「衍生獎學金」增名額 獎勵才藝出眾學生
2019/03/22 04:12:21 網誌分類: 生活
「衍生獎學金」喺二○一五年設立，創建人之一、衍生集團董事總經理彭關麗雯，同其他志同道合者設立呢個獎，旨在獎勵同資助成績優異同才藝出眾的學生，以生命影響生命。今屆獲一位無名氏善長贊助額外十個得獎名額，令受惠學生增至七十五人。
喺啟動儀式當中，彭關麗雯、懲教署署長胡英明、前教育局局長吳克儉等一眾名人出席，一齊為「衍生之樹」灌溉愛心與能量嘅養份，樹木隨即結出果實，寓意獎學金得主獲到支持及鼓勵後，茁壯成長，有美好嘅未來。
嘉賓之一嘅香港鮮魚行學校前校長梁紀昌喺儀式上分享佢當年求學時期嘅人生經歷，鼓勵學生勇於面對挑戰，努力向上。
今屆獎學金已經開始接受報名，一直到七月二十六日截止，從學前教育到大學都有組別可以參加，大家不妨叫身邊嘅莘莘學子報名，話唔定八月三十日嘅頒獎禮就會見到佢哋。
Kelly Chu
■「衍生獎學金」啟動禮請到一眾名人出席。
回應 (0)
我要發表