斥資3200萬 一App搞定全港14個商場會籍
2019/03/21 04:12:56 網誌分類: 生活
新鴻基地產舊年二月正式推出集團首個綜合商場手機應用程式「新地商場」綜合手機應用程式，當中策略性統合旗下24個商場最新資訊，匯聚超過2,900個商戶，仲推出多項實用功能，涵蓋用餐、泊車、購物、推廣活動資訊等，主要功能仲包括「搵食易」同埋「泊車易」。而家推出呢個第二階段「新地商場綜合會員計劃」（The Point by SHKP），更加係新地籌備咗一年半，一、二階段總共投資3,200萬港元，係咪勁呢！
免泊卡直入停車場
The Point by SHKP仲研發全港首個免觸式時租泊車服務，會員可以喺個App度先登記車牌號碼及進行認證，只要個停車場裝有呢個自動入閘泊車系統，下次進入呢個停車場時，系統會自動識認你個車牌號碼，毋須拍卡、直接進入停車場！至正係，如果你喺App預先綑綁信用卡或微信支付寶，咁你出閘前可以喺App度以信用卡或微信支付繳付泊車費，又或者以積分兌換免費泊車，全程自動化、省時省力，正！個系統而家喺MOKO新世紀廣場同V City兩個場試行，等運作暢順之後，新地會陸續將服務推至其他商場。仲有呀，每個會員最多可以登記三個唔同嘅車牌號碼，真窩心！
免費入會攞着數
呢個免費The Point by SHKP會籍，成功登記成為會員後，每次喺14個參與嘅商場內每消費港幣1元就賺到1分，喺App或者微信小程式直接上傳單據登記積分，就會有「換領獎賞」、「VIP泊車」同埋「全年尊尚禮遇」三方面嘅獎賞。
除咗大家可以免費登記，如果係新地旗下個別商場嘅VIP會員，即日起可以一併轉移至The Point by SHKP，而且係即時完成積分轉移程序，咁就即時享受到新地陸續會嚟嘅優惠。
小妹提一下大家，The Point by SHKP而家推出近500項商戶優惠、全年超過500,000份驚喜禮品、獎品價值超過150萬港元嘅「會員有Point大激賞」。新登記會員更可每日免費參加「即抽即獎」贏取商戶現金券；更可以憑電子貨幣消費滿300港元，參加「終極大抽獎」，贏取豐富獎品，真係好着數！
三贏方案定要支持
呢個The Point by SHKP全新以金色圓點標誌，係象徵新地旗下商場串連一起、匯聚一點，而用戶又可以統一享受尊貴及升級優惠。而且佢哋預料呢個第二階段計劃推出後，會員人數可以喺今年底超過40萬人，而旗下商場嘅人流同埋營業額都會有雙位數字嘅升幅！
新地執行董事郭基泓都話：「The Point by SHKP嘅推出可以結合並強化新地商場嘅優勢，鞏固新地於業界嘅領導地位，為顧客、商戶及商場創立三贏局面，並且能夠進一步提升顧客嘅購物體驗，鼓勵會員跨場消費，藉此增加顧客對新地商場嘅忠誠度。隨着科技不斷革新，計劃有助集團加強數碼化管理，進一步了解顧客嘅需要及喜好，更有效地規劃及提升旗下商場未來嘅發展及推廣策略，為顧客提供更多智慧生活體驗。」
Cally
▲全新形象嘅「新地商場綜合會員計劃」（The Point by SHKP）手機應用程式。
▲藝人張智霖分享愉快用App經驗。
▲新地執行董事郭基泓指The Point by SHKP嘅推出係一個三贏方案。
▲新鴻基地產宣佈「新地商場綜合會員計劃」（The Point by SHKP）正式面世。
回應 (0)
我要發表