初由牛市大頂33484跌至年尾低位24540, 反彈跌浪的0.5倍目標見29012, 而熊市第一個浪底在29129, 今次反彈浪觸及29241果然引發調整

~~~~~~~~~~~~~~~~~~~~~~~~~~~~~~~~

利好因素消化.利淡因素發酵

居安思危, 要擔心的是港股1~2月已累積龐大升幅, 好消息炒左兩個月早已反映, 2018年港股下半年的跌幅於今年短短兩個月就全數收復, 升勢過急極不健康, 一直未真正試過似樣調整, 15/2亦只係試過一次大插531點, 不過翌日急彈收復失地, 調整未完, 港股沽壓仍未除, 只係大鱷托住指數來派貨及養牛熊, 要留意的是即市頻頻大幅波動亦能嚇到牛熊止蝕, 不一定要觸及回收水平

唔好俾每日的升跌影響判斷, 周線能更準確地反映真實市況, 踏入1月恒指展開升浪連升6周, 2月中升勢斷纜, 連升斷纜係利淡訊號, 代表大鱷大媽開始食胡, 買盤縮.沽壓增, 導致連升結束但成交卻增加, 而2月中連升斷纜時港股正好上破28500大位, 當時成交明顯增加至逾$1200億(之前多數係$800~$1000億), 代表熱錢係28500開始暗暗撤退, 大鱷沽貨愈沽愈升, 所以隨後港股跌下彈下屢創新高, 而成交就日日超過千億, 一路派貨一路尋頂

港股接連出現黃金交叉傳統技術派必然唱好, 但形成金叉的圖表同樣代表大市已上升了一段長時間, 累積了龐大升幅, 反而會觸發獲利沽壓, 港股升到29000水平於高位, 或會惹來配股潮, 恒指由年度低位24896累積升4345點, 好友亦夠晒水位食胡

大鱷由25000推大市上28000三扒兩撥就搞掂, 皆因頭浸價殘失驚無神挾淡推升不難,  但由28000再推上29000已感吃力, 因為獲利沽壓大增, 所以二月港股升幅遠遠遜一月, 近來大市都在28500~29000窄幅波動, 大鱷連上29000都感到吃力, 皆因過去兩周大媽不斷沽貨散水, 亦削弱了港股的上升動力

3月份港股會繼續受貿易戰消息左右, 亦有英國脫歐, 華為孟晚舟引渡往美國受審, 2月中至3月係港股企業業績期, 多隻權重股公布業績(12/3平保, 15/3友邦, 21/2 QQ), 唔少股份升過籠亦會見光死, 有時未公布業績已見走鬼盤, 3月多隻成份股除息後通常沽壓會增加, 期指亦會呈低水, 壓住大市, 待踏入3月下旬除息結束期指才有望呈高水

全世界都話上証牛市吸引資金, 大媽似係沽H換A, 3月基金埋季結, 去年輸到嘔, 今年賺到開巷或會收割來鎖定利潤, 短炒熱錢一月大手掃港股, 熱錢通常炒兩三個月就收割, 今個月就正好獲利鬆人, 19~20/3 聯儲局議息, 今次會否加息極難預測,金融市場勢必大幅波動,2019年第一次水星逆行就在5~28/3, 絕不會是巧合, 估計港股今個月獲利沽壓會大增

1月恒指超大波幅3114點, 早已說2月會係細波幅(升唔起跌唔落來托沽派貨), 結果波幅只得1480點, 按此推算, 3月波幅應該大過2月的1480點, 如果3月波幅有1500~2000點, 就代表3月上望29500(所以本周向上目標29200~29500, 阻力29300), 如向上受制於29300(今日見頂29241), 就要下試28000~28200, 現時貼價牛熊肥到不得了, 大鱷本周玩好淡通殺, 牛熊都要死,

為何擔心熱錢撤退? 因為過去兩個月港股係資金牛, 熱錢來就牛, 熱錢退就熊, 大市跟住美元強弱來波動, 1月美元弱雞在95.5附近游走, 熱錢湧港推動港股爆升, 2月中恒指周線升勢斷纜就係因為當時美元爆上97, 當天恒指急瀉531點, 就觸發撤資潮, 後來美元回番落96附近, 港股又再創新高, 但升勢已大不如前, 2月下旬港股成交明顯增加, 但大市卻在28500~29000窄幅波動, 乏力再飛天, 今日爆上29241就打回頭, 代表沽壓沉重

令人擔心的是近來美元咬住96唔肯再落並止跌回升, 重上96.5, 如果好似15/2美元再殺上97股市就死得, 因為當天恒指大插531點, 近日港匯弱勢持續, 有資金流走, 並不配合港股創新高, 人民幣連跌兩日後跌勢喘定, 但上升乏力, 匯市表現利淡港股,

{#icono0_54}{#icono_71}{#icono0_54}{#icono_71}{#icono0_54}{#icono_71}{#icono0_54}{#icono_71}{#icono0_54}{#icono_71}{#icono0_54}{#icono_71}{#icono0_54}{#icono_71}{#icono0_54}{#icono_71}{#icono0_54}{#icono_71}{#icono0_54}{#icono_71}{#icono0_54}

港股先低後高, 秒殺小牛後V彈, 明日周三驚蟄轉節氣預示有大變

5/3 周二恒指收報28961, 升2點

熱錢湧入內地喚醒了沉睡的巨龍, 內地繼續炒兩會行情及救市政策, 上証繼昨日收3000大關之上, 今日進一步上企3050樓上, 不過阿爺素來唔鍾意股市暴漲, 因為急升往往要由暴跌埋單, 小心阿爺出口出手為股市降溫

一如昨日所說, 如今日無法再創新高, 29241可能已見頂, 要慎防大市隨時會作出大調整, 今日港股未有跟隨上証彈高, 皆因匯市形勢利淡, 港股沽壓加劇, 上証上山但港股卻落山, 中港兩地股市不同步極為反常, QQ暴漲追落後掩護出貨, 港股雖然收升, 但昨晚夜期急瀉, 代表港股有暗湧, 今日只係借上証造好夾硬收升, 但亦只係近平收, 危機未除

今日大鱷落山吃了一口小牛即彈上去倒升收市, 10天線失而復得, 阿爺於兩會繼續公布推出利好政策, 刺激中港股市齊齊先低後高, 單日轉向呈陽燭, 不過港股近平收, 乏力再進, 內地科創板效應, QQ急升重上250天線皆因大媽又掃貨, 但其他成份股紛紛見頂回落, 大幅回吐, 沽壓沉重, 大鱷搵QQ掩護出貨, 當QQ升到腳軟, 佢地就要接力撐市,有濃濃的托沽味

有阿爺撐腰, 上証踏入3月就日日升, 而港股雖然跟隨上山, 不過動力遜上証, 皆因港股已反彈熊市跌幅的一半, 係公認的食胡水平, 29000獲利沽壓湧現, 大鱷亦想養肥貼價牛熊才殺, 所以將港股點穴, 而且美元走強, 港匯弱雞, 人民幣升勢亦放緩, 近日人仔都係下跌居多, 而美股亦已見頂回落,港股亦要慎防A股都快要見頂,到時就會拖低港股, 而按照慣性走勢恆指亦不會全周日日升,不要淨喺向上望,樓下有肥牛亦有下殺誘因

港股連升3日, 過去3天恒指每日的低位都係在9:40前出現, 要留意呢個慣性走勢就知好友淡友誰在主導大市, 當大市打破慣性走勢出現先高後低(10時後見即市低位)就代表淡友反擊, 其實道指已率先見頂回落, 25/2創高位26241後就掉頭向下, 其後不斷挑戰高位都無功而回, 昨晚高見26156無法破頂就反艇, 今日港股亦上升乏力, 只係上証收升所以暫時穩住了港股, 港股表面收升但其實沽壓加劇, 大鱷大媽正在撤退, 中港美三地股市通常係同步見底頂, 美股已率先見頂回落, 昨晚道指更下挫206點, 今次係上証未升夠所以撐住港股, 當上証(又或者內銀內險A股)見頂港股就會潛行凶間

~~~~~~~~~~~~~~~~~~~~~~~~~~~~~~~~

温水煮蛙.臨危托沽

港股10天線持續向上, 今日已上移至28826, 不進則退, 3月好難守得住10天線, 如跌穿就會惹來龐大沽壓, 早市港股一度急挫低見28734, 嚇到牛牛慌忙逃命, 但QQ爆升推高大市, 不過恒指衝上29025後急回, 大鱷仍未部署好, 暫時唔想爆邊, 今日港股急跌急彈後大鱷將港股點穴, 唔上唔落繼續養牛熊, 牛牛不斷上移, 牛熊分布嚴重失衡, 牛多熊少利下殺, 牛牛仍未脫險

技術指標反映港股走勢轉弱, 只係靠大媽掃QQ夾硬推高大市來托沽, QQ急升吸引股民眼球就會忽略了利淡訊號, 因而飛撲入市接火棒, 上周燈神追貨至九成重倉, 我就話係利淡訊號, 港股26~28/2就連跌3天, 過去幾日燈神拿拿臨大手減倉至只得約四成倉, 港股就連升3天, 燈神就縮手唔敢再走貨, 連高手都俾大鱷搞到無所適從, 大鱷見股民重倉就插, 見減磅走鬼就升, 股民見大市跌唔落又飛撲入市買上,大鱷就温水煮蛙式派貨

內地推科創板令投資者對後市滿懷憧憬, 中港股市氣氛升溫, 人人講股熱炒, 全民皆股反而係利淡訊號, 習近平日前曾提及希望股票市場更加好地發揮其功能, 變相鼓勵股民入市, 不過今年明確實施「減稅+降費」, 相關股份既有受惠亦有受累, 中移已率先倒下, 反映現水平大鱷大媽基金正在收割, 有乜風吹草動就沽貨止賺

唔好見港股連升就向上望, 早已說過3月會係風高浪急,就好似今日升市只得QQ威威,唔少股份都見頂回落走鬼,唔喺好現象, 代表大鱷大媽正在臨危托沽, 上周恒指收跌, 如本周續跌, 按照慣性走勢周四或五就會出現本周低位, 而周五收市位就會在28812樓下, 所以周五畫圖日係好淡大鱷分勝負的日子, 如見上証收升, 但A50卻下跌, 代表上証權重股回落, 就係利淡訊號

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

6/3 周三恒指收報29037, 升76點, 轉節氣驚蟄~好消息出貨

上周已提醒大家10天線正不斷上移, 想守住殊不容易, 如跌穿沽壓就會加劇, 今日10天線已經上到28875, 加上恒指連日在28900附近游走, 似在聚頂, 不進則退, 久守必失, 港股雖然上企250天線超過兩個星期, 但其實唔少成份股仍處250天線之下, 一直無法收復, 反映股份沽壓大, 指數高企只係假象, 不獲股份支持

QQ走勢具啟示作用, 今日QQ爆上$370打回頭收陰燭, 走勢差劣皆因大媽今日沽出QQ食胡, QQ見頂等如港股見頂, 今日港股收升只係扮強夾硬來, 一如昨日所說, 唔少股份都走鬼, 今日跌勢持續, 逆市下跌

本周已連升3天, 按照慣性走勢不會全周日日升, 最少都跌1~2日, 即係未來兩天係跌市高危日, 或會插穿昨日低位28734來擴大周波幅, 上証雖然連升4天, 今日大升47點收3102, 但反映金融A股的A50卻逆市收跌, 都係獲利走貨的示警, 金融A股走弱就會拖低港股, 睇下今日國指全日低走, 只係靠U盤夾硬推升, 有臨危托沽味, 滬股通出現資金凈流出, 已是今個月第二次大舉走A股, 老外食胡鬆人喇! 

港股過去兩個月的大升浪係受熱錢推動, 如今游資撤退, 港股的資金牛亦要告一段落, 美匯升穿96.9創兩周高位, 人民幣連跌2天, 港匯弱勢持續, 一度觸及7.85弱方兌換保證水平, 為近半年來首次, 匯市表現利淡港股, 過去幾日港股不斷出現利淡訊號, 唔少股份已轉勢向下, 但港股走勢卻是似升非升, 似跌非跌, 令股民無所適從企錯邊, 大鱷表面上將大市點穴, 其實正在部住大屠殺

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

7/3 水星逆行殺傷力, 港股結束四連升, 失守10天線, 向肥牛區進發

周四恒指收報28779, 大跌258點

向下擴大月波幅.關鍵位: 28500.28300.28000.27800.27500...

今日香港天氣突然轉冷, 絕不會是巧合, 港股患流感要入急症室

今日恒指跌幅係近3個星期以來最大, 熱錢撤退, 股份急瀉, 剛好係過去兩個月爆升的翻轉版, 睇收市U盤亦不妙, 呢兩個星期收市U盤一係收跌, 一係升幅不大, 但早前尋頂期間收市U盤係日日升, 頻頻彈高幾十點, 拉住大市上山, 有急於創新高挾淡食胡的味道, 我認為係大鱷趕住係3月尾聯儲局議息前獲利收割, 而近日收市U盤表現欠佳, 就有散水味

淡友捱左兩個月, 終於守得雲開見月明, 水星逆行發揮殺傷力, 熱錢沽貨撤退, 吻別29000就要見28000, 能否守得住就要睇上証表現

QQ已率先插穿250天線, 預示港股亦會跟隨向28200(250天線)進發, 落到呢個水平就夠千點周波幅, 該區有肥牛5601張, 至於何時插穿28200就要視乎樓下的牛量, 因為目前28000~28200只得瘦牛約千張, 28000樓下亦只得小牛, 大鱷通常會等關鍵大位樓下的牛牛養肥才會隊穿, 早前大鱷就一直嫌28400附近的牛唔夠肥, 所以一直唔肯落山, 到今日見牛牛養到超過4000張才部署明日大開殺戒, 已經聞到血腥味喇!

28500~29241已經磨左12日, 大鱷大媽托住大市好淡通殺及派貨, 時間上已足夠, 波幅太窄, 都係時候爆邊, 周四五通常係創高位或低位的時間窗口, 睇今日盤路利淡代表會創周低位, 明日收市位會在28812樓下, 如淡友奪回主導權, 明日收市位就會大幅拋離28812, 恒指將會連跌兩周, 因為美元爆升殺緊上97, 代表明日港股會創即月低位, 過去兩日恒指即市波幅反常地窄, 係大龍鳳先兆, 明日裂口下殺冇走雞

~~~~~~~~~~~~~~~~~~~~~~~~~~~~~~~~

港股陰氣重.上証亦不妙.明天屠牛日

近來港股走勢都係一插即彈, 大鱷營造跌唔落的氣氛吸引股民入市接火棒及引好友入局, 部署日後的殺戮, 今日點解唔托市? 由得港股一跌到尾近全日低位收呢? 代表大鱷已完成向淡部署, 唔使再托, 可以碌落去肥牛區開大餐了, 今日大鱷已吃260張牛扒前菜, 梗係未夠飽, 明日就會食主菜, 過去幾日大鱷殺完QQ淡友今日就變臉殺好友, QQ失守250天線, 就推左港股落山, QQ淡友死得七七八八, 而家輪到QQ好友命危, 大鱷繼續操控大市玩過山車好淡通殺, 正一趴街

大鱷一直托市養牛熊, 牛牛不斷上移, 愈養愈肥, 時辰到了, 要買定官才, 因為牛熊分布嚴重失衡, 今日熊食胡牛進場, 牛多熊少(15011牛 vs 8429熊)利下殺, 只要落到28500就可殺牛約2700張, 落到28200就有肥牛5601張, 大鱷流晒口水, 通常月初見高位, 月中就要尋底, 今日一插, 港股收市位已經低過1/3的收市位, 嘔番晒月初的升幅出來,

大成交沖頂往往冇好下場, 25/2大成交創高位後就連跌3日, 4/3大成交爆頂後連升兩天合共只升了78點, 扮跌唔落點穴引牛入局, 連日再衝上去29000亦震走了熊熊, 今日已嘔突過去兩日的升幅, 今日低見28772, 扮守得住周二低位28734, 目的係托沽及引好友入局, 結果牛牛真係飛撲入市, 中伏了, 其實今日係底頂下移格, 高低位都低過昨日, 敗象已呈, 明日恒指季檢調動, 亦會影響市況

慣性走勢具啟示作用, 恒指開局連續4天走勢都係一插即彈, 先低(9:40前見即市低位)後高向好, 但今日卻是先高(10:27見即市高位)後低(1:40見即市低位)向淡, 按照大鱷的習性, 明日裂口下殺碌落山唔會俾好友逃生, 今日牛牛不斷上移, 大舉湧入, 貼價牛肥到不得了, 已經超過四千張, 周一見牛牛大幅多過熊熊周二就下殺屠牛, 今日又係呢個格局, 明日冇眼睇, 好友死得

~~~~~~~~~~~~~~~~~~~~~~~~~~~~~~~~

水星逆行前拉升創3月上旬高位

水星逆行的殺傷力不容忽視, 上証雖然連升5天, 但今日的升幅係5日以來最細, 皆因人民幣早已轉勢向下, 中港股市沽壓亦加劇, 美元走強連美股都要死, 昨晚美股反艇, 道指連跌3日, 過去兩個月道指通常跌3~4日就彈, 如果跌埋今晚就係四連跌, 明晚會否作出反彈就會係港股下周的指標, 如美股打破慣性走勢連跌5日潛行凶間, 港股亦好難獨善其身

匯市表現反映資金流有變, 歐元下挫1.12%低見1.1176, 為2017年中以來低位, 美元強勢急升突破97大位, 爆上22個月高位, 港匯弱雞, 美元強已不是今天的事, 過去幾日已經一路衝緊上去, 熱錢流走沽壓大增亦係港股無法再創新高的原因, 一眾指標股跌勢加劇, 超樣衰, 熱錢果然係今個月食胡鬆人

散水了, 熱錢來也匆匆.去也匆匆, 神又佢, 鬼又佢, 大媽繼續走QQ食胡, 而老外亦急急腳撤退, 滬股通連續兩日出現資金凈流出, 老外大舉走貨食胡走鬼, 今日走得更急, 港股本周先高後低格, 按照慣性走勢明日會跌穿周二低位28734來擴大周波幅, 亦要插穿今個月低位28663來擴大月波幅及屠牛, 港股今日走勢差劣, 其實過去幾日我已經話唔少股份已見頂會落, 只係靠QQ掩護出貨, 今日連QQ都死埋, QQ見頂等如港股見頂,

今次內地股市的大升浪好明顯係由外資主導, 唔似係阿爺暴力哥的手法, 上証由年度低位2441反彈至今日高位3130, 升勢過急, 累積龐大升幅, 好明顯係升過籠, 近日上証的升勢亦不配合人幣見頂回落的走勢, 而且上証已升抵短線目標3000大關, 已觸動阿爺神經, 開始出口術為股市降溫, 老外立即俾反應沽貨鬆人, 過去4日滬股通就有3天出現走資,

上証雖然連升5天, 但內銀內險A股日前已率先見頂回落, 逆市走低, 今日進一步下挫, 今年上証試過5連升就斷纜落山, 預示明日內地股市亦要落山, 港股測市指標出現利淡訊號, 好友命危, 近來經仔通燈神走位靈活左, 大有進步, 估中市命中率提升, 燈神估計淡友會作出反擊, 亦吻合元帥的測市指標向淡訊號

~~~~~~~~~~~~~~~~~~~~~~~~~~~~~~

恒指3月初周線呈「黃昏之星」利淡訊號, 向下關鍵大位100周線(28084) 及10周線(27658) , 簡單來看就係睇28200(250天線).28000.27800的支持力, 只要守得住, 調整完就會繼續尋頂, 重上29000

國指周線圖同樣呈「黃昏之星」利淡訊號, 向下關鍵大位50周線(11024) 和10周線(10904), 上証能否收復3000大關係港股後市的指南針, 只要上証企3000, 就可推動港股上29000/11400

美元弱轉強, 人民幣強轉弱, 資金流反映由熱錢推動的大升浪早已於2月下旬結束, 25/2以超大成交$1688億爆上29010係大市將會大幅回吐的警號, 大成交沖頂冇好下場, 隨後兩周不斷挑戰29200皆無功而回, 大鱷沽貨愈沽愈升, 到4/3高見29241才見頂回落, 月中是回吐的時間窗口, 由於水星逆行由8/3開知, 調整因而提早出現

4/3創新高見29241就掉頭向下, 7/3連上証都見頂3130港股跌勢就加劇, 不過金融市場變速極快, 當熱錢再度流入就會展開新一輪資金市, 而19~20/3聯儲局議息對全球資金流會有啟示, 港股能否再破頂就要睇聯儲局及美元表現

其實大鱷大媽正在高位派貨, 大媽耐不耐就大手掃貨目的係擾亂視線, 令人有市底強跌唔落的錯覺, 早前已經話大媽係低調趁價殘時大手掃貨, 高調經滬港通再入貨, 令人憧憬後市向好而跟風買上, 推動股價向上, 其實大媽就暗地裡趁推高股價沽貨獲利

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

內地股市急瀉拖累港股低開低收呈陰燭, 暴跌失守20天線, 大舉屠牛

8/3 周五恒指收報28228, 暴跌551點(最多下跌578點)

牛多熊少: 13228牛 vs 6855熊

當今年初港股升到彭彭聲的時候, 元帥早已預測2月尾及3月係港股高危期,主因係聯儲局3月中議息前資金流必定會有變, 美元會有異動, 而且撞正水星逆行, 不幸言中,歐洲央行下調歐元區經濟增長預測, 計劃在9月再推定向長期再融資操作,向銀行提供新一輪低成本貸款, 因而觸發投資者對全球經濟前景的憂慮, 利淡投資氣氛, 歐元跌至20個月低位, 美元強勢急升見97.7,

港匯弱到不得了, 連金管局都要出手接錢, 熱錢果然撤退, 幸好美元沖上97.7後急回, 或有利人民幣下周回升, 從而推動下周中港股市作出反彈, 向上阻力28500~28800, 因為恐慌性拋售的裂口(28533~28772)多數會回補, 只要守得住28000~28200, 以閒閒地700點周波幅來看, 就會挑戰28800, 甚至29000

市強每週創新高(1~2月每星期都衝高, 頂部上移),市弱每週創新低(4~8/3中港股市齊齊掉頭向下),港股周一4/3創新高,周五8/3創新低,月內高低位在不應在同一星期內出現, 預示3月下旬會爆邊

資金市的候低買上策略要不要改變就要睇下周一, 因為15/2(周五)急瀉後翌日爆升, 重拾升軌, 所以今次亦要看下周一上証表現, 因為中港股市通常係同步見底頂, 如上証止跌回升亦有利港股作出反彈, 其實港股慣性走勢係落到關鍵大位通常會有反彈, 假如大鱷唔想深潛, 咬住28000~29000玩窄幅, 就可以跟住大鱷手影來炒波幅

~~~~~~~~~~~~~~~~~~~~~~~~~~~~~~~~~~~~~~~~~~~

老外撤退大媽低吸

今日中港股市反艇係受老外大舉沽出A股所拖累, 但大媽就趁回吐掃內銀, 下周一港股能否彈高就要睇老外的手影, 以港股一向的慣性走勢急跌失守大位都會彈上去吻別, 即係有望彈上10及20天線, 通常大鱷要大位有超過四千張才會出守, 而向下28200(250天線).28000.27800都係大位, 好友不會輕易放手, 就算失守通常3日內就會彈番上去

今日剛死了5563張肥牛, 不過牛死牛還在, 今日大量牛牛飛撲入市, 而熊熊就食胡, 牛熊分布嚴重失衡, 最肥牛在28000~28200, 而27800~28000牛唔算好肥, 27800樓下更只得瘦牛, 按照大鱷的習性, 如果牛唔夠肥, 就會扮跌唔落, 托住大市等養到肥才殺, 又或者見熊熊下移, 就會掉頭衝上去吃熊, 上望28500~28800

年初由熱錢帶動的升浪推動10天線不斷上移, 但今日10天線已由升轉跌, 以月波幅來看, 後市理應插穿今日低位28201創新低來擴大月波幅, 如力守不破就要上29800.30000, 估計關鍵位250天線及28000會有一番爭持, 好少直穿大位落地獄, 因為要俾時間派貨及養牛熊, 急跌亦會急彈, 如熊熊下移, 唔使破底都有得開餐, 大鱷又點會放過

今日港股大跌亦係受恒指季檢成份股調動所影響, 下周一就會作出修正, 今年道指最多連跌4天就彈, 如果道指跌埋今晚就係五連跌, 淡友就要慎防下周初美股會作出反彈, 因為道指由去年7月起最多跌五天就彈, 只要中美股市止跌回升, 好友就有理據殺番上去

中港股市通常係同步見底頂, 港股周一(4/3)已見短頂, 但上証當時仍在尋頂, 昨日(7/3)上証終於見頂, 所以昨日港股隨即失守10天線, 到今日上証連3000大關都插穿埋, 港股20天線亦告失守, 今日才暴跌皆因市場要確認上証見頂才敢出手下殺, 大鱷唔托市目的係想食肥牛, 如今恒指由高位已插千點, 已足夠水位俾大鱷轉身, 淡友或會食胡, 因為最肥牛已死, 又要再養過

今日大市在28300附近磨咗成日,臨收市低見28201後略為反彈, 250天失而復得, 好友見未插穿28200牛牛大舉湧入, 近來大鱷一直力守28500/11400今日亦已全告失守, 要3日內彈番上去才能脫險,

~~~~~~~~~~~~~~~~~~~~~~~~~~~~~~~~~~~~~~~~~~~

今日內地公布出入口數據遠差過預期, 更加成為走鬼的藉口, 早前尋頂時就係壞消息當好消息炒, 大鱷放風話阿爺見數據差會推更多救市政策, 如今大鱷已完成向淡部署, 就借壞消息推低大市, 港股升跌由大鱷話事, 任大鱷點解讀都得, 通常係高位才配股, 所以近來人保.中國燃氣.信義光能大手配股亦利淡投資氣氛,

上周見大媽密密走貨,連熱炒的券商股都有散水味, 加上人保配股已經話港股理應落去殺28200~28500肥牛,但大鱷神級托市,周一夾硬伸多一腳上去創新高29241殺埋熊3600張肥熊才趙完鬆,然後一直咬住28800來派貨及養牛熊,再擇肥而噬,養咗幾日,結果牛肥熊瘦,加上美元爆升突破97,上証過去兩個月的升浪亦與港股同步於本周見頂急瀉,大鱷就梗喺借勢玩跳水屠牛啦!

我一向都話大鱷已完全操控港股上落,幾時升跌由大鱷話事,試想想,上周末我哋已經話大市出現利淡訊號,如果周一(4/3)冇創新高就插,大鱷就食唔到3600張肥熊,而當時28400附近牛牛亦唔夠肥,如今周一先爆頂衝上29241殺肥熊,在28800點穴引牛入局,磨到28400附近有超過4000張肥牛,今日(周五)大鱷就出手屠牛了,大鱷操控大市已到了出神入化的地步,散户根本冇得鬥,

今日港股大插亦有可能同淡友想平倉有關, 因為金大獅兄曾說 “昨晚夜期跌到28485﹐預合早前在【明報】專欄的分析,因早前大量舊期權倉在28400及28600部署,淡友大戶想壓低指數平倉到250日線幾28300附近,再看外圍情況,拆淡倉之後或再部署反手。“,如果一如金兄所說, 就會守住28000~28200再彈番上去29000

~~~~~~~~~~~~~~~~~~~~~~~~~~~~~~~~~~~~~~~~~~~

2019/03/08 陸羽仁: 美股近期持續下跌,除了從高位借勢調整之外,恐怕還有華爾街對美國總統特朗普表態的味道。中美談判轉入直路,但有美朝峰會觸礁的例子在前,誰能保證中美談判不會觸礁。股市是短視的,我唔信美股下跌是因為市場怕中美貿易協議不完整,不夠保護美國公司的知識產權。

華爾街大戶,最怕特朗普突然反枱,中美破局。所以近日美股一星期內從高位回吐3%,與其話消化了中美貿易協議,不如話華爾街向特朗普施壓,叫他不要玩嘢,好好醜醜都達成一個協議。試想而家話有協議市場都回吐,若然無協議,個市跌10%、20%有何出奇。面對股市下跌,特朗普就更想中美有協議。

~~~~~~~~~~~~~~~~~~~~~~~~~~~~~~~~~~~~~~~~~~~

財經日誌~3月金融市場立立亂

2019年第一次水星逆行就在5~28/3, 地震.波音空難.槍擊案.股市急挫.面書癱瘓.印尼巴布亞暴雨引致山泥傾瀉及河水暴漲釀50死...消息紊亂的月份, 北韓據報曾發生一次2.1級的人為地震 相信是礦井內曾經發生大型爆炸

6/3(周三)轉節氣驚蟄

今年全國人大會議由5~15/3(周五)上午閉幕,會期10天半

全國人大會議將於5/3召開,市場預料期間可能會公布更多寬鬆政策,以應對經濟放緩, 中港股市已偷步炒高因而見光死

人大會議期間將舉行13場記者會, 會議閉幕後,國務院總理李克強將會於15/3舉行中外記者會, 接受中外媒體提問

中國將於周四(7/3)公布2月份外滙儲備、周五(8/3)公布2月貿易收支及進出口數據,消費物價, 周六(9/3)公布CPI PPI

恒指季檢, 剔出華潤電力, 11/3起生效, 8/3尾市成交會急增, 中國建材獲納國指成份股, 剔走眾安在線, 當天成交會急增, 通常大成交的日子好淡大鱷都會打交, 市況會大幅波動

中美貿易談判達成協議限期為3月1日, 特朗普早前表示對該限期保持彈性(後記: 特朗普宣布押後原定3月1日對中國商品加徵關稅的期限)

14/3內地公布零售消費、工業生産及固投等數據

聯儲局主席鮑威爾發表講話, 美國周四及五亦分別公布美聯儲褐皮書及2月份就業報告

歐洲央行將於周四舉行議息會議

中國鐵塔於周一4/3公布業績, 公布業績見光死

美團點評於周一11/3公布業績, 公布業績見光死

平安於周二12/3公布業績, 公布業績見光飛, 平安宣布回購A股提振市場情緒

友邦於周五15/3公布業績, 當天富時指數調動

碧桂園.石藥將於周一18/3公布業績, 公布業績見光飛

20/3 公布全年業績: 中華煤氣, 電能實業, 恒基地產 , 華潤啤酒, 中國海外發展, 中國石油, 長江基建, 美圖公司, 中航科工


~~~~~~~~~~~~~~~~~~~~

2019年3月14日 內地監管層要求券商排查配資風險 券商股普遍跌逾1%

內地監管層要求券商排查配資風險,加上內地股市走軟,內地券商股普遍下跌

華泰(06886)、海通證券(06837)、中信証券(06030)、光大證券(06178)、中金公司(03908)、廣發証券(01776)跌逾1%

中國銀河(06881)跌0.95%
廣發証券(01776)跌0.8%
中信建投證券(06066)跌0.42%
國泰君安(02611)跌0.58%
招商證券(06099)跌2.42%
中州證券(01375)跌3.175%

最新回應

試下學下
試下學下 2019/10/15

夜期上了,但熊仔吾夠肥,牛仔拉後腿,是真定假上,大戶今日先開始散貨甘快玩完咪散吾切

*KK*
*KK* 2019/10/15
@soho*...

蠔大大, 盧蛇簡單咁分析左刀手單野啦.

月前都話中左"斯症候群"啦, 好自然會拒絕做正常人, 佢地 fact check 可謂得淡笑笑爆咀, 數月間思維演變真係夠誇的, 實在對住佢地冇乜道理好講. 此症心理變質長遠惡搞呢, 能否猛然醒覺, 佢地自己造化囉.

"早晚溫差"大呀! 親友搞康樂活動, 唯有組建自衛隊, 靠自家人互相關照囉.

如今, 爺爺食住花生, 多得香港咁大份禮送中. 世事既野... 呢鋪夠啜核吧!

門徒
門徒 2019/10/15

小門心目中273 {#iconb_289}會是最後一個升浪、再慢慢步進 {#iconb_616}

門徒
門徒 2019/10/15

265爭持中,我亦吉倉中 {#iconb_243}食飽要擦牙,上下四百各有過千張係咪?諗下大戶点食先,先升後跌定回完再上呢 {#iconb_214}