「大製作」海報 改編歌詞搞笑 網民抽水惡搞港鐵撞車
2019/03/20 04:12:18 網誌分類: 生活
網民真係創意無限，有人將遊戲「生化危機」嘅女主角Claire同喪屍，加入咗車廂殘骸相之內，睇見都幾恐怖，Kelly仲以為屍殺列車喺香港上演。亦有網民將撞車相改成電影海報，戲名係「新‧訊號系統」，仲寫有「耗資三十三億元，史詩式撞擊場面」，真係大製作。
除咗改圖之外，有網民出埋「有聲post」，將歌手鄭伊健嘅《極速》歌詞改編，成為撞車「主題曲」，當中幾句「頭搖又尾擺車門笠晒，不肯改進只識加價又再壞，櫈被拆解逐層逐塊碰爛了的器械」形容得十分貼切。有網民要求：「我要伊麵（鄭伊健）唱呢首！」
又有網民將電影《頭文字D》中，阿木（杜汶澤飾）與父親（鍾鎮濤飾）對話嘅一幕，由原本對白「如果我坐GTR我使炒？你坐GTR死咗啦！」改成「如果我坐MTR我使炒？你坐MTR死咗啦！」港鐵罕見撞車，真係俾網民抽水抽到盡。Kelly希望港鐵吸取教訓，以安全為第一，回饋網民嘅鞭策。
Kelly Chu
■有人將遊戲中喪屍元素，加入車廂殘骸相中。
■有網民製作成電影海報，寫住「耗資三十三億元史詩式撞擊場面」。
回應 (0)
我要發表