11~12/3 報復性反彈

2019/03/08 18:08:04 網誌分類: 經濟
08 Mar

港股高開高走呈陽燭, 結束兩連跌, 向28800~29000肥熊區進發

11/3 周一恒指收報28503, 升274點( 最多上升284點)

國指收報11277, 升120點(最多上升128點, 一度下跌1點), 國指跑贏恒指

逼死好友就彈高.牛死熊命危.好淡通殺

中港股市通常係同步見底頂, 阿爺好.港股好, 上証探底低見2963後止跌回升, 作出強力反彈, 利好市場氣氛, 港股於250天線買盤湧現, 跟隨上証同步觸底反彈(我一直認為北水係中港股市兩邊一齊操控炒上落), 港股上周連跌兩天, 逐一失守10及20天線, 只要3日內收復平均線, 大市就可回穩再儲力向上, 今日以陽燭收升, 後市有望上攻10及20天線

匯市表現與中港股市密不可分, 上周五美元爆上97.7拖累中港股市出現走資, 其後美元回落, 中港股市即刻生猛番, 人民幣連跌4日後今日止跌回升, 係推動中港兩地股市轉勢向上的催化劑

QQ見底代表好友反擊, 港股守住上周五低位28201(250天線), 今日唔少權重股都有心有力, 彈力強勁, 恐慌性下跌裂口多數會回補, 大鱷正在部署回補上周五(8/3)的下跌裂口28533~28772, 如能全數回補並上企28800, 後市有望破頂

由今年21/1起, 恒指每逢周一都係升市, 今日果然例升, 今日冇跌穿上周五低位係利好訊號, 按照慣性走勢試完底就會再沖頂, 挑戰29000及29241, 能否如願就要睇阿爺, 港股升埋明日就係兩連升, 周三係破日, 今年幾次破日收市升跌都係少過200點, 港股好少全周日日升, 要數住升跌日數來炒作

~~~~~~~~~~~~~~~~~~~~~~~~~~~~~~

力守250天線作出報復式反彈

港股進入大時代, 千點上落是等閒, 頻頻轉向, 當大市跌勢過急, 累積龐大跌幅, 通常急跌亦會急彈, 無論爆上去抑或碌落山也不會一去冇回頭, 大鱷只係將港股舞高弄低來搵食, 不炒單邊大鱷更能獲得更大利潤, 不斷拋上拋落目的係擴大即市及周波幅,

上周港股大幅回吐, 通常市弱累計插800~1200點就會彈高(由上周高位29241跌至28201已有千點跌幅, 已進入回吐目標範圍), 28216剛好係回調去年10月升浪的0.236倍, 係拗腰的最佳位置, 今日就轉勢上山, 呢一浸跌夠又升過, 美元沖高急回亦利好股市

上周恒指高低位28201~29241, 月波幅只得千點未達標, 等爆邊啦! 恒指即月高或低位多數係下旬出現, 港股上周殺上29000~29241沽壓大, 但落到250天線約28200買盤強, 碌落山正好消化沽壓, 大媽繼續掃貨托市, 睇下過去一個月的頂底, 反映大方向港股底頂上移, 守住250天線就會再向28800.29000.29241進發, 要留意的是恒指多數係在下旬才創即月高位:

底和頂都上移數百點

01/2  28193頂--->27534底
08/2  27534底--->28533頂
13/2  28533頂--->27845底
15/2  27845底--->29241頂
04/3  29241頂--->28201底(熊死牛命危)
08/3  28201底--->反彈中.向上關鍵位28800.29000.29241.29500 牛死熊命危

~~~~~~~~~~~~~~~~~~~~~~~~~~~~~~

11~15/3反彈目標: 28240+700~1000周波幅=28940~29240

港股牛熊陣勢變調極快, 睇下上周五(8/3)牛熊分布(6855熊 VS 13228牛), 牛肥熊瘦, 人人都估今日(周一)要落去食牛扒, 但大鱷唔想破底(插穿28201失250天線), 寧願今日捱餓冇開餐, 扮乏力重上28500, 目的係引熊熊入局, 結果呢! 大鱷奸計得逞, 今日牛熊分布大執位, 牛食胡熊進場, 令牛熊分布失衡大大紓緩, 變成9072熊 VS 11314牛, 即係震走了牛牛, 肥熊就進場, 呢種格局正合大鱷的心意, 代表明日會殺上去大舉屠熊, 今日大鱷餓左成日, 又點會空手而回呢! 明日梗係要食熊掌啦!

上周五牛牛大舉湧入, 牛熊分布牛多熊少, 今日理應食埋28000附近的牛才彈, 但大鱷唔想破底, 所以今日力守250天線冇開餐, 扮受制於28500養熊引淡, 熊熊果然蜂湧入局, 牛熊分布失衡情況紓緩, 大鱷正部署上攻屠熊, 順勢回補8/3的下跌裂口至28800水平,

大鱷數口好精, 今日唔再落山食牛扒, 代表上攻殺熊的數量會多過放生28000~28200的牛, 如果想落山屠牛就要破底, 但殺上28900唔使破頂都有肥熊吃, 趁未破頂食住來頂下肚先啦!

看來大鱷又玩好淡通殺, 上周衝上29241俾肥牛拉住後腿, 大鱷就玩插水屠牛, 當重倉老牛陣亡, 今日就玩拗腰上攻, 只要上到28900就有肥熊2222張(流口水), 29000就有2442張(唔夠肥), 恒指恐慌指數大跌6.08%, 近全日最低位收, 代表今日港股反彈仍未到頂, 仲有力再上

今日道期雖然走低, 但無礙港股升勢(代表強勢反彈中), 港股近全日高位收, 因為道期通常只係影響美股開市, 以前都試過低開高走, 上周五道指下挫後收復大部份失地, 有回穩之意, 有利今晚作出反彈, 因為道指已連跌5天, 但由去年7月起道指未試過連跌6天, 今晚係美股反彈的時間窗口, 美元沖高回落亦利好股市, 所以近日我已提醒做淡美股要小心反彈在望

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

港股連升兩天收復10及20天線, 高開高走呈陽燭, 一升到尾, 大舉屠熊

12/3 周二恒指收報28920, 升417點(最多上升438點)

國指收報11466, 升189點(最多上升232點), 國指跑贏恒指

11~13/3反彈目標: 28240+700~1000周波幅=28940~29240

上升裂口回補下跌裂口.牛熊通殺.明日破日+水逆

上文說本周最低消費要見28940, 今日高位28941, 哇))) 大鱷又來我家偷橋,港股升跌都好假, 不能盡信, 大鱷做市, 睇住來殺, 失驚無神轉向, 大大棍急升暴跌一步到位, 跟風買上或買落已失先機, 好友淡友都要死, 大鱷大媽正趴街, 今日港股作出報復性反彈, 增強了股民入市或持貨信心, 連基金經理見港股守得住250天線亦看好後市

上周五裂口向下殺重倉牛5563張, 今日大幅高開跳空上攻, 大舉殺熊2642張, 遺留上升裂口28512~28734, 如守住這裂口或者只係回補少少裂口, 代表好友佔上風, 後市有望破頂而上, 以近來港股走勢, 上升下跌裂口都會回補, 唔會走單邊市, 睇下今日就全數回補上周五的下跌裂口

老外今日冇大舉走A股(要留意老外明日手影),老外沽少咗上証就彈高, 大媽繼續掃內銀H股, 不過A50沖高急回, 代表內地金融A股見沽壓, 如明日續跌就會拖低港股, 燈神數浪曾預測期指28675會是今次反彈頂部,彈完再尋底,但今日卻上破28900, 數浪派不敵屠熊大鱷

港股又去到股民走貨的水平, 港股好少全周日日升, 上周都跌兩天, 明日係破日, 小心大市會有回吐, 過去幾日恒指即市波幅200~330點, 換句話說, 明日一係升穿29000, 一係插穿28800才夠即市波幅,牛在28688,熊在28951

如今港股正處於上有阻力, 下有支持的困局中, 無論上攻抑或下殺都要等消息來做助力, 而港股極為被動, 升跌主要跟上証, 根本冇得估,

QQ今日沖高回落, 高位沽壓增加, 炒股不炒市, 平保業績佳, 好友或會推高平保股價來掩護大鱷派貨, 早前一直話國指11400有無形之手睇場, 結果昨日收11277, 今日就速彈上11466收, 反映好友健在,

美元日前衝上97.7打回頭, 插穿97, 好友借勢反擊, 後市要留意匯市,牛熊分布以及老外大媽手影, 上周的重倉老牛已死, 牛牛大縮水, 下殺誘因降低, 亦係今日港股爆升的原因之一, 大鱷最鍾意趙完鬆, 今日肥熊陣亡,輪到熊熊大縮水,目前牛熊分布均衡, 大鱷又要玩點穴來養牛熊: 9513熊 vs 10459牛, 當29000~29500熊熊養肥, 拖到3月下旬就係爆頂之時

中港股市強勢連升兩天, 上周完成調整又再繼續炒上, 代表兩地股市資金牛仍在, A股今年升勢凌厲, 創業板今年兩個多月累計升超過四成, 而且今次內地股市的升浪有大成交配合, 內地投資者一向以散戶為主, 大成交反映投資氣氛熾熱, 牛味愈來愈濃, 因此上周五上証大插136點後本周短短兩日就已收復大部份失地, 趁低吸納買上博破頂仍然是市場的主旋律, 除了市場繼續憧憬阿爺會陸續推出更多救市政策外, 亦係因為內地年內將會推出科創板, 而平安業績佳以及宣布回購A股, 亦提振市場入市氣氛

===================================

阿爺谷經濟救股市

2019年3月12日 10:19 《兩會》國稅總局局長:減稅降費措施規模空前

<匯港通訊> 國家稅務總局局長王軍在北京出席兩會期間表示,政府工作報告中公布的減稅降費措施,總額近2萬億元人民幣,規模之大在中國以至國外,近年或幾十年來都是空前。王軍表示,今次減稅範圍廣泛,其中8000萬人不用再繳交個人稅,另有6500萬人所交的稅額大減70%以上。


2019年3月13日 筆者:鼎展金融集團研究部高級分析師劉宇亮

由上週四起計本至週一市場上無論外圍美國、歐洲,以至內地、香港都充斥著一系列負面消息數據。如美國2月非農就業人口遠遠低於預期、德國官方報告稱1月製造業數據大幅下滑、歐洲央行調低歐羅區經濟增長預測。中國方面內地2月份新增貸款顯著回落、中國2月出口跌逾兩成、外資超購A股股份至被剔除MSCI、券商龍頭中信証券對人保作賣空報告至市場憂慮中央旨意賣空報告恆常化、兩會重提房產稅立法、中國2月廣義乘用車銷量年減18.5%等等,加上港元滙價再現弱勢,金管局於入市買承接港元沽盤,資金逐漸流出本港。

港股在上週四、五顯著向下,但本週回來,市場像若無其事一樣,連升兩日,境外資金連續四天淨流出後,昨日淨流入13.41億元。