Kelly Chu
Kelly Chu
Kelly Chu

《打開屯門@西九》 體驗傳統文化

2019/03/19 04:12:15 網誌分類: 生活
19 Mar
         由西九文化管理局同屯門區議會合辦嘅《打開屯門@西九》,將於嚟緊周日喺西九文化區舉行,聽講有傳統嘅花炮巡遊,真係難得一見,Kelly當然不會錯過,一定去了解吓本土嘅民間風俗。

         《打開屯門@西九》嚟緊周日喺西九藝術公園舉行,當天大家一入門口就會見到由嶺南大學同珠海學院同學製作嘅遊記短片,帶大家走訪區內歷史文化建築同當代地標,好似青山禪院、共融遊樂場、三聖邨牌坊、清山塾、環保園等新舊具意義景點,大家仲可以透過鏡頭認識過去、現在同未來嘅屯門。

          睇完片之後,大家可以參與工作坊,深入咁了解屯門嘅文化,其中一個值得推介嘅節目,係睇花炮巡遊,花炮係新界圍村傳統嘅節慶文化象徵,屯門天后廟廣場亦特設花炮展覽館介紹呢項工藝;同時,花炮亦會配合巡遊表演,與舞龍醒獅隊圍繞場內主題區一周,讓觀眾感受漁村祈求風調雨順的傳統文化。如果大家想落手落腳玩嘅話,可以喺陶泥體驗工作坊做吓陶泥器皿,咁好玩,免費入場,仲唔快啲去活動嘅網頁登記拎飛。

        Kelly Chu
■嶺大同學製作嘅花炮。
 ■嶺大同學製作嘅花炮。 
  
回應 (0)
我要發表
user