美國狂泵油

2019/03/11 08:47:53 網誌分類: 經濟

11 Mar

美國上週五公佈的2月非農新增職位只有市場預期以1月的「零頭」，只有2萬人，而中國出口數字亦出現巨幅下滑，加劇投資者對全球經濟的憂慮，美股連續第五日向下，但跌幅輕微，杜指收市跌22點，報25450點，跌幅0.1%；標普500指數及納指跌0.2%。

值得注意的是杜瓊斯運輸類股指數收跌0.5%，已經連續第11個交易日下跌，是1972年以來的最長跌勢。

相對於外圍市場，特別是中港股市，美股當日的表現顯得異常硬淨，上週五內地股市因罕有地有券商針對人保和中信建投發「沽售」報告而大插4.4%，港股亦跌1.9%。美股穩定下來，相信有利中港股市尋底。

美股上週五開市前公佈的2月非農就業報告，認真嚇人，新增職位只有2萬個，遠低過市場預期的18萬個，以及1月的增長30.4萬個，係2017年9月以來最少。失業率則下跌0.2個百份點至3.8%。

就業報告剛出爐的時候，差勁數字即時嚇了市場一跳，杜指朝早一度下跌220點，但普遍分析都認為就業數字異常可能是受到季節性因素和聯邦政府關門的影響，投資者冷靜下來，有人趁低吸納，令到大市反彈回升，之後逐步收窄跌幅，收市前曾倒升7點。畢竟美股此前已經連跌4日，跌很比較多，有人趁低吸納，都好正常。

拖累美股下跌的主力係能源股，標普500指數中11個板塊中，能源股跌2%，跌幅顯著，杜指成份股埃克森美孚下跌1.4%，亦係杜指最大的負累。能源股不行，主要是紐約油價下跌所致。在非農就業報告出街後，紐約期油一度下插3%至3星期低位的54.52美元一桶，之後回穩，收市仍跌1.2%至56美元。

中國2月出口較年跌21%而進口亦跌約5%，再加上歐央行大削今年歐元區經濟增長預測0.8個百份點至只有1.1%，令到市場擔心全球經濟放慢影響能源需求，更重要的是在對原油需求可能大減的時候，美國油商卻在瘋狂增產。據報道，雖然美國油井數目連續3個月下跌，但據美國能源資訊署的資料，美國每日產油量卻是有史以來最高，達到1210萬桶，已超過沙特和俄羅斯，成為全球最大產油國，而對上一週的原油庫存達到710萬桶。

有消息報導。投資銀行 Jefferies上週五表示，美國石油主要來自陸上頁岩油生產，當中有近6成來自七大頁岩油生產區。美國銀行表示，隨著規模效益和資本投資增強，再加劇生產技術的突破，美國頁岩油的產量將會不斷提升，削減了世界主要產油國同意每日減產120萬桶石油推升油價的效果，油價難以有所突破。國際油價今年以來，上升了約20%，主要係美國對油組（OPEC）兩個成員國伊朗和委內瑞拉的PDVSA實施石油出口制裁，油價勢將更低，不過，從另一角度看，油價太低，美國油商也沒有太多空間去增產和投資。

講講中美貿易談判進展，市場已經預計中美談判好大機會於月底國家主席習近平到訪美國時簽字達成協議。商務部副部長兼國際貿易談判副代表王受文上週六在兩會期間的記者會上的講話幾有趣，他說，對中美經貿磋商的前景「感覺是有希望的」，雙方要按照兩國元首確定的原則和方向，達成一個互利雙贏的協議，取消所有相互加征的關稅，使中美雙邊貿易回到正常的軌道。這符合美國的利益，符合中國的利益，也符合世界的期待。

王受文指出，從美國最近兩天公佈的統計數字可以看到，美國對全球的出口增長了7%以上，但是對中國的出口卻下降了7%。今年1、2月份的統計數字也表明，中國同美國的進出口貿易下降了19.9%。所以，貿易戰對工人不利、農民不利、出口企業不利、製造企業不利，損害了投資者的信心，減緩了企業做出投資決策。

至於為什麼他覺得達成協議是「有希望的」，他用了一個中美會談時的細節來解釋，頗為有趣。他說，「中國副總理劉鶴在春節後赴美進行高級別磋商時，劉鶴吃的牛肉漢堡，美國貿易代表萊特希澤吃的茄子雞丁，兩人沒有喝咖啡或喝茶，喝的都是白開水，這就是要找共同點的表現。」看來中美貿易談判已跑到最後一段直路了。

陸羽仁

回應 (21)

我要發表

animal666 2019/03/12 22:30:44 回覆

股平樓貴難永續(大結局)

2028年xx月xx日 (xx:xx AM)

陸羽仁

金融High Tea——
股平樓貴難永續（下集）
2012-07-16

上周五是「黑色星期五」，但股市並不黑色，內地公佈第二季經濟增長只有7.6％，市場相當冷靜，內地上證綜指微微升鰦一點都唔夠，等如無上落，收2185點。港股亦撐住19000點大關，收19092點，升67點。

      不過呢個黑色星期五去到美國仲精采，早前摩根大通深受「倫敦鯨」交易員投資失利影響，但上周五佢公佈上季業績較市場預期佳，股價勁升6％，帶動整片美國金融股抽上，再加上歐美投資者認為中國7.6％經濟增長，不是硬覑陸，杜指爆升203點，大升1.6％，終止連跌六日的頹勢，港股應有反彈，特別係跌得好殘的內銀股，應有像樣一點的反彈。

      大戶操控詮釋權

      股市就係咁，上上落落，壞消息面世時，又話「好過預期」、「其實唔係咁壞鎹」，股市升彈。股壇老雀極短炒時鍾意炒相反，認為如何詮釋市場資訊的權利在大戶手上，佢地鍾意同散戶做對手，所以要極短期炒作，只能在市場評價好差時買，在評價好好時賣。

      上星期寫了篇文「股平樓貴難永續」，講起網友「硬道理」在09年中因錯判市況，將05年入市的自住樓賣掉，然後將所有資金分段投放在A50（2823）及工行（1398）上，如今樓價升了，投資的股票跌了兩成多。文章見報後，迴響不少，有不少甚為專業的老友都有評價，可以寫寫他們的寶貴意見畀大家參考。

      第一，順大潮流炒作。有一個擅作價值投資的老手，睇完「硬道理」棄樓買股的手法，有此感歎，「買股票要年年有表現，其實近乎炒作，不是投資，炒作要順勢，唔講你個網友『硬道理』把自住樓賣掉，要冒上替代使用成本高升的風險（租金上升），單就炒作而言，佢鱓做法都是逆勢施為。」

      投資老手話，股神巴菲特咁成功，除鰦佢善睇公司價值，低價入市之外，佢都有「順勢投資」的味道，才不止長線有表現，而且中短期都有表現。例如佢在2002年、2003年以2元多的低價大手買入中石油（857），除了因為中石油股價低迷外，還睇到2002年911事件後，美國大幅降息，美元將持續走弱，石油等商品價格將長線走強的大趨勢，當時美國石油股唔便宜，就買纒中國石油股，結果食正油價連年大升的潮流，多年後就在10元以上沽出中石油獲利。

      股神都要順勢買

      又例如巴菲特在2011年1月以440億美元收購美國第二大鐵路營運商伯林頓鐵路公司（BNSF）。巴菲特雖然聲稱這次收購是對美國經濟前景的一次豪賭，但如果真係咁睇好美國經濟前景，點解係買鐵路公司而唔係買銀行？巴菲特係睇住美國正發生可能長達10年的非槓桿化過程，靠借貸賺錢的銀行唔係咁掂，投資進入低回報年代，加上油價高企，所以就買入鐵路這種回報較穩定的傳統公用事業，這種行為和李超人去英國買電廠、水廠有異曲同工之妙。當然，巴菲特偶有睇錯大潮流出事的投資，例如油價高睇好電動車，過份放大呢個行業的發展，入股比亞迪（1211），結果概念掂生意唔掂，股神勝在以8元入股比亞迪作價夠平，所以佢未死只是跟風者死晒。

      投資老手話「硬道理」在09年買入工行和A50基金長獱，事後睇係逆勢投資，因為阿爺在08年驚得滯大力投放4萬億救市，令股市和樓市當年升得太勁，再加上基建泡沫，觸發巨大通脹，2010年開始要收水救亡，這種收水潮，對投資內銀的氣氛不利，「硬道理」投資失利，係睇唔飱呢個收水大勢。反而好多人中短線炒纒內銀，跌得多買鱓，升一兩成走人，仲搵到食。

      第二，買樓有利長獱。我有另一個老友是極資深投資銀行前輩，佢20年前係巨型銀行的投資銀行部獱fit人，一直鍾情股票長線投資，唔喜歡買樓，當然佢亦有兩三間樓畀自己和屋企人自用，但他和香港人大多數發達方式不同，主要投資放在股票之上，而且係20、30年咁長獱。

      這位投行前輩舉鰦個例，佢話當年佢在包銷上市的公司中，揀鱓好鱓公司，用好少錢例如一、兩萬去買它們的股票（呢鱓錢在他而言只是零錢），買鰦十家八家公司股票，夾埋只是用鰦十幾萬，到而家無計歷年收的利息都值400幾萬，當中仲扣埋有一家公司執鰦笠股票變廢紙。佢話我可能唔覺得400幾萬係乜№錢，但佢只想試纒證明，長獱優質股票，獱得夠長有好回報。

      散戶買股難長獱

      當然，佢當年係投行大佬，睇住呢鱓公司上市，知道晒佢地盤數真假，佢長獱的股票有質素。佢承認呢個係事實，普通股民唔識揀，好多時會揀鰦鱓垃圾股，佢以內銀為例，雖然好多人怕內銀有壞帳黑洞，佢就唔係咁驚。呢個前投行大佬係中國好友，話中國第二季經濟仲有7.6％增長，仲話已經見鰦底，咁有乜№大問題，你睇纒歐美日的經濟有幾多增長？點解覺得美國好似安全過中國？美國最好的年代也只月3點幾巴仙增長，美國今年第1季增長只有1.9％，有幾好？所以拉長十年睇，佢唔覺得股票投資有乜問題，但你要日日問股價，日日去比較，咁就大問題囉，心理好易不平衡。

      前投行大佬話，一般人買樓好過買股，除了因為買樓有槓桿外，還因為買樓焗你長獱，但買股好易出出入入，但完全唔贊成投資者買股「游水」（將長線投資的股份高位沽出低位獱番），因為覺得大部份股民沒有合適的心理質素，所謂高沽，可能升少少沽鰦，結果只有輸錢股會長獱，賺錢股一早就沽走。內銀現價息率4厘、5厘，點解唔可以長獱？佢認為若有心理質素長獱，買樓買股都得，只要選擇低位入市獱佢十年廿年就得啦。

      第三，最怕係樓價追股價。聽完呢兩個朋友的意見，雖然好似一個話內銀唔得，一個話內銀得，其實只是中短線和長線的分別，內銀價殘，卻是大家都同意的事實。

      有一個靚女朋友上周問我，好買唔好買一個西半山樓盤投資，16000元一呎，佢想買一個500呎細單位租畀人，話利息咁平，隨時供平過租，有租金淨收入。我計一計，500呎單位盛惠800萬大元，呢鱓單幢樓實用率好低，500呎樓有300幾呎都偷笑，呎價真係貴得好緊要。但我見靚女貌美如花，好怕叫佢唔買一年後升到20000元一呎佢鈬找我晦氣，只能咁同佢講，樓價咁貴，但利息續低，升3成變20800元一呎當然有可能，但跌4成變9600元一呎也有機會，好似跌的機會大過升少少，就算升鰦上20000元一呎，兩年內賣要畀特別印花稅，利潤無鰦一大截，叫三思才好後行。

      靚女又問睇完我話「股平樓貴」，係唔係股價會大升？我見靚女一面「炒相」，好似唔炒樓想炒股咁，就提佢小心係「樓價追股價喎」，在這種百年不遇的金融海嘯中，投資唔好太冒進啦。

      陸羽仁

金融High Tea——股平樓貴難永續

2012-07-09

       中國減息沒有為上周五的市況帶來太多刺激，主要因為外圍唔好，內地股市上周五早段一度唔升仲要跌，搞到港股早段都要插，尚幸上證綜指當日午後都炒番上去，最後升1%收場，造2223點，港股都算收復失地，恒指只微跌8點。不過美股上周五又因為新增職位不理想，杜指跌124點，港股今日都要捱一捱。

      股市唔好景，炒股的人愈來愈少，傳統智慧話無人買才是投資股市最佳時機，不過在歐美大崩圍兼大放水時代，傳統智慧係唔係咁啱用，都令人存疑。股票買唔買都得，但買樓有實際使用需要，就必須處理，令人有好大煩惱。網友「硬道理」早前在頭條網留言提問，我覺得問題有普遍性，所以不妨引述一吓。

      網友「硬道理」咁講：「自問是紀律良好但不善投機的長線投資者，在09年中因錯判市況，將05年入市的自住樓賣掉，然後定下長遠投資目標，當時看好中國的長遠投資前景，將所有資金分段投放在A50（2823）及工行（1398）的股票之上，期間看着樓價不斷上升，雖然十分痛苦及無奈，但依然嚴守紀律，分段吸納，但3年過後，租金已將賣樓的利潤耗盡，自己的投資卻原地踏步，後期更是反覆向下調整，其中持貨較高的A50已比我入貨的平均價下跌28%，工行也下跌了22%，在後期將買貨目標轉至民行（1988）及中銀香港（2388）才止血，但倉位已滿，分配大概為A50 50%，工行30%，民行10%，中銀香港10%，由於A50及工行佔去總投資額的80%，令總投資虧損嚴重，本來看錯市受教訓是應該的，唯有處變不驚，靜待市況逆轉……工行、民行及中銀香港的投資，暫時偏向以不變應萬變，除非歐盟真的出現架構溶解的危機才考慮減持，這策略在這時勢還可取嗎？」

      沽樓買股受重創

      「硬道理」又問：「尤幸內子沒有給予太大壓力，亦從未有因為經濟緊逼而爭辯，但總會有片言隻語流露出對自置物業的渴求，但現在似乎在2014年利息回升之前，也看不到有再上車的時機，要說置業的好時機，可能還要再等2016年，因樓市縱然下調，開始時也會比較反覆，大量的剛性需求，會促使樓市在下跌初期不斷有小幅反彈，直至積壓已久的購買力完全釋放後，樓價便會正式受到考驗，陸老師同意這觀點嗎？」

      他又說：「由於對自己的長期投資策略開始抱有懷疑，我在銀行跟我推銷3個月超低息借貸時，借了一些額外資本，總利息成本為0.3%，我以這些額外資本嘗試以5%止蝕及高位回5%止賺的硬道理進行短炒操作，最低目標是保本，幸運地由於市況好轉，暫時的成果比預期更成功，由於要控制風險的關係，所以不打算加大短炒的資金，但的確對自己的投資紀律挽回不少信心。」

      「硬道理」的提問很長，佔了不少篇幅，希望《頭條日報》老總不要以為我在騙稿費，我覺得「硬道理」講了不少等買樓的市民的心聲，所以不妨長篇引述，我以點列回應。

      第一，賣自住樓要小心。我一直在講，如果是投資的樓，覺得樓價好高，賣咗出街，即使樓價再升，也只是賺少了，只要平常心對待即可，但賣自住樓要小心好多，這是一個百年不遇的金融海嘯，各國中央銀行也以百年不遇的手法去應對問題，結果難料。聯儲局主席伯南克的博士論文，就係議論美國1929年的大蕭條，主要觀點是若當時央行大力放鬆銀根，就不會蕭條10年咁長。伯南克如今正試驗他的理論，係唔係咁簡單放啲水就得，無人知，正因為咁，美國的利息政策係點，亦好難估。利息影響樓市，所以樓市的中短期後向無人摸得準，人人都知到加息時香港樓市好可能唔掂，但到底幾時加息呢？

      若伯南克成功救番美國經濟，可能在2014年，甚至更早就加息，樓市壓力就來。萬一相反救極都唔掂，而且再步向衰退，美國有通縮而唔係通脹問題時，只能令利息超乎想像長期低企，咁樓價又唔係咁易碌番落去。賣咗自住樓要長期租樓，好似「硬道理」老婆咁唔嘈已經好好，若一方賣樓，另一方老婆老公唔同意，鬧得一兩年，離婚都有可能，最悲哀係離咗婚樓市先至跌，證明當初賣樓的決定係啱，但一切都太遲，所以賣自住樓，除了睇市之外，還有一個感情因素要考慮。

      第二，做咗不要後悔。好似「硬道理」咁，睇落有清晰思路，有自己邏輯，就不要動搖。他的理論是樓貴股平，所以賣樓買股，而家睇落唔啱，因為樓升股唔升，佢有少少動搖，仲借錢炒股，我建議佢唔好借錢炒股，因為咁樣就開始偏離長線投資的基本策略，好易一錯再錯。堅持買股長線投資，可能5年後發現係啱。

      長揸平貨是正道

      第三，股樓背馳難永續。由於央行的行為「反常」，長期低息，大量放水，谷高通脹，推升實物資產，令房產和商品等供應好難短期增加的實物資產大幅炒起，但供應相對彈性的股市炒唔郁，結果出現內地十年股市原地踏步，樓價升咗10倍的畸型現象，雖然內地早幾年因為股改將原本不能買賣的公司大股東持股投入市場，令股票供應大增，但兩者背馳成咁，都有股票太便宜、樓價太貴之歎，恐怕差距會慢慢修正。貴嘢會跌，睇商品已睇到，反映商品價格的商品研究局指數（CRB CCI Index）去年4月上到691的高位，現已大幅回落至545，技術上跌20%已入熊市，佢已從高位跌21%，熊味不輕，再大幅下滑就確認大趨勢。CRB指數在2002年美元大跌之前，長期只是在200至250中間浮沉，未來若全球經濟再走弱，對商品需求再減，商品價格下行空間極大，其他貴價資產亦然，內地房產價格已回吐，香港樓價又能否長升不跌？當然，我講的是長線走勢，短期一年半載內樓價唔回甚至再升都唔出奇，對無樓者仍然係好大煎熬。

      第四，長揸收息唔失禮。我自己愛做長線投資者，本來好唔鍾意將長揸的股票出出入入，認為散戶點解買樓易搵大錢，買股無乜進帳，皆因持股坐唔定，升少少就走，所以一直建議「投資的我」買股要長揸。有人話而家啲股票係「呢世唔會再見到咁平」，所以你忍得住長揸，或許可以發達。不過好似「硬道理」咁，長揸A50基金和工行，而家仲要輸20、30%，心理上的確好惡頂，本來長揸A50基金有1.7厘息，好過放銀行，揸工行有5.8厘息，簡直吸引，唔睇股價就得，我的建議係揸落去，唔好低價出貨。若真係頂唔順，又估大市可能都係波動上落，可以等大市從低位升3000點時沽部份股票（只沽部份，不要清倉），博佢回吐跌番2000點時揸番，也是降低成本的方法，但要好有紀律去做，唔好太受市場影響，唔係沽咗唔去買番，就變成低位出貨，這種「游水」動作，要有定力才好做。

      最後總結，一般人覺得買樓容易炒股難，主要係揸股票無定力，買樓迫住你長揸而已。長線投資一定要買平貨，才是正道，如今樓貴股平，要長線投資，選擇清楚不過。

      陸羽仁

2019/03/12 08:42:54 回覆

2019-03-11

Dow Jones Industrial Average (^DJI)

25,650.88 +200.64 (+0.79%)

前收市價	25,450.20
開市	25,208.00
成交量	309,792,305

今日波幅	25,208.00 - 25,661.63
52 週波幅	21,712.53 - 26,951.81
平均成交量	338,530,666

animal666 2019/03/12 06:36:03 回覆

國建拆骨食肉總相宜
2019年03月12日

　　雖然港匯疲弱，需要金管局入市維穩，但港股經過上周五大插後，跟隨A股反彈回升。噚日內地股市反彈1.9%，港股就彈1%，都係跌得多就彈得多。內地股市似係牛市調整，未似玩完，仍然是趁調整吸納嘅格局。

　　中環茶友另一話題係賣盤復牌大升嘅香港國際建投(687) ，皆因陸羽仁之前分析過，話呢隻股係海航屬下，海航要大賣非核心資產還債，國建賣盤機會相當高，有茶友之後就買入。O依家公司果然易手，每股作價3元，噚日收報2.96元，升咗12%。上咗車嘅茶友搭咗順風車，已經穩坐釣魚船，關鍵係應唔應食胡同埋點樣食胡。

　　黑石接貨料有下集

　　點解茶友會有此一問呢？原因之一係今次賣盤價格3元，比大家想像中略低。雖然係咁，茶友喺2.4元左右買入，短線獲利25%，覺得相當和味，所以心思思想沽貨食胡。另一方面，有茶友細讀公司通告，覺得賣盤仍然可能有下集，覺得仲有機會等公司拆骨再食，咁就由頭到尾都咁好味。

　　根據國建公佈，大股東會向Times Holding II Limited出售69.5%股權，總代價70.23億元，上述交易相等於每股作價3元。根據收購合併守則，買方會用每股現金3元提出全購。公告仲話，買家由黑石集團最終控股嘅多個基金組成，將來計劃維持公司上市地位。交易完成後，黑石有意將香港國際建投喺香港嘅房地產資產變現同分派公司閒置現金，改善並合理處理公司資產組合。茶友睇完呢個公佈，開始明白點解收購價會低過佢嘅估計，而且估計買家未來會上演下集嘅拆骨大計。

　　茶友認為，海航喺全球有套現大方向，國建都納入賣仔計劃。國建主要持有啟德地皮，另外亦有建築等業務。海航要賣仔，最好連公司都一口氣出售，咁就連上市地位都唔浪費。但係，有興趣買地嘅會德豐，對上市公司地位同建築等資產都冇興趣，只係願意買地。海航想快快按套現大方向落實，於是先賣地皮，再賣上市公司，而且公司可能連等賣地收錢都嫌慢，所以就用折讓價，成間公司賣畀黑石。黑石本身係基金公司，唔營運具體業務，買入公司好大機會只係拆骨。

　　如果呢個估計冇錯，黑石喺賣地完成後，好大機會將套現所得全部派息，然後再搵買家收購公司。黑石願意用3元一股接貨，將來派嘅股息，相信唔應該少過呢個數字，以確保基金封咗蝕本門，至於出售建築資產以至上市地位就係賺。

　　由於黑石要墊付收購資金，部份資產好似手頭嘅債券又有風險，加上日後要再搵買家，做咁多工作，而且未必成功，照計點都要有番20%水位，咁即係話未來派息同賣公司，應該至少都有3.6元，但究竟實際情況係咪咁，日後收購文件嘅估值報告同財務顧問意見就會見到端倪。

　　依照茶友拆局，對於今次收購可以有三個方案。第一個係賺快錢，食肉唔食骨，即係O依家沽貨或者接受3元收購，呢個做法只係食最肥美嘅部份，然後將資金另覓其他賺錢方法。第二個係食肉又食骨，即係唔接受收購，坐喺度等黑石先收回賣地資金派息，再等出售其他資產分錢，實行賺到盡。最後一個方法係無肉食博食骨，就係冇貨者O依家入市，同黑石行埋一齊，等買家拆骨後分紅。

　　三個方案邊個好？世事冇一定嘅答案，揀邊個就要睇睇手頭有冇貨、手頭資金鬆緊，同埋承受風險能力。如果手頭多貨少錢，又想穩陣，咁就當然係食肉方案，若然錢多貨少又肯冒險，食骨方案都冇話唔可以。茶友係穩陣派，佢自己就揀斬邊留邊，先用一半接受收購，留番一半食肉又食骨。佢笑言，從今次交易可見，投資之道冇絕對，好多時係睇自己財力同風險承受能力，好多時贏同輸都會因人處境不同，呢個係投資最有藝術嘅地方。

　　A股彈起港股愈升愈有

　　大市方面，A股帶頭反彈，滬指重越3000點大關，上證指數收報3026點，升1.92%；深證指數以全日高位收市，收報9704點，升3.6%。兩市成交合計約9445億元人民幣。恒指高開37點後愈升愈有，升穿28500點，收報28503點，漲274點；國指跑贏大市，收彈120點，報11276點，成交金額1028億元。

　　科網軟件股表現突出，美圖(1357) 收升9.6%，報4.24元；美團點評(3690) 績前落鑊，股價收漲3.6%，報58.9元。醫藥股有資金追入，復旦張江(1349) 擬發A股喺科創板上市，收飆26.4%，報7.48元；美瑞健康(2327) 公佈，喺中國從事大麻加工嘅聯營公司雲南漢素，同從事電子煙嘅深圳卓力能及陳佳敏和鄒樹林組合營，開拓工業大麻提取物霧化液研究、開發、銷售同埋喺醫療方面等創新性應用，美瑞健康收飆14%，報1.08元。

　　陸羽仁