白頭Lo - 人人做發展商（四） 北海道旅遊旺季將至租金大升 日圓低水成投資良機｜白頭Lo海外地產專欄

臨近年底，今年冬季嘅市況已經開始喺東日嘅Airbnb平台浮現。東日物業高級經理奧山千香子分享咗一啲有趣嘅情況，包括佢哋嘅小紅書不斷收到租房詢問，證明國內自由行旅客都開始回歸市場。而佢哋Airbnb平台上面二世古嘅房由於有地理優勢，租金每晚講緊港幣五千七百幾蚊都已經租出咗一半；另外，有唔少香港滑雪教練甚至有明星已經開始租緊佢哋啲房去教滑雪，而且係以月計，等於幫業主賺緊十幾萬一個月，成績相當理想。

由於日本嘅市場可以話係亞洲最好玩嘅地方，市場嘅成績不但證明咗佢哋選擇日本旅遊板塊嘅方向正確，佢哋嘅平台為客戶提供咗後續嘅服務，咁好嘅反應證明無入錯貨，完全係雙贏嘅局面。

日圓持續低水，相信令好多早期入市嘅投資者遲遲望唔見家鄉。就咁放銀行利只係1.8厘，與其得個擺字，千香子就建議藉由投資民宿換取更高回報，咁投資者嘅回報收益就唔再受貨幣價值局限。

為咗迎接十周年嘅大日子，東日以優惠價格推出咗好多單位出嚟，而且反應熱烈。如果唔啱心水，東日喺日本嘅網絡可以按照客戶嘅需求提供適合嘅地段俾佢哋買地起屋，配合佢哋嘅出租平台提升資產價值達致財富增值，咁就真係「人人做發展商」啦。

北海道二世古民宿物業酒店展銷

日期：11月4日及5日（周六及日）

時間：上午11時至晚上7時，於下午4時設有物業講座。

地址：中環文華東方酒店1樓

查詢：6381 1308

註：以上為嘉賓意見，不代表本報立場。

專注海外房地產多年，掌握最新市場投資走勢。