4大技巧令你係小組討論站於不敗之地？
中文卷四既小組討論除左內容同埋論述能力之外，其實都有各種基本說話要注意嘅技巧同細節！Tutor Circle尋補今日就同大家講下中文小組討論既貼士，希望幫助到各位應付DSE同校內試！
1.攞足印象分
印象分對口試都非常重要，老師都係人，人都主觀既。
中文小組討論考試嘅分數「一錘定音」，考官個一下點諗你就會點俾分。而當佢地聽過十幾廿萬組之後，佢地真係無心機再逐粒字聽你講得岩唔岩，你嘅儀容、態度、坐姿、笑容，呢啲細微到你考試一緊張就未必再留意嘅野，就好影響考官俾你嘅印象分。
坐直啲個人，考試途中唔好轉筆，講野都唔好攞住枝筆係到指，要抄野先攞筆，自己講野個時唔好死望住自己張紙，都唔好拿實張紙，望多啲組員同考官，咁就可以保持眼神交流之外，都自己做多啲手勢幫助表達你嘅言論同投入！
2.十分鐘點準備好？
係短時間內一定要準備到最有價值既野，先至可以係之後既考試取得優勢！
當然首先要介定到你係咩題型先。共識？立場？咁先可以介定到你地嘅討論係要往咩方向發展（最尾係咪要有共識），然後就要介定翻題目重要字眼，例如係「最」「比較」呢啲，自己注意到之外都可以捉下人地有無錯，既然話得係討論，就咁最好有唔同意見先多野講啦，但你又唔可以排除有啲豬隊友唔識轉彎，幾個人都講埋同一個立場。
最後記住留翻1至2分鐘，俾自己整理一下要講咩，係心裡面默默地練習下，等準備過嘅野可以順順利利，君臨天下咁幫自己攞十足嘅分啲。
3.發言結構
其實不論係首輪發言定之後嘅發言，結構都好類近，要清晰易明！首輪發言切記要打！招！呼！然後表明一下你對題目嘅立場，提出一個論點就夠，因為你無時間講多過一個，仲要留翻啲彈藥後場用！然後輕輕解釋，配合一個例子，再小總結。
4.拋書包大忌
大家平時睇新聞都睇得多話啲學生亂用古今名言（e.g. 提出周星馳話人無夢想同咸魚無分别…）
總結
中文討論要考得高分，除左要你本身有推論能力之外，同埋要注意考試既細節：
- 整潔儀容
- 認真、積極、友善態度
- 善用10分鐘準備時間
- 有條理既發言結構
- 引用正確
期待係Tutor Circle尋補Blog再同你見面！
此文章純屬 Blogger 個人分享，並不代表本網誌立場。
完整版原文：小組討論 技巧